ಲೈಂಗಿಕ ಉದ್ದೇಶವಿಲ್ಲದೆ ಮಗುವಿನ ಕೆನ್ನೆಗಳನ್ನು ಸ್ಪರ್ಶಿಸುವುದು ದೌರ್ಜನ್ಯವಲ್ಲ: ಬಾಂಬೆ ಹೈಕೋರ್ಟ್
ಯಾವುದೇ ಲೈಂಗಿಕ ಉದ್ದೇಶಗಳಿಲ್ಲದೆ ಮಗುವಿನ ಕೆನ್ನೆಗಳನ್ನು ಸ್ಪರ್ಶಿಸುವುದು ಪೋಕ್ಸೋ ಕಾಯ್ದೆ ಅಡಿಯಲ್ಲಿ ಲೈಂಗಿಕ ದೌರ್ಜನ್ಯ ಎನಿಸುವುದಿಲ್ಲ ಎಂದು ಬಾಂಬೆ ಹೈಕೋರ್ಟ್ ಮಹತ್ವದ ಆದೇಶ ನೀಡಿದೆ.
Admin
0
9
ಮುಂಬಯಿ: ಯಾವುದೇ ಲೈಂಗಿಕ ಉದ್ದೇಶವಿಲ್ಲದೆ ಮಗುವಿನ ಕೆನ್ನೆಗಳನ್ನು ಸ್ಪರ್ಶಿಸುವುದನ್ನು ಅಡಿಯಲ್ಲಿ '' ಎಂಬುದಾಗಿ ಪರಿಗಣಿಸಲು ಸಾಧ್ಯವಿಲ್ಲ ಎಂದು ಇತ್ತೀಚೆಗೆ ಹೇಳಿದೆ.
ಪೋಕ್ಸೋ ಕಾಯ್ದೆಯ ವಿವಿಧ ಸೆಕ್ಷನ್‌ಗಳ ಅಡಿ ಆರೋಪಕ್ಕೆ ಒಳಗಾಗಿರುವ 46 ವರ್ಷದ ವ್ಯಕ್ತಿಗೆ ನೀಡುವಾಗ ಕೋರ್ಟ್ ಈ ಅಭಿಪ್ರಾಯ ವ್ಯಕ್ತಪಡಿಸಿದೆ. ಚಿಕನ್ ಸೆಂಟರ್ ನಡೆಸುತ್ತಿರುವ ಆರೋಪಿಯು, ತನ್ನ ಮಾಂಸದಂಗಡಿಯ ಒಳಗೆ ಅಪ್ರಾಪ್ತ ವಯಸ್ಸಿನ ಮಗುವಿನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದ ಆರೋಪಕ್ಕೆ ತುತ್ತಾಗಿದ್ದರು. 2020ರಲ್ಲಿ ಈ ಘಟನೆ ನಡೆದಿದ್ದು, ಮಹಾರಾಷ್ಟ್ರದ ಥಾಣೆಯ ರಬೋದಿ ಪೊಲೀಸರಿಂದ ಬಂಧಿತರಾಗಿದ್ದ ವ್ಯಕ್ತಿ, ಅಂದಿನಿಂದಲೂ ಜೈಲಿನಲ್ಲಿದ್ದರು.
ಆರೋಪಿಯು ತನ್ನ ಅಂಗಡಿಯಲ್ಲಿ ಬಾಲಕಿ ಜತೆಗೆ ಮಾತನಾಡುತ್ತಾ ಆಕೆಯ ಕೆನ್ನೆ ಸ್ಪರ್ಶಿಸುವುದನ್ನು ಮಹಿಳೆಯೊಬ್ಬರು ನೋಡಿದ್ದರು. ಅವರು ತನ್ನ ಅಂಗಿ ಕಳಚಿದ್ದು, ಪ್ಯಾಂಟ್ ಕೂಡ ತೆಗೆಯಲು ಮುಂದಾಗಿದ್ದರು ಎಂದು ಆರೋಪಿಸಲಾಗಿತ್ತು. ಆದರೆ ಈ ಬಗ್ಗೆ ದೂರು ನೀಡಿದ್ದ ಮಗುವಿನ ತಾಯಿ, ಅವರು ಮಗುವಿನ ಕೆನ್ನೆ ಸ್ಪರ್ಶಿಸಿದ್ದಾಗಿ ಮಾತ್ರ ಉಲ್ಲೇಖಿಸಿದ್ದರು. ಇದನ್ನು ನ್ಯಾಯಾಲಯ ಆದೇಶದಲ್ಲಿ ಉಲ್ಲೇಖಿಸಿದೆ.
ದಾಖಲೆಗಳ ಪ್ರಾಥಮಿಕ ಮೌಲ್ಯಮಾಪನದಲ್ಲಿ ಆರೋಪಿಯು ಲೈಂಗಿಕ ದೌರ್ಜನ್ಯದ ಉದ್ದೇಶದಿಂದ ಮಗುವಿನ ಕೆನ್ನೆ ಮುಟ್ಟಿದ್ದನ್ನು ಹೇಳುತ್ತಿಲ್ಲ. ಲೈಂಗಿಕತೆಯ ಉದ್ದೇಶದಿಂದ ಮಗುವಿನ ಯೋನಿ, ಶಿಶ್ನ, ಗುದ ಅಥವಾ ಸ್ತನಗಳನ್ನು ಮುಟ್ಟಿದರೆ ಅಥವಾ ಲೈಂಗಿಕ ಉದ್ದೇಶದಿಂದ ಇತರೆ ಯಾವುದೇ ಕೃತ್ಯ ಎಸಗಿದರೆ ಅದು ಲೈಂಗಿಕ ದೌರ್ಜನ್ಯ ಎಂದು ಪರಿಗಣಿಸಬಹುದು ಎಂದು ಕೋರ್ಟ್ ಹೇಳಿದೆ.
