ತೆಲಂಗಾಣ ಸರಕಾರಿ ನೌಕರರಿಗೆ ಡಬಲ್‌ ಖುಷಿ, ಶೇ.30ರಷ್ಟು ವೇತನ ಹೆಚ್ಚಿಸಿದ ಸರಕಾರ
ತೆಲಂಗಾಣದ ಸರಕಾರಿ ನೌಕರರ ವೇತನವನ್ನು ಶೇ. 30 ರಷ್ಟು ಏರಿಕೆ ಮಾಡಲಾಗಿದ್ದು, ನಿವೃತ್ತಿ ವಯಸ್ಸನ್ನು 61ಕ್ಕೆ ಏರಿಸಲಾಗಿದೆ. ಈ ಮೂಲಕ ಕೊರೊನಾ ಬಿಕ್ಕಟ್ಟು, ಆರ್ಥಿಕ ಸಂಕಷ್ಟದ ನಡುವೆಯೂ ಸರಕಾರಿ ಉದ್ಯೋಗಿಗಳಿಗೆ ಕೆ. ಚಂದ್ರಶೇಖರ್‌ ರಾವ್‌ ಸರಕಾರ ಬಂಪರ್‌ ಕೊಡುಗೆ ನೀಡಿದೆ.
Admin
0
6
ಹೈದರಾಬಾದ್‌: ತೆಲಂಗಾಣದ ಎಲ್ಲ ಸರಕಾರಿ ನೌಕರರ ವೇತನವನ್ನು ಶೇ. 30 ರಷ್ಟು ಏರಿಕೆ ಮಾಡಲಾಗಿದೆ. ಅಲ್ಲದೇ, ನಿವೃತ್ತಿ ವಯಸ್ಸನ್ನು 61ಕ್ಕೆ ಏರಿಸಲಾಗಿದೆ. ಈ ಮೂಲಕ ಕೊರೊನಾ ಬಿಕ್ಕಟ್ಟು, ಆರ್ಥಿಕ ಸಂಕಷ್ಟದ ನಡುವೆಯೂ ಸರಕಾರಿ ಉದ್ಯೋಗಿಗಳಿಗೆ ಸಿಎಂ ಕೆ. ಚಂದ್ರಶೇಖರ್‌ ರಾವ್‌ ಸರಕಾರ ಬಂಪರ್‌ ಕೊಡುಗೆ ನೀಡಿದೆ.
ವೇತನ ಏರಿಕೆಯು ಏಪ್ರಿಲ್‌ 1ರಿಂದ ಅನ್ವಯವಾಗಲಿದೆ. ತೆಲಂಗಾಣದ 9,17,797 ನೌಕರರು ಮತ್ತು ಪಿಂಚಣಿದಾರರಿಗೆ ವೇತನ ಏರಿಕೆಯು ಮುಂದಿನ ಹಣಕಾಸು ವರ್ಷದಿಂದ ಅನ್ವಯವಾಗಲಿದೆ ಎಂದು ಮುಖ್ಯಮಂತ್ರಿ ಕೆ. ಚಂದ್ರಶೇಖರ್‌ ರಾವ್‌ ಹೇಳಿದ್ದಾರೆ.
ಯಾರಿಗೆಲ್ಲ ಲಾಭ?
ಎಲ್ಲ ಸರಕಾರಿ ನೌಕರರ ವೇತನ ಏರಿಕೆಗೆ ಸರಕಾರ ಸಮ್ಮತಿಸಿದೆ. ಗುತ್ತಿಗೆ ನೌಕರರು, ಹೊರಗುತ್ತಿಗೆ ನೌಕರರು, ಹೋಮ್‌ ಗಾರ್ಡ್‌ಗಳು, ಗ್ರಾಮೀಣ ಕಂದಾಯ ಸಹಾಯಕರು, ಅನುದಾನ ಆಧಾರಿತ ಉದ್ಯೋಗಿಗಳು, ಶಿಕ್ಷಾ ಅಭಿಯಾನದ ಉದ್ಯೋಗಿಗಳು, ದಿನಗೂಲಿ ಕಾರ್ಮಿಕರು, ಅಂಗನವಾಡಿ ಕಾರ್ಯಕರ್ತರು, ಆಶಾ ಕಾರ್ಯಕರ್ತೆಯರ ವೇತನವೂ ಶೇ.30ರಷ್ಟು ಏರಿಕೆಯಾಗಲಿದೆ.
