ಮೊದಲ ಬಾರಿಗೆ ಮಗನ ಫೋಟೋ ಸಮೇತ ಹೆಸರು ರಿವೀಲ್ ಮಾಡಿದ 'ಅಶ್ವಿನಿ ನಕ್ಷತ್ರ' ಖ್ಯಾತಿಯ ನಟಿ ಮಯೂರಿ!
'ಅಶ್ವಿನಿ ನಕ್ಷತ್ರ' ಧಾರಾವಾಹಿ ನಟಿ ಮಯೂರಿ ಅವರು ಮೊದಲ ಬಾರಿಗೆ ಮಗನ ಫೋಟೋ ಸಮೇತ ಹೆಸರನ್ನು ಕೂಡ ರಿವೀಲ್ ಮಾಡಿದ್ದರು. ಅಶ್ವಿನಿ-ಅರುಣ್ ದಂಪತಿಯ ಮಗುವನ್ನು ನೋಡಿ ಪ್ರೇಕ್ಷಕರು ಕೂಡ ಖುಷಿಪಟ್ಟಿದ್ದಾರೆ.
Admin
0
6
'ಅಶ್ವಿನಿ ನಕ್ಷತ್ರ' ಧಾರಾವಾಹಿ ನಟಿ ಅವರು ಈಗ ತಾಯ್ತನದ ಸವಿಯನ್ನು ಸವಿಯುತ್ತಿದ್ದಾರೆ. ಪುಟ್ಟ ಮಗನ ಜೊತೆಗಿರುವ ಫೋಟೋ, ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿದ್ದ ಅವರೀಗ ಸೋಶಿಯಲ್ ಮೀಡಿಯಾದಲ್ಲಿ ಮಗನ ಫೋಟೋ ಸಮೇತ ಹೆಸರನ್ನು ಬಹಿರಂಗ ಮಾಡಿದ್ದಾರೆ.
"ಮಾರ್ಚ್ 15, 2021ರಂದು ಮಗ ಹುಟ್ಟಿದ್ದಾನೆ. ಬದುಕು ಸಂಪೂರ್ಣವಾಗಿ ಬದಲಾಗಿದೆ. ನನ್ನ ಮಗನೇ ನನಗೀಗ ಹೊಸ ಪ್ರಪಂಚ. ನನ್ನ ಮಗು ಆರವ್" ಎಂದು ನಟಿ ಮಯೂರಿ ಅವರು ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿದ್ದಾರೆ. ಅಷ್ಟೇ ಅಲ್ಲದೆ ಮಗನ ಜೊಗೆಗೆ ವಿಶೇಷವಾಗಿ ಫೋಟೋಶೂಟ್ ಮಾಡಿಸಿದ ಫೋಟೋಗಳನ್ನು ಕೂಡ ಹಂಚಿಕೊಂಡಿದ್ದಾರೆ. ಆರವ್‌ಗೆ 15 ದಿನ ಇದ್ದಾಗ ಫೋಟೋಶೂಟ್ ಮಾಡಿಸಲಾಗಿತ್ತು.
ಮಯೂರಿ ಮಗನ ಮುಖ, ಹೆಸರು ನೋಡಿ ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕಳೆದ ಜೂ.12, 2020ರಂದು ನಡೆದಿತ್ತು. ಲಾಕ್‌ಡೌನ್ ಇರೋದಕ್ಕೆ ಬೆಂಗಳೂರಿನ ಜೆಪಿ ನಗರದ ಶ್ರೀ ತಿರುಮಲಗಿರಿ ಲಕ್ಷ್ಮೀ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನದಲ್ಲಿ ಮಯೂರಿ ಅವರು ಬಹುಕಾಲದ ಗೆಳೆಯ ಅರುಣ್ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ನಟ ಜೆಕೆ ಹಾಗೂ ಅವರ ಪಾಲಕರು ಹೊರತುಪಡಿಸಿ ಚಿತ್ರರಂಗದಿಂದ ಯಾರೂ ಬಂದಿರಲಿಲ್ಲ.
ಅವರಿಬ್ಬರ ಪ್ರೀತಿಗೆ ಮನೆಯವರ ಒಪ್ಪಿಗೆ ಕೂಡ ಸಿಕ್ಕಿತ್ತು. ಮದುವೆ ಆಗುವವರೆಗೂ ಕೂಡ ಮಯೂರಿ ಎಲ್ಲಿಯೂ ಪ್ರೀತಿ ವಿಚಾರವನ್ನು ಹೇಳಿಕೊಂಡಿರಲಿಲ್ಲ. 'ಅಶ್ವಿನಿ ನಕ್ಷತ್ರ' ಸೀರಿಯಲ್‌ ನಂತರದಲ್ಲಿ ಅಶ್ವಿನಿ ಸಿನಿಮಾ ಕ್ಷೇತ್ರಕ್ಕೆ ಕಾಲಿಟ್ಟರು. 'ಇಷ್ಟಕಾಮ್ಯ', 'ರುಸ್ತುಂ', 'ಕೃಷ್ಣಲೀಲಾ', 'ನಟರಾಜ ಸರ್ವೀಸ್‌', 'ಪೊಗರು' ಸಿನಿಮಾದಲ್ಲಿಯೂ ಕೂಡ ಅಶ್ವಿನಿ ಬಣ್ಣ ಹಚ್ಚಿದ್ದರು. ಸದ್ಯ ತಾಯ್ತನದ ಖುಷಿಯಲ್ಲಿ ಇರುವ ಅವರು ನಟನೆಯಿಂದ ದೂರವಿದ್ದಾರೆ.
(ಫೋಟೋ ಕೃಪೆ-ಮಯೂರಿ ಇನ್‌ಸ್ಟಾಗ್ರಾಮ್ ಖಾತೆ)
