ಮಗು ಹುಟ್ಟಿದ ದಿನವೇ ಕಳ್ಳತನ..! ಒಂದು ವರ್ಷದ ಬಳಿಕ ಹೆತ್ತವರ ಮಡಿಲು ಸೇರಿದ ಕಂದಮ್ಮ..!
ಕೊಪ್ಪಳದ ದಂಪತಿ ಬಳಿ ಇದ್ದ ಮಗುವನ್ನು ಪತ್ತೆಹಚ್ಚಿದ ಪೊಲೀಸರಿಗೆ, ಪೋಷಕರಿಗೆ ಒಪ್ಪಿಸಲು ಕಾನೂನು ತೊಡಕು ಉಂಟಾಗಿತ್ತು. ಹೀಗಾಗಿ, ಮಗುವಿನ ತಂದೆ-ತಾಯಿ ಪತ್ತೆಗೆ ಡಿಎನ್‌ಎ ಪರೀಕ್ಷೆಗೆ ಒಳಪಡಿಸುವಂತೆ ನ್ಯಾಯಾಲಯ ಸೂಚಿಸಿತ್ತು.
Admin
0
8
: ಮನೋ ವೈದ್ಯೆ ಆಸ್ಪತ್ರೆಯಿಂದ ಅಪಹರಿಸಿದ್ದರಿಂದ ಹುಟ್ಟುತ್ತಲೇ ತಾಯಿ ಮಡಿಲಿನಿಂದ ದೂರವಾಗಿದ್ದ , ಮತ್ತೆ ತಾಯಿ ಮಡಿಲು ಸೇರಿದೆ.
ಮಗುವಿನ ಡಿಎನ್‌ಎ ಪರೀಕ್ಷೆಯ ವರದಿ ಬಂದಿದ್ದು, ಪಾದರಾಯನಪುರ ನಿವಾಸಿ ಹುಸ್ನಾಬಾನು-ನವೀದ್‌ ಪಾಷಾ ದಂಪತಿಗೆ ಜನಿಸಿರುವ ಮಗುವಿದು ಎಂದು ರುಜುವಾತಾಗಿದೆ.
ಕಳೆದ ವರ್ಷ ಚಾಮರಾಜಪೇಟೆಯ ಸರಕಾರಿ ಆಸ್ಪತ್ರೆಯಲ್ಲಿ ಪಾದರಾಯನಪುರದ ನಿವಾಸಿ ಹುಸ್ನಾಬಾನು-ಪಾಷಾ ದಂಪತಿಗೆ ಜನಿಸಿದ ಮಗುವನ್ನು ಮನೋ ವೈದ್ಯೆ ರಶ್ಮಿ ಶಶಿಕುಮಾರ್‌ ಅಪಹರಿಸಿದ್ದಳು. ಬಾಡಿಗೆ ತಾಯಿ ಮೂಲಕ ಮಗು ಪಡೆದಿರುವುದಾಗಿ ಹೇಳಿ ಕೊಪ್ಪಳದ ದಂಪತಿಗೆ ಮಗುವನ್ನು ಮಾರಿದ್ದಳು.
ಮಗು ನಾಪತ್ತೆ ಸಂಬಂಧ ಚಾಮರಾಜಪೇಟೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಕೊಪ್ಪಳದ ದಂಪತಿ ಬಳಿ ಇದ್ದ ಮಗುವನ್ನು ಪತ್ತೆಹಚ್ಚಿದ ಪೊಲೀಸರಿಗೆ, ಪೋಷಕರಿಗೆ ಒಪ್ಪಿಸಲು ಕಾನೂನು ತೊಡಕು ಉಂಟಾಗಿತ್ತು. ಹೀಗಾಗಿ, ಮಗುವಿನ ತಂದೆ-ತಾಯಿ ಪತ್ತೆಗೆ ಡಿಎನ್‌ಎ ಪರೀಕ್ಷೆಗೆ ಒಳಪಡಿಸುವಂತೆ ನ್ಯಾಯಾಲಯ ಸೂಚಿಸಿತ್ತು.
ಅದರಂತೆ ಮಗು ಸೇರಿದಂತೆ ಐವರನ್ನು ಡಿಎನ್‌ಎ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಒಂದು ವರ್ಷದ ಮಗು, ಪಾದರಾಯನಪುರದ ದಂಪತಿ ಉಸ್ಮಾಬಾನು-ನವೀದ್‌ ಪಾಷಾ ಹಾಗೂ ಕೊಪ್ಪಳ ಮೂಲದ ದಂಪತಿಯನ್ನು ಪರೀಕ್ಷೆ ನಡೆಸಲಾಗಿತ್ತು. ರಕ್ತದ ಮಾದರಿ ಸೇರಿ ಡಿಎನ್‌ಎಗೆ ಬೇಕಾದ ಎಲ್ಲಾ ರೀತಿಯ ಸ್ಯಾಂಪಲ್‌ಗಳನ್ನು ಸಂಗ್ರಹಿಸಿದ ವೈದ್ಯರು, ಪೊಲೀಸರ ಸೂಚನೆಯಂತೆ ವಿಧಿ ವಿಜ್ಞಾನ ಪ್ರಯೋಗಾಲಯಕ್ಕೆ (ಎಫ್‌ಎಸ್‌ಎಲ್‌) ಕಳುಹಿಸಿದ್ದರು.
ಎಫ್‌ಎಸ್‌ಎಲ್‌ ಅಧಿಕಾರಿಗಳು ನೀಡಿದ ಡಿಎನ್‌ಎ ವರದಿಯನ್ನು ಹೈಕೋರ್ಟ್‌ ಹಾಗೂ ಮಕ್ಕಳ ಕಲ್ಯಾಣ ಸಮಿತಿಗೆ ದಕ್ಷಿಣ ವಿಭಾಗದ ಪೊಲೀಸರು ಒಪ್ಪಿಸಿದ್ದಾರೆ. ನ್ಯಾಯಾಲಯದ ಪ್ರಕ್ರಿಯೆ ಮುಕ್ತಾಯದ ಬಳಿಕ ಕಾನೂನು ಪ್ರಕಾರ ಮಗು ಪೋಷಕರಿಗೆ ಹಸ್ತಾಂತರವಾಗಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
