ನಟ ದುಲ್ಕರ್ ಸಲ್ಮಾನ್ ಮನೆಯಲ್ಲಿ ತುಂಬಿ, ತುಳುಕಿದ ಖುಷಿ; ಸಂಭ್ರಮವೋ ಸಂಭ್ರಮ!
ಮಲಯಾಳಂನ ಖ್ಯಾತ ನಟ ದುಲ್ಕರ್ ಸಲ್ಮಾನ್ ಅವರ ಮನೆಯಲ್ಲಿ ಖುಷಿ ತುಂಬಿದೆ. ವೈಯಕ್ತಿಕ ಹಾಗೂ ವೃತ್ತಿ ವಿಚಾರಕ್ಕೆ ಮಮ್ಮೂಟಿ ಮನೆಯಲ್ಲಿ ಸಂತಸ ಮೂಡಿದೆ. ಏನದು? ಆ ಬಗ್ಗೆ ಲೇಖನ ಇಲ್ಲಿದೆ.
Admin
0
5
ಮಲಯಾಳಂ ನಟ ಮನೆಯಲ್ಲಿ ಖುಷಿ ತುಂಬಿದೆ. ಅವರ ಮಗಳು ಮರಿಯಾಮ್‌ಗೆ 4ನೇ ಜನ್ಮದಿನದ ಸಂಭ್ರಮವಾದರೆ, ತಂದೆ-ತಾಯಿ 42ನೇ ವಿವಾಹ ವಾರ್ಷಿಕೋತ್ಸವದ ಖುಷಿಯಲ್ಲಿದ್ದಾರೆ. ಇನ್ನು ಸಿನಿಮಾಗಳು ರಿಲೀಸ್‌ಗೆ ರೆಡಿಯಾಗುತ್ತಿವೆ. ಮಗಳ ಫೋಟೋ ಹಂಚಿಕೊಂಡು, ದುಲ್ಕರ್ ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿದ್ದಾರೆ.
'ಕುರುಪ್', 'ಸೆಲ್ಯೂಟ್', 'ಹೇ ಸಿನಿಮಿಕಾ' ಚಿತ್ರಗಳನ್ನು ರಿಲೀಸ್ ಮಾಡಲು ಕಾಯುತ್ತಿರುವ ನಟ ದುಲ್ಕರ್ ಸಲ್ಮಾನ್ ಅವರು ಮಗಳ ಜೊತೆಗಿರುವ ಕೆಲ ಫೋಟೋಗಳನ್ನು ಸಲ್ಮಾನ್ ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ಕೊರೊನಾ ವೈರಸ್ ಇರುವುದರಿಂದ ಸ್ನೇಹಿತರ ಜೊತೆ ಹುಟ್ಟುಹಬ್ಬ ಆಚರಿಸಿಕೊಳ್ಳದಿದ್ದರೂ ಕೂಡ ಮ್ಯಾರಿ ಖುಷಿಯಿಂದ ಇದ್ದಾಳೆ ಎಂದು ಹೇಳಿದ್ದಾರೆ.
ಮಗಳ ಕುರಿತು ದುಲ್ಕರ್ ಪೋಸ್ಟ್
"ಈ ರೀತಿ ಫೋಟೋಗಳನ್ನು ಪ್ರತಿ ವರ್ಷ ತೆಗೆಸಿಕೊಳ್ತೀವಿ ಅಲ್ವಾ ಮ್ಯಾರಿ? ನಾನು ಹೊರಗಡೆ ಇದ್ದಾಗ ನೀನು ಹುಟ್ಟಿದಾಗಿನಿಂದ ತೆಗೆದ ಪ್ರತಿ ಫೋಟೋಗಳನ್ನು ನೋಡುತ್ತಿರುವುದು ನನಗೆ ತುಂಬ ಇಷ್ಟ. ಅಪ್ಪ ಹೊರಗಡೆ ಇದ್ದಾಗ ಈ ರೀತಿ ಮಾಡಲು ಮಾತ್ರ ದಾರಿಯಿದೆ. ಇವೆಲ್ಲವೂ ನನ್ನ ಹೃದಯದಲ್ಲಿ ವಿಶೇಷ ಜಾಗ ಮಾಡಿದೆ. ಎರಡನೇ ಬಾರಿಗೆ ಈ ಲಾಕ್‌ಡೌನ್‌ನಲ್ಲಿ ನಿನ್ನ ಹುಟ್ಟುಹಬ್ಬ ಬಂದಿದೆ, ಈ ಸಲವೂ ನಿನಗೆ ಯಾರೂ ಸ್ನೇಹಿತರಿಲ್ಲ. ಆದರೂ ನೀನು ಖುಷಿಯಾಗಿದ್ದೀಯ. ಅಲ್ಲಾ ನಿನಗೆ ಖುಷಿ ನೀಡಿ ಒಳ್ಳೆಯದನ್ನು ಮಾಡಲಿ, ಕುಟುಂಬವಾಗಿ ನಾವು ಇನ್ನೇನು ಕೇಳಲು ಇಲ್ಲ. ನೀನು ನಮಗೆ ಸಿಕ್ಕ ವರ, ಖುಷಿ. ನಮ್ಮ ನಗು, ನಮ್ಮ ಖುಷಿ" ಎಂದು ದುಲ್ಕರ್ ಸಲ್ಮಾನ್ ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿದ್ದಾರೆ.
ದಂಪತಿಗೆ ವಿವಾಹ ವಾರ್ಷಿಕೋತ್ಸವ
ಮಮ್ಮೂಟಿ ಹಾಗೂ ಅವರ ಪತ್ನಿ ಸುಲ್ಫತ್ ಅವರು 42ನೇ ವರ್ಷದ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದ್ದಾರೆ. ಇಷ್ಟು ವರ್ಷಗಳ ಕಾಲ ಅವರ ದಾಂಪತ್ಯ ಜೀವನವನ್ನು ಕಾಪಾಡಿಕೊಂಡು ಬಂದಿದ್ದಾರೆ. ಇನ್ನು ಉಳಿದವರಿಗೂ ಕೂಡ ಮಾದರಿಯಾಗಿದ್ದಾರೆ. ಮಮ್ಮೂಟಿ ನಟನೆಯ '1' ಸಿನಿಮಾಕ್ಕೆ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ. ಒಟ್ಟಿನಲ್ಲಿ ವೈಯಕ್ತಿಕ, ವೃತ್ತಿ ವಿಚಾರದಲ್ಲಿ ಕೂಡ ದುಲ್ಕರ್ ಸಲ್ಮಾನ್ ಕುಟುಂಬ ತುಂಬ ಖುಷಿಯಿಂದ ಇದೆ.
