Pushpa First Day Collection: ನೆಗೆಟಿವ್ ಟಾಕ್ ಮಧ್ಯೆಯೂ ತಗ್ಗದ ‘ಪುಷ್ಪ’ ಕಲೆಕ್ಷನ್!

ಟಾಲಿವುಡ್‌ನ ಸ್ಟೈಲಿಶ್ ಸ್ಟಾರ್ () ಅಭಿನಯದ ‘ - ದಿ ರೈಸ್’ ಸಿನಿಮಾ ರಿಲೀಸ್ ಆಗಿದೆ. ಅಲ್ಲು ಅರ್ಜುನ್ ಹಾಗೂ ಸುಕುಮಾರ್ (Sukumar) ಕಾಂಬಿನೇಶನ್ ಇರುವುದರಿಂದ ‘ಪುಷ್ಪ’ ಚಿತ್ರದ ಬಗ್ಗೆ ಸಿನಿ ಪ್ರಿಯರಲ್ಲಿ ಅಪಾರ ನಿರೀಕ್ಷೆ ಇತ್ತು. ಆದರೆ, ಸಿನಿಮಾದ ಅವಧಿ ಹೆಚ್ಚಿರುವುದು, ದ್ವಿತೀಯಾರ್ಧದಲ್ಲಿ ಅನವಶ್ಯಕ ಸನ್ನಿವೇಶಗಳನ್ನು ತುರುಕಿರುವುದು, ಅನವಶ್ಯಕ ಬಿಲ್ಡಪ್ ಕೊಟ್ಟಿರುವುದು ಕೆಲವರಿಗೆ ಹಿಡಿಸಿಲ್ಲ. ಹೀಗಾಗಿ ‘ಪುಷ್ಪ’ () ಸಿನಿಮಾದ ಬಗ್ಗೆ ನೆಗೆಟಿವ್ ಟಾಕ್ ಕೇಳಿಬರುತ್ತಿದೆ. ‘ಪುಷ್ಪ’ ಸಿನಿಮಾದ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದರೂ, ಸಿನಿಮಾದ ಕಲೆಕ್ಷನ್‌ಗೆ ಮಾತ್ರ ಪೆಟ್ಟು ಬಿದ್ದಿಲ್ಲ. ಅದಕ್ಕೆ ಸಾಕ್ಷಿ ಮೊದಲ ದಿನವೇ ‘ಪುಷ್ಪ’ ಬಾಚಿರುವ ಹಣದ ಮೊತ್ತ..! ಹೌದು.. ‘ಪುಷ್ಪ’ ಸಿನಿಮಾದಲ್ಲಿ ನಾಯಕ ಅಲ್ಲು ಅರ್ಜುನ್ ಆಗಾಗ ‘ತಗ್ಗೆದೆ ಲೇ’ ಅಂತ ಡೈಲಾಗ್ ಹೊಡೆಯುತ್ತಲೇ ಇರುತ್ತಾರೆ. ಅದೇ ರೀತಿ.. ನೆಗೆಟಿವ್ ಟಾಕ್ ಮಧ್ಯೆಯೂ ‘ಪುಷ್ಪ’ ಚಿತ್ರದ ಕಲೆಕ್ಷನ್ ತಗ್ಗಿಲ್ಲ.! ವರದಿಗಳ ಪ್ರಕಾರ, ಬಿಡುಗಡೆಯಾದ ಮೊದಲ ದಿನವೇ ‘ಪುಷ್ಪ’ ಸಿನಿಮಾ 57.83 ಕೋಟಿ ರೂಪಾಯಿ (Gross Collection) ಕಲೆಕ್ಷನ್ ಮಾಡಿದೆ. ಎಲ್ಲೆಲ್ಲಿ ಎಷ್ಟೆಷ್ಟು ಕಲೆಕ್ಷನ್? ‘Pushpa’ Gross Collection Break-up ಆಂಧ್ರ ಪ್ರದೇಶ ಮತ್ತು ತೆಲಂಗಾಣದಲ್ಲಿ ‘ಪುಷ್ಪ’ ಸಿನಿಮಾ ಮೊದಲ ದಿನ 32.15 ಕೋಟಿ ರೂಪಾಯಿ, ತಮಿಳುನಾಡಿನಲ್ಲಿ 3.96 ಕೋಟಿ ರೂಪಾಯಿ, ಕರ್ನಾಟಕದಲ್ಲಿ 6.54 ಕೋಟಿ ರೂಪಾಯಿ, ಕೇರಳದಲ್ಲಿ 1.61 ಕೋಟಿ ರೂಪಾಯಿ ಸೇರಿದಂತೆ ವಿಶ್ವದಾದ್ಯಂತ ಒಟ್ಟು 57.83 ರೂಪಾಯಿಯನ್ನು ಬಾಚಿದೆ. ಬಿಗ್ಗೆಸ್ಟ್ ಓಪನರ್ 57.83 ಕೋಟಿ ರೂಪಾಯಿ ಗಳಿಸುವ ಮೂಲಕ ಅಲ್ಲು ಅರ್ಜುನ್ ವೃತ್ತಿ ಜೀವನದಲ್ಲೇ ಬಿಗ್ಗೆಸ್ಟ್ ಓಪನರ್ ಎಂಬ ಖ್ಯಾತಿಗೆ ‘ಪುಷ್ಪ’ ಸಿನಿಮಾ ಪಾತ್ರವಾಗಿದೆ. ಅಲ್ಲದೇ, ಈ ವರ್ಷ ಬಿಡುಗಡೆಯಾದ ಚಿತ್ರಗಳ ಪೈಕಿ ಮೊದಲ ದಿನವೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಚಿತ್ರಗಳ ಪೈಕಿ ‘ಪುಷ್ಪ’ ಸಿನಿಮಾ ಎರಡನೇ ಸ್ಥಾನದಲ್ಲಿದೆ. ಫಸ್ಟ್ ಡೇ ಕಲೆಕ್ಷನ್‌ನಲ್ಲಿ ಈ ವರ್ಷ ತೆರೆಕಂಡ ಪವನ್ ಕಲ್ಯಾಣ್ ಅಭಿನಯದ ‘ವಕೀಲ್ ಸಾಬ್’, ವಿಜಯ್ ನಟನೆಯ ‘ಮಾಸ್ಟರ್’, ಅಕ್ಷಯ್ ಕುಮಾರ್ ನಟನೆಯ ‘ಸೂರ್ಯವಂಶಿ’ ಚಿತ್ರಗಳನ್ನು ಅಲ್ಲು ಅರ್ಜುನ್ ಅವರ ‘ಪುಷ್ಪ’ ಸಿನಿಮಾ ಹಿಂದಕ್ಕೆ ತಳ್ಳಿದೆ. ‘ರಕ್ತಚಂದನ’ ಕಳ್ಳಸಾಗಣೆ ಕುರಿತಾದ ಕಥಾಹಂದರ ಶೇಷಾಚಲಂ ಕಾಡಿನಲ್ಲಿ ನಡೆಯುವ ರಕ್ತಚಂದನ ಕಳ್ಳಸಾಗಣೆ ಕುರಿತಾದ ಕಥಾಹಂದರವನ್ನು ‘ಪುಷ್ಪ’ ಸಿನಿಮಾ ಹೊಂದಿದೆ. ಈ ಸಿನಿಮಾದಲ್ಲಿ ಪುಷ್ಪರಾಜ್ ಆಗಿ ಅಲ್ಲು ಅರ್ಜುನ್ ಅಭಿನಯಿಸಿದ್ದಾರೆ. ಶ್ರೀವಲ್ಲಿ ಆಗಿ ರಶ್ಮಿಕಾ ಮಂದಣ್ಣ ಅಭಿನಯಿಸಿದ್ದಾರೆ. ‘ಪುಷ್ಪ- ದಿ ರೈಸ್’ (Pushpa - The Rise) ಸಿನಿಮಾದಲ್ಲಿ ಪುಷ್ಪರಾಜ್‌ನ ಬೆಳವಣಿಗೆಯನ್ನು ತೋರಿಸಲಾಗಿದೆ. ಎರಡನೇ ಭಾಗದಲ್ಲಿ (Pushpa - The Rule) ಪುಷ್ಪರಾಜ್‌ನ ಆಳ್ವಿಕೆಯ ದರ್ಬಾರ್ ತೋರಸಲಾಗುತ್ತದೆ.