'ನಂಬಿಕೆಯೇ ಜೀವನ, ಲಾಕ್‌ಡೌನ್‌ ನಂತರ ಜನರು ಚಿತ್ರಮಂದಿರಕ್ಕೆ ಬಂದೇ ಬರ್ತಾರೆ'- ನಟ ಚಿಕ್ಕಣ್ಣ

ಸ್ಯಾಂಡಲ್‌ವುಡ್‌ನ ಖ್ಯಾತ ಹಾಸ್ಯ ನಟ ಅವರು ನಂತರ ಜನರು ಚಿತ್ರಮಂದಿರಕ್ಕೆ ಬಂದೇ ಬರುತ್ತಾರೆ ಎಂಬ ನಂಬಿಕೆಯನ್ನು ವ್ಯಕ್ತಪಡಿಸಿದ್ದಾರೆ. 'ಕಳೆದ ಲಾಕ್‌ಡೌನ್‌ನಲ್ಲಿ ಇಷ್ಟೊಂದು ಪರಿಸ್ಥಿತಿ ಹದಗೆಟ್ಟಿರಲಿಲ್ಲ. ಈ ಬಾರಿ ಬೇಸರವಾಗುತ್ತಿದೆ. ಕಳೆದ ಹತ್ತು ವರ್ಷಗಳಲ್ಲಿ ನನಗೆ ಮನೆಯಲ್ಲಿ ಸಮಯ ಕಳೆಯಲು ಆಗಿರಲಿಲ್ಲ. ಆದ್ದರಿಂದ ಕಳೆದ ವರ್ಷದ ಲಾಕ್‌ಡೌನ್‌ನಲ್ಲಿ ಮನೆಯಲ್ಲಿಯೇ ಇದ್ದೆ. ಈ ಬಾರಿ ಮತ್ತೆ ಅಂತಹ ಪರಿಸ್ಥಿತಿ ಸೃಷ್ಟಿಯಾಗಿದ್ದು ಬೇಸರ ತಂದಿದೆ. ಎಲ್ಲರ ಕೆಲಸಗಳು ನಿಂತು ಹೋಗಿವೆ. ಜನರ ಜೀವನವೇ ಒಂದು ಹಂತದಲ್ಲಿ ನಿಂತಂತಾಗಿದೆ. ಆದಷ್ಟು ಬೇಗ ಇವೆಲ್ಲವೂ ನಿವಾರಣೆಯಾಗಿ ಮೊದಲಿನಂತೆ ಕೆಲಸಗಳು ಆರಂಭವಾಗಬೇಕು' ಎಂದು ಅವರು ಹೇಳಿದ್ದಾರೆ. ಜನರು ಚಿತ್ರಮಂದಿರಕ್ಕೆ ಬರುತ್ತಾರೆ! ಕೋವಿಡ್‌ನ ಮೊದಲ ಅಲೆಯಲ್ಲಿ ಜನರಿಗೆ ಇಷ್ಟೊಂದು ಭಯವಿರಲಿಲ್ಲ. ಈ ಬಾರಿ ಎಲ್ಲರೂ ದಿಗ್ಭ್ರಮೆಗೆ ಒಳಗಾಗಿದ್ದಾರೆ ಎಂದಿರುವ ಚಿಕ್ಕಣ್ಣ, 'ಆದರೂ ಈಗಿನ ಪರಿಸ್ಥಿತಿ ಸರಿಯಾದ ಮೇಲೆ ಜನರು ಚಿತ್ರಮಂದಿರಕ್ಕೆ ಬರುತ್ತಾರೆ. ಮನರಂಜನೆ ಎಲ್ಲರಿಗೂ ಬೇಕು. ಸಿನಿಮಾರಂಗ ಕೆಲಸ ಮಾಡುವುದೇ ನಂಬಿಕೆಯ ಆಧಾರದ ಮೇಲೆ. ಹಣ ಬಂದೇ ಬರುತ್ತದೆ ಎಂಬ ನಂಬಿಕೆ ಇಲ್ಲದೇ ನಾವು ಕೋಟ್ಯಂತರ ರೂಪಾಯಿ ಹೂಡುತ್ತೇವೆ. ಸಿನಿಮಾ ಅಗತ್ಯ ವಸ್ತುವಲ್ಲ, ಆದರೂ ಜನರು ಇದುವರೆಗೆ ನಮ್ಮನ್ನು ಮತ್ತು ನಮ್ಮ ರಂಗವನ್ನು ಕೈ ಹಿಡಿದು ನಡೆಸಿಕೊಂಡು ಬಂದಿದ್ದಾರೆ. ಹಾಗಾಗಿ ಸೋಂಕು ಹತೋಟಿಗೆ ಬಂದ ತಕ್ಷಣ ಜನರು ನಮ್ಮನ್ನು ನೋಡಲು ಚಿತ್ರಮಂದಿರಕ್ಕೆ ಬಂದೇ ಬರುತ್ತಾರೆ' ಎಂದಿದ್ದಾರೆ. ಉಪಾಧ್ಯಕ್ಷನ ತಯಾರಿ ಚಿಕ್ಕಣ್ಣ ಅವರು '' ಸಿನಿಮಾಗಾಗಿ ಎಲ್ಲ ತಯಾರಿ ನಡೆಸಿದ್ದರು. ಇನ್ನೇನು ಅದರ ಶೂಟಿಂಗ್‌ ಆರಂಭವಾಗಬೇಕು ಎನ್ನುವಷ್ಟರಲ್ಲಿ ಲಾಕ್‌ಡೌನ್‌ ಆಯಿತು. ಈ ಚಿತ್ರಕ್ಕಾಗಿ ಅವರು ಬೇರೆ ಯಾವುದೇ ಸಿನಿಮಾಗಳನ್ನು ಒಪ್ಪಿಕೊಂಡಿಲ್ಲ. 'ಹೊರಗಡೆಯ ಪರಿಸ್ಥಿತಿ ನೋಡಿದರೆ ಬೇಸರವಾಗುತ್ತದೆ. ಚಿತ್ರರಂಗದಲ್ಲಿಯೂ ನನ್ನನ್ನೂ ಸೇರಿಸಿ ಎಲ್ಲರೂ ನಿರುದ್ಯೋಗಿಗಳಾಗಿದ್ದೇವೆ. ಎಲ್ಲವೂ ಸರಿಯಾಗುತ್ತದೆ ಎಂಬ ನಂಬಿಕೆಯ ಮೇಲೆ ಜೀವನ ನಡೆಸುತ್ತಿದ್ದೇವೆ' ಎನ್ನುತ್ತಾರೆ ಚಿಕ್ಕಣ್ಣ. ಸದ್ಯಕ್ಕೆ ಅವರು ತಮ್ಮ ತೋಟದ ಮನೆಯಲ್ಲಿದ್ದುಕೊಂಡೇ ಮೈಸೂರಿನ ಕೆ.ಆರ್‌. ಆಸ್ಪತ್ರೆಯ ಬಳಿ ಪ್ರತಿದಿನ 250 ಮಂದಿಗೆ ಊಟ ವಿತರಣೆ ಮಾಡುತ್ತಿದ್ದಾರೆ. 'ನನ್ನ ಕೈಲಾದಷ್ಟು ನಾನು ಮಾಡುತ್ತಿದ್ದೇನೆ. ಆದಷ್ಟು ಬೇಗ ಈ ಸಮಸ್ಯೆಗಳು ಮುಗಿಯಲಿ' ಎಂದು ಅವರು ಹೇಳಿದ್ದಾರೆ. ತಮ್ಮ ತೋಟದಲ್ಲಿ ಕುರಿ ಫಾರ್ಮ್‌ ಮಾಡಿರುವ ಚಿಕ್ಕಣ್ಣ, ಅದರ ಜತೆಗೆ ನಾಟಿ ಕೋಳಿ, ಹಸುಗಳನ್ನು ಸಾಕುತ್ತಿದ್ದಾರೆ.