2024ರ ಚುನಾವಣೆಯಲ್ಲಿ ನರೇಂದ್ರ ಮೋದಿ ಗೆಲ್ತಾರಾ? ಪ್ರಕಾಶ್ ಅಮ್ಮಣ್ಣಾಯ ವಿಶ್ಲೇಷಣೆ ಇಲ್ಲಿದೆ
2024ರ ಚುನಾವಣೆಯಲ್ಲಿ ಮತ್ತೆ ಮೂರನೆಯ ಬಾರಿಗೆ ನರೇಂದ್ರ ಮೋದಿ ಪ್ರಧಾನ ಮಂತ್ರಿಯಾಗುವುದನ್ನು ತಪ್ಪಿಸಬೇಕಾದರೆ ಇದಕ್ಕಿಂತ ಬಲಿಷ್ಟ ಜಾತಕ, ಇತರ ಅರ್ಹತೆಗಳಿದ್ದ ಜಾತಕದಿಂದ ಮಾತ್ರ ಸಾಧ್ಯ. ಅದು ಸಾಧ್ಯನಾ?
Admin
0
5
2024ರ ಲೋಕಸಭೆ ಚುನಾವಣೆಯ ಬಗ್ಗೆ ಈಗಿನಿಂದಲೇ ಚರ್ಚೆಗಳು ಆರಂಭವಾಗಿವೆ. ಕೊರೊನಾ ಬಿಕ್ಕಟ್ಟಿನಂಥ ಸವಾಲಿನ ದಿನಗಳನ್ನು ಹಾಲಿ ಪ್ರಧಾನಿ ಎದುರಿಸುತ್ತಿದ್ದಾರೆ. ಹೀಗಿರುವಾಗ ಅವರು ಮೂರನೇ ಬಾರಿಗೆ ಅಧಿಕಾರಕ್ಕೇರಲಿದ್ದಾರಾ? ಅದು ಸಾಧ್ಯನಾ? ಈ ಬಗ್ಗೆ ಖ್ಯಾತ ಜ್ಯೋತಿರ್ವಿಜ್ಞಾನಿ ಪ್ರಕಾಶ್ ಅಮ್ಮಣ್ಣಾಯ ವಿಶ್ಲೇಷಣೆ ಮಾಡಿದ್ದಾರೆ. ಅದರ ವಿವರ ಇಲ್ಲಿದೆ.
2024 ರ ಚುನಾವಣೆ ಹೇಗಿರಬಹುದು?
1.ಯಾರಿಗೆ ಕರ್ಕಾಟಕ ರಾಶಿ,ಕರ್ಕಾಟಕ ಚಂದ್ರ,ಕರ್ಕ ಲಗ್ನ ಇರುತ್ತೋ.
2. ಯಾರಿಗೆ ಮೇಷ ರಾಶಿ, ಮೇಷ ಕುಜ, ಮೇಷ ಚಂದ್ರ ಇರುತ್ತದೋ
3. ಯಾರಿಗೆ ವೃಶ್ಚಿಕ ರಾಶಿ, ವೃಶ್ಚಿಕ ಚಂದ್ರ, ವೃಶ್ಚಿಕ ಕುಜ ಇರುತ್ತಾನೋ ಅಂತವರು ಮತ್ತೆ ಚುನಾಯಿತರಾಗಿ ಪ್ರಧಾನ ಮಂತ್ರಿಗಳಾಗುತ್ತಾರೆ.
ಇದು ಒಂದು ಗ್ರಹಸ್ಥಿತಿಯ ಮಾನದಂಡ. ಇನ್ನೊಂದೆಡೆ ದಶೆಯೂ ಇದಕ್ಕೆ ಪೂರಕ ಆಗಿರಬೇಕು. ಮಾರಕವಾದರೆ ಮೇಲಿನ ಯೋಗ ಭಂಗವಾದೀತು. ಇನ್ನೊಂದು ವಿಚಾರವೂ ಪೂರಕ ಮಾರಕವೂ ಇದೆ. ಜಾತಕದಲ್ಲಿ ಅತ್ಯಂತ ಬಲಿಷ್ಟ ಯೋಗವೂ ಇರಬೇಕು. ಅಲ್ಲದೆ ಶನಿಯೂ ಬಲಿಷ್ಟನಾಗಿ ತನ್ನ ಮೂಲ ತ್ರಿಕೋಣದಲ್ಲೂ ಅಥವಾ ಮೂಲ ತ್ರಿಕೋಣ ವೀಕ್ಷಕನಾಗಿಯೂ ಇರಬೇಕು. ಮತ್ತೊಂದೆಡೆ ತಾನು ಸ್ಪರ್ಧಿಸುವ ಪಕ್ಷವೂ ಬಲಿಷ್ಟವಾಗಿರಲೇ ಬೇಕು. ಇಂತಹ ಗೋಚರ ಗ್ರಹಸ್ಥಿತಿಯು ಸಾಮಾನ್ಯರಿಂದ ಹಿಡಿದು ದೊಡ್ಡ ದೊಡ್ಡ ರಾಜಕಾರಣಿಗಳಿಗೂ ಇರಬಾರದು ಎಂದೇನಿಲ್ಲ. ಆದರೆ ಅಂತಹ ಗ್ರಹಸ್ಥಿತಿಯ ಅರ್ಹತಯೂ ಬೇಕಾಗುತ್ತದೆ. ಹಿಂದೆ ನಾನು ಸಂಸದೆ ಸುಮಲತಾ ಅವರಿಗೂ ಗೆಲುವಿನ ಬಗ್ಗೆ ಹೇಳಿದ್ದೆ. ಅವರ ಪ್ರತಿಸ್ಪರ್ಧಿಯ ಜಾತಕವೂ ಅಷ್ಟೇ ಬಲಿಷ್ಟವಿತ್ತು. ಆದರೆ ಯೋಗ ಪ್ರಾಪ್ತಿಯ ಕಾಲ ಮಾತ್ರ ಸುಮಲತ ಅವರಿಗೆ ಇದ್ದುದರಿಂದ ಅವರೇ ಗೆಲ್ಲುತ್ತಾರೆ ಎಂಬ ಧೈರ್ಯ ಹೇಳಿದ್ದೆ. ಇಲ್ಲಿ ಯಾವ ಮುಖಸ್ಥುತಿಯಾಗಲೀ, ಯಾವ ಪಕ್ಷದ ಪರವಾಗಲೀ, ಯಾವ ವ್ಯಕ್ತಿಯ ಅಭಿಮಾನದಿಂದಾಗಲೀ ಹೇಳುತ್ತಿಲ್ಲ. ನಾನು ಹೇಳುತ್ತಿರುವುದು ಜಾತಕ, ಗ್ರಹ ಗೋಚರ ಸ್ಥಿತಿಯ ಬಗ್ಗೆ ಮಾತ್ರ. ಟೀಕೆ ಮಾಡುವವರು ಮಾಡಲಿ ಬಿಡಿ. ಅದು ಅವರವರ ಹಕ್ಕು.
ಸಾಮಾನ್ಯವಾಗಿ ನಾನು ನೋಡಿದ ಜಾತಕಗಳ ಪೈಕಿ ನರೇಂದ್ರ ಮೋದಿಯವರ ಜಾತಕವೇ ಈ 2024 ರ ಚುನಾವಣೆಯಲ್ಲಿ ಮತ್ತೆ ಮೂರನೆಯ ಬಾರಿಗೆ ಪ್ರಧಾನ ಮಂತ್ರಿಯಾಗುವ ಯೋಗ ಪಡೆದಿದೆ. ಇದನ್ನು ತಪ್ಪಿಸಬೇಕಾದರೆ ಇದಕ್ಕಿಂತ ಬಲಿಷ್ಟ ಜಾತಕ, ಇತರ ಅರ್ಹತೆಗಳಿದ್ದ ಜಾತಕ ಮಾತ್ರ ಸಾಧ್ಯ. ಆದರೆ ಬಲಿಷ್ಟ ಜಾತಕರು ಸಿಗಬಹುದು. ಆದರೆ ಇತರ ಅರ್ಹತೆಯವರು ಇಷ್ಟು ಸಣ್ಣ ಅಂತರದಲ್ಲಿ ಸಿಗುವುದು ಕಷ್ಟ ಎನ್ನಬಹುದು.
ಮೋದಿಯವರ ಅಖಂಡ ಸಾಮ್ರಾಜ್ಯಾಧಿಪತಿ ಯೋಗವನ್ನು ಒಡೆದು ಹಾಕುವ ಜಾತಕರು ಇತರ ಸಾಮಾಜಿಕ ಅರ್ಹತೆಯಲ್ಲಿ ಸಿಕ್ಕಿದರೆ ಆಗಬಹುದು. ಸದ್ಯಕ್ಕಂತೂ ದುರ್ಲಭವೆ. ಮೋದಿಯವರು ಸ್ಪರ್ಧಿಸುವ ಬಾಜಪವು ಅನೇಕ ಏಳು ಬೀಳುಗಳಲ್ಲಿ ಸಿಕ್ಕಿ ಒದ್ಧಾಡುತ್ತಾ, ಈಗ ಅತ್ಯಂತ ಉತ್ತಮ ಸ್ಥಿತಿಗೆ ಬಂದಾಗಿದೆ. ಮುಖ್ಯವಾಗಿ ರಾಮ ಮಂದಿರದ ಪೂರ್ಣ ಕುಂಭ, ಕಾಶ್ಮೀರದ ಮುಕ್ತಿ ಇತ್ಯಾದಿ ಮಹತ್ತರವಾದ ಕೆಲಸಗಳಲ್ಲಿ ವಿಜಯ ಪಡೆದಾಗಿದೆ. ಇದು ಬಾಜಪದ ಗೆಲುವಿನ ಯೋಗ. ಹಿಂದೆ ಕಾಂಗ್ರೆಸಿಗೂ ಇಂತಹ ಸುವರ್ಣಾವಕಾಶಗಳಿತ್ತು. ಆದರೆ ಅದನ್ನು ಪಡೆಯಲು ಅನೇಕ ಬಂಧನಗಳೂ ಇದ್ದುದರಿಂದ ಅದಕ್ಕೆ ಹಿನ್ನಡೆಯಾಗುತ್ತಾ ಹೋಗಿ ಈಗ ಅತ್ಯಂತ ಕೆಳ ಹಂತಕ್ಕೆ ತಲುಪಿಯಾಯ್ತು. ಮತ್ತೆ ಚೇತರಿಸಿಕೊಳ್ಳಲು ಇನ್ನು ಹತ್ತು ವರ್ಷಗಳೇ ಬೇಕಾದೀತು. ಹಾಗಾಗಿ ಮುಂದಿನ ಚುನಾವಣೆಯಲ್ಲಿ ಬಾಜಪ ಎಷ್ಟು ಸ್ಥಾನ ಪಡೆಯಬಹುದು ಎಂದರೆ, ಇಂದಿರಾಗಾಂಧಿಯವರ ಮರಣಾನಂತರ ಕಾಂಗ್ರೆಸ್‌ ಎಷ್ಟು ಮುನ್ನಡೆ ಪಡೆದಿತ್ತೋ, ಅದಕ್ಕಿಂತ ಒಂದು ಸ್ಥಾನವಾದರೂ ಹೆಚ್ಚು ಪಡೆಯುವಲ್ಲಿ ಯಾವ ಸಂಶಯವೂ ಇಲ್ಲ.
ಈ ಬಗ್ಗೆ ಅವರು ಫೇಸ್‌ಬುಕ್‌ನಲ್ಲಿ ವಿವರಗಳನ್ನೂ ಹಂಚಿಕೊಂಡಿದ್ದಾರೆ. ಅದರ ಲಿಂಕ್‌
