RRR Movie: ಒಂದೇ ಒಂದು ಸಾಂಗ್ ಶೂಟಿಂಗ್‌ಗೆ ರಾಜಮೌಳಿ ಮಾಡಿರೋ ಪ್ಲ್ಯಾನ್ ಹೇಗಿದೆ ನೋಡಿ!
ರಾಜಮೌಳಿ ನಿರ್ದೇಶನದ ಆರ್‌ಆರ್‌ಆರ್‌ ಸಿನಿಮಾದ ಕೆಲಸಗಳು ಕೊನೇ ಹಂತ ತಲುಪಿವೆ. ಸದ್ಯ ಚಿತ್ರದ ಎರಡು ಹಾಡುಗಳ ಶೂಟಿಂಗ್ ಮಾಡುವುದಕ್ಕೆ ರಾಜಮೌಳಿ ರೆಡಿಯಾಗಿದ್ದಾರೆ. ಈ ಮಧ್ಯೆ ಅದರಲ್ಲಿನ ಒಂದು ಹಾಡಿಗಾಗಿ ರಾಜಮೌಳಿ ಎಷ್ಟೆಲ್ಲ ಪ್ಲ್ಯಾನ್ ಮಾಡಿದ್ದಾರೆ ಗೊತ್ತಾ? ಮುಂದೆ ಓದಿ.
Admin
0
6
'ಬಾಹುಬಲಿ' ನಿರ್ದೇಶಕ ಅವರ ಮುಂದಿನ ಸಿನಿಮಾ 'ಆರ್‌ಆರ್‌ಆರ್‌' ಮೇಲೆ ಭಾರಿ ನಿರೀಕ್ಷೆ ಇಟ್ಟಕೊಳ್ಳಲಾಗಿದೆ. ಈ ಸಿನಿಮಾದದಲ್ಲಿ ಜೂ. ಎನ್‌ಟಿಆರ್, , ಆಲಿಯಾ ಭಟ್, ಅಜಯ್ ದೇವ್‌ಗನ್ ನಟಿಸಿರುವುದು ನಿರೀಕ್ಷೆ ಹೆಚ್ಚುವುದಕ್ಕೆ ಮತ್ತೊಂದು ಕಾರಣ. ಇನ್ನು ಸಿನಿಮಾ ಮೇಕಿಂಗ್ ವಿಚಾರದಲ್ಲಿ ರಾಜಮೌಳಿ ಯಾವುದಕ್ಕೂ ರಾಜೀ ಆಗುವುದಿಲ್ಲ ಎಂಬುದು ಎಲ್ಲರಿಗೂ ಗೊತ್ತಿದೆ. 'ಆರ್‌ಆರ್‌ಆರ್‌' ಸಿನಿಮಾವನ್ನು ಕೂಡ ಅವರು ಅಷ್ಟೇ ಮುತುವರ್ಜಿಯಿಂದ ಮಾಡುತ್ತಿದ್ದಾರೆ. ಸದ್ಯ 'ಆರ್‌ಆರ್‌ಆರ್‌' ಚಿತ್ರದ ಹಾಡೊಂದರ ಶೂಟಿಂಗ್ ಮಾಡುವುದಕ್ಕೆ ರಾಜಮೌಳಿ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. ಆ ಬಗ್ಗೆ ಕೇಳಿಯೇ ಸಿನಿಪ್ರಿಯರು ಶಾಕ್ ಆಗಿದ್ದಾರೆ!
ಒಂದು ಹಾಡಿಗೆ ಒಂದು ತಿಂಗಳು!
ಸಾಮಾನ್ಯವಾಗಿ ಒಂದು ಹಾಡಿಗೆ 1 ವಾರ ಅಥವಾ 10 ದಿನಗಳ ಕಾಲ ಚಿತ್ರೀಕರಣ ಮಾಡುವುದನ್ನು ಕೇಳಿದ್ದೇವೆ. ಆದರೆ, 'ಆರ್‌ಆರ್‌ಆರ್‌' ಚಿತ್ರದ ಒಂದು ಹಾಡನ್ನು ಚಿತ್ರೀಕರಣ ಮಾಡಲು ಬರೋಬ್ಬರಿ 1 ತಿಂಗಳು ಕಾಲ ಸಮಯವನ್ನು ಮೀಸಲಿಟ್ಟಿದ್ದಾರಂತೆ ರಾಜಮೌಳಿ. ಈ ಹಾಡಿನಲ್ಲಿ ರಾಮ್ ಚರಣ್ ಮತ್ತು ಜೂ.ಎನ್‌ಟಿಆರ್ ಇಬ್ಬರೂ ನಟಿಸಲಿದ್ದಾರಂತೆ. ಒಂದು ತಿಂಗಳ ಕಾಲ ಚಿತ್ರೀಕರಣ ಮಾಡಲಿರುವ ಈ ಹಾಡು ಹೇಗೆ ಮೂಡಿಬರಬಹುದು ಎಂಬ ಕುತೂಹಲ ಸಿನಿಪ್ರಿಯರದ್ದು.
'ಆರ್‌ಆರ್‌ಆರ್‌' ಶೂಟಿಂಗ್ ಬಹುತೇಕ ಕಂಪ್ಲೀಟ್
ಸದ್ಯ ಚಿತ್ರದ ಹಾಡು ಬಾಕಿ ಇದ್ದು, ಅದರಲ್ಲಿ ರಾಮ್ ಚರಣ್ ಮತ್ತು ಆಲಿಯಾ ಭಟ್ ಕಾಣಿಸಿಕೊಳ್ಳಲಿದ್ದಾರಂತೆ. 'ಆರ್‌ಆರ್‌ಆರ್‌' ಚಿತ್ರದ ಹಾಡುಗಳಿಗೆ ಎಂಎಂ ಕೀರವಾಣಿ ಸಂಗೀತ ನೀಡುತ್ತಿದ್ದಾರೆ. ಚಿತ್ರದ ಬಹುತೇಕ ಶೂಟಿಂಗ್ ಮುಕ್ತಾಯಗೊಂಡಿದ್ದು, ಸಣ್ಣ ಪುಟ್ಟ ಪ್ಯಾಚಪ್‌ ಕೆಲಸಗಳು ಬಾಕಿ ಇವೆಯಂತೆ. ಅದಕ್ಕಾಗಿ 10 ದಿನ ಶೂಟಿಂಗ್ ಮಾಡಬೇಕಿದೆ. ಅದು ಮುಗಿದರೆ, ಸಂಪೂರ್ಣ ಮಾತಿನ ಭಾಗದ ಚಿತ್ರೀಕರಣ ಮುಕ್ತಾಯಗೊಳ್ಳಲಿದೆ. ಡಿವಿವಿ ದಾನಯ್ಯ ಈ ಸಿನಿಮಾವನ್ನು ಅದ್ದೂರಿಯಾಗಿ ನಿರ್ಮಾಣ ಮಾಡುತ್ತಿದ್ದಾರೆ.
ದಾಖಲೆ ಮೊತ್ತಕ್ಕೆ ಹಕ್ಕುಗಳು ಮಾರಾಟ
'ಆರ್‌ಆರ್‌ಆರ್‌' ಚಿತ್ರ ತೆಲುಗು, ತಮಿಳು, ಹಿಂದಿ, ಕನ್ನಡ, ಮಲಯಾಳಂ ಹಾಗೂ ಇನ್ನಿತರ ಭಾಷೆಗಳಲ್ಲಿ ಬಿಡುಗಡೆಯಾಗಲಿದ್ದು, ಎಲ್ಲಾ ಭಾಷೆಗಳ ಡಿಜಿಟಲ್ ಹಾಗೂ ಸ್ಯಾಟೆಲೈಟ್ ಹಕ್ಕುಗಳು ಬರೋಬ್ಬರಿ 325 ಕೋಟಿ ರೂಪಾಯಿಗೆ ಳು ಜೀ5 ಮತ್ತು ನೆಟ್ಫ್ಲಿಕ್ಸ್ ಪಾಲಾಗಿವೆ. 'ಆರ್‌ಆರ್‌ಆರ್‌' ಚಿತ್ರವು ಇಂಗ್ಲಿಷ್, ಪೋರ್ಚುಗೀಸ್, ಕೊರಿಯನ್, ಟರ್ಕಿಷ್, ಸ್ಪ್ಯಾನಿಶ್‌ ಭಾಷೆಗಳಿಗೆ ಡಬ್ ಆಗಲಿದೆ. ವಿದೇಶಿ ಭಾಷೆಗಳಿಗೆ ಡಬ್ ಆದ ವರ್ಷನ್ ಅನ್ನು ಪ್ರಸಾರ ಮಾಡುವ ಹಕ್ಕನ್ನು ನೆಟ್ಫ್ಲಿಕ್ಸ್ ಪಡೆದುಕೊಂಡಿದೆ. '' ಸಿನಿಮಾದ ಕನ್ನಡ, ತೆಲುಗು, ಮಲಯಾಳಂ ಮತ್ತು ತಮಿಳು ವರ್ಷನ್ ಜೀ5ರಲ್ಲಿ ಪ್ರೀಮಿಯರ್ ಆಗಲಿದೆ. ಹಿಂದಿ ವರ್ಷನ್ ಮಾತ್ರ ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರೀಮಿಯರ್ ಆಗಲಿದೆ.
