Head Bush: 'ಡಾಲಿ' ಧನಂಜಯ ನಟನೆಯ 'ಹೆಡ್‌ ಬುಷ್‌'ಗೆ ನೈಜ ಲೊಕೇಶನ್‌ಗಳಲ್ಲೇ ಶೂಟಿಂಗ್!
ನಟ ಡಾಲಿ ಧನಂಜಯ ನಟನೆಯ 'ಹೆಡ್‌ ಬುಷ್‌' ಸಿನಿಮಾದ ಮೇಲೆ ದೊಡ್ಡ ನಿರೀಕ್ಷೆ ಇದೆ. ಇದು ಜಯರಾಜ್‌ ಬಯೋಪಿಕ್‌ ಆಗಿದ್ದು, ಕೆಲ ಭಾಗಗಳ ಚಿತ್ರೀಕರಣ ಮುಗಿದಿದೆ. ಆ ಬಗ್ಗೆ ಮತ್ತು ಮುಂದಿನ ಚಿತ್ರೀಕರಣದ ಬಗೆಗಿನ ವಿವರ ಇಲ್ಲಿದೆ.
Admin
0
5
ಹರೀಶ್‌ ಬಸವರಾಜ್‌
ಬೆಂಗಳೂರಿನ ಭೂಗತ ಜಗತ್ತಿನಲ್ಲಿ ದೊಡ್ಡ ಹೆಸರು ಮಾಡಿದ್ದ ಜಯರಾಜ್‌ ಬಯೋಪಿಕ್‌ನಲ್ಲಿ ನಟ ನಟಿಸುತ್ತಿರುವುರು ಎಲ್ಲರಿಗೂ ಗೊತ್ತು. ಈ ಸಿನಿಮಾದ ಬಾಲ್ಯದ ಎಪಿಸೋಡ್‌ಗಳನ್ನು ಚಿತ್ರತಂಡ ಈಗಾಗಲೇ ಚಿತ್ರೀಕರಣ ಮಾಡಿದೆ. ಜಯರಾಜ್‌ ಬಯೋಪಿಕ್‌ಗೆ 'ಹೆಡ್‌ ಬುಷ್‌' ಎಂಬ ಟೈಟಲ್‌ ಇಟ್ಟಿದ್ದು, ಶೂನ್ಯ ಎಂಬವರು ನಿರ್ದೇಶನ ಮಾಡುತ್ತಿದ್ದಾರೆ. ಸಿನಿಮಾ ಫಸ್ಟ್‌ ಲುಕ್‌ನಿಂದಾಗಿ ಗಮನ ಸೆಳೆದಿದ್ದು, ಧನಂಜಯ ಇದಕ್ಕಾಗಿ ಒಂದಷ್ಟು ತಯಾರಿ ಮಾಡಿಕೊಂಡಿದ್ದರು. ಲಾಕ್‌ಡೌನ್‌ ಆಗದೇ ಹೋಗಿದ್ದರೆ ಅವರು ಒಪ್ಪಿಕೊಂಡಿರುವ ಇತರ ಎಲ್ಲ ಸಿನಿಮಾಗಳನ್ನೂ ಮುಗಿಸಿ ಇಷ್ಟು ಹೊತ್ತಿಗೆ 'ಹೆಡ್‌ ಬುಷ್‌' ಚಿತ್ರೀಕರಣ ಆರಂಭವಾಗಬೇಕಿತ್ತು ಎಂದಿದೆ ಚಿತ್ರತಂಡ.
'ಬೆಂಗಳೂರಿನ ಗುಟ್ಟಹಳ್ಳಿ ಸೇರಿದಂತೆ ಒಂದಷ್ಟು ಕಡೆಗಳಲ್ಲಿ ಜಯರಾಜ್‌ ಅವರ ಬಾಲ್ಯದ ದೃಶ್ಯಗಳನ್ನು ಚಿತ್ರೀಕರಣ ಮಾಡಿದ್ದೇವೆ. ಬಹಳ ಅದ್ಭುತವಾಗಿ ಮೂಡಿಬಂದಿವೆ. ಆಕಾಶ್‌ ಎನ್ನುವ ಬಾಲನಟ ಜಯರಾಜ್‌ ಅವರ ಬಾಲ್ಯದ ಪಾತ್ರದಲ್ಲಿ ನಟಿಸಿದ್ದಾರೆ. ಮುಂದಿನ ದಿನಗಳಲ್ಲಿಆ ಹುಡುಗನ ಬಗ್ಗೆ ಹೆಚ್ಚಿನ ಮಾಹಿತಿ ಮತ್ತು ಆ ಪಾತ್ರ ಫಸ್ಟ್‌ ಲುಕ್‌ ಅನ್ನು ನೀಡುತ್ತೇವೆ' ಎನ್ನುತ್ತಾರೆ ನಿರ್ದೇಶಕ ಶೂನ್ಯ.
ಲೊಕೇಶನ್‌ಗಾಗಿ ಹುಡುಕಾಟಈ ಸಿನಿಮಾದ ಕಥೆ ನಡೆಯುವುದು 70-80ರ ದಶಕದ ಅವಧಿಯಲ್ಲಿ. ಅದಕ್ಕಾಗಿ ಆಗಿನ ಕಾಲದ ಲೊಕೇಶನ್‌ಗಳ ಅವಶ್ಯಕತೆ ಬಹಳಷ್ಟಿದೆ. ಅದನ್ನು ಸೆಟ್‌ ಹಾಕಿ ಸೃಷ್ಟಿ ಮಾಡುವುದಕ್ಕಿಂತಲೂ ಒರಿಜನಲ್‌ ಇದ್ದರೆ ಚೆಂದ ಎಂದು ಅನ್ನಿಸಿ ನಿರ್ದೇಶಕರು ಅದರ ತಲಾಶ್‌ನಲ್ಲಿದ್ದಾರಂತೆ.
'ಬೆಂಗಳೂರಿನಲ್ಲಿ ಆ ರೀತಿಯ ಲೊಕೇಶನ್‌ ಸಿಗುವುದು ಕಷ್ಟ. ಹಾಗಾಗಿ ಕೋಲಾರ, ಕೆಜಿಎಫ್‌, ಮೈಸೂರಿನ ಸುತ್ತಮುತ್ತ ನೋಡುತ್ತಿದ್ದೇವೆ. ಲಾಕ್‌ಡೌನ್‌ ತೆರವಾದ ಮೇಲೆ ಅಲ್ಲಿಗೆ ಹೋಗಿ ಪರಿಶೀಲನೆ ಮಾಡುತ್ತೇವೆ. ಅಲ್ಲಿ ಲೊಕೇಶನ್‌ ಇದೆ ಎಂಬ ನಂಬಿಕೆ ಇದೆ. ನಮ್ಮ ಸ್ಕ್ರಿಪ್ಟ್‌ಗೆ ಸೂಕ್ತವಾಗುವಂತಹ ಲೊಕೇಶನ್‌ ಸಿಗದೇ ಹೋದರೆ ಸೆಟ್‌ ಹಾಕಿ ಚಿತ್ರೀಕರಣ ಮಾಡಲು ನಾವು ರೆಡಿ ಇದ್ದೇವೆ. ಆದಷ್ಟು ರಿಯಲ್‌ ಲೊಕೇಶನ್‌ಗಳನ್ನು ಹುಡುಕುತ್ತಿದ್ದೇವೆ. ಲಾಕ್‌ಡೌನ್‌ ತೆರವಾದ ನಂತರ ಸರ್ಕಾರ ಅನುಮತಿ ಕೊಟ್ಟ ತಕ್ಷಣ ಶೂಟಿಂಗ್ ಮಾಡುವ ಪ್ಲಾನ್‌ ಇದೆ' ಎಂದು ಮಾಹಿತಿ ನೀಡಿದರು ಶೂನ್ಯ.
'ರಿಯಲ್‌ ಲೊಕೇಶನ್‌ಗಳನ್ನು ಹುಡುಕುತ್ತಿದ್ದೇವೆ. ಈ ಸಿನಿಮಾದಲ್ಲಿನೈಜ ಲೊಕೇಶನ್‌ಗಳ ಅವಶ್ಯಕತೆ ಬಹಳಷ್ಟಿದೆ. ಸಿಗದೇ ಹೋದರೆ ಸೆಟ್‌ ಹಾಕುತ್ತೇವೆ. ಈಗಾಗಲೇ ಚಿತ್ರೀಕರಣವಾಗಿರುವ ದೃಶ್ಯಗಳು ಮತ್ತು ಆ ಬಾಲ ನಟನ ಲುಕ್‌ಗಳನ್ನು ಈಗಲೇ ರಿವೀಲ್‌ ಮಾಡಲು ಸಾಧ್ಯವಿಲ್ಲ' ಎಂದು ಶೂನ್ಯ ತಿಳಿಸಿದ್ದಾರೆ. ಅಗ್ನಿ ಶ್ರೀಧರ್‌ ಈ ಚಿತ್ರಕ್ಕೆ ಕಥೆ ಬರೆಯುತ್ತಿದ್ದು, ನಾಯಕಿ ಸೇರಿದಂತೆ ಇನ್ನಷ್ಟು ಪಾತ್ರಗಳಿಗಾಗಿ ಕಲಾವಿದರ ಆಯ್ಕೆಯಾಗಬೇಕಿದೆ. ಇದು ಧನಂಜಯ ಅವರ ನಟನೆಯ ಬಹು ನಿರೀಕ್ಷೆಯ ಸಿನಿಮಾಗಳಲ್ಲಿ ಒಂದು.
