'ಲವ್ ಮೀ or ಹೇಟ್ ಮೀ' ಎಂದ ನಟ 'ಡಾರ್ಲಿಂಗ್' ಕೃಷ್ಣ, 'ಡಿಂಪಲ್ ಕ್ವೀನ್' ರಚಿತಾ ರಾಮ್!

'ಲವ್ ಮಾಕ್ಟೇಲ್' ಸಿನಿಮಾ ಯಶಸ್ಸಿನ ನಂತರದಲ್ಲಿ 'ಡಾರ್ಲಿಂಗ್' ಕೃಷ್ಣ ಅವರು ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ನಟಿ ಜೊತೆಗೆ ನಟಿಸುತ್ತಾರೆ ಎಂದು ಹೇಳಲಾಗಿತ್ತು. ಹೆಸರು ಇಟ್ಟಿರದ ಆ ಚಿತ್ರಕ್ಕೆ ಈಗ ಹೆಸರಿಡಲಾಗಿದೆ. ನಟ 'ಡಾರ್ಲಿಂಗ್' ಕೃಷ್ಣ ಹಾಗೂ ರಚಿತಾ ರಾಮ್ ಅವರು ಸೋಶಿಯಲ್ ಮೀಡಿಯಾದಲ್ಲಿ ಈ ವಿಚಾರವನ್ನು ಹಂಚಿಕೊಂಡಿದ್ದು, 'ಲವ್‌ಮೀ or ಹೇಟ್ ಮೀ' ಎಂದು ಟೈಟಲ್ ಇಡಲಾಗಿದೆಯಂತೆ. ಟೈಟಲ್ ನೋಡಿದರೆ ಇದು ಲವ್ ಸ್ಟೋರಿ ಎಂದು ಮೇಲ್ನೋಟಕ್ಕೆ ಗೊತ್ತಾಗುವುದು. ಆದರೆ ಈ ಬಗ್ಗೆ ಚಿತ್ರತಂಡ ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ. ಮೊದಲ ಬಾರಿಗೆ ಕೃಷ್ಣ ಹಾಗೂ ರಚಿತಾ ರಾಮ್ ಒಟ್ಟಿಗೆ ನಟಿಸುತ್ತಿರುವುದು ವಿಶೇಷ. ದೀಪಕ್ ನಿರ್ದೇಶನದ ಮೊದಲ ಸಿನಿಮಾ 'ಕಾಳಿದಾಸ ಕನ್ನಡ ಮೇಷ್ಟ್ರು', 'ನನ್ನ ಪ್ರಕಾರ' ಮುಂತಾದ ನೂರಕ್ಕೂ ಹೆಚ್ಚು ಸಿನಿಮಾಗಳನ್ನು ವಿತರಣೆ ಮಾಡಿದ ದೀಪಕ್ ಗಂಗಾಧರ್ ಅವರು ಮೊದಲ ಬಾರಿಗೆ ನಿರ್ದೇಶನ ಮಾಡುತ್ತಿರುವ ಸಿನಿಮಾ ಇದಾಗಿದೆ. ತೂಗುದೀಪ ಪ್ರೊಡಕ್ಷನ್‌ನಲ್ಲಿ ಕೂಡ ದೀಪಕ್ ಕೆಲಸ ಮಾಡಿದ್ದರು, ಎಂಡಿ ಶ್ರೀಧರ್, ಕವಿರಾಜ್ ಜೊತೆ ಸಹ ನಿರ್ದೇಶಕರಾಗಿಯೂ ಕೆಲಸ ಮಾಡಿದ್ದಾರೆ. ಡಾರ್ಲಿಂಗ್ ಕೃಷ್ಣ ಕೈಯ್ಯಲ್ಲಿರುವ ಸಿನಿಮಾಗಳು ಇವು ಡಾರ್ಲಿಂಗ್ ಕೃಷ್ಣ ಕೈಯ್ಯಲ್ಲಿ 'ಶುಗರ್ ಫ್ಯಾಕ್ಟರಿ', ''Shrikrishna@gmail.com', 'ಶೀಘ್ರಮೇವ ಕಲ್ಯಾಣ ಪ್ರಾಪ್ತಿ ರಸ್ತು', 'ಮಿಸ್ಟರ್ ಬ್ಯಾಚುಲರ್', 'ಲವ್ ಮಾಕ್ಟೇಲ್ 2' ಸಿನಿಮಾಗಳಿವೆ. ಈ ಚಿತ್ರದ ಕೆಲಸಗಳಯ ನಡೆಯುತ್ತಿವೆ. ರಚಿತಾ ರಾಮ್ ಕೈಯ್ಯಲ್ಲಿರುವ ಸಿನಿಮಾಗಳು ಇವು ರಮೇಶ್ ಅರವಿಂದ್ ಜೊತೆಗೆ '100', ನಿರ್ದೇಶಕ 'ಜೋಗಿ' ಪ್ರೇಮ್ ಅವರ 'ಏಕ್‌ ಲವ್ ಯಾ', ಪ್ರಜ್ವಲ್ ದೇವರಾಜ್‌ ಜೊತೆಗೆ 'ವೀರಂ', ಡಾಲಿ ಧನಂಜಯ್ ಜೊತೆಗೆ 'ಮಾನ್ಸೂನ್ ರಾಗ', 'ಏಪ್ರಿಲ್', 'ಲಿಲ್ಲಿ', 'ಪಂಕಜ ಕಸ್ತೂರಿ', ತೆಲುಗಿನಲ್ಲಿ 'ಸೂಪರ್ ಮಚ್ಚಿ', ನಟ ಸತೀಶ್ ನೀನಾಸಂ ಜೊತೆಗೆ 'ಮ್ಯಾಟ್ನಿ' ಸಿನಿಮಾಳಲ್ಲಿ ರಚಿತಾ ರಾಮ್ ಅವರು ಬಣ್ಣ ಹಚ್ಚಿದ್ದಾರೆ.