'ಶೂಟರ್‌ ದಾದಿ' ಚಂದ್ರೊ ತೋಮರ್‌ ಹಾಗೂ ಬಿಕ್ರಮ್‌ಜೀತ್‌ ಕನ್ವರ್‌ಪಾಲ್‌ ಇನ್ನಿಲ್ಲ!

ಹೊಸದಿಲ್ಲಿ: 'ಶೂಟರ್‌ ದಾದಿ' ಎಂದೇ ಪ್ರಖ್ಯಾತರಾಗಿದ್ದ ಎಂಬತ್ತರ ದಶಕದ ಹೆಸರಾಂತ ಶೂಟರ್‌ ಚಂದ್ರೊ ತೋಮರ್‌ ಹಾಗೂ ಕೂಡ ನಿಧನರಾಗಿದ್ದಾರೆ. ಚಂದ್ರೊ ತೋಮರ್‌ ಶೂಟರ್‌ ಚಂದ್ರೊ ತೋಮರ್‌ ಅವರು (ಮಾ 30) ಶುಕ್ರವಾರ ನಿಧನರಾಗಿದ್ದಾರೆ. ಕಳೆದ ಕೆಲವು ದಿನಗಳಿಂದ ಕೋವಿಡ್‌-19ನಿಂದ ಬಳಲುತ್ತಿದ್ದ 89 ವರ್ಷದ ತೋಮರ್‌ ಕಳೆದ ವಾರದ ಕೊನೆಯಲ್ಲಿಆಸ್ಪತ್ರೆಗೆ ದಾಖಲಾಗಿದ್ದರು. ಕೊನೆಗೂ ಚಿಕಿತ್ಸೆ ಫಲಕಾರಿಯಾಗದೇ ಇಹಲೋಕ ತ್ಯಜಿಸಿದ್ದಾರೆ. ಉತ್ತರ ಪ್ರದೇಶದ ಭಾಗ್‌ಪತ್‌ ಗ್ರಾಮದ ಚಂದ್ರೊ ತೋಮರ್‌ ಮೊದಲ ಬಾರಿಗೆ ಶೂಟಿಂಗ್‌ ಸ್ಪರ್ಧೆಯಲ್ಲಿ ಕಾಣಿಸಿಕೊಂಡಾಗ ಅವರಿಗೆ 60 ವರ್ಷವಾಗಿತ್ತು. ಆದರೂ, ರಾಷ್ಟ್ರಮಟ್ಟದ ಹತ್ತುಹಲವು ಸ್ಪರ್ಧೆಗಳಲ್ಲಿ ಗೆದ್ದು ಇತಿಹಾಸ ನಿರ್ಮಿಸಿದ್ದರು. ಅಂತಿಮವಾಗಿ ಅವರ ಬದುಕಿನ ಬಗ್ಗೆ ಬಾಲಿವುಡ್‌ ಚಲನಚಿತ್ರ ಕೂಡ ತೆರೆಕಂಡಿತ್ತು. ಚಂದ್ರೊ ತೋಮರ್‌ ಅವರ ನಿಧನಕ್ಕೆ ಕ್ರೀಡಾ ಲೋಕದ ಗಣ್ಯರು ಸಂತಾಪ ಸೂಚಿಸಿ ಟ್ವೀಟ್‌ ಮಾಡಿದ್ದಾರೆ. 'ಸಾಂದ್ ಕಿ ಆಂಕ್' ಸಿನಿಮಾ ಎಂದು ಆ ಚಿತ್ರಕ್ಕೆ ಹೆಸರಿಡಲಾಗಿತ್ತು. ತಾಪ್ಸಿ ಪನ್ನು, ಭೂಮಿ ಪಡ್ನೇಕರ್ ಈ ಚಿತ್ರದಲ್ಲಿ ನಟಿಸಿದ್ದರು. ಶೂಟರ್ ದಾದಿಗೆ 'ರಿವಾಲ್ವರ್ ದಾದಿ' ಎಂದು ಕೂಡ ಹೆಸರಿದೆ. ಮೊಮ್ಮಕ್ಕಳ ಬದುಕಿಗಾಗಿ 60ನೇ ವರ್ಷದಲ್ಲಿ ಶೂಟಿಂಗ್ ತಯಾರಿ ನಡೆಸಿದ್ದರು. ಅನೇಕ ಕಡೆ ಸ್ಪರ್ಧೆಗಳಲ್ಲಿ ಭಾಗವಹಿಸಿ 350 ಮೆಡಲ್ ಗೆದ್ದಿದ್ದಾರೆ. ಬಿಕ್ರಮ್‌ಜೀತ್‌ ಕನ್ವರ್‌ಪಾಲ್‌ ಬಾಲಿವುಡ್‌ ಪ್ರಮುಖ ನಟ ಬಿಕ್ರಮ್‌ಜೀತ್‌ ಕನ್ವರ್‌ಪಾಲ್‌ (52) ಕೊರೊನಾ ಸಂಬಂಧಿತ ಆರೋಗ್ಯ ಸಮಸ್ಯೆಯಿಂದ (ಮೇ 1) ಶನಿವಾರ ನಿಧನರಾದರು. 2003ರಲ್ಲಿ ಭಾರತೀಯ ಸೇನೆಯಿಂದ ನಿವೃತ್ತಗೊಂಡ ನಂತರ ಅವರು ಬಾಲಿವುಡ್‌ ಪ್ರವೇಶಿಸಿದರು. ಬಿಕ್ರಮ್‌ಜೀತ್‌ ಅವರು ಬಾಲಿವುಡ್‌ ಮಾತ್ರವಲ್ಲದೆ, ತೆಲುಗು ಚಿತ್ರಗಳಲ್ಲೂ ನಟಿಸಿದ್ದಾರೆ. 'ಪೇಜ್‌-3, 'ಪ್ರೇಮ್‌ ರತನ್‌ ಧನ್‌ ಪಾಯೋ', '2 ಸ್ಟೇಟ್ಸ್‌' ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ನಟಿಸಿದ್ದಾರೆ. 2019 ರಲ್ಲಿ ತೆರೆ ಕಂಡಿದ್ದ ಬಹುಭಾಷಾ ಚಿತ್ರ 'ಸಾಹೋ' ಇವರು ನಟಿಸಿದ ಕಡೆಯ ಚಿತ್ರ.