LIC IPO: ವಿಮಾದಾರರಿಗೆ ಎಲ್‌ಐಸಿ ಲಾಭದ ಹಂಚಿಕೆ, ಸರ್ಕಾರದ ಯೋಜನೆ ಹೇಗಿರಲಿದೆ?

ಮುಂಬಯಿ: ಭಾರತೀಯ ಜೀವ ವಿಮಾ ನಿಗಮ (ಎಲ್‌ಐಸಿ) ಷೇರುಗಳನ್ನು ಸಾರ್ವಜನಿಕ ಖರೀದಿಗೆ (ಐಪಿಒ) ಮುಕ್ತವಾಗಿಸುವ ಬೃಹತ್ ಯೋಜನೆಗೂ ಮುನ್ನ ಕೇಂದ್ರ ಸರ್ಕಾರವು ಖಾಸಗಿ ಕಂಪೆನಿಗಳಿಗೆ ಅನ್ವಯವಾಗುವಂತಹ ಎಲ್‌ಐಸಿಯ ಹೆಚ್ಚುವರಿ ವಿತರಣೆ ನಿಯಮಗಳನ್ನು ಷೇರುದಾರರಿಗೆ ಅನ್ವಯವಾಗುವಂತೆ ಮಾಡುವ ಮಾರ್ಗಗಳನ್ನು ಪರಿಶೀಲಿಸುತ್ತಿದೆ. ಪ್ರಸ್ತುತ ಎಲ್‌ಐಸಿ ಸರ್ಕಾರದ ವಿಶೇಷ ಕಾನೂನುಗಳಡಿಯಲ್ಲಿ ನಡೆಯುತ್ತಿದ್ದು, ಷೇರುದಾರರ ನಿಧಿಗೆ ತನ್ನ ಹೆಚ್ಚುವರಿ ಮೊತ್ತದಲ್ಲಿ ಶೇ 5ರಷ್ಟನ್ನು ವರ್ಗಾವಣೆ ಮಾಡಲು ಅವಕಾಶವಿದೆ. ಉಳಿದ ಶೇ 95ರಷ್ಟನ್ನು ಅರ್ಹ ಜೀವ ವಿಮಾ ಪಾಲಿಸಿಗಳಿಗೆ ಬೋನಸ್ ಪಾವತಿಸಲು ಪಾಲಿಸಿದಾರರ ನಿಧಿಗೆ ರವಾನಿಸಲಾಗುತ್ತದೆ. ಒಂದು ವೇಳೆ, ವಿಮಾ ಕಾಯ್ದೆ ಮೂಲಕ ನಿಯಂತ್ರಣಕ್ಕೆ ಒಳಪಡುವ ಇತರೆ ಜೀವ ವಿಮಾ ಕಂಪೆನಿಗಳು 90:10ರ ಅನುಪಾತದಲ್ಲಿ ಹಂಚಿಕೆ ಮಾಡಲು ಅವಕಾಶವಿದೆ. ಅನ್ನು ಪ್ರಸಕ್ತ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕ ಅವಧಿಯಲ್ಲಿ ಜಾರಿಗೊಳಿಸಲು ಉದ್ದೇಶಿಸಿರುವ ಸರ್ಕಾರ, ಎಲ್‌ಐಸಿಯ ಹೂಡಿಕೆಯಲ್ಲಿ ಸಮಾನತೆ ತರಲು ಬಯಸಿದೆ. ಇದೇ ರೀತಿಯ ರಚನೆಯನ್ನು ಹೂಡಿಕೆದಾರರು ಬಯಸುವುದು ಸಹಜ. ಈ ವಿಚಾರವಾಗಿ ನಾವು ಕೆಲವು ಬದಲಾವಣೆಗಳೊಂದಿಗೆ ಸಮಗ್ರವಾಗಿ ಪರಿಶೀಲನೆ ನಡೆಸುತ್ತಿದ್ದೇವೆ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ. ಮತ್ತು ಪಾಲಿಸಿದಾರರ ಹಿತಾಸಕ್ತಿಗಳಲ್ಲಿ ಸಮತೋಲನ ಕಾಪಾಡುವುದರ ಜತೆಗೆ ಐಪಿಒ ಅನ್ನು ಹೂಡಿಕೆದಾರರಿಗೆ ಆಕರ್ಷಕವಾಗಿಸುವ ಪ್ರಯತ್ನದಲ್ಲಿ ಇದು ನೆರವಾಗಲಿದೆ ಎಂದು ಸರ್ಕಾರ ಭರವಸೆ ಹೊಂದಿದೆ. ಎಲ್‌ಐಸಿ ಷೇರು ಮಾರುಕಟ್ಟೆಯಲ್ಲಿ ಸ್ಥಾನ ಪಡೆದ ಬಳಿಕ ಅದರ ವಿದೇಶಿ ಬಂಡವಾಳ ಹೂಡಿಕೆಯ ಮಟ್ಟವನ್ನು ಸರ್ಕಾರ ಸ್ಪಷ್ಟಪಡಿಸುವ ನಿರೀಕ್ಷೆಯಿದೆ. ಪ್ರಸ್ತುತ ವಿಮಾ ವ್ಯವಹಾರಗಳಲ್ಲಿ ಶೇ 74ರಷ್ಟು ವಿದೇಶಿ ನೇರ ಬಂಡವಾಳ ಹೂಡಿಕೆಗೆ ಅವಕಾಶವಿದೆ. ಆದರೆ ಎಲ್‌ಐಸಿಯು ವಿಶೇಷ ನಿಯಮಗಳಡಿ ನಡೆಯುವ ಸಾಧ್ಯತೆ ಇದೆ. ಖಾಸಗಿ ವಿಮಾ ಕಂಪೆನಿಗಳಲ್ಲಿ ಲಾಭದ ಹೆಚ್ಚುವರಿಯು ಪಾಲಿಸಿದಾರರಿಗೆ ಸಂಪೂರ್ಣವಾಗಿ ಹೋಗುತ್ತದೆ. ಎಲ್‌ಐಸಿಯಲ್ಲಿ ಲಾಭಗಳನ್ನು ಸರ್ಕಾರ ಹಾಗೂ ಇತರೆ ವಿಮಾದಾರರ ನಡುವೆ ಹಂಚಲಾಗುತ್ತಿದೆ. ಡಿವಿಡೆಂಟ್ ಹಂಚಿಕೆ ನೀತಿಯನ್ನು ಬದಲಿಸುವುದು ಷೇರುದಾರರಿಗೆ ಲಾಭ ನೀಡುತ್ತದೆ. ಆದರೆ ಅದು ಹಾಲಿ ವಿಮಾದಾರರ ಮೇಲೆ ಪರಿಣಾಮ ಬೀರಲಿದೆ. ಎಲ್‌ಐಸಿ ವಿಮಾದಾರರಿಗೆ ಸರ್ಕಾರದಿಂದ ಖಾತರಿ ನೀಡಲಾಗಿರುವ ನೀತಿಯಲ್ಲಿರುವ ಎಲ್ಲ ಅಂಶಗಳನ್ನೂ ಮುಂದುವರಿಸಲಾಗುವುದು ಎಂಬ ಭರವಸೆ ಅತಿ ದೊಡ್ಡ ಆಕರ್ಷಣೆಯಾಗಿದೆ. ಎಲ್‌ಐಸಿ ಕಾಯ್ದೆಯನ್ನು ತಿದ್ದುಪಡಿ ಮಾಡುವಾಗ ಸೆಕ್ಷನ್ 27ಅನ್ನು ಮರಳಿ ಸೇರ್ಪಡೆ ಮಾಡಿದೆ. ನಿಗಮವು ತನ್ನ ಎಲ್ಲ ಪಾಲಿಸಿಗಳಲ್ಲಿ ಖಾತರಿ ನೀಡಿರುವ ಒಟ್ಟಾರೆ ಮೊತ್ತ ಪಾವತಿಯ ಮೇಲಿನ ಎಲ್ಲ ಬೋನಸ್‌ಗಳನ್ನು ನಗದು ರೂಪದಲ್ಲಿ ಪಾವತಿಸುವ ಬಗ್ಗೆ ಕೇಂದ್ರ ಸರ್ಕಾರ ಖಾತರಿ ನೀಡುತ್ತದೆ. ವಿದೇಶಿ ಬಂಡವಾಳ ಹೂಡಿಕೆಯಿಂದ ಎಲ್‌ಐಸಿ 90,000 ಕೋಟಿ ರೂ ದಿಂದ 1 ಲಕ್ಷ ಕೋಟಿ ರೂ ಸಂಗ್ರಹಿಸುವ ನಿರೀಕ್ಷೆಯಿದೆ. ಎಲ್‌ಐಸಿಯನ್ನು ಖಾಸಗೀಕರಣಗೊಳಿಸುವ ಉದ್ದೇಶ ಸರ್ಕಾರಕ್ಕೆ ಇಲ್ಲ. ಷೇರುಗಳನ್ನು ಬಿಡುಗಡೆ ಮಾಡುವ ಮೂಲಕ ಹೆಚ್ಚು ಹೂಡಿಕೆ ಗಳಿಸಲು ಎಲ್‌ಐಸಿಗೆ ನೆರವಾಗಲಿದೆ. ಈ ಹೂಡಿಕೆಯನ್ನು ಕಂಪೆನಿಯ ಅಭಿವೃದ್ಧಿ ಮತ್ತು ಪಾಲಿಸಿದಾರರ ಅನುಕೂಲಕ್ಕೆ ಬಳಸಿಕೊಳ್ಳಲು ಸಹಕಾರಿಯಾಗಲಿದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ.