‘ರಾಗಿ ಮುದ್ದೆ ಪಾರ್ಟಿ’ ಮಾಡಿದ ಸುಧಾರಾಣಿ, ಶ್ರುತಿ ಮತ್ತು ಮಾಳವಿಕಾ ಅವಿನಾಶ್

ಎರಡು ಜಡೆ ಸೇರಿದರೆ ಜಗಳ ಎನ್ನುತ್ತಾರೆ.. ಒಬ್ಬ ನಟಿ ಕಂಡ್ರೆ ಇನ್ನೊಬ್ಬ ನಟಿಗೆ ಆಗ್ಬರಲ್ಲ ಅಂತಾರೆ.. ಆದರೆ, ಇದೆಲ್ಲ ಶುದ್ಧ ಸುಳ್ಳು ಎಂದು ನಟಿ , ನಟಿ ಮತ್ತು ನಟಿ ಸಾಬೀತು ಪಡಿಸಿದ್ದಾರೆ. ಹೌದು, ನಟಿ ಸುಧಾರಾಣಿ, ನಟಿ ಶ್ರುತಿ ಹಾಗೂ ನಟಿ ಮಾಳವಿಕಾ ಅವಿನಾಶ್ ಆತ್ಮೀಯ ಗೆಳತಿಯರು. ಆಗಾಗ ಭೇಟಿಯಾಗುವ ಈ ಮೂವರು ಇತ್ತೀಚೆಗಷ್ಟೇ ಮತ್ತೆ ಒಂದೆಡೆ ಸೇರಿದ್ದರು. ‘ರಾಗಿ ಮುದ್ದೆ ಪಾರ್ಟಿ’ ಮಾಡಿದ ನಟಿಯರು ಮೊನ್ನೆ ಮಧ್ಯಾಹ್ನವಷ್ಟೇ ಒಂದುಕಡೆ ಸೇರಿದ್ದ ನಟಿ ಶ್ರುತಿ, ನಟಿ ಸುಧಾರಾಣಿ ಹಾಗೂ ನಟಿ ಮಾಳವಿಕಾ ಅವಿನಾಶ್ ‘ರಾಗಿ ಮುದ್ದೆ ಪಾರ್ಟಿ’ ಮಾಡಿದ್ದಾರೆ. ಮನೆಯಲ್ಲಿ ಸ್ವತಃ ನಟಿ ಶ್ರುತಿ ರಾಗಿ ಮುದ್ದೆ ತಯಾರಿಸಿದ್ದಾರೆ. ನಟಿ ಶ್ರುತಿ ತಯಾರಿಸಿದ ರಾಗಿ ಮುದ್ದೆಯನ್ನ ಸವಿದು ಸುಧಾರಾಣಿ ಹಾಗೂ ಮಾಳವಿಕಾ ಅವಿನಾಶ್ ಖುಷಿ ಪಟ್ಟಿದ್ದಾರೆ. ಶ್ರುತಿ ಹಾಗೂ ಮಾಳವಿಕಾ ಅವಿನಾಶ್ ಜೊತೆಗೆ ರಾಗಿ ಮುದ್ದೆ ಪಾರ್ಟಿ ಮಾಡಿದ ವಿಡಿಯೋವನ್ನು ನಟಿ ಸುಧಾರಾಣಿ ತಮ್ಮ ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ನಟಿ ಶ್ರುತಿ ರಾಗಿ ಮುದ್ದೆ ತಯಾರಿಸುತ್ತಿರುವ ವಿಡಿಯೋ ಹಾಗೂ ಫೋಟೋಗಳನ್ನು ನಟಿ ಸುಧಾರಾಣಿ ಶೇರ್ ಮಾಡಿದ್ದಾರೆ. ಸ್ವೀಟ್ ಫ್ರೆಂಡ್‌ಶಿಪ್ ಎಂದ ನಿಧಿ ನಟಿ ಶ್ರುತಿ, ನಟಿ ಸುಧಾರಾಣಿ ಹಾಗೂ ಮಾಳವಿಕಾ ಅವಿನಾಶ್ ನಡುವಿನ ಸ್ನೇಹವನ್ನು ಕಂಡು ಸುಧಾರಾಣಿ ಪುತ್ರಿ ನಿಧಿ ಸಂತಸ ಪಟ್ಟಿದ್ದಾರೆ. ‘’ನೀವು ಮೂವರನ್ನು ನೋಡುವುದೇ ಚೆಂದ. ನಿಮ್ಮದು ಸ್ವೀಟ್ ಫ್ರೆಂಡ್‌ಶಿಪ್’’ ಎಂದು ಸುಧಾರಾಣಿ ಪುತ್ರಿ ನಿಧಿ ಇನ್ಸ್ಟಾಗ್ರಾಮ್‌ನಲ್ಲಿ ಕಾಮೆಂಟ್ ಮಾಡಿದ್ದಾರೆ. ಇನ್ನೂ, ಶ್ರುತಿ ಪುತ್ರಿ ಗೌರಿ ಕೂಡ ‘ರಾಗಿ ಮುದ್ದೆ ಪಾರ್ಟಿ’ ವಿಡಿಯೋ ನೋಡಿ ‘‘ಸೋ ಕ್ಯೂಟ್’’ ಎಂದು ಕಾಮೆಂಟ್ ಮಾಡಿದ್ದಾರೆ. ಲೀಲಾವತಿ ಮನೆಯಲ್ಲಿ ಶ್ರುತಿ, ಸುಧಾರಾಣಿ, ಮಾಳವಿಕಾ ಅವಿನಾಶ್ ಕಳೆದ ತಿಂಗಳಷ್ಟೇ ಹಿರಿಯ ನಟಿ ಲೀಲಾವತಿ ಮನೆಗೆ ನಟಿ ಶ್ರುತಿ, ನಟಿ ಸುಧಾರಾಣಿ ಹಾಗೂ ಮಾಳವಿಕಾ ಅವಿನಾಶ್ ಭೇಟಿ ಕೊಟ್ಟಿದ್ದರು. ಲೀಲಾವತಿ ಅವರ ಯೋಗಕ್ಷೇಮವನ್ನು ವಿಚಾರಿಸಿದ್ದರು. ಲೀಲಾವತಿ ಜೊತೆಗೆ ತಾವು ಕಳೆದ ಮರೆಯಲಾಗದ ಕ್ಷಣಗಳ ಫೋಟೋ ಹಾಗೂ ವಿಡಿಯೋಗಳನ್ನು ನಟಿ ಸುಧಾರಾಣಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರು. ನಿಮ್ಮ ಅನುಬಂಧಕ್ಕೆ ಹ್ಯಾಟ್ಸ್ ಆಫ್ ಮೊನ್ನೆ ಮೊನ್ನೆಯಷ್ಟೇ ಹಿರಿಯ ನಟಿ ಲೀಲಾವತಿ ಮನೆಗೆ ನಟಿ ಶ್ರುತಿ, ಹಿರಿಯ ನಟಿಯರಾದ ಭಾರತಿ ಮತ್ತು ಹೇಮಾ ಚೌಧರಿ ಕೂಡ ಭೇಟಿ ನೀಡಿದ್ದರು. ಲೀಲಾವತಿ ಹಾಗೂ ಪುತ್ರ ವಿನೋದ್ ರಾಜ್ ಜೊತೆಗೆ ಭೋಜನ ಸವಿದು ನಟಿ ಶ್ರುತಿ, ಹಿರಿಯ ನಟಿಯರಾದ ಭಾರತಿ ಮತ್ತು ಹೇಮಾ ಚೌಧರಿ ಸಂತೋಷ ಪಟ್ಟಿದ್ದರು. ಈ ಸಂತಸದ ಕ್ಷಣಗಳ ವಿಡಿಯೋವನ್ನು ನಟಿ ಶ್ರುತಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರು. ತಾರೆಯರ ಈ ಅನುಬಂಧವನ್ನು ಕಂಡ ಅಭಿಮಾನಿಗಳು ‘’ಹ್ಯಾಟ್ಸ್ ಆಫ್’’ ಹೇಳಿದ್ದಾರೆ.