ಮೊದಲ ಮಗುವಿನ ನಿರೀಕ್ಷೆಯಲ್ಲಿ 'ಚೆಲುವಿನ ಚಿತ್ತಾರ' ಬೆಡಗಿ ಅಮೂಲ್ಯಾ - ಜಗದೀಶ್ ದಂಪತಿ
'ಚೆಲುವಿನ ಚಿತ್ತಾರ' ಸಿನಿಮಾ ನಟಿ ಅಮೂಲ್ಯಾ ಹಾಗೂ ಜಗದೀಶ್ ದಂಪತಿ ಶೀಘ್ರದಲ್ಲಿಯೇ ತಾಯಿಯಾಗಲಿದ್ದಾರೆ. ಈ ಕುರಿತು ಅಮೂಲ್ಯಾ ದಂಪತಿ ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿ ನೀಡಿದ್ದಾರೆ. ಆ ಬಗ್ಗೆ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.
Admin
0
6
'ಚೆಲುವಿನ ಚಿತ್ತಾರ' ( Cheluvina Chittara ) ಸಿನಿಮಾ ನಟಿ ಅವರು ತಾಯಿಯಾಗಲಿದ್ದಾರೆ. ಈ ವಿಷಯವನ್ನು ಅವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ನಾವೀಗ ಇಬ್ಬರಲ್ಲ, ಮೂವರು ಎಂದು ಅಮೂಲ್ಯಾ ಅವರು ಮಾಹಿತಿ ನೀಡಿದ್ದಾರೆ.
ಕನ್ನಡ ಚಿತ್ರರಂಗದ 'ಗೋಲ್ಡನ್ ಕ್ವೀನ್' ನಟಿ ಅಮೂಲ್ಯಾ
ಬಾಲ ನಟಿಯಾಗಿ ಬಣ್ಣದ ಲೋಕಕ್ಕೆ ಕಾಲಿಟ್ಟ ಅಮೂಲ್ಯಾ ( ) 10ಕ್ಕೂ ಅಧಿಕ ಸಿನಿಮಾಗಳಲ್ಲಿ ಬಾಲ ಕಲಾವಿದೆಯಾಗಿ ನಟಿಸಿದರು. ಹೈಸ್ಕೂಲ್‌ ಓದುತ್ತಿದ್ದಾಗಲೇ ಅವರು ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಚೆಲುವಿನ ಚಿತ್ತಾರ' ಸಿನಿಮಾದಲ್ಲಿ ನಾಯಕಿಯಾಗಿ ಬಡ್ತಿ ಪಡೆದರು. 'ಶ್ರಾವಣಿ ಸುಬ್ರಹ್ಮಣ್ಯ', 'ಚೈತ್ರದ ಚಂದ್ರಮ', 'ಪ್ರೇಮಿಸಂ', 'ಗಜಕೇಸರಿ', 'ಮಳೆ', 'ರಾಮ್‌ಲೀಲಾ', 'ಮಾಸ್ತಿಗುಡಿ', 'ಕೃಷ್ಣ ರುಕ್ಕು', 'ಮುಗುಳು ನಗೆ', 'ಮನಸಾಲಜಿ', 'ನಾನು ನನ್ನ ಕನಸು', 'ಮದುವೆಯ ಮಮತೆಯ ಕರೆಯೋಲೆ' ಮುಂತಾದ ಸಿನಿಮಾಗಳಲ್ಲಿ 'ಗೋಲ್ಡನ್ ಕ್ವೀನ್' ನಾಯಕಿಯಾಗಿ ನಟಿಸಿದ್ದಾರೆ. ಇಷ್ಟು ವರ್ಷಗಳಲ್ಲಿ ಅಮೂಲ್ಯಾ ನಟಿಸಿದ ಸಿನಿಮಾಗಳ ಸಂಖ್ಯೆ ಕಡಿಮೆ ಕಡಿಮೆ ಎನಿಸಿದರೂ, ದೊಡ್ಡ ಮಟ್ಟದ ಅಭಿಮಾನಿ ಬಳಗ ಸಂಪಾದನೆ ಮಾಡಿಕೊಂಡಿದ್ದಾರೆ.
ಮದುವೆ ನಂತರ ನಟನೆಯಿಂದ ದೂರ ಇರುವ ನಟಿ ಅಮೂಲ್ಯಾ
2017ರಲ್ಲಿ ಉದ್ಯಮಿ ಜಗದೀಶ್ ಆರ್ ಚಂದ್ರ ( ) ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಬಳಿಕ ಅಮೂಲ್ಯಾ ಯಾವ ಸಿನಿಮಾದಲ್ಲಿಯೂ ನಟಿಸಿಲ್ಲ. ಅಂದಿನಿಂದ ಇಂದಿನವರೆಗೆ ಅಮೂಲ್ಯಾ ಯಾವಾಗ ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ ಎಂದು ಅಭಿಮಾನಿಗಳು ಕಾಯುತ್ತಲಿದ್ದಾರೆ. ಮತ್ತೆ ಯಾವಾಗ ನಟಿಸ್ತೀರಾ ಎಂಬ ಪ್ರಶ್ನೆ ಕೂಡ ಅಮೂಲ್ಯಾಗೆ ಪದೇ ಪದೇ ಕೇಳಿ ಬರುತ್ತಲಿರುತ್ತದೆ. ಈಗ ತಾಯಿಯಾಗುತ್ತಿರುವುದರಿಂದ ಸದ್ಯ ಅಮೂಲ್ಯಾ ಬೆಳ್ಳಿತೆರೆ ಮೇಲೆ ಕಾಣಿಸಿಕೊಳ್ಳುವುದು ಡೌಟ್.
ಅಮೂಲ್ಯಾ ಹಾಗೂ ಜಗದೀಶ್‌ರ ಅದ್ದೂರಿ ನಿಶ್ಚಿತಾರ್ಥ, ಮದುವೆ, ಆರತಕ್ಷತೆ
ನಟಿ ಅಮೂಲ್ಯಾ ಮತ್ತು ಜಗದೀಶ್ 2017ರ ಮೇ 12ರಂದು ಆದಿಚುಂಚನಗಿರಿಯಲ್ಲಿ ಸಪ್ತಪದಿ ತುಳಿದಿದ್ದರು. ಆದಿಚುಂಚನಗಿರಿ ಕ್ಷೇತ್ರದ ಮಠಾಧೀಶರಾದ ಶ್ರೀ ನಿರ್ಮಲಾನಂದ ಸ್ವಾಮೀಜಿ ಸಾನ್ನಿಧ್ಯದಲ್ಲಿ ವಿವಾಹ ನೆರವೇರಿತ್ತು. ಈ ಮದುವೆಗೆ ಸ್ಯಾಂಡಲ್‌ವುಡ್‌ನ ಕಲಾವಿದರು ಆಗಮಿಸಿದ್ದರು. ಇನ್ನು ನಿಶ್ಚಿತಾರ್ಥ ಹಾಗೂ ಆರತಕ್ಷತೆ ಕಾರ್ಯಕ್ರಮವನ್ನು ಕೂಡ ಅಮೂಲ್ಯಾ ಅವರು ಅದ್ದೂರಿಯಾಗಿ ಮಾಡಿಕೊಂಡಿದ್ದರು.
ಸಾಮಾಜಿಕ, ರಾಜಕೀಯ ಕೆಲಸಗಳಲ್ಲಿ ಪತಿ ಹಾಗೂ ಮಾವನಿಗೆ ಅಮೂಲ್ಯಾ ಸಾಥ್
ಮದುವೆಯ ನಂತರದಲ್ಲಿ ಪತಿ ಜಗದೀಶ್ ಜೊತೆ ಅಮೂಲ್ಯಾ ಅವರು ಮಾವ ಜಿ ಎಚ್ ರಾಮಚಂದ್ರ ಅವರ ರಾಜಕೀಯ ಕೆಲಸಗಳಿಗೆ ಸಾಥ್ ನೀಡಿದ್ದರು. ಇನ್ನು ಕೊರೊನಾ ವೈರಸ್ ಬಂದು ಲಾಕ್‌ಡೌನ್ ಆದಾಗಲೂ ಕೂಡ ಅಮೂಲ್ಯಾ ದಂಪತಿ ಸಾಕಷ್ಟು ಸಾಮಾಜಿಕ ಕೆಲಸ ಮಾಡಿದೆ. ಅಕ್ಕಿ ವಿತರಣೆ ಮಾಡಿದೆ, ಮಾಸ್ಕ್‌ಗಳನ್ನು ಕೂಡ ನೀಡಿತ್ತು. ಅಮೂಲ್ಯಾ ಪತಿ ಸಾಮಾಜಿಕ ಕೆಲಸಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಂಡಿದ್ದಾರೆ. ವಿವಾಹ ವಾರ್ಷಿಕೋತ್ಸವ, ಬರ್ತ್‌ಡೇ ಪ್ರಯುಕ್ತ ಈ ಜೋಡಿ ಅನಾಥಾಶ್ರಮಗಳಿಗೆ ಭೇಟಿ ನೀಡುತ್ತಲಿರುತ್ತದೆ.
