'ಕಾಡ'ಕ್ಕಾಗಿ ನಟ ಜೆಕೆಗೆ ಸಾಥ್ ಕೊಟ್ಟ ಕಾವ್ಯಾ ಶೆಟ್ಟಿ; ಯಾವ ರೀತಿಯ ಸಿನಿಮಾ?
ನಟ ಜೆಕೆ ಅಭಿನಯದ 'ಕಾಡ' ಸಿನಿಮಾದಲ್ಲಿ ನಟಿ ಕಾವ್ಯಾ ಶೆಟ್ಟಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಕಾವ್ಯಾ ಪಾತ್ರ ಏನು? ಪಾತ್ರದ ಕುರಿತು ಕಾವ್ಯಾ ಏನು ಹೇಳ್ತಾರೆ. 'ಕಾಡ' ಸಿನಿಮಾ ಕುರಿತು ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.
Admin
0
5
(ಪದ್ಮಾ ಶಿವಮೊಗ್ಗ)
ನಿರ್ದೇಶಕ ವಿಶ್ರುತ್‌ ನಾಯಕ್‌ ಅವರ ಹೊಸ ಚಿತ್ರ ‘ಕಾಡ’ ಸಿನಿಮಾದಲ್ಲಿ ನಾಯಕ ಜೆಕೆಗೆ ಜೋಡಿಯಾಗಿ ನಟಿ ಅಭಿನಯಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅವರು ಇದುವರೆಗೆ ಮಾಡಿರದ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಇದರ ಚಿತ್ರೀಕರಣ ಈಗಾಗಲೇ ಚಿತ್ರೀಕರಣ ಪ್ರಾರಂಭವಾಗಿದೆ. ‘ಈ ಸಿನಿಮಾದಲ್ಲಿ ನನಗೆ ಬಹಳ ವಿಭಿನ್ನವಾದ ಪಾತ್ರ ಸಿಕ್ಕಿದೆ. ನಟನೆಗೆ ತುಂಬಾ ಸ್ಕೋಪ್‌ ಇರುವ ಪಾತ್ರವಿದು. ಇದರಲ್ಲಿ ಸೈಕೋ ಥ್ರಿಲ್ಲರ್‌ ಕಥೆ ಇದ್ದು, ನನ್ನ ಪಾತ್ರಕ್ಕೆ ಡಬಲ್‌ ಶೇಡ್‌ ಇದೆ. ಮತ್ತು ನಾನು ಪ್ರತಿ ದೃಶ್ಯದಲ್ಲೂಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದೇವೆ. ಸೋಲೊ ಶಾಟ್ಸ್‌ ಅಂತ ಇಲ್ಲ ಎಂದು ಹೇಳಬಹುದು. ಈ ಚಿತ್ರದಲ್ಲಿ ನಮ್ಮಿಬ್ಬರಿಗೂ ಸಮಾನವಾದ ಸ್ಪೇಸ್‌ ಇದೆ’ ಎಂದಿದ್ದಾರೆ ಕಾವ್ಯಾ ಶೆಟ್ಟಿ.
ಕಾಡಾ ಸಿನಿಮಾದಲ್ಲಿ ಸ್ಟೋರಿಯೇ ಹೈಲೈಟ್‌. ‘ಈ ಸಿನಿಮಾದಲ್ಲಿ ಹಾಡುಗಳಿಲ್ಲ. ನೇರವಾಗಿಯೇ ಥ್ರಿಲ್‌ ನೀಡುತ್ತಾ ಹೋಗುತ್ತದೆ. ಸಸ್ಪೆನ್ಸ್‌ ಮತ್ತು ಟ್ವಿಸ್ಟ್‌ಗಳಿವೆ. ಒಂದೂವರೆ ಅಥವಾ ಒಂದು ಗಂಟೆ 40 ನಿಮಿಷದ ಈ ಸಿನಿಮಾದಲ್ಲಿಒಂದೆರಡು ದಿನಗಳಲ್ಲಿ ನಡೆಯುವ ಕಥೆ ಇದೆ. ಇದನ್ನು ಶಾರ್ಟ್‌ ಆ್ಯಂಡ್‌ ಸ್ವೀಟ್‌ ಫ್ಯೂಚರ್‌ ಸಿನಿಮಾ ಎನ್ನಬಹುದು. ಇಂಥ ಸಿನಿಮಾದಲ್ಲಿ ನಾನು ಇದುವರೆಗೆ ನಟಿಸಿರಲಿಲ್ಲ. ಇದೇ ರೀತಿ ನಾನು ಜೆಕೆ ಅವರ ಜತೆಗೆ ಇದೇ ಮೊದಲ ಬಾರಿಗೆ ನಟಿಸುತ್ತಿದ್ದೇನೆ’ ಎಂದು ಕಾವ್ಯಾ ವಿವರಿಸಿದ್ದಾರೆ.
ಈ ಚಿತ್ರದ ಮೊದಲ ಶೆಡ್ಯೂಲ್‌ ಬೇಲೂರು ಸಮೀಪ ಚಿತ್ರೀಕರಣಗೊಂಡಿದೆ. ಕಾವ್ಯಾ ಶೆಟ್ಟಿ ಅವರು ‘ರವಿ ಬೋಪಣ್ಣ’ ಮತ್ತು ‘ಲವ್‌ ಮಾಕ್‌ಟೇಲ್‌’ ಸಿನಿಮಾದ ತೆಲುಗು ರಿಮೇಕ್‌ನಲ್ಲಿ ನಟಿಸಿದ್ದು, ಮಾಲಿವುಡ್‌ನಲ್ಲೂ ಕಾಣಿಸಿಕೊಳ್ಳುತ್ತಿದ್ದಾರೆ. ಕನ್ನಡ ವೆಬ್‌ ಸೀರಿಸ್‌ನಲ್ಲೂ ನಟಿಸುತ್ತಿರುವ ಅವರ ಈ ಸೀರಿಸ್‌ ಬೇರೆ ಭಾಷೆಗಳಲ್ಲೂ ರಿಲೀಸ್‌ ಆಗಲಿದೆ.
'ಕಾಡ' ಸಿನಿಮಾದಲ್ಲಿ ಹೊಸ ರೀತಿಯ ಸಬ್ಜೆಕ್ಟ್ ಇದೆ. ತುಂಬಾ ಸರ್ಪ್ರೈಸ್‌ಗಳಿವೆ. ಚಿತ್ರದ ನಿರೂಪಣೆ ನನಗೆ ಇಷ್ಟವಾದ ಕಾರಣ ಒಪ್ಪಿಕೊಂಡೆ ಎಂದು ಹೇಳಿದ್ದಾರೆ ಕಾವ್ಯಾ ಶೆಟ್ಟಿ
ನಟ ಜೆಕೆ ಅವರು 'ಕಾಡ' ಪೋಸ್ಟರ್‌ನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿದ್ದಾರೆ. ಅದರ ಜೊತೆಗೆ ಕಾವ್ಯಾ ಶೆಟ್ಟಿ ಜೊತೆಗಿನ ಫೋಟೋಗಳನ್ನು ಅವರು ಹಂಚಿಕೊಂಡಿದ್ದರು. ಜೆಕೆ ಕೂಡ ಒಂದಾದ ಮೇಲೆ ಒಂದರಂತೆ ಸಿನಿಮಾ ಒಪ್ಪಿಕೊಂಡು, ಶೂಟಿಂಗ್‌ನಲ್ಲಿ ಸಖತ್ ಬ್ಯುಸಿಯಾಗುತ್ತಿದ್ದಾರೆ.
ಇಲ್ಲಿಯವರೆಗೂ ರೊಮ್ಯಾಂಟಿಕ್ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದ ಕಾವ್ಯಾ ಶೆಟ್ಟಿ ಅವರು ನಟ ಲೂಸ್‌ಮಾದ ಯೋಗಿ ಅಭಿನಯದ 'ಲಂಕೆ' ಸಿನಿಮಾದಲ್ಲಿ ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು, ಮೊದಲ ಬಾರಿಗೆ ಅವರು ಆ ರೀತಿ ಪಾತ್ರ ಮಾಡಿದ್ದರು. ಚಿತ್ರದಲ್ಲಿ ಆ್ಯಕ್ಷನ್‌ ಸೀನ್‌ನಲ್ಲೂ ಕಾಣಿಸಿಕೊಂಡಿದ್ದರು. ಹುಡುಗಿಯರ ಕಾಸ್ಟ್ಯೂಮ್‌ನಲ್ಲಿ ಕಾವ್ಯಾ ಶೆಟ್ಟಿ ಫೈಟ್ ಮಾಡಿದ್ದರು. 70ರ ದಶಕದಲ್ಲಿ ನಡೆದ ಘಟನೆಯನ್ನಾಧರಿಸಿ ಈ ಸಿನಿಮಾ ಕಥೆ ಬರೆದಿದ್ದರು. ಈ ಹಿಂದೆ 'ಯುವರತ್ನ' ಚಿತ್ರದ ಇಂಟ್ರೋಡಕ್ಷನ್ ಸಾಂಗ್‌ನಲ್ಲಿ ಪುನೀತ್ ರಾಜ್‌ಕುಮಾರ್ ಜೊತೆ ಕಾವ್ಯಾ ಶೆಟ್ಟಿ ನಟಿಸಿದ್ದರು.
