ಮದುವೆಯಾಗಿ ತಿಂಗಳಾಗುವ ಮುನ್ನವೇ ವಿಚ್ಛೇದನ ಯಾವಾಗ? ಎಂದವನಿಗೆ ಉತ್ತರ ಕೊಟ್ಟ ಖ್ಯಾತ ನಟಿ ವಿದ್ಯುಲ್ಲೇಖಾ ರಾಮನ್

ಇತ್ತೀಚೆಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಖ್ಯಾತ ಬಹುಭಾಷಾ ನಟ ಮೋಹನ್ ರಾಮನ್ ಪುತ್ರಿಮ ನಟಿಯೂ ಆಗಿರುವ ವಿದ್ಯು ರಾಮನ್ ಅವರು ಪತಿ ಜೊತೆ ಹನಿಮೂನ್ ಎಂಜಾಯ್ ಮಾಡುತ್ತಿದ್ದಾರೆ. ಸ್ವಿಮ್ ಸೂಟ್ ಹಾಕಿರುವ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿದ್ದರು. ಆ ಫೋಟೋಗಳನ್ನು ನೋಡಿ ನೆಟ್ಟಿಗರೊಬ್ಬರು ಮಾಡಿದ ಕಾಮೆಂಟ್ ವಿದ್ಯುಲ್ಲೇಖಾ ಅವರಿಗೆ ಕೋಪ ತರಿಸಿದೆ. ವಿದ್ಯುಲ್ಲೇಖಾ ಕೊಟ್ಟ ಉತ್ತರ ಏನು? "ನನಗೆ ವಿಚ್ಛೇದನ ಯಾವಾಗ ಎಂದು ಪ್ರಶ್ನೆ ಕೇಳಲಾಗಿತ್ತು. ನಾನು ಸ್ವಿಮ್‌ಸೂಟ್ ಹಾಕಿದೆ ಅಂತ ಈ ಪ್ರಶ್ನೆ ಕೇಳಲಾಯ್ತಾ? 1920ರ ಕಾಲದಿಂದ ಹೊರಬಂದು 2021ಕ್ಕೆ ಬನ್ನಿ. ಈ ರೀತಿ ನೆಗೆಟಿವ್ ಕಾಮೆಂಟ್ಸ್‌ಗಳಿಂದ ಏನೂ ಸಮಸ್ಯೆ ಇಲ್ಲ. ಕಮ್ಯುನಿಟಿಯಾಗಿ ನಾವು ಯೋಚಿಸುವ ರೀತಿಯಲ್ಲಿ ಸಮಸ್ಯೆಯಿದೆ. ಮಹಿಳೆ ಧರಿಸುವ ಬಟ್ಟೆ ಮೇಲೆ ವಿಚ್ಛೇದನ ನಿರ್ಧರಿತವಾಗುತ್ತದೆಯೇ? ಚೆನ್ನಾಗಿ ಡ್ರೆಸ್ ಮಾಡಿಕೊಳ್ಳುವವರೆಲ್ಲರ ವೈವಾಹಿಕ ಜೀವನ ಸುಖಕರವಾಗಿದೆಯೇ?" ಎಂದು ವಿದ್ಯುಲ್ಲೇಖಾ ಉತ್ತರ ನೀಡಿದ್ದಾರೆ. ವಿದ್ಯುಲ್ಲೇಖಾ ಪತಿ ಏನಂತಾರೆ? "ಭಯವೇ ಇಲ್ಲದೆ ಇರುವ ಪತಿಯನ್ನು ಪಡೆಯಲು ನಾನು ಪುಣ್ಯ ಮಾಡಿದ್ದೇನೆ. ನನ್ನ ಹಾಗೆ ಅವರು ಕೂಡ ವಿಭಿನ್ನವಾದ ನಂಬಿಕೆ, ಐಡಿಯಾಗಳನ್ನು ಇಟ್ಟುಕೊಂಡಿದ್ದಾರೆ. ಈ ರೀತಿ ಕಾಮೆಂಟ್‌ಗಳಿಗೆ ಉತ್ತರ ಕೊಡಬೇಡ ಅಂತ ನನ್ನ ಪತಿ ಹೇಳಿದ್ರು. ಆದರೆ ಸುಮ್ಮನೆ ಇರಲು ನನಗೆ ಇಷ್ಟವಿಲ್ಲ. ಜೀವನದ ಬಗ್ಗೆ ಈ ರೀತಿ ಮಾತನಾಡುವವರ ಯೋಚನೆಯನ್ನು ನಾನು ಬದಲಿಸಲು ಸಾಧ್ಯವಿಲ್ಲ. ನಿಮ್ಮ ಜೀವನದಲ್ಲಿ ಬರುವ ಮಹಿಳೆಯು ನೀವು ಮಹಿಳೆಯನ್ನು ನೋಡುವ ರೀತಿ-ವೈಶಿಷ್ಟ್ಯತೆ, ಲಿಂಗ ತಾರತಮ್ಯದ ವಿರುದ್ಧ ನಿಂತುಕೊಳ್ಳುತ್ತಾರೆ ಎಂದು ಆಶಿಸುತ್ತೇನೆ" ಎಂದು ವಿದ್ಯುಲ್ಲೇಖಾ ಹೇಳಿದ್ದಾರೆ. ವಿದ್ಯುಲ್ಲೇಖಾ ಮದುವೆಯಾಗಿರುವ ಹುಡುಗ ಯಾರು? ಚೆನ್ನೈನ ಉದ್ಯಮಿ, ಡಯೆಟಿಷಿಯನ್ ಸಂಜಯ್ ಜೊತೆ ವಿದ್ಯುಲ್ಲೇಖಾ ಕಲ್ಯಾಣ ದೆಹಲಿಯಲ್ಲಿ (ಸೆ.9) ನೆರವೇರಿದೆ. ಸೋಶಿಯಲ್ ಮೀಡಿಯಾದಲ್ಲಿ ಅವರ ಮದುವೆ, ಮೆಹೆಂದಿ, ಸಂಗೀತ್ ಫೋಟೋಗಳು ವೈರಲ್ ಆಗಿತ್ತು. ಆಗಸ್ಟ್ ತಿಂಗಳಲ್ಲಿ ಈ ಜೋಡಿ ಕಲ್ಯಾಣ ನಡೆದಿತ್ತು. ಅನೇಕ ಸಿನಿಮಾಗಳಲ್ಲಿ ನಟನೆ 'ನೀದಾನೆ ಎನ್‌ ಪೊನ್‌ವಸಂತಂ' ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ವಿದ್ಯುಲ್ಲೇಕಾ 'ಧ್ರುವ', 'ಭಾಗಮತಿ', 'ಮಹರ್ಷಿ', 'ವೇದಾಲಂ', 'ಪಾ. ಪಾಂಡಿ' ಸೇರಿ ಅನೇಕ ಸ್ಟಾರ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಶರಣ್‌ ನಟನೆಯ 'ರ‍್ಯಾಂಬೋ 2' ಚಿತ್ರದಲ್ಲಿಯೂ ಅವರು ಬಣ್ಣ ಹಚ್ಚಿದ್ದರು. ತೂಕ ಇಳಿಸಿಕೊಂಡಿದ್ದಾರೆ ವಿದ್ಯುಲ್ಲೇಖಾ ಆರಂಭದಲ್ಲಿ ತುಂಬ ದಪ್ಪಗಿದ್ದರು. ಹೀಗಾಗಿ ಅವರನ್ನು ನಿಂದಿಸಿ ಟ್ರೋಲ್ ಮಾಡಲಾಗುತ್ತಿತ್ತು. ಸಿಕ್ಕಾಪಟ್ಟೆ ವರ್ಕೌಟ್, ಡಯೆಟ್ ಮಾಡಿ ವಿದ್ಯುಲ್ಲೇಖಾ ಸಣ್ಣಗಾಗಿದ್ದರು. ತೂಕ ಇಳಿಸಿಕೊಂಡ ಫೋಟೋಗಳನ್ನು ವಿದ್ಯುಲ್ಲೇಖಾ ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿದಾಗ, ಬಹುತೇಕರು ಅಚ್ಚರಿಗೊಂಡಿದ್ದರು. ಸಣ್ಣ ಆಗಿದ್ದು ಹೇಗೆ ಎಂದು ಕೂಡ ವಿದ್ಯುಲ್ಲೇಖಾ ಅನೇಕ ಬಾರಿ ಹೇಳಿದ್ದರು. ಇನ್ನೊಮ್ಮೆ ಫೋಟೋಶೂಟ್ ಮಾಡಿಸಿ, ನಾನು ದಪ್ಪಗಿದ್ದರೂ ಹಾಟ್ ಆಗಿ ಕಾಣುವೆ ಎಂದು ಹೇಳುವ ಪ್ರಯತ್ನವನ್ನು ಅವರು ಮಾಡಿದ್ದರು.