'ರೌದ್ರ ರಣ ರುಧಿರ' ಆರ್ಭಟಕ್ಕೆ ಮುಹೂರ್ತ ಫಿಕ್ಸ್‌; RRR ಟ್ರೈಲರ್ ಲಾಂಚ್‌ಗೆ ದಿನಗಣನೆ ಶುರು!

ಜೂ. ಎನ್‌ಟಿಆರ್, ರಾಮ್‌ ಚರಣ್‌ ಅಭಿನಯದ '' ಸಿನಿಮಾದ ಮೇಲೆ ಇಡೀ ವಿಶ್ವಾದ್ಯಾಂತ ದೊಡ್ಡ ನಿರೀಕ್ಷೆ ಇದೆ. 'ಬಾಹುಬಲಿ'ಯಂತಹ ಬ್ಲಾಕ್ ಬಸ್ಟರ್ ಹಿಟ್ ಸಿನಿಮಾ ಮಾಡಿದ ಮೇಲೆ ಕೈಗೆತ್ತಿಕೊಂಡಿರುವ ಸಿನಿಮಾವಿದು. ಇದೀಗ ಆ ಸಿನಿಮಾವು ತೆರೆಗೆ ಬರಲು ದಿನಗಣನೆ ಆರಂಭವಾಗಿದೆ. ಜನವರಿ 7ರಂದು ವಿಶ್ವಾದ್ಯಂತ ಸಾವಿರಾರು ಪರದೆ ಮೇಲೆ ಈ ಸಿನಿಮಾ ರಾರಾಜಿಸಲಿದೆ. ಅದಕ್ಕೂ ಮೊದಲು ಟ್ರೈಲರ್ ಮೂಲಕ ಸಣ್ಣ ಝಲಕ್ ನೀಡಲಿದ್ದಾರೆ ರಾಜಮೌಳಿ. ಡಿ.3ಕ್ಕೆ 'ಆರ್‌ಆರ್‌ಆರ್' ಟ್ರೈಲರ್‌'ಆರ್‌ಆರ್‌ಆರ್‌' ಸಿನಿಮಾವನ್ನು ಜನವರಿ 7ರಂದು ಅದ್ದೂರಿಯಾಗಿಯೇ ರಿಲೀಸ್ ಮಾಡಲಿದ್ದೇವೆ ಎಂದು ಚಿತ್ರತಂಡ ಈ ಹಿಂದೆಯೇ ಹೇಳಿಕೊಂಡಿತ್ತು. ಅದಕ್ಕೂ ಮೊದಲು ಟ್ರೈಲರ್ ನೋಡುವ ತವಕ ಎಲ್ಲರಲ್ಲಿಯೂ ಇತ್ತು. ಅದರೆ ಅದ್ಯಾವಾಗ ಅನ್ನೋ ಕುತೂಹಲ ಸಿನಿಪ್ರಿಯರನ್ನು ಕಾಡುತ್ತಿತ್ತು. ಅದಕ್ಕೀಗ ಉತ್ತರ ಸಿಕ್ಕಿದ್ದು, ಡಿ.3ರಂದು 'ಆರ್‌ಆರ್‌ಆರ್‌' ಟ್ರೈಲರ್ ಲಾಂಚ್ ಆಗಲಿದೆ. ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ‌ ಮಲಯಾಳಂ ಭಾಷೆಗಳಲ್ಲಿ ಏಕಕಾಲಕ್ಕೆ 'ಆರ್‌ಆರ್‌ಆರ್' ಸಿನಿಮಾದ ಟ್ರೈಲರ್ ಬಿಡುಗಡೆಯಾಗಲಿದೆ. ಟೀಸರ್, ಮೇಕಿಂಗ್ ವಿಡಿಯೋ ಹಾಗೂ ಸಾಂಗ್ಸ್‌ನಿಂದ ಸದ್ದು ಮಾಡಿರುವ ಈ ಸಿನಿಮಾವು ಈಗ ಟ್ರೈಲರ್‌ನಿಂದಲೂ ಗಮನಸೆಳೆಯೋಕೆ ರೆಡಿ ಆಗಿದೆ. 'ಆರ್‌ಆರ್‌ಆರ್‌' ಹಕ್ಕುಗಳನ್ನು ಪಡೆದ ಕೆವಿಎನ್‌'ಆರ್‌ಆರ್‌ಆರ್‌' ಚಿತ್ರದ ವಿತರಣೆಯ ಹಕ್ಕುಗಳನ್ನು ಕೆವಿಎನ್ ಪ್ರೊಡಕ್ಷನ್ಸ್ ಪಡೆದುಕೊಂಡಿದೆ. 'ಸಖತ್', 'ಬೈಟು ಲವ್' ಸೇರಿದಂತೆ ಒಂದಷ್ಟು ಬಿಗ್ ಬಜೆಟ್‌ ಕನ್ನಡ ಸಿನಿಮಾಗಳನ್ನು ನಿರ್ಮಾಣ ಮಾಡುತ್ತಿರುವ ಕೆವಿಎನ್ ಪ್ರೊಡಕ್ಷನ್ಸ್ ಸಂಸ್ಥೆಯು ಈಗ 'ಆರ್‌ಆರ್‌ಆರ್‌' ಚಿತ್ರದ ಹಕ್ಕುಗಳನ್ನು ಪಡೆಯುವ ಮೂಲಕ ವಿತರಣೆಗೂ ಮುಂದಾಗಿದೆ. ಆರ್‌ಆರ್‌ಆರ್‌ನಲ್ಲಿ ಕನ್ನಡದ ನಟರಾಜಮೌಳಿಯ ‘ಆರ್‌ಆರ್‌ಆರ್‌’ ಸಿನಿಮಾದಲ್ಲಿ ಕನ್ನಡದ ನಟ ಅರುಣ್‌ ಸಾಗರ್‌ ಬಣ್ಣ ಹಚ್ಚಿದ್ದಾರೆ. ರಂಗಭೂಮಿ ಪ್ರತಿಭೆ ಅರುಣ್‌ ಸಾಗರ್‌ ಅವರು ಕನ್ನಡ ಚಿತ್ರರಂಗದಲ್ಲಿ ನಟರಾಗಿ ಮತ್ತು ಕಲಾ ನಿರ್ದೇಶಕರಾಗಿ ಹೆಸರು ಮಾಡಿದ್ದಾರೆ. 'ಆರ್‌ಆರ್‌ಆರ್‌' ಸಿನಿಮಾ ತಂಡದಿಂದ ಅತಿಥಿ ಪಾತ್ರವೊಂದಕ್ಕೆ ಅರುಣ್‌ ಸಾಗರ್‌ಗೆ ಕರೆ ಬಂದಾಗ ಅವರು ಹಿಂದೆ ಮುಂದೆ ನೋಡದೆ ನಟಿಸಿ ಬಂದಿದ್ದಾರೆ. ಈ ಸಿನಿಮಾದಲ್ಲಿ ಅವರದ್ದು ಬಹಳ ಪ್ರಮುಖವಾದ ಸಣ್ಣ ಪಾತ್ರ. ಸಿನಿಮಾದ ಆರಂಭದಲ್ಲಿಯೇ ಅವರು ತೆರೆಯ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾದ ಇಬ್ಬರು ನಾಯಕರಲ್ಲಿ ಒಬ್ಬರಿಗೆ ಹೆಸರಿಡುವ ಪಾತ್ರದಲ್ಲಿ ಅರುಣ್‌ ನಟಿಸಿದ್ದಾರೆ. ರಾಮ್‌ ಚರಣ್‌, ಜೂ. ಎನ್‌ಟಿಆರ್‌, ಅಲಿಯಾ ಭಟ್‌, ಅಜಯ್‌ ದೇವಗನ್‌ ನಟಿಸಿರುವ ಈ ಸಿನಿಮಾವನ್ನು ಸೆಂಥಿಲ್‌ ಛಾಯಾಗ್ರಹಣ ಮಾಡಿದ್ದಾರೆ. ಎಂಎಂ ಕೀರವಾಣಿ ಸಂಗೀತ ನಿರ್ದೇಶನ ಮಾಡಿದ್ದು, ಡಿವಿವಿ ದಾನಯ್ಯ ಇದರ ನಿರ್ಮಾಣವನ್ನು ಮಾಡಿದ್ದಾರೆ. ಈಗಾಗಲೇ ರಿಲೀಸ್‌ಗೂ ಮೊದಲೇ ಒಳ್ಳೆಯ ಲಾಭವನ್ನು ನಿರ್ಮಾಪಕರು ಪಡೆದುಕೊಂಡಿದ್ದಾರೆ.