Prabhas: ‘ಬಾಹುಬಲಿ’ ಚಿತ್ರದ ಬಳಿಕ ಪ್ರಭಾಸ್ ಮದುವೆಯಾಗಬೇಕಿತ್ತು! ಆದರೆ….

ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಗುರುತಿಸಿಕೊಂಡಿರುವ ಟಾಲಿವುಡ್‌ನ ಖ್ಯಾತ ನಟ ಪ್ರಭಾಸ್. ರಾಜಮೌಳಿ ನಿರ್ದೇಶನದ ಬಿಗ್ ಬಜೆಟ್ ಚಿತ್ರ ‘’ ಮೂಲಕ ವಿಶ್ವದಾದ್ಯಂತ ಅಭಿಮಾನಿಗಳನ್ನು ಹೊಂದಿರುವ ನಟ ಸದ್ಯ ‘’ ಚಿತ್ರದ ಪ್ರಚಾರ ಕಾರ್ಯದಲ್ಲಿ ಬಿಜಿಯಾಗಿದ್ದಾರೆ. ಇದೇ ತಿಂಗಳು (ಮಾರ್ಚ್ 11) ‘ರಾಧೆ ಶ್ಯಾಮ್’ ಸಿನಿಮಾ ತೆರೆಗೆ ಬರಲಿದ್ದು, ಇತ್ತೀಚೆಗಷ್ಟೇ ಮುಂಬೈನಲ್ಲಿ ಸಿನಿಮಾದ ಗ್ರ್ಯಾಂಡ್ ಈವೆಂಟ್ ನಡೆದಿತ್ತು. ಇದೇ ಕಾರ್ಯಕ್ರಮದಲ್ಲಿ ಹಾಗೂ ಕುರಿತಾದ ಪ್ರಶ್ನೆಗಳು 42 ವರ್ಷ ವಯಸ್ಸಿನ ಪ್ರಭಾಸ್ ಬಳಿ ತೂರಿಬಂದವು. ಪದೇ ಪದೇ ಮದುವೆಯ ಬಗ್ಗೆಯೇ ಪ್ರಶ್ನೆಗಳು ಎದುರಾದಾಗ, ‘’ಬಾಹುಬಲಿ’ ಚಿತ್ರದ ಬಳಿಕ ನನ್ನ ಮದುವೆ ನಡೆಯಬೇಕಿತ್ತು. ಆದರೆ, ಆಗಲಿಲ್ಲ’’ ಎಂಬ ಸಂಗತಿಯನ್ನು ನಟ ಪ್ರಭಾಸ್ ಬಾಯ್ಬಿಟ್ಟಿದ್ದಾರೆ. ಮದುವೆ ಬಗ್ಗೆ ನಟ ಪ್ರಭಾಸ್ ಹೇಳಿದ್ದೇನು? ‘’ಪ್ರೀತಿಯ ಬಗ್ಗೆ ನನ್ನ ನಿರೀಕ್ಷೆ ಸುಳ್ಳಾಯಿತು. ನಾನು ಮದುವೆಯಾಗದೇ ಇರುವುದಕ್ಕೆ ಇದೇ ಕಾರಣ. ‘ಬಾಹುಬಲಿ’ ಶೂಟಿಂಗ್ ನಡೆಯುವಾಗ ‘’ಈ ಚಿತ್ರ ಕಂಪ್ಲೀಟ್ ಆಗಲಿ, ಆಮೇಲೆ ಮದುವೆಯಾಗುತ್ತೇನೆ’’ ಎಂದು ನಾನು ನನ್ನ ತಾಯಿ ಬಳಿ ಹೇಳಿದ್ದೆ. ಆದರೆ, ಅದು ನಡೆಯಲಿಲ್ಲ’’ ಎಂದು ನಟ ಪ್ರಭಾಸ್ ಹೇಳಿದ್ದಾರೆ. ‘’ನನ್ನ ಮದುವೆ ಬಗ್ಗೆ ಮನೆಯಲ್ಲಿ ಯಾವಾಗಲೂ ಚರ್ಚೆ ನಡೆಯುತ್ತಿರುತ್ತದೆ. ಪ್ರತಿಯೊಬ್ಬ ತಾಯಿಯೂ ತನ್ನ ಮಗ ಮದುವೆಯಾಗಬೇಕು, ಮಕ್ಕಳೊಂದಿಗೆ ಸೆಟಲ್ ಆಗಬೇಕು ಅಂತ ಬಯಸುವುದು ಸಹಜ. ನಾನು ಕೂಡ ಆದಷ್ಟು ಬೇಗ ಸೆಟಲ್ ಆಗಬೇಕು ಎಂಬ ಆಸೆ ನನ್ನ ತಾಯಿಗಿದೆ. ಸರಿಯಾದ ಸಮಯ ಬಂದಾಗ ನಾನು ಮದುವೆಯಾಗುತ್ತೇನೆ’’ ಎಂದು ನಟ ಪ್ರಭಾಸ್ ತಿಳಿಸಿದ್ದಾರೆ. ‘ರಾಧೆ ಶ್ಯಾಮ್’ ಚಿತ್ರದ ಕುರಿತು.. ತೆಲುಗು, ತಮಿಳು, ಮಲಯಾಳಂ, ಹಿಂದಿ ಮತ್ತು ಕನ್ನಡ ಭಾಷೆಗಳಲ್ಲಿ ‘ರಾಧೆ ಶ್ಯಾಮ್’ ಸಿನಿಮಾ ತೆರೆಗೆ ಬರಲಿದೆ. ಚೈನೀಸ್ ಹಾಗೂ ಜಪಾನೀಸ್ ಭಾಷೆಯಲ್ಲೂ ‘ರಾಧೆ ಶ್ಯಾಮ್’ ಚಿತ್ರ ತೆರೆಗೆ ಬರುತ್ತಿರುವುದು ವಿಶೇಷ. ‘ರಾಧೆ ಶ್ಯಾಮ್’ ಸಿನಿಮಾದಲ್ಲಿ ಪ್ರಭಾಸ್, ಪೂಜಾ ಹೆಗಡೆ, ಭಾಗ್ಯಶ್ರೀ, ಕೃಷ್ಣಂ ರಾಜು, ಸತ್ಯರಾಜ್, ಜಗಪತಿ ಬಾಬು, ಮುರಳಿ ಶರ್ಮಾ ಮುಂತಾದವರು ಅಭಿನಯಿಸಿದ್ದಾರೆ. 350 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ‘ರಾಧೆ ಶ್ಯಾಮ್’ ಸಿನಿಮಾ ತಯಾರಾಗಿದೆ. ‘ರಾಧೆ ಶ್ಯಾಮ್’ ಚಿತ್ರಕ್ಕೆ ರಾಧಾ ಕೃಷ್ಣ ಕುಮಾರ್ ಆಕ್ಷನ್ ಕಟ್ ಹೇಳಿದ್ದಾರೆ. ಹಸ್ತಸಾಮುದ್ರಿಕ ಶಾಸ್ತ್ರದಲ್ಲಿ ಪರಿಣಿತಿ ಪಡೆದಿರುವ ವಿಕ್ರಮಾದಿತ್ಯನ ಪಾತ್ರದಲ್ಲಿ ಪ್ರಭಾಸ್ ಕಾಣಿಸಿಕೊಂಡಿದ್ದಾರೆ. ಪ್ರಭಾಸ್‌ಗೆ ಪೂಜಾ ಹೆಗ್ಡೆ ಜೋಡಿಯಾಗಿದ್ದು, ಇಬ್ಬರ ಕೆಮಿಸ್ಟ್ರಿ ಈಗಾಗಲೇ ಬಿಡುಗಡೆಯಾಗಿರುವ ಟ್ರೈಲರ್‌ನಲ್ಲಿ ಹೈಲೈಟ್ ಆಗಿದೆ. 1970ರ ಕಾಲಘಟ್ಟದ ಪ್ರೇಮ್ ಕಹಾನಿಯನ್ನ ‘ರಾಧೆ ಶ್ಯಾಮ್’ ಸಿನಿಮಾ ತೆರೆಮೇಲೆ ತರುತ್ತಿದೆ. ಯೂರೋಪ್‌ನಲ್ಲಿ ‘ರಾಧೆ ಶ್ಯಾಮ್’ ಚಿತ್ರದ ಚಿತ್ರೀಕರಣ ನಡೆದಿದೆ. ಹಾಗ್ನೋಡಿದ್ರೆ, ‘ರಾಧೆ ಶ್ಯಾಮ್’ ಸಿನಿಮಾ ಕಳೆದ ವರ್ಷವೇ ಬಿಡುಗಡೆಯಾಗಬೇಕಿತ್ತು. ಆದರೆ, ಕೋವಿಡ್‌ನಿಂದಾಗಿ ಪೋಸ್ಟ್ ಪ್ರೊಡಕ್ಷನ್ ಕೆಲಸ ತಡವಾಗಿದೆ.