ಹಿಂದಿನ ಎಲ್ಲಾ ದಾಖಲೆಗಳು ಉಡೀಸ್: ಹೊಸ ಇತಿಹಾಸ ಸೃಷ್ಟಿಸಿದ RRR ಟ್ರೈಲರ್..!

ನಿರ್ದೇಶನದ ಹಾಗೂ ಅಭಿನಯದ ಬಹುನಿರೀಕ್ಷಿತ ಚಿತ್ರ . ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಕೆರಳಿಸಿರುವ ‘ಆರ್‌ಆರ್‌ಆರ್’ ಚಿತ್ರದ ಟ್ರೈಲರ್ ಇಂದು ಬಿಡುಗಡೆಯಾಗಿದೆ. ‘’ ಚಿತ್ರದ ಟ್ರೈಲರ್‌ಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ‘ಆರ್‌ಆರ್‌ಆರ್’ ಟ್ರೈಲರ್‌ನಲ್ಲಿರುವ ಭರ್ಜರಿ ಆಕ್ಷನ್ ಸೀಕ್ವೆನ್ಸ್ ಕಂಡ ಅಭಿಮಾನಿಗಳು ಸಖತ್ ಥ್ರಿಲ್ ಆಗಿದ್ದಾರೆ. ಟಾಪ್ ಟ್ರೆಂಡಿಂಗ್ ಇಂದು (ಡಿಸೆಂಬರ್ 9) ಬೆಳಗ್ಗೆಯಷ್ಟೇ ರಿಲೀಸ್ ಆದ ‘ಆರ್‌ಆರ್‌ಆರ್’ ತೆಲುಗು ಟ್ರೈಲರ್ ಇದೀಗ ಯೂಟ್ಯೂಬ್‌ನಲ್ಲಿ ಟಾಪ್ ಟ್ರೆಂಡಿಂಗ್‌ನಲ್ಲಿದೆ. ಅದಾಗಲೇ 12 ಮಿಲಿಯನ್‌ಗೂ ಅಧಿಕ ವ್ಯೂಸ್ ‘ಆರ್‌ಆರ್‌ಆರ್’ ತೆಲುಗು ಟ್ರೈಲರ್‌ಗೆ ಲಭ್ಯವಾಗಿದೆ. ಸದ್ಯಕ್ಕೆ ‘ಆರ್‌ಆರ್‌ಆರ್’ ತೆಲುಗು ಟ್ರೈಲರ್ ನೋಡಿ 1 ಮಿಲಿಯನ್‌ಗೂ ಅಧಿಕ ಮಂದಿ ಲೈಕ್ ಮಾಡಿದ್ದಾರೆ. ಇಂಟ್ರೆಸ್ಟಿಂಗ್ ಅಂದ್ರೆ, ಈವರೆಗೂ ‘ಆರ್‌ಆರ್‌ಆರ್’ ತೆಲುಗು ಟ್ರೈಲರ್‌ಗೆ ಒಂದೇ ಒಂದು ಡಿಸ್‌ಲೈಕ್ ಲಭ್ಯವಾಗಿಲ್ಲ. ವೇಗವಾಗಿ ಲೈಕ್ಸ್ ಪಡೆದ ‘ಆರ್‌ಆರ್‌ಆರ್’ ತೆಲುಗು ಟ್ರೈಲರ್ ಅತಿ ವೇಗವಾಗಿ.. ಅಂದ್ರೆ 32 ನಿಮಿಷಗಳಲ್ಲಿ 300K ಲೈಕ್ಸ್ ಪಡೆದ ತೆಲುಗು ಟ್ರೈಲರ್ ಎಂಬ ಖ್ಯಾತಿಗೆ ‘ಆರ್‌ಆರ್‌ಆರ್’ ಪಾತ್ರವಾಗಿದೆ. ಹಾಗೇ, ಅತಿ ವೇಗವಾಗಿ.. ಅಂದ್ರೆ 1 ಗಂಟೆ 20 ನಿಮಿಷದಲ್ಲಿ 500K ಲೈಕ್ಸ್ ಪಡೆದ ತೆಲುಗು ಟ್ರೈಲರ್ ಎಂಬ ಕೀರ್ತಿಯೂ ‘ಆರ್‌ಆರ್‌ಆರ್’ ಚಿತ್ರಕ್ಕೆ ಲಭಿಸಿದೆ. ಆ ಮೂಲಕ ಈ ಹಿಂದೆ ಲೈಕ್ಸ್‌ನಲ್ಲಿ ದಾಖಲೆ ಬರೆದಿದ್ದ ‘ಪುಷ್ಪ’, ‘ಸಾಹೋ’, ‘ಬಾಹುಬಲಿ 2’, ‘ವಕೀಲ್ ಸಾಬ್’ ಚಿತ್ರಗಳನ್ನು ‘ಆರ್‌ಆರ್‌ಆರ್’ ಹಿಂದಿಕ್ಕಿದೆ. ಮೈನವಿರೇಳಿಸುವ ಸ್ಟಂಟ್ಸ್ 3.15 ನಿಮಿಷಗಳನ್ನೊಳಗೊಂಡಿರುವ ‘ಆರ್‌ಆರ್‌ಆರ್’ ಚಿತ್ರದ ಟ್ರೈಲರ್‌ನಲ್ಲಿ ಮೈನವಿರೇಳಿಸುವ ಸ್ಟಂಟ್‌ಗಳನ್ನು ಹೈಲೈಟ್ ಮಾಡಲಾಗಿದೆ. ಅದರಲ್ಲೂ ಹುಲಿಯ ಜೊತೆಗೆ ಕೋಮರಂ ಭೀಮ್ ಪಾತ್ರಧಾರಿ ಜೂನಿಯರ್ ಎನ್‌.ಟಿ.ಆರ್ ಸೆಣಸಾಡಿರುವ ದೃಶ್ಯ ತೆಲುಗು ಸಿನಿ ಪ್ರಿಯರಿಂದ ಶಿಳ್ಳೆ ಗಿಟ್ಟಿಸುವಂತೆ ಮಾಡಿದೆ. ಇನ್ನೂ, ಬ್ರಿಟೀಷರ ಪರ ಕೆಲಸ ಮಾಡುವ ಪೊಲೀಸ್ ಅಧಿಕಾರಿ ಅಲ್ಲುರಿ ಸೀತಾರಾಮ ರಾಜು ಪಾತ್ರದಲ್ಲಿ ರಾಮ್ ಚರಣ್ ಕಾಣಿಸಿಕೊಂಡಿದ್ದಾರೆ. ಟ್ರೈಲರ್‌ನಲ್ಲಿ ಆಲಿಯಾ ಭಟ್, ಅಜಯ್ ದೇವ್ಗನ್ ಕೂಡ ಎಲ್ಲರ ಕಣ್ಣು ಕುಕ್ಕಿದ್ದಾರೆ. ಮೊದಲ ಕಾಂಬಿನೇಶನ್ ರಾಮ್ ಚರಣ್ ಹಾಗೂ ಜೂನಿಯರ್ ಎನ್‌.ಟಿ.ಆರ್… ಇಬ್ಬರು ಇದೇ ಮೊದಲ ಬಾರಿಗೆ ಒಂದಾಗಿರುವ ಸಿನಿಮಾ ‘ಆರ್‌ಆರ್‌ಆರ್‌’. ‘ಮಗಧೀರ’, ‘ಈಗ’, ‘ಬಾಹುಬಲಿ’ ಚಿತ್ರಗಳ ಬಳಿಕ ರಾಜಮೌಳಿ ‘ಆರ್‌ಆರ್‌ಆರ್‌’ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿರುವುದರಿಂದ ಈ ಚಿತ್ರದ ಬಗ್ಗೆ ಎಕ್ಸ್‌ಪೆಕ್ಟೇಷನ್ಸ್ ತುಂಬಾ ಇದೆ. ಟ್ರೈಲರ್ ನೋಡಿದ್ಮೇಲಂತೂ ‘ಆರ್‌ಆರ್‌ಆರ್‌’ ಮೇಲಿನ ಪ್ರೇಕ್ಷಕರ ಎಕ್ಸ್‌ಪೆಕ್ಟೇಷನ್ಸ್ ಡಬಲ್ ಆಗಿದೆ. ‘ಆರ್‌ಆರ್‌ಆರ್‌’ ಕಥಾಹಂದರ 1920ರ ಕಾಲಘಟ್ಟದಲ್ಲಿ… ಭಾರತದ ಸ್ವಾತಂತ್ರ್ಯ ಪೂರ್ವ ಸಮಯದಲ್ಲಿ ನಡೆದಿರುವ ಕೆಲ ಘಟನೆಗಳನ್ನಿಟ್ಟುಕೊಂಡು ‘ಆರ್‌ಆರ್‌ಆರ್‌’ ಕಥಾಹಂದರವನ್ನು ರಚಿಸಲಾಗಿದೆ. ರೆಬೆಲ್ ನಾಯಕ ಕೋಮರಂ ಭೀಮ್ ಹಾಗೂ ಕ್ರಾಂತಿಕಾರಿ ಅಲ್ಲುರಿ ಸೀತಾರಾಮ ರಾಜು ಅವರ ಜೀವನದ ಕೆಲ ಘಟನೆಗಳನ್ನು ‘ಆರ್‌ಆರ್‌ಆರ್‌’ ಸಿನಿಮಾದಲ್ಲಿ ಚಿತ್ರಿಸಲಾಗಿದೆ. ರಾಜಮೌಳಿ ಏನಂದರು? ‘’ಇದು ಅಲ್ಲುರಿ ಸೀತಾರಾಮ ರಾಜು ಮತ್ತು ಕೋಮರಂ ಭೀಮ್ ಅವರ ಜೀವನದ ಕಾಲ್ಪನಿಕ ಕಥೆಯಾಗಿದೆ. ಈ ಸ್ವಾತಂತ್ರ್ಯ ಹೋರಾಟಗಾರರ ಜೀವನದಲ್ಲಿ ಏನಾಯಿತು ಎಂಬುದು ನಮಗೆ ತಿಳಿದಿಲ್ಲ. ಕಾಲ್ಪನಿಕ ಕಥೆಯ ಮೂಲಕ ನಾವು ಅವರ ಜೀವನದಲ್ಲಿ ಏನಾಗಿರಬಹುದು, ಇಬ್ಬರು ಭೇಟಿಯಾಗಿ ಸ್ನೇಹಿತರಾಗಿದ್ದರೆ ಏನಾಗಿರಬಹುದು ಎಂಬುದನ್ನು ತೋರಿಸಿದ್ದೇವೆ’’ ಅಂತ ರಾಜಮೌಳಿ ಹೇಳಿದ್ದಾರೆ.