2020-21ರ ಮಾರ್ಚ್ ತ್ರೈಮಾಸಿಕದಲ್ಲಿ ಭಾರತದ ಜಿಡಿಪಿ ಶೇ. 1.3ಕ್ಕೆ ಏರಿಕೆ: ಎಸ್‌ಬಿಐ ವರದಿ

ಮುಂಬಯಿ: 2020-21ರ ಆರ್ಥಿಕ ವರ್ಷದ 4ನೇ ತ್ರೈಮಾಸಿಕದಲ್ಲಿ ( ಜಿಡಿಪಿ) ಶೇಕಡಾ 1.3 ಕ್ಕೆ ಏರಿಕೆಯಾಗುವ ಲಕ್ಷಣಗಳಿವೆ. ಪೂರ್ಣ ಹಣಕಾಸು ವರ್ಷದಲ್ಲಿ ಶೇ. 7.3ಕ್ಕೆ ಏರಿಕೆಯಾಗಬಹುದು ಎಂದು ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ () ಸಂಶೋಧನಾ ವರದಿ 'Ecowrap' ತಿಳಿಸಿದೆ. ಇ-ನ್ಯಾಷನಲ್ ಸ್ಟ್ಯಾಟಿಸ್ಟಿಕಲ್ ಆಫೀಸ್ (ಎನ್‌ಎಸ್‌ಒ) ಮಾರ್ಚ್ 2021 ರ ತ್ರೈಮಾಸಿಕದ ಜಿಡಿಪಿ ಅಂದಾಜು ಮತ್ತು 2020-21ನೇ ಸಾಲಿನ ತಾತ್ಕಾಲಿಕ ವಾರ್ಷಿಕ ಅಂದಾಜುಗಳನ್ನು ಮೇ 31 ರಂದು ಬಿಡುಗಡೆ ಮಾಡಲಿದೆ. ನಮ್ಮ 'ಈಗಿನ ಮಾದರಿ' ಯ ಆಧಾರದ ಮೇಲೆ, 4ನೇ ತ್ರೈಮಾಸಿಕದ ಜಿಡಿಪಿ ಬೆಳವಣಿಗೆ ಶೇ. 1.3 ರಷ್ಟಿದೆ. ವಾರ್ಷಿಕ (ಹಣಕಾಸು ವರ್ಷ 2020-21) ಜಿಡಿಪಿ ಬೆಳವಣಿಗೆ ದರ ಶೇ. 7.3ಕ್ಕೆ ಏರುವ ನಿರೀಕ್ಷೆಯಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಕೋಲ್ಕತದ ಸ್ಟೇಟ್ ಬ್ಯಾಂಕ್ ಇನ್‌ಸ್ಟಿಟ್ಯೂಟ್ ಆಫ್ ಲೀಡರ್‌ಶಿಪ್ (ಎಸ್‌ಬಿಐಎಲ್) ಸಹಯೋಗದೊಂದಿಗೆ ಕೈಗಾರಿಕಾ ಚಟುವಟಿಕೆ, ಸೇವಾ ಚಟುವಟಿಕೆ ಮತ್ತು ಜಾಗತಿಕ ಆರ್ಥಿಕತೆಗೆ ಸಂಬಂಧಿಸಿದ 41 ಹೈ-ಫ್ರೀಕ್ವೆನ್ಸಿ ಸೂಚಕಗಳೊಂದಿಗೆ 'ನೌಕಾಸ್ಟಿಂಗ್ ಮಾದರಿ' ಅನ್ನು ಅಭಿವೃದ್ಧಿಪಡಿಸಿದೆ. ಶೇ. 1.3 ರಷ್ಟು ಜಿಡಿಪಿ ಬೆಳವಣಿಗೆಯ ಅಂದಾಜಿನ ಪ್ರಕಾರ, ಇದುವರೆಗಿನ ಜಿಡಿಪಿ ಸಂಖ್ಯೆಯನ್ನು ಬಿಡುಗಡೆ ಮಾಡಿದ 25 ರಾಷ್ಟ್ರಗಳಲ್ಲಿ ಭಾರತ ಇನ್ನೂ ವೇಗವಾಗಿ ಬೆಳೆಯುತ್ತಿರುವ ಐದನೇ ರಾಷ್ಟ್ರವಾಗಿದೆ ಎಂದು ವರದಿ ತಿಳಿಸಿದೆ. "ನಮ್ಮ ಅಂದಾಜುಗಳು ಪ್ರಕಾರ 2022ರ ಮೊದಲ ತ್ರೈಮಾಸಿಕದಲ್ಲಿ ಜಿಡಿಪಿಯಲ್ಲಿ 6 ಲಕ್ಷ ಕೋಟಿ ರೂಪಾಯಿಯಷ್ಟು ನಷ್ಟವಾಗಬಹುದು ಎಂದು ಸೂಚಿಸುತ್ತದೆ. ಇದು 2021ರ ಮೊದಲ ತ್ರೈಮಾಸಿಕದಲ್ಲಿ ಉಂಟಾಗಿದ್ದ 11 ಲಕ್ಷ ಕೋಟಿ ರೂಪಾಯಿ ನಷ್ಟಕ್ಕೆ ಹೋಲಿಸಿದರೆ ತುಸು ಕಡಿಮೆಯಾಗಿದೆ" ಎಂದು . ನೈಜ ಜಿಡಿಪಿ ನಷ್ಟವು 4-4.5 ಲಕ್ಷ ಕೋಟಿ ರೂ.ಗಳಷ್ಟಿರುತ್ತದೆ ಮತ್ತು ಆದ್ದರಿಂದ, ನಿಜವಾದ ಜಿಡಿಪಿ ಬೆಳವಣಿಗೆಯು ಶೇಕಡಾ 10-15ರ ವ್ಯಾಪ್ತಿಯಲ್ಲಿರುತ್ತದೆ (ಆರ್‌ಬಿಐ ಮುನ್ಸೂಚನೆಯ ಪ್ರಕಾರ 26.2 ಶೇಕಡಾ) ಎಂದು ಅದು ಹೇಳಿದೆ.