'ಪುಷ್ಪ' ಪಾರ್ಟ್ 2ರಲ್ಲಿ 'ಡಾಲಿ' ಧನಂಜಯ್ ನಟಿಸುತ್ತಾರೋ, ಇಲ್ಲವೋ? ಸುಕುಮಾರ್ ನೀಡಿದ್ರು ಸ್ಪಷ್ಟನೆ
'ಪುಷ್ಪ' ಸಿನಿಮಾದಲ್ಲಿ ನಟ ಧನಂಜಯ್ ಜಾಲಿ ರೆಡ್ಡಿ ಎಂಬ ಪಾತ್ರ ಮಾಡಿದ್ದರು. ಚಿತ್ರದಲ್ಲಿ ಸಣ್ಣ ಪಾತ್ರವಾದರೂ, ಅದನ್ನು ಖಡಕ್ ಆಗಿ ನಿಭಾಯಿಸಿದ್ದರು ಅವರು. ಇದೀಗ 'ಪುಷ್ಪ 2'ರಲ್ಲಿ ಅವರು ನಟಿಸುತ್ತಾರೋ, ಇಲ್ಲವೋ ಎಂಬ ಬಗ್ಗೆ ಚರ್ಚೆ ಶುರುವಾಗಿದೆ.
Admin
0
3
ಮತ್ತು ನಟಿಸಿರುವ 'ಪುಷ್ಪ' ಚಿತ್ರವು ತೆರೆಕಂಡು ವಿಶ್ವಾದ್ಯಂತ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ. ಈಗಾಗಲೇ ಚಿತ್ರತಂಡ ಕೂಡ ಈ ಗೆಲುವನ್ನು ಸಂಭ್ರಮಿಸುತ್ತಿದೆ. ಥ್ಯಾಂಕ್ಸ್ ಮೀಟ್‌ಗಳನ್ನು ಏರ್ಪಡಿಸಿ, ಗೆಲುವಿಗೆ ಕಾರಣವಾದ ಪ್ರೇಕ್ಷಕರಿಗೆ ಧನ್ಯವಾದಗಳನ್ನು ತಿಳಿಸುತ್ತಿದೆ. ಅಂದಹಾಗೆ, ಈ ಸಿನಿಮಾದಲ್ಲಿ ನಟ 'ಡಾಲಿ' ಧನಂಜಯ್ ಕೂಡ ನಟಿಸಿದ್ದಾರೆ. ಹಾಗಾಗಿ, ಅವರ ಅಭಿಮಾನಿಗಳಿಗೂ ಈ ಸಿನಿಮಾ ವಿಶೇಷವಾಗಿತ್ತು. ಸದ್ಯ ಎಲ್ಲರ ಗಮನ ಪಾರ್ಟ್ 2 ಮೇಲಿದೆ. ' 2' ಯಾವಾಗ ಬರಲಿದೆ? ಅದರಲ್ಲಿ ಧನಂಜಯ್ ನಟಿಸುತ್ತಾರಾ, ಇಲ್ಲವಾ? ನಟಿಸಿದರೆ, ಅವರ ಪಾತ್ರಕ್ಕೆ ಎಷ್ಟು ಮಹತ್ವ ಇದೆ ಎಂಬೆಲ್ಲ ಅನುಮಾನ ಸಹಜವಾಗಿ ಎಲ್ಲರಲ್ಲಿಯೂ ಇದೆ. ಇದೀಗ ಆ ಬಗ್ಗೆ ನಿರ್ದೇಶಕ ಸುಕುಮಾರ್ ಸ್ಪಷ್ಟನೆ ನೀಡಿದ್ದಾರೆ.
'ಪುಷ್ಪ 2'ನಲ್ಲಿ ಧನಂಜಯ್?
ಹೈದರಾಬಾದ್‌ನಲ್ಲಿ ಮಂಗಳವಾರ (ಡಿ.28) ನಡೆದ ಥ್ಯಾಂಕ್ಸ್ ಮೀಟ್‌ನಲ್ಲಿ ಭಾಗವಹಿಸಿ ಮಾತನಾಡಿದ ಸುಕುಮಾರ್, ಇಡೀ ತಂಡಕ್ಕೆ ಧನ್ಯವಾದ ಹೇಳಿದರು. ಈ ವೇಳೆ ಅವರು ನಟ ಧನಂಜಯ್ ಅವರನ್ನು ನೆನಪು ಮಾಡಿಕೊಂಡರು. 'ಈ ಸಿನಿಮಾದಲ್ಲಿ ಅನೇಕರು ನಟಿಸಿದ್ದಾರೆ. ಅವರೆಲ್ಲರಿಗೂ ಧನ್ಯವಾದ. ಅಜಯ್‌ ಘೋಷ್, ಸುನೀಲ್, ಅನಸೂಯಾ ಹೀಗೆ ಸಾಕಷ್ಟು ಜನ ಅದ್ಭುತವಾಗಿ ಕೆಲಸ ಮಾಡಿದ್ದಾರೆ. ಹಾಗೆಯೇ ಕನ್ನಡದ ನಟ ಧನಂಜಯ್ ಕೂಡ. ಅವರ ಬಗ್ಗೆ ನಾನು ಹೇಳಲೇಬೇಕು. ಕನ್ನಡದಲ್ಲಿ ಅವರು ಹೀರೋ. ಹೀಗಿದ್ದರೂ ಕೂಡ ಇಲ್ಲಿಗೆ ಬಂದು ನಮ್ಮ ಸಿನಿಮಾದಲ್ಲಿ ಒಂದು ಸಣ್ಣ ಪಾತ್ರದಲ್ಲಿ ನಟಿಸಿದ್ದಾರೆ. ಅವರದ್ದು ಸಣ್ಣ ಪಾತ್ರ ಅಂತ ಹೇಳೋಕೆ ಸಾಧ್ಯವಿಲ್ಲ. 'ಪುಷ್ಪ 2' ಚಿತ್ರದಲ್ಲಿ ಅವರ ಪಾತ್ರ ಇನ್ನೂ ಜಾಸ್ತಿ ಇರಲಿದೆ. ಧನ್ಯವಾದಗಳು ಧನಂಜಯ್' ಎಂದಿದ್ದಾರೆ ಸುಕುಮಾರ್.
ಚಿತ್ರತಂಡಕ್ಕೆ ಸುಕುಮಾರ್ ಗಿಫ್ಟ್
'ಪುಷ್ಪ' ಸಿನಿಮಾ ಹಿಟ್ ಆಗಿದೆ. ಒಂದು ಸಿನಿಮಾ ದೊಡ್ಡ ಲಾಭ ಮಾಡುತ್ತಿದ್ದಂತೆಯೇ, ನಿರ್ಮಾಪಕರು ತಂಡಕ್ಕೆ ಗಿಫ್ಟ್ ನೀಡುವುದು ಸಹಜ. ನಿರ್ದೇಶಕ ಸುಕುಮಾರ್ ಕೂಡ ತಂಡಕ್ಕೆ ಗಿಫ್ಟ್ ನೀಡಿದ್ದಾರೆ. ಸಿನಿಮಾಕ್ಕೆ ಕೆಲಸ ಮಾಡಿದ ಸೆಟ್ ಬಾಯ್ಸ್, ಆರ್ಟ್ ಡಿಪಾರ್ಟ್‌ಮೆಂಟ್‌ನ ಸದಸ್ಯರಿಗೆ ಲೈಟ್ ಬಾಯ್ಸ್‌ಗೆ.. ಹೀಗೆ ಸಿನಿಮಾಗಾಗಿ ಹಗಲು ರಾತ್ರಿ ಎನ್ನದೇ ಕೆಲಸ ಮಾಡಿದ ತಂಡದ ಸದಸ್ಯರಿಗೆ ವೈಯಕ್ತಿಕವಾಗಿ ತಲಾ ಒಂದು ಲಕ್ಷ ರೂ. ನೀಡುವುದಾಗಿ ಸುಕುಮಾರ್ ಘೋಷಣೆ ಮಾಡಿದ್ದಾರೆ.
ಈವರೆಗೂ 'ಪುಷ್ಪ' ಗಳಿಸಿದ್ದೆಷ್ಟು?
'ಪುಷ್ಪ' ಸಿನಿಮಾವು ತೆರೆಕಂಡು, ಮೊದಲು 10 ದಿನಗಳಿಗೆ ಸುಮಾರು 275 ಕೋಟಿ ರೂ. ಗ್ರಾಸ್ ಕಲೆಕ್ಷನ್ ಮಾಡಿದೆ. ಇದು 350 ಕೋಟಿ ರೂ.ವರೆಗೂ ಹೋಗಲಿದೆ ಎನ್ನುತ್ತಾರೆ ನಿರ್ಮಾಪಕರು. ಹಿಂದಿ ವರ್ಷನ್‌ನಿಂದಲೇ ಸುಮಾರು 40 ಕೋಟಿ ರೂ.ಗಳಷ್ಟು ಹಣ ಹರಿದುಬಂದಿದೆ. ಹಾಗೆಯೇ, ಕರ್ನಾಟಕದಿಂದ ಸುಮಾರು 20 ಕೋಟಿ ರೂ.ಗಳಷ್ಟು ಗಳಿಕೆಯಾಗಿದೆ ಎಂಬ ಮಾಹಿತಿ ಇದೆ. ಒಟ್ಟಾರೆಯಾಗಿ ಮೈತ್ರಿ ಮೂವೀ ಮೇಕರ್ಸ್ ಸಂಸ್ಥೆಯು ಭರ್ಜರಿ ಲಾಭವನ್ನೇ ಪಡೆದುಕೊಂಡಿದೆ. ಡಬ್ಬಿಂಗ್, ಡಿಜಿಟಲ್‌, ಸ್ಯಾಟಲೈಟ್ ಹಕ್ಕುಗಳಿಂದಳೂ ಸಾಕಷ್ಟು ಹಣ ನಿರ್ಮಾಪಕರಿಗೆ ಸಿಕ್ಕಿದೆ.
