Omicron Variant: ಒಮಿಕ್ರಾನ್ ಪತ್ತೆಯಾದ ದೇಶಗಳು ಯಾವುವು? ಇಲ್ಲಿದೆ ಪಟ್ಟಿ

ಹೊಸದಿಲ್ಲಿ: ದೇಶದಲ್ಲಿ ಮೊದಲು ಪತ್ತೆಯಾದ ಹೊಸ ತಳಿ ಈ ಇನ್ನೂ ಅನೇಕ ದೇಶಗಳಲ್ಲಿ ಕಾಣಿಸಿಕೊಂಡಿದೆ. 30ಕ್ಕೂ ಹೆಚ್ಚು ರೂಪಾಂತರ ಪಡೆದುಕೊಳ್ಳುತ್ತದೆ ಎನ್ನಲಾಗಿರುವ ಈ ವೈರಸ್, ಹೆಚ್ಚು ಸಾಂಕ್ರಾಮಿಕ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಇದರಿಂದ ಜಗತ್ತಿನಾದ್ಯಂತ ದೇಶಗಳಲ್ಲಿ ಕಳವಳ ಹೆಚ್ಚಾಗಿದ್ದು, ವೈರಸ್ ಹರಡುವುದನ್ನು ತಡೆಯಲು ಮತ್ತೆ ನಿರ್ಬಂಧಗಳನ್ನು ಹೇರುವತ್ತ ಪರಿಶೀಲನೆ ನಡೆಸುತ್ತಿವೆ. ದಕ್ಷಿಣ ಆಫ್ರಿಕಾ, ಬೋಟ್ಸ್‌ವಾನಾ ಹಾಗೂ ಹಾಂಕಾಂಗ್ ಸೇರಿದಂತೆ ವಿವಿಧ ದೇಶಗಳಿಂದ ಹರಡುವ ಭೀತಿಯೊಂದಿಗೆ ಅನೇಕ ದೇಶಗಳು ಪ್ರಯಾಣಿಕರ ಮೇಲೆ ನಿಷೇಧ ಹೇರಲು ಮುಂದಾಗಿವೆ. ಈಗಾಗಲೇ ಒಮ್ರಿಕಾನ್ ದೃಢಪಟ್ಟಿರುವ ದೇಶಗಳೊಂದಿಗಿನ ವಿಮಾನ ಸಂಚಾರವನ್ನು ಕೂಡ ಸ್ಥಗಿತಗೊಳಿಸಿವೆ. ಒಮಿಕ್ರಾನ್ ಅನ್ನು ಕಳವಳಕಾರಿ ತಳಿ ಎಂದು ವಿಶ್ವ ಆರೋಗ್ಯ ಸಂಸ್ಥೆ (WHO) ಪಟ್ಟಿ ಮಾಡಿದೆ. ಈ ತಳಿಯ ಪ್ರಸರಣ ಸಾಮರ್ಥ್ಯ, ಕಾಯಿಲೆ ತೀವ್ರತೆ, ಕೋವಿಡ್ ಲಸಿಕೆ, ಪರೀಕ್ಷೆ ಹಾಗೂ ಚಿಕಿತ್ಸೆ ವಿರುದ್ಧದ ಪರಿಣಾಮಗಳ ಬಗ್ಗೆ ತಿಳಿಯಲು ಕೆಲವು ವಾರಗಳು ಬೇಕಾಗುತ್ತದೆ ಎಂದು ಹೇಳಿದೆ. ಈಗ ಒಮಿಕ್ರಾನ್ ಕೋವಿಡ್ ಪ್ರಕರಣಗಳು ಯಾವ ಯಾವ ದೇಶಗಳಲ್ಲಿ ದೃಢಪಟ್ಟಿದೆ? ಇಲ್ಲಿದೆ ಪಟ್ಟಿ: 1. ಆಸ್ಟ್ರೇಲಿಯಾಸಿಡ್ನಿಯಲ್ಲಿ ಇಬ್ಬರು ಪ್ರಯಾಣಿಕರಲ್ಲಿ ಕೋವಿಡ್ ಒಮಿಕ್ರಾನ್ ಸೋಂಕು ಇರುವುದನ್ನು ಆಸ್ಟ್ರೇಲಿಯಾ ಆರೋಗ್ಯ ಇಲಾಖೆ ಪತ್ತೆ ಹಚ್ಚಿದೆ. ಇಬ್ಬರೂ ಪ್ರಯಾಣಿಕರು ಆಫ್ರಿಕಾದ ದಕ್ಷಿಣ ಭಾಗದಿಂದ ದೋಹಾ ಮೂಲಕ ಕತಾರ್ ಏರ್‌ವೇಸ್ ವಿಮಾನದಲ್ಲಿ ಆಸ್ಟ್ರೇಲಿಯಾಕ್ಕೆ ಬಂದವರಾಗಿದ್ದಾರೆ. ಇದೇ ವಿಮಾನದಲ್ಲಿ ಆಸ್ಟ್ರೇಲಿಯಾಕ್ಕೆ ಬಂದ ಇನ್ನು 12 ಪ್ರಯಾಣಿಕರಲ್ಲಿ ಕೋವಿಡ್ ಸೋಂಕು ಪತ್ತೆಯಾಗಿಲ್ಲ. ಆದರೆ ಅವರನ್ನು ಕ್ವಾರೆಂಟೈನ್‌ನಲ್ಲಿ ಇರಿಸಲಾಗಿದೆ. 2. ಇಟಲಿಪೂರ್ವ ಆಫ್ರಿಕಾದ ದೇಶ ಮೊಜಾಂಬಿಕ್‌ಗೆ ತೆರಳಿದ್ದ ಇಟಲಿಯ ಪ್ರಜೆಯೊಬ್ಬರಿಗೆ ಒಮಿಕ್ರಾನ್ ಸೋಂಕು ಪಾಸಿಟಿವ್ ಇರುವುದು ಪತ್ತೆಯಾಗಿದೆ ಎಂದು ಇಟಲಿಯ ಸುದ್ದಿ ಸಂಸ್ಥೆ ಲಾಪ್ರೆಸ್ ತಿಳಿಸಿದೆ. ಅವರೊಂದಿಗೆ ಪ್ರಯಾಣಿಸಿದ್ದ ಅವರ ಕುಟುಂಬದ ಎರಡು ಮಕ್ಕಳು ಸೇರಿದಂತೆ ಐವರಲ್ಲಿ ಪಾಸಿಟಿವ್ ಕಂಡುಬಂದಿದೆ. 3. ಜರ್ಮನಿನವೆಂಬರ್ 24ರಂದು ದಕ್ಷಿಣ ಆಫ್ರಿಕಾದಿಂದ ವಿಮಾನದಲ್ಲಿ ಜರ್ಮನಿಗೆ ಬಂದ ಇಬ್ಬರು ಪ್ರಯಾಣಿಕರಲ್ಲಿ ಒಮಿಕ್ರಾನ್ ತಳಿ ದೃಢಪಟ್ಟಿದೆ. ಈ ಮಾದರಿಯ ಜೆನೋಮ್ ಸೀಕ್ವೆನ್ಸಿಂಗ್ ಇನ್ನೂ ಪೂರ್ಣಗೊಂಡಿಲ್ಲ. ಆದರೆ ಇದು ಹೊಸ ತಳಿ ಸೋಂಕು ಎನ್ನುವುದರಲ್ಲಿ ಅನುಮಾನವೇ ಇಲ್ಲ ಎಂದು ಜರ್ಮನಿಯ ಸುದ್ದಿ ಸಂಸ್ಥೆ ಡಿಪಿಎ ವರದಿ ಮಾಡಿದೆ. 4. ನೆದರ್‌ಲ್ಯಾಂಡ್ಸ್ಶುಕ್ರವಾರ ದಕ್ಷಿಣ ಆಫ್ರಿಕಾದಿಂದ ಬಂದ ಜನರಲ್ಲಿ 61 ಮಂದಿಯಲ್ಲಿ ಕೋವಿಡ್ ಸೋಂಕು ಇರುವುದು ದೃಢಪಟ್ಟಿದೆ ಎಂದು ಡಚ್ ಅಧಿಕಾರಿಗಳು ತಿಳಿಸಿದ್ದಾರೆ. ಇವರಲ್ಲಿ ಕಡೇಪಕ್ಷ ಕೆಲವರಲ್ಲಿ ಒಮಿಕ್ರಾನ್ ತಳಿ ಸೋಂಕು ಇದೆ ಎಂದು ಅಧಿಕಾರಿಗಳು ಊಹಿಸಿದ್ದಾರೆ. 5. ಬ್ರಿಟನ್ಬ್ರಿಟನ್ ಒಮಿಕ್ರಾನ್ ವೈರಂಟ್‌ನ ಎರಡು ಪ್ರಕರಣಗಳನ್ನು ಖಚಿತಪಡಿಸಿದೆ. ದಕ್ಷಿಣ ಆಫ್ರಿಕಾಕ್ಕೆ ಪ್ರಯಾಣಿಸಿದ್ದ ಇಬ್ಬರಲ್ಲಿ ಒಮಿಕ್ರಾನ್ ತಳಿ ಸೋಂಕು ಕಾಣಿಸಿಕೊಂಡಿದೆ ಎಂದು ಬ್ರಿಟಿಷ್ ಆರೋಗ್ಯ ಸಚಿವ ಸಾಜಿದ್ ಜಾವೇದ್ ತಿಳಿಸಿದ್ದಾರೆ. 6. ಇಸ್ರೇಲ್ಇಸ್ರೇಲ್‌ನಲ್ಲಿ ನ. 26ರಂದು ಹೊಸ ಕೋವಿಡ್ 19 ತಳಿಯ ಮೊದಲ ಪ್ರಕರಣ ಪತ್ತೆಯಾಗಿದೆ. ಈ ಹಿನ್ನೆಲೆಯಲ್ಲಿ ದೇಶಾದ್ಯಂತ ಸರಣಿ ತುರ್ತು ಕ್ರಮಗಳನ್ನು ಜಾರಿಗೊಳಿಸಲಾಗಿದೆ. ಮಾಲಾವಿಯಿಂದ ಇಸ್ರೇಲ್‌ಗೆ ಬಂದ ವ್ಯಕ್ತಿಯೊಬ್ಬರಲ್ಲಿ ತಳಿ ಸೋಂಕು ತಗುಲಿರುವುದು ದೃಢಪಟ್ಟಿತ್ತು. 7. ಹಾಂಕಾಂಗ್ದಕ್ಷಿಣ ಆಫ್ರಿಕಾದ ಬಳಿಕ ಹಾಂಕಾಂಗ್‌ನಲ್ಲಿ ಕೂಡ ಒಮಿಕ್ರಾನ್ ತಳಿಯ ವೈರಸ್ ಪತ್ತೆಯಾಗಿತ್ತು. ಹಾಂಕಾಂಗ್‌ನ ಇಬ್ಬರು ಪ್ರಜೆಗಳಲ್ಲಿ ಈ ಹೊಸ ತಳಿ ಸೋಂಕು ದೃಢಪಟ್ಟಿತ್ತು. 8. ಬೋಟ್ಸ್‌ವಾನಾಆಫ್ರಿಕಾದ ದಕ್ಷಿಣ ಭಾಗದಲ್ಲಿರುವ ಬೋಟ್ಸ್‌ವಾನಾ ದೇಶದಲ್ಲಿ ಈವರೆಗೂ ಒಂದು ಒಮಿಕ್ರಾನ್ ಕೋವಿಡ್ ಪ್ರಕರಣ ದೃಢಪಟ್ಟಿದೆ. ಈ ದೇಶದಲ್ಲಿ ಕೋವಿಡ್ ಪರೀಕ್ಷೆಗಳನ್ನು ಹೆಚ್ಚಿಸಲಾಗಿದೆ. ಆರಂಭದಲ್ಲಿ ಒಮಿಕ್ರಾನ್ ಪತ್ತೆಯಾದ ದೇಶಗಳಲ್ಲಿ ಒಂದಾಗಿರುವುದರಿಂದ ಈ ದೇಶದ ಸಂಚಾರದ ಮೇಲೆಯೂ ಅನೇಕ ದೇಶಗಳು ನಿರ್ಬಂಧ ವಿಧಿಸಿವೆ. 9. ಬೆಲ್ಜಿಯಂಯುರೋಪ್‌ನ ಮೊದಲ ಒಮಿಕ್ರಾನ್ ತಳಿ ಪ್ರಕರಣ ಪತ್ತೆಯಾಗಿರುವುದು ಬೆಲ್ಜಿಯಂನಲ್ಲಿ. ಶುಕ್ರವಾರ ಇಲ್ಲಿ ಮೊದಲ ಕೇಸ್ ದೃಢಪಟ್ಟಿದೆ. ಅದೇ ವೇಳೆಗೆ ಬೆಲ್ಜಿಯಂ ನಾಲ್ಕನೇ ಅಲೆಯ ಸೋಂಕನ್ನು ತಡೆಗಟ್ಟಲು ನಿರ್ಬಂಧಗಳನ್ನು ವಿಧಿಸಲಾಗಿದೆ. 10. ದಕ್ಷಿಣ ಆಫ್ರಿಕಾದಕ್ಷಿಣ ಆಫ್ರಿಕಾದಲ್ಲಿ ಗೌಟೆಂಗ್, ನಾರ್ತ್ ವೆಸ್ಟ್ ಮತ್ತು ಲಿಂಪೊಪೊದಲ್ಲಿ ಕೋವಿಡ್ ಒಮಿಕ್ರಾನ್ ಪ್ರಕರಣಗಳು ನಿರಂತರವಾಗಿ ವರದಿಯಾಗುತ್ತಿವೆ. ಈ ಹಿಂದಿನ ಕೋವಿಡ್ ಅಲೆಗಳಲ್ಲಿ ಹಾಟ್‌ಸ್ಪಾಟ್‌ಗಳೆಂದು ಗುರುತಿಸಲಾಗಿದ್ದ ಜೊಹಾನ್ಸ್‌ಬರ್ಗ್ ಮತ್ತು ತ್ಶವಾನೆಯಲ್ಲಿ ಹೆಚ್ಚಿನ ನಿಗಾ ಇರಿಸಲಾಗಿದೆ. ದೃಢಪಟ್ಟ ಪ್ರಕರಣಗಳಲ್ಲಿ ಶೇ 90ರಷ್ಟು ಗೌಟೆಂಗ್‌ನಲ್ಲಿಯೇ ವರದಿಯಾಗಿದೆ.