ಕ್ರಿಪ್ಟೋ ಕರೆನ್ಸಿಗಳ ಬೆಲೆಯಲ್ಲಿ ಭಾರೀ ಇಳಿಕೆ: ಟಾಪ್‌-10 ಡಿಜಿಟಲ್‌ ಕರೆನ್ಸಿಗಳ ಬೆಲೆ ಎಷ್ಟಿದೆ?

ಹೊಸದಿಲ್ಲಿ: ಕ್ರಿಪ್ಟೋ ಕರೆನ್ಸಿ ವಾಹಿವಾಟು ಸೋಮವಾರ ಭಾರೀ ಪ್ರಮಾಣದಲ್ಲಿ ಇಳಿಕೆಯಾಗಿದೆ. ಇದರಿಂದ ಹೂಡಿಕೆದಾರರು ಕ್ರಿಪ್ಟೋಕರೆನ್ಸಿಯಲ್ಲಿ ಹೂಡಿಕೆ ಮಾಡಲು ಯೋಚಿಸುವಂತಾಗಿದೆ. ವಿಶ್ವದ ಟಾಪ್‌ 10 ಕ್ರಿಪ್ಟೋ ಕರೆನ್ಸಿಗಳ ಪೈಕಿ 8 ಕರೆನ್ಸಿಗಳ ಮೌಲ್ಯ ಸೋಮವಾರ ಇಳಿಕೆಯಾಗಿದೆ. ಸೊಲೋನಾ ಬರೋಬ್ಬರಿ ಶೇ.12ರಷ್ಟು ಇಳಿಕೆ ಕಂಡಿದೆ. ಕಾರ್ಡಾನೋ ಮತ್ತು ಎಕ್ಸ್‌ಆರ್‌ಪಿ ಕಾಯಿನ್‌ಗಳ ಮೌಲ್ಯದಲ್ಲೂ ಶೇ.8ರಷ್ಟು ಇಳಿಕೆಯಾಗಿದೆ. ವಿಶ್ವದ ಅತಿ ಹೆಚ್ಚು ದುಬಾರಿಯಾದ ಮೌಲ್ಯದಲ್ಲೂ ಶೇ.5.01ರಷ್ಟು ಇಲೀಕೆಯಾಗಿದ್ದ, 45,496.56ಕ್ಕೆ ನಿಗದಿಯಾಗಿದೆ. ಸೆಪ್ಟೆಂಬರ್ ಮೊದಲ ವಾರದಲ್ಲಿ ಬಿಟ್‌ಕಾಯಿನ್‌ ಮೌಲ್ಯ ನಾಲ್ಕು ತಿಂಗಳ ಗರಿಷ್ಠ ಮಟ್ಟಕ್ಕೆ (52,000 ಡಾಲರ್‌) ಏರಿಕೆಯಾಗಿತ್ತು. ಆದರೆ, ಎಲ್‌ಸಾಲ್ವೆಡಾರ್‌ ಕಾನೂನು ಮಾನ್ಯತೆ ದೊರೆತ ನಂತರ ಬಿಟ್‌ಕಾಯಿನ್‌ ಮೌಲ್ಯ ಪಾತಾಳಕ್ಕೆ ಬಿದ್ದಿತ್ತು. ಬಿಟ್‌ಕಾಯಿನ್‌ಗೆ ಎಲ್‌ ಸಾಲ್ವೆಡಾರ್‌ ಕಾನೂನು ಮಾನ್ಯತೆ ನೀಡಿರುವ ಬೆನ್ನಲ್ಲೇ ಹೊಂಡುರಾಸ್‌ ಮತ್ತು ಗ್ವಾಟೆಮಾಲಾ ರಾಷ್ಟ್ರದ ಕೇಂದ್ರ ಬ್ಯಾಂಕುಗಳು ಕೂಡ ಬಿಟ್‌ಕಾಯಿನ್‌ಗೆ ಕಾನೂನು ಮಾನ್ಯತೆ ನೀಡಲು ಚಿಂತನೆ ನಡೆಸಿವೆ. ಹಾಗೆ ನೋಡಿದರೆ ಕಳೆದ 24 ಗಂಟೆಯಲ್ಲಿ ಮಾರುಕಟ್ಟೆ ಶಾಂತವಾಗಿದೆ. ಸಾಂಸ್ಥಿಕ ಹೂಡಿಕೆದಾರರು ಹೆಚ್ಚು ಸಕ್ರಿಯವಾಗುತ್ತಿದ್ದಂತೆ, ಮಾರುಕಟ್ಟೆಯಲ್ಲಿ ಹೆಚ್ಚು ಏರಿಳಿತವನ್ನು ಕಾಣುತ್ತೇವೆ. ವಾರಾಂತ್ಯದಲ್ಲಿ ಕ್ರಿಪ್ಟೋ ಬ್ಲೂಚಿಪ್ಸ್ ಅಲ್ಪ ಲಾಭ ಕಂಡಿವೆ ಎಂದು ಮಡ್ರೆಕ್ಸ್ ನ ಸಹ ಸಂಸ್ಥಾಪಕ ಇದುಲ್‌ ಪಟೇಲ್‌ ತಿಳಿಸಿದರು. ವಿಶ್ವದ ಪ್ರಮುಖ ಕ್ರಿಪ್ಟೋಕರೆನ್ಸಿಗಳ ಮೌಲ್ಯ ಎಷ್ಟು ವಿಶ್ವದ ಟಾಪ್ 10 ವಹಿವಾಟು ನಡೆಸಿದ ಕ್ರಿಪ್ಟೋಕರೆನ್ಸಿಗಳ ಪೈಕಿ ಬಹುತೇಕ ಕರೆನ್ಸಿಗಳು ಕಳೆದ 24 ಗಂಟೆಗಳಲ್ಲಿ ಮೌಲ್ಯ ಕಳೆದುಕೊಂಡಿವೆ. ಜಾಗತಿಕ ಮಾರುಕಟ್ಟೆಯಲ್ಲಿ ಸೆಪ್ಟೆಂಬರ್‌ 20ರಂದು ಅವುಗಳ ಮೌಲ್ಯ ಹೀಗಿದೆ.

• ಬಿಟ್‌ಕಾಯಿನ್‌: $45,496.56
• ಇಥೆರಿಯಂ: $3,180.60
• ಬಿನಾನ್ಸ್‌ ಕಾಯಿನ್‌ : $390.30
• ಟೆಥರ್‌: $1
• ಕಾರ್ಡಾನೋ: $2.16
• ಡೋಜೆಕಾಯಿನ್‌: $0.22
• ಎಕ್ಸ್‌ಆರ್‌ಪಿ: $0.98
• ಪೊಲ್‌ಕಾಡಾಟ್‌: $31.39
• ಯುಎಸ್‌ಡಿ ಕಾಯಿನ್‌: $1
• ಸೊಲಾನೋ: $143.11

ಎಲ್‌ ಸಾಲ್ವೆಡಾರ್‌ ರಾಷ್ಟ್ರವು ತನ್ನ ಬಿಟ್‌ಕಾಯಿನ್ ಕಾನೂನನ್ನು ಸೆಪ್ಟೆಂಬರ್ 7 ರಂದು ಜಾರಿಗೊಳಿಸಿದೆ. ಈ ಬೆನ್ನಲ್ಲೇ ಹೂಡಿಕೆದಾರರಿಗೆ ನಿರೀಕ್ಷೆಗಳು ಹೆಚ್ಚಾಗಿವೆ. ತಜ್ಞರ ಪ್ರಕಾರ, ಬಿಟ್ ಕಾಯಿನ್ ಇನ್ನೂ ಪ್ರಬಲವಾಗಿದೆ. ಕಳೆದ ಎಂಟು ವಾರಗಳಲ್ಲಿ ಬಿಟ್‌ಕಾಯಿನ್‌ ಪ್ರಬಲವಾಗುತ್ತಿದೆ ಮತ್ತು ಅತಿಯಾದ ಖರೀದಿಯಾಗಿದೆ. ಬೆಲೆ ಜಿಗಿಯುತ್ತಿರುವ ಹಿನ್ನಲೆಯಲ್ಲಿ ವೈಯಕ್ತಿಕ ಹೂಡಿಕೆದಾರರ ಆಸಕ್ತಿಯೂ ಹೆಚ್ಚಾಗಿದೆ ಎಂದು ಗೆಲಾಕ್ಸಿ ಡಿಜಿಟಲ್‌ ಹೋಲ್ಡಿಂಗ್ಸ್‌ನ ಚೀಫ್‌ ಎಗ್ಸಿಕ್ಯುಟೀವ್ ಆಫೀಸರ್‌ ಮೈಕ್ ನೊವೋಗ್ರೆಟ್ ಇತ್ತೀಚೆಗೆ ತಿಳಿಸಿದ್ದರು.