ಸಕಲೇಶಪುರದ ಸುಂದರ ತಾಣದಲ್ಲಿ ಮಳೆಯಲ್ಲಿ ‘ಕಾಡ’ ಚಿತ್ರೀಕರಣ
ನಟ ಜೆಕೆ (ಕಾರ್ತಿಕ್ ಜಯರಾಂ) ಈಗ ‘ಕಾಡ’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕಾಗಿ ಸಕಲೇಶಪುರದಲ್ಲಿ ಸುರಿಯುತ್ತಿದ್ದ ಮಳೆಯಲ್ಲೇ ಚಿತ್ರೀಕರಣ ಮಾಡಲಾಗಿದೆ. ಸುಮಾರು 21 ದಿನಗಳ ಕಾಲ ಸತತವಾಗಿ ಮಳೆಯಲ್ಲೇ ಶೂಟ್‌ ಮಾಡಲಾಗಿದೆ.
Admin
0
7
(ಪದ್ಮಾ ಶಿವಮೊಗ್ಗ)
ನಟ ಜೆಕೆ () ಈಗ ‘’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕಾಗಿ ಸಕಲೇಶಪುರದಲ್ಲಿ ಸುರಿಯುತ್ತಿದ್ದ ಮಳೆಯಲ್ಲೇ ಚಿತ್ರೀಕರಣ ಮಾಡಲಾಗಿದೆ. ಸುಮಾರು 21 ದಿನಗಳ ಕಾಲ ಸತತವಾಗಿ ಮಳೆಯಲ್ಲೇ ಶೂಟ್‌ ಮಾಡಲಾಗಿದೆ. ‘ಕಾಡ’ ಚಿತ್ರದಲ್ಲಿ ನಟಿ ಕಾವ್ಯಾ ಶೆಟ್ಟಿ, ಜೆಕೆ ಪತ್ನಿಯಾಗಿ ನಟಿಸಿದ್ದಾರೆ.
‘ಸಿನಿಮಾದಲ್ಲಿ ಇಂಟರ್‌ವೆಲ್‌ ಆದ 10 ನಿಮಿಷದ ನಂತರ ಶುರುವಾಗುವ ದೃಶ್ಯವನ್ನು ಪೂರ್ಣವಾಗಿ ಮಳೆಯಲ್ಲಿ ಚಿತ್ರೀಕರಿಸಿದ್ದೇವೆ. ಇದು ಬಹಳ ಇಂಟೆನ್ಸ್‌ ಆದ ದೃಶ್ಯಗಳು. ಫೈಟ್‌ ದೃಶ್ಯಗಳನ್ನು ಮಳೆಯಲ್ಲಿ ಚಿತ್ರೀಕರಿಸಬೇಕಿತ್ತು. ಮುಂಗಾರು ಮಳೆ ಸಿನಿಮಾವನ್ನು ಮಳೆ ಇಲ್ಲದೆ ಕಲ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಹಾಗೇ ಈ ಸಿನಿಮಾದಲ್ಲೂ ಮಳೆ ತುಂಬಾ ಸ್ಪೆಷಲ್‌ ಆಗಿ ಮೂಡಿಬಂದಿದೆ. ಪ್ರತಿ ಶಾಟ್‌ನಲ್ಲಿ ನಾನಿರಬೇಕಿತ್ತು. ನಾವು ಶೂಟ್‌ ಮಾಡುವ ಸಮಯದಲ್ಲಿ ಪ್ರತಿದಿನ ಸಿಕ್ಕಾಪಟ್ಟೆ ಮಳೆಯಾಗುತ್ತಿತ್ತು. ಸ್ವಲ್ಪ ಹೊತ್ತು ಮಾತ್ರ ಮಳೆ ನಿಂತರೂ ಕೃತಕ ಮಳೆಯಲ್ಲಿ ಚಿತ್ರೀಕರಣ ಮುಂದುವರಿಸುತ್ತಿದ್ದೆವು. ಬಹಳ ಕಷ್ಟವಾಗಿತ್ತು. ಮಳೆಯಲ್ಲಿ ನೆನೆದಾಗ ದೇಹದ ಟೆಂಪರೇಚರ್‌ ಬದಲಾಗುತ್ತಿತ್ತು. ನನಗೆ ಜ್ವರವೂ ಬಂತು. ಆದರೂ ಇದು ವಿಭಿನ್ನ ಅನುಭವ’ ಎಂದಿದ್ದಾರೆ ಅವರು.
ಸಕಲೇಶಪುರದ ಸುಂದರ ತಾಣದಲ್ಲಿ ಚಿತ್ರೀಕರಣ ಮಾಡುವಾಗ ಇಂಬಳದ ಕಾಟದಿಂದ ತಪ್ಪಿಸಿಕೊಳ್ಳಲಾಗಲಿಲ್ಲ ಎಂದಿದ್ದಾರೆ ಜೆಕೆ. ‘ಕಾಫಿ ಎಸ್ಟೇಟ್‌ನಲ್ಲಿ ಶೂಟ್‌ ಮಾಡುತ್ತಿದ್ದೆವು. ಪೂರ್ತಿ ಕೆಸರು. ಸಿಕ್ಕಾಪಟ್ಟೆ ಇಂಬಳ ಕಾಟ. ಆ ಕೆಸರಿನಲ್ಲೇ ಫೈಟ್‌ ಮಾಡಬೇಕಿತ್ತು. ನೆಲಕ್ಕೆ ಬೀಳಬೇಕಿತ್ತು. ಕೆಳಗಿನಿಂದ ಶಾಟ್‌ ತೆಗೆಯುತ್ತಿದ್ದರು. ಡೆಟಾಲ್‌ ಹಚ್ಚಿಕೊಂಡು ನಟಿಸುತ್ತಿದ್ದರೂ ಸದಾ ನಮಗೆ ಗೊತ್ತಿಲ್ಲದಂತೆ ಇಂಬಳಗಳು ಮೈಗೆ ಕಚ್ಚಿಕೊಂಡಿರುತ್ತಿದ್ದವು. ಸುಣ್ಣ ಹಚ್ಚಿ ಇಂಬಳಗಳನ್ನು ಕೀಳಬೇಕಿತ್ತು. ಇನ್ನು ಕೆಲವು ಸಾರಿ ಲೈಟರ್‌ ಹಚ್ಚಿ ಬೆಂಕಿ ತಾಗಿಸಿ ತೆಗೆಯಬೇಕಿತ್ತು. ಇದು ನನಗೆ ಮೊದಲ ಅನುಭವ. ಬಹಳ ಭಯ ಆಗುತ್ತಿತ್ತು. ಕಾಲು, ಕೈಗಳು, ಬೆನ್ನಿಗೆಲ್ಲಾಇಂಬಳ ಕಚ್ಚಿಕೊಂಡಿವೆ. ಆದರೂ ಮಳೆ ಸೀನ್‌ ಸ್ಕ್ರೀನ್‌ ಮೇಲೆ ಬಹಳ ಚೆನ್ನಾಗಿ ಮೂಡಿಬಂದಿದೆ. ಇಷ್ಟೆಲ್ಲಾ ಕಷ್ಟಪಟ್ಟರೂ ವಿಷುಯಲ್ಸ್‌ ನೋಡಿದಾಗ ಸಮಾಧಾನವಾಯಿತು’ ಎನ್ನುತ್ತಾರೆ ಅವರು.
ಸೈಕಲಾಜಿಕಲ್‌ ಕ್ರೈಂ ಥ್ರಿಲ್ಲರ್‌ ಸಿನಿಮಾ
‘ಕಾಡ’ ಸಿನಿಮಾದಲ್ಲಿ ಸ್ಟೋರಿಯೇ ಹೈಲೈಟ್‌. ಈ ಸಿನಿಮಾದಲ್ಲಿ ಹಾಡುಗಳಿಲ್ಲ. ನೇರವಾಗಿಯೇ ಥ್ರಿಲ್‌ ನೀಡುತ್ತಾ ಹೋಗುತ್ತದೆ. ‘ಕಾಡ’ ಸಿನಿಮಾದಲ್ಲಿ ಸಸ್ಪೆನ್ಸ್‌ ಮತ್ತು ಟ್ವಿಸ್ಟ್‌ಗಳಿವೆ. ಸೈಕಲಾಜಿಕಲ್‌ ಕ್ರೈಂ ಥ್ರಿಲ್ಲರ್‌ ಸಿನಿಮಾ ಇದು. ಚಿತ್ರದಲ್ಲಿ ಸೈಕಲಾಜಿಕಲ್‌ ಡಿಸಾರ್ಡರ್‌ ಬಗ್ಗೆ ಹೇಳಲಾಗಿದೆ.
ಹೀರೋ ಹೆಸರೇ ‘ಕಾಡ’
ಚಿತ್ರದ ಹೀರೋ ಹೆಸರು 'ಕಾಡ', ಈ ಹೆಸರನ್ನೇ ಚಿತ್ರದ ಟೈಟಲ್‌ ಆಗಿ ಇಡಲಾಗಿದೆ. ಟೈಟಲ್‌ಗೆ 'ದಿ ಇನ್‌ಬಿಲ್ಟ್‌ ಎವಿಲ್‌' ಎಂಬ ಟ್ಯಾಗ್‌ ಲೈನ್‌ ಕೊಡಲಾಗಿದೆ. 'ಒಬ್ಬ ವ್ಯಕ್ತಿಯೊಳಗಿರುವ ಡಾರ್ಕರ್‌ ಸೈಡ್‌ ಬಗ್ಗೆ ಸಿನಿಮಾದಲ್ಲಿ ತೋರಿಸಲಾಗುತ್ತಿದೆ. ಒಂದು ರೀತಿಯಲ್ಲಿ ಎಲ್ಲರಲ್ಲೂ ಕಪ್ಪು ಶೇಡ್‌ ಇರುತ್ತೆ. ಈ ಸಿನಿಮಾದಲ್ಲಿ ಕೂಡ ಎಲ್ಲಾ ಪಾತ್ರಗಳಿಗೂ ಡಾರ್ಕ್ ಸೈಡ್‌ ಇದೆ. ಎಲ್ಲವೂ ಪ್ರಮುಖ ಪಾತ್ರಗಳು. ಸಾಮಾನ್ಯವಾಗಿ ಸಿನಿಮಾಗಳಲ್ಲಿ ನಾಯಕಿ ಪಾತ್ರಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಇರೋಲ್ಲ. ಆದರೆ ಈ ಸಿನಿಮಾದಲ್ಲಿ ಕಾವ್ಯಾ ಶೆಟ್ಟಿ ಪಾತ್ರಕ್ಕೂ ಇಂಪಾರ್ಟೆನ್ಸ್‌ ಇದೆ. ನನ್ನ ಕರಿಯರ್‌ನಲ್ಲಿ'ಆ ಕರಾಳ ರಾತ್ರಿ' ಸಿನಿಮಾ ನಂತರ ಇದು ಬೆಂಚ್‌ ಮಾರ್ಕ್ ಆಗುತ್ತೆ ಎಂಬ ವಿಶ್ವಾಸ ಇದೆ' ಎಂದಿದ್ದಾರೆ ಅವರು.
