ವಿಶ್ವದ ಅತಿ ದೊಡ್ಡ ಕ್ರಿಪ್ಟೋ ಕಳವು: 610 ಮಿಲಿಯನ್ ಡಾಲರ್‌ನಲ್ಲಿ ಅರ್ಧದಷ್ಟು ಕ್ರಿಪ್ಟೋ ಹಿಂದಿರುಗಿಸಿದ ಹ್ಯಾಕರ್‌ಗಳು

ಸ್ಯಾನ್ ಫ್ರಾನ್ಸಿಸ್ಕೋ: ತನ್ನಿಂದ ಕಳವು ಮಾಡಿದ್ದ ಕ್ರಿಪ್ಟೋ ಕರೆನ್ಸಿಯ ಸ್ವಲ್ಪ ಪಾಲನ್ನು ಮರಳಿಸಿದ್ದಾರೆ ಎಂದು ವರ್ಗಾವಣೆ ಪರಿಣತ ಸಂಸ್ಥೆ ತಿಳಿಸಿದೆ. ಕ್ರಿಪ್ಟೋ ಪ್ಲಾಟ್‌ಫಾರ್ಮ್ , ತನ್ನಿಂದ ಕಳ್ಳತನದ ಮಾಡಲಾದ ಸುಮಾರು 610 ಮಿಲಿಯನ್ ಡಾಲರ್ ಮೌಲ್ಯದ ಕ್ರಿಪ್ಟೋ ಕರೆನ್ಸಿಯಲ್ಲಿ ಅರ್ಧದಷ್ಟು ಮೌಲ್ಯದ ಸಂಪತ್ತನ್ನು ಹ್ಯಾಕರ್‌ಗಳು ಮರಳಿಸಿದ್ದಾರೆ ಎಂದು ತಿಳಿಸಿದೆ. ಕಳವು ಮಾಡಲಾದ ಇಥೆರಿಯಮ್, ಬಿನಾನ್ಸ್ ಚೈನ್ ಮತ್ತು ಆಕ್ಸ್‌ಪಾಲಿಗಾನ್ ಟೋಕನ್‌ಗಳನ್ನು, ಕ್ರಿಪ್ಟೋ ಕರೆನ್ಸಿಗಳನ್ನು ಸಂಗ್ರಹಿಸಲು ಬಳಸುವ 'ವಾಲೆಟ್'ಗಳನ್ನು ನಡೆಸುವ ವ್ಯಾಪಾರಿಗಳು ಪರಿಗಣಿಸಬಾರದು ಎಂದು ಪಾಲಿ ನೆಟ್‌ವರ್ಕ್ ಮನವಿ ಮಾಡಿತ್ತು. ಹ್ಯಾಕರ್‌ಗಳು ಈಗ ಅಂದಾಜು 260 ಮಿಲಿಯನ್ ಡಾಲರ್ ಮೌಲ್ಯದ ಮರಳಿಸಿದ್ದು, ಇನ್ನೂ 353 ಮಿಲಿಯನ್ ಡಾಲರ್ ಬಾಕಿ ಉಳಿದಿದೆ. 'ನೀವು ಹ್ಯಾಕ್ ಮಾಡಿರುವ ಹಣದ ಮೊತ್ತವು ವಿಕೇಂದ್ರೀಕೃತ ಹಣಕಾಸು ಇತಿಹಾಸದಲ್ಲಿಯೇ ಅತ್ಯಧಿಕವಾಗಿದೆ' ಎಂದು ಕಳ್ಳರಿಗೆ ಪಾಲಿ ನೆಟ್‌ವರ್ಕ್ ಮಂಗಳವಾರ ತನ್ನ ಸಂದೇಶದಲ್ಲಿ ಹೇಳಿತ್ತು. 'ನೀವು ಕಳ್ಳತನ ಮಾಡಿರುವ ಹಣವು ಹತ್ತಾರು ಸಾವಿರ ಕ್ರಿಪ್ಟೋ ಕರೆನ್ಸಿ ಸಮುದಾಯದ ಸದಸ್ಯರಿಗೆ ಸೇರಿದ್ದಾಗಿದೆ' ಎಂದು ಅದು ಟ್ವೀಟ್ ಮಾಡಿತ್ತು. 'ವೈಟ್ ಹ್ಯಾಟ್' ಸೈಬರ್ ಭದ್ರತಾ ಸಂಸ್ಥೆಯ ಪರಿಣತರು ಈ ಕಳ್ಳತನದ ಕುರಿತು ಪರಿಶೀಲನೆ ನಡೆಸುತ್ತಿದ್ದು, ಹ್ಯಾಕರ್‌ಗಳ ಪತ್ತೆಗೆ ಕಾರ್ಯಾಚರಣೆ ನಡೆಸುತ್ತಿದೆ. ಈ ನಡುವೆ ಡಿಜಿಟಲ್ ದರೋಡೆಯ ಸ್ವಲ್ಪ ಪಾಲು ಮರಳಿದೆ. ಬ್ಲಾಕ್‌ಚೈನ್ ವ್ಯವಸ್ಥೆಯ ರಕ್ಷಣಾ ಸಂಸ್ಥೆ ಸ್ಲೋಮಿಸ್ಟ್, ಪಾಲಿ ನೆಟ್‌ವರ್ಕ್ ಕಳೆದುಕೊಂಡ ಮೊತ್ತವು 610 ಮಿಲಿಯನ್ ಡಾಲರ್‌ಗಿಂತಲೂ ಅಧಿಕವಾಗಿದೆ ಎಂದು ಅಂದಾಜಿಸಿದೆ. 'ಆನ್‌ ಚೈನ್ ಮತ್ತು ಆಫ್ ಚೈನ್ ಟ್ರ್ಯಾಕಿಂಗ್ ಮೂಲಕ ಸೈಬರ್ ದಾಳಿಕೋರನ ಮೇಲ್ ಬಾಕ್ಸ್, ಐಪಿ ಹಾಗೂ ಸಾಧನ ಬೆರಳಚ್ಚುಗಳನ್ನು ಸಂಗ್ರಹಿಸಿದೆ. ದಾಳಿಕೋರನ ಕುರಿತಾದ ಕೆಲವು ಸುಳಿವುಗಳನ್ನು ನೀಡುವ ಸಾಧ್ಯತೆ ಇದೆ' ಎಂದು ಕಂಪೆನಿ ತಿಳಿಸಿದೆ. ಪೊಲೀಸ್ ತನಿಖೆಗೆ ಬಗ್ಗೆ ಪಾಲಿ ನೆಟ್‌ವರ್ಕ್ ಹ್ಯಾಕರ್‌ಗಳಿಗೆ ಎಚ್ಚರಿಕೆ ನೀಡಿದ್ದರೂ, ಈ ಸಮಸ್ಯೆಯನ್ನು ಬಗೆಹರಿಸಿಕೊಳ್ಳಲು ಹ್ಯಾಕರ್‌ಗಳಿಗೆ ಅವಕಾಶ ನೀಡುವುದಾಗಿ ಹೇಳಿದೆ.