ಫ್ಯಾನ್ಸ್‌ ಜೊತೆ 'ಭಜರಂಗಿ 2' ಸಿನಿಮಾ ವೀಕ್ಷಿಸಿ ಅಪ್ಪು ಬಗ್ಗೆ ಮಾತಾಡಿದ ನಟ ಶಿವಣ್ಣ

'ಹ್ಯಾಟ್ರಿಕ್ ಹೀರೋ' ಅಭಿನಯದ '' ಸಿನಿಮಾವು ಅಕ್ಟೋಬರ್ 29ರಂದು ತೆರೆಕಂಡಿತ್ತು. ಸಿನಿಮಾದ ಮಾರ್ನಿಂಗ್ ಶೋ ಮುಗಿಯುವ ವೇಳೆಗೆ 'ಪವರ್ ಸ್ಟಾರ್' ಅವರ ನಿಧನದ ಸುದ್ದಿ ಬರಸಿಡಿಲಿನಂತೆ ಎರಗಿತ್ತು. ಸ್ಯಾಂಡಲ್‌ವುಡ್‌ನಲ್ಲಿ ಸೂತಕದ ವಾತಾವರಣ ಆವರಿಸಿತ್ತು. ಇದೀಗ ಸಿನಿಮಾ ತೆರೆಕಂಡು 15 ದಿನಗಳ ಬಳಿಕ ಶಿವಣ್ಣ ಥಿಯೇಟರ್‌ಗೆ ಬಂದಿದ್ದರು. ಬೆಂಗಳೂರಿನ ಅನುಪಮ ಚಿತ್ರಮಂದಿರದಲ್ಲಿ ಅಭಿಮಾನಿಗಳ ಜೊತೆಗೆ ಕುಳಿತು 'ಭಜರಂಗಿ 2' ವೀಕ್ಷಿಸಿದರು. ನಂತರ ಮಾತನಾಡಿದ ಅವರು, 'ಅಪ್ಪು ಅಭಿಮಾನಿಗಳು ಸಿನಿಮಾ ನೋಡಿದರೆ ಅಪ್ಪು ನೋಡಿದಂತೆಯೇ..' ಎಂದು ಹೇಳಿದರು. ಅಪ್ಪುಗೆ 'ಭಜರಂಗಿ 2' ನೋಡಬೇಕಂತ ಆಸೆ ಇತ್ತು'ಪ್ರತಿಯೊಬ್ಬರಿಗೂ ನೋವಾಗತ್ತೆ. ಮನುಷ್ಯ ಹೋದಕೂಡಲೇ ಬಿಡೋದಲ್ಲ. ಅವರನ್ನು ಮನಸ್ಸಲ್ಲಿ ಇಟ್ಟುಕೊಳ್ಳಬೇಕು. ಅಪ್ಪು ಹೋಗಿಲ್ಲ, ಎಲ್ಲರ ಮನಸ್ಸಲ್ಲಿ ಇದ್ದಾನೆ. ಅಪ್ಪುಗೆ 'ಭಜರಂಗಿ 2' ಸಿನಿಮಾ ನೋಡಬೇಕು ಅಂತ ತುಂಬ ಆಸೆ ಇತ್ತು. ಅಕ್ಟೋಬರ್ 29ರಂದು ಮನೆಯಲ್ಲೇ ಸಿನಿಮಾ ನೋಡಬೇಕು ಅಂತ ಅಪ್ಲೋಡ್ ಕೂಡ ಮಾಡಿಸಿಕೊಂಡಿದ್ದ. ಇವತ್ತು ಅವನ ಅಭಿಮಾನಿಗಳು ಸಿನಿಮಾ ನೋಡ್ತಾ ಇದ್ದಾರೆ. ಅವರು ನೋಡಿದರೆ ಅಪ್ಪು ನೋಡಿದಂತೆಯೇ ಲೆಕ್ಕ. ಯಾಕೆಂದರೆ, ಅಭಿಮಾನಿಗಳ ಮನಸ್ಸಲ್ಲಿ ಆಳವಾಗಿ ಅಪ್ಪು ಬೇರೂರಿದ್ದಾನೆ' ಎಂದು ಹೇಳಿದ್ದಾರೆ ಶಿವಣ್ಣ. 'ನವೆಂಬರ್ 16ರಂದು ಅಪ್ಪು ನಮನ ಕಾರ್ಯಕ್ರಮ ಇಂಡಸ್ಟ್ರೀ ವತಿಯಿಂದ ಮಾಡಲಾಗುತ್ತಿದೆ. ಅವನಿಗೆ ನಮನ ಅಂತ ಹೇಳೋದಕ್ಕೆ ಬೇಜಾರು. ನಾವೆಲ್ಲ ಚಿತ್ರರಂಗದಲ್ಲಿ ಇರೋರು. ನಮ್ಮ ಚಿತ್ರರಂಗದ ಕಡೆಯಿಂದ ಇಂಥದ್ದೊಂದು ಕಾರ್ಯಕ್ರಮ ನಡೆಯುತ್ತಿದೆ. ಇನ್ನೂ ಈ ಕಾರ್ಯಕ್ರಮಕ್ಕೆ ಯಾರು ಬರಲಿದ್ದಾರೆ? ಯಾರು ಬರೋದಿಲ್ಲ ಅನ್ನೋದು ಗೊತ್ತಿಲ್ಲ. ಎಲ್ಲರೂ ಡೇಟ್ಸ್ ಎಲ್ಲ ಹೊಂದಾಣಿಕೆ ಮಾಡಿಕೊಳ್ಳಬೇಕು. ಕಾರ್ಯಕ್ರಮಕ್ಕೆ ಬರದೇ ಇದ್ದಮಾತ್ರಕ್ಕೆ ಅಪ್ಪು ಮೇಲಿನ ಅವರ ಪ್ರೀತಿ ವಿಶ್ವಾಸ ಯಾವತ್ತಿಗೂ ಕಮ್ಮಿ ಆಗಲ್ಲ. ಜೀವನ ಯಾವತ್ತೂ ಶಾಶ್ವತ ಅಲ್ಲ, ವಿಚಾರಗಳು ಶಾಶ್ವತ. ದೇವರು ಎಲ್ಲ ಸ್ಕ್ರೀನ್‌ಪ್ಲೇ ಬರೆದಿಟ್ಟಿದ್ದಾನೆ' ಎಂದು ಶಿವರಾಜ್‌ಕುಮಾರ್ ಹೇಳಿದರು. ನವೆಂಬರ್ 21ರಂದ ವೇದ ಶೂಟಿಂಗ್ ಶುರು'ಚೆನ್ನಾಗಿರುವ ಸಿನಿಮಾವನ್ನು ಯಾವ ಅಭಿಮಾನಿಯೂ ಕೈಬಿಡಲ್ಲ. ನನ್ನ ಮುಂದಿನ ಸಿನಿಮಾವನ್ನು ಹರ್ಷನೇ ಡೈರೆಕ್ಟ್ ಮಾಡಲಿದ್ದಾರೆ. 'ವೇದ' ಅಂತ ಟೈಟಲ್ ಇಟ್ಟಿದ್ದೇವೆ. ಅದು ಮಹಿಳೆಯರಿಗಾಗಿಯೇ ಮಾಡಿರುವಂತಹ ಕಥೆ. ಒಳ್ಳೆಯ ಸಂದೇಶವಿರುದ ಸಿನಿಮಾ ಅದು. ಇವತ್ತು ಜನರು 'ಭಜರಂಗಿ 2' ಸಿನಿಮಾವನ್ನು ಪ್ರೀತಿಯಿಂದ ನೋಡುತ್ತಿದ್ದಾರೆ. ನವೆಂಬರ್ 21ರಿಂದ ನನ್ನ 'ವೇದ' ಸಿನಿಮಾದ ಶೂಟಿಂಗ್ ಶುರುವಾಗಲಿದೆ. 'ಬೈರಾಗಿ' ಸಿನಿಮಾಕ್ಕೆ ಒಂದಷ್ಟು ಪ್ಯಾಚ್‌ವರ್ಕ್‌ ಇದೆ' ಎಂದು ಶಿವಣ್ಣ ಮಾಹಿತಿ ನೀಡಿದರು.