ಬೆಂಗಳೂರು: ಅಕ್ರಮ ಒತ್ತುವರಿಯಾಗಿದ್ದ ₹67 ಕೋಟಿ ಮೌಲ್ಯದ 42 ಎಕರೆ ಸರಕಾರಿ ಜಮೀನು ವಶ

ಬೆಂಗಳೂರು: ಕೆರೆ, ಗೋಮಾಳ, ಗುಂಡುತೋಪುಗಳನ್ನು ಕಬಳಿಸಿರುವ ಭೂಗಳ್ಳರ ಮೇಲೆ ಮುಗಿಬಿದ್ದಿರುವ ನಗರ ಜಿಲ್ಲಾಡಳಿತವು ಶನಿವಾರ ಭರ್ಜರಿ ಬೇಟೆಯಾಡಿದೆ. ಒಂದೇ ದಿನ 67.74 ಕೋಟಿ ರೂ. ಮೌಲ್ಯದ 42.29 ಎಕರೆ ಸರಕಾರಿ ಜಮೀನನ್ನು ವಶಕ್ಕೆ ಪಡೆದುಕೊಂಡಿದೆ. ನಗರ ಜಿಲ್ಲಾಧಿಕಾರಿ ಜೆ.ಮಂಜುನಾಥ್‌ ನೇತೃತ್ವದಲ್ಲಿ ಪೂರ್ವ, ದಕ್ಷಿಣ, ಉತ್ತರ, ಯಲಹಂಕ ಮತ್ತು ಆನೇಕಲ್‌ ತಾಲೂಕುಗಳಲ್ಲಿ ಏಕಕಾಲಕ್ಕೆ ನಡೆದ ಕಾರ್ಯಾಚರಣೆಯಲ್ಲಿ ಕೆರೆ, ಗೋಮಾಳ ಭೂಮಿಯಲ್ಲಿ ಅನಧಿಕೃತವಾಗಿ ನಿರ್ಮಿಸಿದ್ದ ಮನೆ, ವಾಣಿಜ್ಯ ಕಟ್ಟಡಗಳನ್ನು ನೆಲಸಮಗೊಳಿಸಲಾಯಿತು. 24 ಕೆರೆಗಳ ಅಂಗಳದಲ್ಲಿ ಒತ್ತುವರಿ ತೆರವು ಮಾಡಲಾಗಿದೆ. ಕಳೆದ ಎರಡು ವಾರಗಳಿಂದೀಚೆಗೆ 141 ಎಕರೆಯನ್ನು ಸರಕಾರದ ಸುಪರ್ದಿಗೆ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಆನೇಕಲ್‌ ತಾಲೂಕಿನ ಹುಲಿಮಂಗಲದಲ್ಲಿ ಸರಕಾರಿ ಗೋಮಾಳ ಜಾಗದಲ್ಲಿ ಅಕ್ರಮವಾಗಿ ನಿರ್ಮಿಸಿದ್ದ 3 ವಾಣಿಜ್ಯ ಕಟ್ಟಡಗಳು ಹಾಗೂ ಒಂದು ಮನೆಯನ್ನು ಜೆಸಿಬಿ ಯಂತ್ರಗಳ ನೆರವಿನಿಂದ ಧ್ವಂಸಗೊಳಿಸಲಾಯಿತು. ಕೆಲವರು ಕಟ್ಟಡಗಳನ್ನು ನಿರ್ಮಿಸಿ ಬಾಡಿಗೆಗೆ ನೀಡಿದ್ದರು. ಯಲಹಂಕ ತಾಲೂಕಿನಲ್ಲಿ 2.4 ಕೋಟಿ ಮೌಲ್ಯದ 16 ಗುಂಟೆ ಸರಕಾರಿ ಖರಾಬು, ಆನೇಕಲ್‌ ತಾಲೂಕಿನಲ್ಲಿ 1.20 ಕೋಟಿಯ 3.20 ಎಕರೆ ಗೋಮಾಳ, ಪೂರ್ವದಲ್ಲಿ 2.12 ಕೋಟಿ ರೂ. ಬೆಲೆ ಬಾಳುವ 18 ಗುಂಟೆ ಗುಂಡುತೋಪು ಜಾಗವನ್ನು ಸರಕಾರದ ಸುಪರ್ದಿಗೆ ಪಡೆದುಕೊಳ್ಳಲಾಯಿತು. ಯಲಹಂಕ ತಾಲೂಕಿನ ಹೆಸರಘಟ್ಟ ಹೋಬಳಿಯ ಶಿವಕೋಟೆ ಗ್ರಾಮದ ಸರ್ವೆ ನಂ. 37ರಲ್ಲಿ 5.20 ಎಕರೆ ಕೆರೆ ಜಾಗ, ಕಸಘಟ್ಟಪುರ ಗ್ರಾಮದ ಸರ್ವೆ ನಂ. 19ರಲ್ಲಿ 1.05 ಎಕರೆ, ಕಾಕೋಳು ಗ್ರಾಮದ ಸರ್ವೆ ನಂ. 39ರಲ್ಲಿ 1.10 ಎಕರೆ, ಜಾಲ ಹೋಬಳಿಯ ಚಿಕ್ಕಜಾಲ ಗ್ರಾಮದ ಸರ್ವೆ ನಂ. 24ರಲ್ಲಿ 16 ಗುಂಟೆ, ಚಲುಮಕುಂಟೆ ಗ್ರಾಮದ ಸರ್ವೆ ನಂ. 18ರಲ್ಲಿ 4.23 ಎಕರೆ ಸೇರಿದಂತೆ ಒಟ್ಟು 12.34 ಎಕರೆ ಒತ್ತುವರಿ ತೆರವುಗೊಳಿಸಲಾಗಿದೆ. ಇದು 12.48 ಕೋಟಿ ರೂ. ಬೆಲೆ ಬಾಳುತ್ತದೆ. ಆನೇಕಲ್‌ ತಾಲೂಕಿನಲ್ಲಿ ಕಸಬಾ ಹೋಬಳಿಯ ವಣಕನಹಳ್ಳಿ ಗ್ರಾಮದ ಸರ್ವೆ ನಂ. 6ರಲ್ಲಿ 24 ಗುಂಟೆ, ಮಡಿವಾಳ ಗ್ರಾಮದ ಸರ್ವೆ ನಂ. 80ರಲ್ಲಿ 15 ಗುಂಟೆ, ಅತ್ತಿಬೆಲೆ ಹೋಬಳಿಯ ಚಂದಾಪುರ ಗ್ರಾಮದ ಸರ್ವೇ ನಂ. 71ರಲ್ಲಿ 12 ಗುಂಟೆ ಹೂವಿನ ಕೆರೆ ಜಾಗ, ಜಿಗಣಿ ಹೋಬಳಿಯ ಸೊಸೆನೂರು ಗ್ರಾಮದ ಸರ್ವೇ ನಂ. 81ರಲ್ಲಿ 28 ಗುಂಟೆ, ಮಂಟಪ ಗ್ರಾಮದ ಸರ್ವೇ ನಂ. 159ರಲ್ಲಿ 1.20 ಎಕರೆ, ಹುಲಿಮಂಗಲ ಗ್ರಾಮದ ಸರ್ವೇ ನಂ. 156ರಲ್ಲಿ 3.20 ಎಕರೆ, ಸರ್ಜಾಪುರ ಹೋಬಳಿಯ ಎಸ್‌.ಮೇಡಹಳ್ಳಿಯ ಸರ್ವೇ ನಂ. 103 ಮತ್ತು 107ರಲ್ಲಿ 2.06 ಎಕರೆ, ಚಿಕ್ಕನಾಗಮಂಗಲದ ಸರ್ವೇ ನಂ. 32ರಲ್ಲಿ 3 ಎಕರೆ, ರಾಯಸಂದ್ರ ಗ್ರಾಮದ ಸರ್ವೇ ನಂ. 33ರಲ್ಲಿ 35 ಗುಂಟೆ, ಬಿ.ಹೊಸಹಳ್ಳಿ ಗ್ರಾಮದ ಸರ್ವೇ ನಂ. 16ರಲ್ಲಿ 1.39 ಎಕರೆ ಒತ್ತುವರಿ ತೆರವುಗೊಳಿಸಲಾಗಿದೆ. ಬೆಂಗಳೂರು ದಕ್ಷಿಣ ತಾಲೂಕಿನ ಕೆಂಗೇರಿ ಹೋಬಳಿಯ ಗೋಣಿಪುರ ಗ್ರಾಮದ ಸರ್ವೇ ನಂ. 25ರಲ್ಲಿ 1.11 ಎಕರೆ, ತಾವರೆಕೆರೆ ಹೋಬಳಿಯ ಸೂಲಿವಾರ ಗ್ರಾಮದ ಸರ್ವೇ ನಂ. 90ರಲ್ಲಿ 1.31 ಎಕರೆ, ಗಾಣಕಲ್ಲು ಗ್ರಾಮದ ಸರ್ವೇ ನಂ. 18ರಲ್ಲಿ 10 ಗುಂಟೆ, ಉತ್ತರಹಳ್ಳಿ ಹೋಬಳಿಯ ವಡ್ಡರಪಾಳ್ಯ ಗ್ರಾಮದ ಸರ್ವೇ ನಂ. 25ರಲ್ಲಿ 1.37 ಎಕರೆ ಕೆರೆ ಅಂಗಳವನ್ನು ವಶಕ್ಕೆ ಪಡೆಯಲಾಗಿದೆ. ಹಾಗೆಯೇ ಬೆಂಗಳೂರು ಉತ್ತರ ತಾಲೂಕಿನ ದಾಸನಪುರ ಹೋಬಳಿಯ ಗೋಪಾಲಪುರ ಗ್ರಾಮದ ಸರ್ವೇ ನಂ. 103ರಲ್ಲಿ 07 ಗುಂಟೆ, ಕಸಬಾ ಹೋಬಳಿಯ ಕಾಚರಕನಹಳ್ಳಿ ಸರ್ವೇ ನಂ. 153ರಲ್ಲಿ 5 ಎಕರೆ ಒತ್ತುವರಿ ತೆರವುಗೊಳಿಸಲಾಯಿತು. ಬೆಂಗಳೂರು ಪೂರ್ವ ತಾಲೂಕಿನ ಬಿದರಹಳ್ಳಿ ಹೋಬಳಿಯ ಬಿದರೆ ಅಗ್ರಹಾರ ಗ್ರಾಮದ ಸರ್ವೇ ನಂ. 40ರಲ್ಲಿ 1 ಎಕರೆ, ಚಿಕ್ಕಗುಬ್ಬಿ ಗ್ರಾಮದ ಸರ್ವೇ ನಂ. 73ರಲ್ಲಿ 2.20 ಎಕರೆ, ಅಣಗಲಪುರ ಗ್ರಾಮದ ಸರ್ವೇ ನಂ. 54ರಲ್ಲಿ 05 ಗುಂಟೆ, ಬಯ್ಯನಹಳ್ಳಿ ಗ್ರಾಮದ ಸರ್ವೇ ನಂ. 21ರಲ್ಲಿ 2.35 ಎಕರೆ, ಮಂಡೂರು ಗ್ರಾಮದ ಸರ್ವೇ ನಂ. 79ರಲ್ಲಿ 01 ಗುಂಟೆ, ಕನ್ನಮಂಗಲ ಗ್ರಾಮದ ಸರ್ವೇ ನಂ. 132ರಲ್ಲಿ 01 ಗುಂಟೆ, ಶಿಗೇಹಳ್ಳಿ ಗ್ರಾಮದ ಸರ್ವೇ ನಂ. 10ರಲ್ಲಿ 12 ಗುಂಟೆ, ವರ್ತೂರು ಹೋಬಳಿಯ ಸೂಲಿಕುಂಟೆ ಗ್ರಾಮದ ಸರ್ವೇ ನಂ. 112ರಲ್ಲಿ 22 ಗುಂಟೆ ಜಾಗವನ್ನು ವಶಕ್ಕೆ ಪಡೆಯಲಾಗಿದೆ. ಸುಳ್ಳು ಹೇಳಿ ಜಾಗ ಮಾರಾಟನಿವೃತ್ತಿ ಬಳಿಕ ಬಂದ ಹಣ ಹೂಡಿಕೆ ಮಾಡಿ ಮೋಸ ಹೋದ ಎಂಜಿನಿಯರ್‌ ಎಲೆಕ್ಟ್ರಾನಿಕ್‌ ಸಿಟಿ ಸಮೀಪದ ಹುಲಿಮಂಗಲ ಗ್ರಾಮದ ಸರ್ವೆ ನಂ. 156ರಲ್ಲಿ ಲೋಕೋಪಯೋಗಿ ಇಲಾಖೆಯ ನಿವೃತ್ತ ಎಂಜಿನಿಯರ್‌ ಹಫೀಜ್‌ ಅವರು ಒತ್ತುವರಿ ಮಾಡಿದ್ದ 14 ಗುಂಟೆ ಗೋಮಾಳ ಜಮೀನನ್ನು ವಶಕ್ಕೆ ಪಡೆಯಾಯಿತು. ಹಫೀಜ್‌ ಅವರಿಗೆ ಸೇರಿದ್ದ ಅಂಗಡಿ ಮಳಿಗೆಗಳು, ಅಳಿಯ ಪಾಶಾ ಅವರ ಎರಡು ಅಂತಸ್ತಿನ ಕಟ್ಟಡ, ಕೋರಮಂಗಲ ನಿವಾಸಿ ಕೆ.ಬಿ.ಶೆಟ್ಟಿ ಅವರ ಕಟ್ಟಡ, ಪಾರ್ಕಿಂಗ್‌ ತಾಣ, ಸುಧಾಕರ್‌ ರೆಡ್ಡಿ ಎಂಬುವರ ಸಿಮೆಂಟ್‌ ಇಟ್ಟಿಗೆ ಕಾರ್ಖಾನೆ, 14 ನಿವೇಶನಗಳ ವಸತಿ ಬಡಾವಣೆ, ಸುಮಂತ್‌ ಎಂಬುವರಿಗೆ ಸೇರಿದ 5 ಮಳಿಗೆಗಳು, ಸ್ಥಳೀಯ ಸಂಘಟನೆಯೊಂದರ ಪದಾಧಿಕಾರಿಯು ಬಾಡಿಗೆಗೆ ನೀಡಿದ್ದ 5 ಮನೆಗಳನ್ನು ನೆಲಸಮಗೊಳಿಸಲಾಯಿತು. ''ಲೋಕೋಪಯೋಗಿ ಇಲಾಖೆಯಲ್ಲಿ ಮುಖ್ಯ ಎಂಜಿನಿಯರ್‌ ಆಗಿದ್ದ ನಾನು 2012ರಲ್ಲಿ ನಿವೃತ್ತಿಯಾದೆ. ನಿವೃತ್ತಿಯಿಂದ ಬಂದ ಹಣ ಮತ್ತು ಕೂಡಿಟ್ಟಿದ್ದ ಹಣ ಸೇರಿ 80 ಲಕ್ಷ ಕೊಟ್ಟು 14 ಗುಂಟೆ ಭೂಮಿಯನ್ನು ಇಸ್ಮಾಯಿಲ್‌ ಎಂಬುವರಿಂದ ಖರೀದಿ ಮಾಡಿದ್ದೆ. ಇಸ್ಮಾಯಿಲ್‌ ಅವರು ಸರಕಾರಿ ಹರಾಜಿನಲ್ಲಿ 2 ಎಕರೆ ಖರೀದಿಸಿರುವುದಾಗಿ ನಂಬಿಸಿ ಎಲ್ಲರಿಗೂ ಮಾರಾಟ ಮಾಡಿದ್ದಾರೆ. ಈ ಭೂಮಿಯು ಹಲವರ ಕೈ ಬದಲಾಗಿದೆ. ಆ ದಾಖಲೆಗಳನ್ನು ನಂಬಿಯೇ ಜಾಗ ಖರೀದಿಸಿದೆ. ನನ್ನೊಂದಿಗೆ ಕೋರಮಂಗಲದ ಕೆ.ಬಿ.ಶೆಟ್ಟಿ, ತುಮಕೂರಿನ ಚಂದ್ರಪ್ಪ ಕೂಡ ಜಮೀನು ಕೊಂಡುಕೊಂಡರು. ಈಗ ಗೋಮಾಳ ಜಾಗವೆಂದು ತೆರವುಗೊಳಿಸಲಾಗಿದೆ. ಈ ಬಗ್ಗೆ ವಿಚಾರಿಸಲು ತಮಗೆ ಜಮೀನು ಮಾರಾಟ ಮಾಡಿದವರು ಬದುಕಿಲ್ಲ,'' ಎಂದು ಹಫೀಜ್‌ ಅವರು ಅಳಲು ತೋಡಿಕೊಂಡರು. ಒತ್ತುವರಿ ತೆರವಿನ ವಿವರತಾಲೂಕು- ವಿಸ್ತೀರ್ಣ (ಎಕರೆಗಳಲ್ಲಿ)- ಜಮೀನಿನ ಮೌಲ್ಯ ಯಲಹಂಕ: 12.34 12 - ₹48,75,000 ಆನೇಕಲ್‌: 12.03 12 - ₹40,00,000 ಬೆಂ.ಉತ್ತರ: 5.07 25 - ₹14,00,000 ಬೆಂ.ಪೂರ್ವ: 7.16 20 - ₹39,00,000 ಬೆಂ.ದಕ್ಷಿಣ: 5.09 3- ₹55,00,000