ಸಾವಿನಂಚಿನಲ್ಲಿರುವ ಕೋವಿಡ್ ರೋಗಿಯಿಂದ ವೀರ್ಯ ಸಂಗ್ರಹ: ಕಾನೂನು ಹೋರಾಟದಲ್ಲಿ ಗೆದ್ದ ಮಹಿಳೆ

ವಡೋದರ: ಬಹು ಅಂಗಾಂಗ ವೈಫಲ್ಯದಿಂದ ಬಳಲುತ್ತಿರುವ ರೋಗಿಯೊಬ್ಬರ ವೀರ್ಯವನ್ನು ಸಂಗ್ರಹಿಸಿರುವ ಗುಜರಾತ್‌ನ ವಡೋದರದ ಖಾಸಗಿ ಅದನ್ನು ಸಂರಕ್ಷಿಸಿ ಇಟ್ಟಿದೆ. ರೋಗಿಯ ಪತ್ನಿ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ್ದ ನೀಡಿದ್ದ ಆದೇಶದಂತೆ ಈ ಕ್ರಮ ತೆಗೆದುಕೊಳ್ಳಲಾಗಿದೆ. 32 ವರ್ಷದ ವ್ಯಕ್ತಿಯು ಮೇ 10ರಂದು ಕೋವಿಡ್ 19 ಕಾರಣದಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಅವರಲ್ಲಿ ಬಹು ಅಂಗಾಂಗ ವೈಫಲ್ಯವಾಗಿರುವುದರಿಂದ ಪರಿಸ್ಥಿತಿ ಚಿಂತಾಜನಕವಾಗಿದೆ. ಈ ದಂಪತಿ ಎಂಟು ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದರು. ರೋಗಿ 24 ಗಂಟೆಗಿಂತ ಹೆಚ್ಚು ಬದುಕಲು ಸಾಧ್ಯವಾಗದೆ ಇರಬಹುದು ಎಂದು ವಡೋದರದಲ್ಲಿನ ಸ್ಟೆರ್ಲಿನ್ ಆಸ್ಪತ್ರೆಯ ವೈದ್ಯರು ಕುಟುಂಬಕ್ಕೆ ಮಾಹಿತಿ ನೀಡಿದ್ದರು. ಹೀಗಾಗಿ ಮತ್ತು ಆಕೆಯ ಪೋಷಕರು ಗುಜರಾತ್ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿ ತುರ್ತು ವಿಚಾರಣೆಗೆ ಮನವಿ ಮಾಡಿದ್ದರು. ಪತಿ ಬದುಕುಳಿಯುವುದು ಕಷ್ಟವೆಂದು ಅರಿತ ಬಳಿಕ ಮಹಿಳೆಯು ಪತಿಯ ವೀರ್ಯವನ್ನು ಸಂಗ್ರಹಿಸಿ ನೀಡುವಂತೆ ಮನವಿ ಮಾಡಿದ್ದರು. ಪತಿ ಇಲ್ಲದಿದ್ದರೂ, ಅವರ ವೀರ್ಯದಿಂದ ಮಗು ಪಡೆಯುವುದು ಅವರ ಉದ್ದೇಶ. ಆದರೆ ರೋಗಿಯು ಅಪ್ರಜ್ಞಾವಸ್ಥೆಯಲ್ಲಿರುವುದರಿಂದ ಮತ್ತು ಅವರು ಅದಕ್ಕೆ ಸಮ್ಮತಿ ನೀಡಲು ಅಸಮರ್ಥರಾಗಿರುವುದರಿಂದ ಅವರಿಂದ ಪಡೆದುಕೊಳ್ಳಲು ಮತ್ತು ಸಂಗ್ರಹಿಸಲು ನ್ಯಾಯಾಲಯದ ಆದೇಶದ ಅಗತ್ಯವಿದೆ ಎಂದು ಆಸ್ಪತ್ರೆ ಅಧಿಕಾರಿಗಳು ಕುಟುಂಬದವರಿಗೆ ತಿಳಿಸಿದ್ದರು. ಆಸ್ಪತ್ರೆಯ ಮೌಖಿಕ ನಿರಾಕರಣೆಯು ರೋಗಿಯ ಪತ್ನಿಯ ಹಕ್ಕುಗಳನ್ನು ಉಲ್ಲಂಘಿಸಿದೆ ಎಂದು ಅವರ ಪರ ಕೋರ್ಟ್‌ಗೆ ಹಾಜರಾದ ವಕೀಲ ನಿಲೇ ಪಟೇಲ್ ಆರೋಪಿಸಿದ್ದರು. ರೋಗಿ ಅಪ್ರಜ್ಞಾವಸ್ಥೆಯಲ್ಲಿ ಇರುವುದನ್ನು ಗಮನಿಸಿದ ಕೋರ್ಟ್, ಅವರ ಸಮ್ಮತಿಯನ್ನು ಪಡೆದುಕೊಳ್ಳುವುದು ಬಹುತೇಕ ಅಸಾಧ್ಯ ಎನ್ನುವುದನ್ನು ಪರಿಗಣಿಸಿತ್ತು. ಇದು 'ಅಸಾಧಾರಣ ಸನ್ನಿವೇಶ' ಎಂದ ಕೋರ್ಟ್, ರೋಗಿಯ ದೇಹದಿಂದ ವೀರ್ಯ ಮಾದರಿಗಳನ್ನು ಸಂಗ್ರಹಿಸುವ ಐವಿಎಫ್/ಎಆರ್‌ಟಿ ಪ್ರಕ್ರಿಯೆ ನಡೆಸುವಂತೆ ಸೂಚಿಸಿತ್ತು. ವೈದ್ಯಕೀಯ ಸಲಹೆಗಳಿಗೆ ಅನುಗುಣವಾಗಿ ಅದನ್ನು ಸಂರಕ್ಷಿಸಿಡಲು ಬುಧವಾರ ನಿರ್ದೇಶಿಸಿತ್ತು. 2020ರ ಅಕ್ಟೋಬರ್‌ನಲ್ಲಿ ಮದುವೆಯಾಗಿದ್ದ ಈ ದಂಪತಿ, ಕೆನಡಾದಲ್ಲಿ ವಾಸವಿದ್ದರು. ರೋಗಿಯ ತಂದೆ ಗಂಭೀರ ಹೃದಯಾಘಾತಕ್ಕೆ ಒಳಗಾದ ಹಿನ್ನೆಲೆಯಲ್ಲಿ ಈ ವರ್ಷದ ಮಾರ್ಚ್ ತಿಂಗಳಲ್ಲಿ ಭಾರತಕ್ಕೆ ಮರಳಿದ್ದರು. ಆದರೆ ಬಳಿಕ ಆ ವ್ಯಕ್ತಿ ಕೋವಿಡ್ ಸೋಂಕಿಗೆ ಒಳಗಾಗಿದ್ದು, ನ್ಯುಮೋನಿಯಾ ಮತ್ತು ಬಹು ಅಂಗಾಂಗ ವೈಫಲ್ಯಕ್ಕೆ ತುತ್ತಾಗಿದ್ದರು.