ಮದುವೆ ಪ್ಲ್ಯಾನ್ ಬಿಚ್ಚಿಟ್ಟ 'ಗೂಗ್ಲಿ' ಸಿನಿಮಾ ನಟಿ; ಬಾಲಿವುಡ್‌ ನಟನ ಕೈ ಹಿಡಿಯಲಿರುವ ಕೃತಿ ಕರಬಂಧ
'ರಾಕಿಂಗ್ ಸ್ಟಾರ್' ಯಶ್ ನಟನೆಯ 'ಗೂಗ್ಲಿ' ಸಿನಿಮಾ ನಟಿ ಕೃತಿ ಕರಬಂಧ ನಟ ಪುಲ್ಕಿಟ್ ಸಾಮ್ರಾಟ್ ಜೊತೆ ಡೇಟ್ ಮಾಡುತ್ತಿದ್ದಾರೆ. ಅವರು ಯಾವಾಗ ಮದುವೆ ಆಗಲಿದ್ದಾರೆ? ಈ ಕುರಿತು ಕೃತಿ ಮೌನ ಮುರಿದಿದ್ದಾರೆ.
Admin
0
6
'ಗೂಗ್ಲಿ' ಸಿನಿಮಾ ಮೂಲಕ ಗಮನಸೆಳೆದ ನಟಿ ಅವರು ಸದ್ಯ ಬಾಲಿವುಡ್‌ನಲ್ಲಿ ಬ್ಯುಸಿಯಿದ್ದಾರೆ. ಆಗಾಗ ಅವರು ನಟ ಪುಲ್ಕಿಟ್ ಸಾಮ್ರಾಟ್ ಜೊತೆ ಲವ್‌ನಲ್ಲಿದ್ದಾರೆ ಎಂಬ ಮಾತು ಕೇಳಿ ಬರುತ್ತಲಿತ್ತು. ಆದರೆ ಕೃತಿ ಮಾತ್ರ ಮದುವೆ ಕುರಿತು ಇಲ್ಲಿಯವರೆಗೆ ಅಷ್ಟಾಗಿ ಬಾಯಿಯೇ ಬಿಟ್ಟಿರಲಿಲ್ಲ. ಈಗ ಅವರು ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮದುವೆ ಪ್ಲ್ಯಾನ್ ಬಿಚ್ಚಿಟ್ಟಿದ್ದಾರೆ.
ಖಾಸಗಿ ವ್ಯಕ್ತಿ ನಾನು: ಕೃತಿ
"ನನ್ನನ್ನು ದತ್ತು ತೆಗೆದುಕೊಂಡಿರುವ ಪೇಪರ್ ಇದ್ದರೆ ತೋರಿಸಿ. ಏಕೆಂದರೆ ಮದುವೆ ಪ್ರಶ್ನೆ ಬಂದಾಗ ನಾನು ನನ್ನ ತಂದೆ-ತಾಯಿಗೆ ಮಾತ್ರ ಉತ್ತರ ನೀಡುವೆ. ನಾನು ತುಂಬ ಖಾಸಗಿ ವ್ಯಕ್ತಿ. ಅದರ ಜೊತೆಗೆ ಸತ್ಯ ಏನು ಎಂಬುದನ್ನು ಒಪ್ಪಿಕೊಳ್ಳದೆ ಓಡಿ ಹೋಗುವ ವ್ಯಕ್ತಿಯೂ ಅಲ್ಲ" ಎಂದು ಮದುವೆ ಬಗ್ಗೆ ಪ್ರಶ್ನೆ ಕೇಳುವವರಿಗೆ ಕೃತಿ ಈ ರೀತಿ ಉತ್ತರ ನೀಡಿದ್ದಾರೆ.
ನನ್ನ ವೈಯಕ್ತಿಕ ವಿಷಯಕ್ಕೆ ತಲೆ ಹಾಕೋಕೆ ಬಿಡಲ್ಲ: ಕೃತಿ
"ನಾನು ಹಾಗೂ ಪುಲ್ಕಿಟ್ ಡೇಟಿಂಗ್ ಮಾಡಲು ಆರಂಭಿಸಿದಾಗ ನಾನು ಇದರ ಬಗ್ಗೆ ಸಾರ್ವಜನಿಕವಾಗಿ ಹೇಳಿಕೊಂಡಿದ್ದೆ. ನಾನು ಎಲ್ಲರ ಬಳಿ ಈ ವಿಷಯ ಹಂಚಿಕೊಂಡಿದ್ದೆ ಎಂದು ಭಾವಿಸುವೆ. ರಿಲೇಶನ್‌ಶಿಪ್‌ನಲ್ಲಿರೋದು ನನಗೆ ನಿಜಕ್ಕೂ ಭಯ ಹುಟ್ಟಿಸುವುದು. ಇವೆಲ್ಲವೂ ನನಗೆ ಹಾಗೂ ನನ್ನ ಕುಟುಂಬಕ್ಕೆ ಸೇರಿದ ತುಂಬ ಖಾಸಗಿ ವಿಷಯ. ಅದೃಷ್ಟವೋ ದುರಾದೃಷ್ಟವೋ ನಾನು ಇದರಲ್ಲಿ ಯಾರನ್ನು ಒಳಗೆ ಬಿಡಲು ಅವಕಾಶ ಮಾಡಿಕೊಡೋದಿಲ್ಲ" ಎಂದು ಕೃತಿ ಹೇಳಿದ್ದಾರೆ.
ಏನಾಗಬೇಕೋ ಅದೇ ಆಗತ್ತೆ: ಕೃತಿ
"ನಾನು ಪ್ಲ್ಯಾನ್ ಮಾಡಿಕೊಳ್ಳುವ ಹುಡುಗಿ ಅಲ್ಲ. ನಾನು ಮದುವೆ ಬಗ್ಗೆ ಈವರೆಗೂ ಯೋಚನೆಯೇ ಮಾಡಿಲ್ಲ. ಈ ಕ್ಷಣಕ್ಕೆ ಬದುಕಬೇಕು ಎಂದುಕೊಳ್ಳುವ ವ್ಯಕ್ತಿ ನಾನು. ಎಲ್ಲವೂ ನನ್ನ ಮೂಡ್ ಮೇಲೆ ನಿರ್ಧರಿತವಾಗುತ್ತದೆ. ಭವಿಷ್ಯದಲ್ಲಿ ಏನಾಗುತ್ತದೆ ಎಂದು ಯಾರಿಗೆ ಗೊತ್ತಿರತ್ತೆ, ಹೀಗಾಗಿ ಯೋಜನೆ ಯಾಕೆ ಬೇಕು? ಏನಾಗಬೇಕೋ ಅದೇ ಆಗತ್ತೆ, ನನಗೂ ಏನಾಗತ್ತೆ ಅಂತ ಗೊತ್ತಿಲ್ಲ" ಎಂದು ಕೃತಿ ಕರಬಂಧ ಮಾರ್ಮಿಕವಾಗಿ ಮಾತನಾಡಿದ್ದಾರೆ.
ಸಿನಿಮಾ ಮೂಲಕ ಇಬ್ಬರ ಪರಿಚಯ
"ನನ್ನ ಮದುವೆ ಯಾವಾಗ ಬೇಕಿದ್ದರೂ ಆಗಬಹುದು. ಮುಂಬರುವ ಪ್ರಾಜೆಕ್ಟ್‌ ಬಗ್ಗೆ ಚರ್ಚೆ ಮಾಡುತ್ತಿದ್ದೇವೆ. ಒಂದೂವರೆ ವರ್ಷದಿಂದ ಎಲ್ಲ ಶೂಟಿಂಗ್ ಶೆಡ್ಯೂಲ್ ಹಾಳಾಗುತ್ತಿದೆ. ನಾನು ಯಾವಾಗ ಈ ಬಗ್ಗೆ ಮಾತನಾಡುತ್ತೀನೋ ಆಗಲೇ ತಪ್ಪಾಗತ್ತೆ. ಯಾವಾಗ ಮದುವೆ ಕನ್ಫರ್ಮ್ ಮಾಡ್ತೀನೋ ಆಗ ಎಲ್ಲರಿಗೂ ಹೇಳುವೆ" ಎಂದು ಕೃತಿ ಹೇಳಿದ್ದಾರೆ.
'ಪಾಗಲ್‌ಪಂತಿ', 'ವೀರೇ ಕೀ ವೆಡ್ಡಿಂಗ್' , 'ತೈಶ್‌' ಸಿನಿಮಾದಲ್ಲಿ ಪುಲ್ಕಿತ್ ಸಾಮ್ರಾಟ್ ಮತ್ತು ಕೃತಿ ಕರಬಂಧ ಒಟ್ಟಾಗಿ ನಟಿಸಿದ್ದರು. 2019ರಿಂದಲೇ ಈ ಜೋಡಿ ಲವ್ ವಿಚಾರದಲ್ಲಿ ಸೌಂಡ್ ಮಾಡುತ್ತಲಿತ್ತು.
