ಸಂಚಾರ ಪೊಲೀಸರ ದೇಹದ ಮೇಲೆ ಕ್ಯಾಮೆರಾ: ಸಂಘರ್ಷ ತಪ್ಪಿಸಲು ಬಿಟಿಪಿ ವಿನೂತನ ಕ್ರಮ

ಬೆಂಗಳೂರು: ನಗರದಲ್ಲಿ ಪೊಲೀಸರು ಹಾಗೂ ಸಾರ್ವಜನಿಕರ ನಡುವಿನ ಸಂಘರ್ಷ ಹೊಸತೇನಲ್ಲ. ತಮ್ಮನ್ನು ಅಡ್ಡಗಟ್ಟಿದ ಪೊಲೀಸರು ಎಲ್ಲ ದಾಖಲೆಗಳು ಸರಿಯಿದ್ದರೂ ವಿನಾಕಾರಣ ದಂಡ ವಸೂಲಿ ಮಾಡುತ್ತಾರೆ, ಅವಾಚ್ಯವಾಗಿ ನಿಂದಿಸುತ್ತಾರೆ ಎಂದು ವಾಹನ ಸವಾರರು ಆರೋಪಿಸುತ್ತಿರುತ್ತಾರೆ. ಹಾಗೆಯೇ ಪೊಲೀಸರೂ ನಿಯಮ ಉಲ್ಲಂಘಿಸಿದ ವಾಹನದ ಸವಾರರಿಂದ ನಿಂದನೆಗೆ ತುತ್ತಾಗುತ್ತಾರೆ. ಅನೇಕ ಪ್ರಕರಣಗಳಲ್ಲಿ ಇಬ್ಬರಲ್ಲಿ ತಪ್ಪು ಯಾರದ್ದು ಎನ್ನುವ ತೀರ್ಮಾನ ತೆಗೆದುಕೊಳ್ಳುವುದು ಕಷ್ಟಕರ. ಈ ಸಮಸ್ಯೆಗೆ ಬೆಂಗಳೂರು ವಿಭಾಗ ಪರಿಹಾರ ಕಂಡುಕೊಳ್ಳುವತ್ತ ಹೆಜ್ಜೆ ಇರಿಸಿದೆ. ಅದೇ 'ಬಾಡಿ '. ಸಂಚಾರ ಪೊಲೀಸರು ಇನ್ನು ಮುಂದೆ ತಮ್ಮ ಸಮವಸ್ತ್ರದಲ್ಲಿಯೇ ಕ್ಯಾಮೆರಾಗಳನ್ನು ಹೊತ್ತು ಕರ್ತವ್ಯ ನಿರ್ವಹಿಸಲಿದ್ದಾರೆ. ಈ ಯೋಜನೆ ಇನ್ನು ಕೆಲವೇ ತಿಂಗಳಲ್ಲಿ ಅನುಷ್ಠಾನಕ್ಕೆ ಬರಲಿದೆ. ಇದು ಹಳೆಯ ಯೋಜನೆಯಾಗಿದ್ದರೂ, ಪೂರ್ಣ ಪ್ರಮಾಣದಲ್ಲಿ ಮತ್ತೊಮ್ಮೆ ಜಾರಿಗೆ ತರಲಾಗುತ್ತಿದೆ. ಸೆಪ್ಟೆಂಬರ್ ಅಂತ್ಯದ ವೇಳೆಗೆ ಸುಮಾರು 2,000 ಬಾಡಿ ಕ್ಯಾಮೆರಾಗಳನ್ನು ಖರೀದಿಸುವ ಪ್ರಕ್ರಿಯೆಯನ್ನು ಬೆಂಗಳೂರು ಸಂಚಾರ ಪೊಲೀಸ್ () ನಡೆಸಿದ್ದಾರೆ. ಅವುಗಳ ಖರೀದಿ ಪೂರ್ಣಗೊಂಡ ಬಳಿಕ ನಗರದ ವಿವಿಧೆಡೆಯ ಸಂಚಾರ ಪೊಲೀಸ್ ಠಾಣೆಗಳಿಗೆ ವಿತರಿಸಲಾಗುತ್ತದೆ. ಮಾತಿನಲ್ಲಿ ಸೌಜನ್ಯ ಮೂಡಿಸುವುದು ಉದ್ದೇಶ'ಪಾರದರ್ಶಕತೆ ಖಾತರಿ ಪಡಿಸುವುದು ಹಾಗೂ ಪೊಲೀಸರು ಮತ್ತು ಸಾರ್ವಜನಿಕರ ನಡುವಿನ ಸಂವಾದದಲ್ಲಿ ಸೌಜನ್ಯತೆ ಮೂಡಿಸುವುದು ನಗರ ಸಂಚಾರ ಪೊಲೀಸರು ದೇಹಕ್ಕೆ ಅಳವಡಿಕೆಯಾದ ಕ್ಯಾಮೆರಾಗಳನ್ನು ಹೊಂದುವುದರ ಮುಖ್ಯ ಉದ್ದೇಶವಾಗಿದೆ' ಎಂದು ನಗರ ಪೊಲೀಸ್ ಆಯುಕ್ತ ಕಮಲ್ ಪಂಥ್ ತಿಳಿಸಿದ್ದಾರೆ. 'ಸಂಚಾರ ಪೊಲೀಸರು ಹಾಗೂ ಸಾರ್ವಜನಿಕರ ನಡುವಿನ ವಾಗ್ವಾದವು ಕೆಲವೊಮ್ಮೆ ನಿಂದನೆ ಹಾಗೂ ಹಿಂಸೆಯ ಹಂತಕ್ಕೂ ಬದಲಾಗುವ ಅನೇಕ ದೂರುಗಳು ಬರುತ್ತಿವೆ. ತಪ್ಪು ಯಾರದ್ದು ಎಂಬುದನ್ನು ನಿರ್ಧರಿಸಲು ಯಾವುದೇ ಪುರಾವೆ ಅಥವಾ ಸಾಕ್ಷ್ಯ ಸಿಗುವುದಿಲ್ಲ. ಇಬ್ಬರೂ ಒಬ್ಬರ ಮೇಲೊಬ್ಬರು ಆರೋಪ ಹೊರಿಸುತ್ತಾರೆ. ಪೊಲೀಸ್ ಸಿಬ್ಬಂದಿ ಕ್ಯಾಮೆರಾ ಧರಿಸಿದ್ದರೆ ಪೊಲೀಸರು ಹಾಗೂ ಜನರ ನಡವಳಿಕೆಗಳಲ್ಲಿ ಬದಲಾವಣೆಯಾಗುತ್ತದೆ. ಯಾವುದೇ ಸಂದರ್ಭದಲ್ಲಿ ಪರಸ್ಪರ ಮಾತನಾಡುವಾಗ ಸೌಜನ್ಯದಿಂದ ವರ್ತಿಸುತ್ತಾರೆ' ಎಂದು ಅವರು ಹೇಳಿದ್ದಾರೆ. ಟಿಎಂಸಿಗೆ ಕ್ಯಾಮೆರಾ ಸಂಪರ್ಕ'ಖರೀದಿಸಿದ ಕ್ಯಾಮೆರಾಗಳಲ್ಲಿ ಶೇ 10ರಷ್ಟು, ಅಂದರೆ ಸುಮಾರು 350 ಕ್ಯಾಮೆರಾಗಳನ್ನು ಟ್ರಾಫಿಕ್ ನಿರ್ವಹಣಾ ಕೇಂದ್ರಕ್ಕೆ (ಟಿಎಂಸಿ) ಸಂಪರ್ಕಿಸಲಾಗುತ್ತದೆ. ಪ್ರಮುಖ ಜಂಕ್ಷನ್‌ಗಳು ಹಾಗೂ ವಿಐಪಿ/ವಿವಿಐಪಿ ಮಾರ್ಗಗಳಲ್ಲಿ ನಿಯೋಜನೆಗೊಂಡ ಸಂಚಾರ ಪೊಲೀಸ್ ಸಿಬ್ಬಂದಿಯ ಕ್ಯಾಮೆರಾಗಳಿಂದ ನೇರವಾಗಿ ಬರುವ ದೃಶ್ಯಗಳನ್ನು ಟಿಎಂಸಿಯಿಂದ ಪರಿಶೀಲನೆ ನಡೆಸಲಾಗುತ್ತದೆ. ಇದರಿಂದ ಅವರಿಗೆ ಸೂಚನೆಗಳನ್ನು ಕೂಡ ನೀಡಲು ಸಾಧ್ಯ' ಎಂದು ಜಂಟಿ ಪೊಲೀಸ್ ಆಯುಕ್ತ (ಸಂಚಾರ) ಬಿಆರ್ ತಿಳಿಸಿದ್ದಾರೆ. ಹಿಂದೆಯೂ ಜಾರಿಯಾಗಿತ್ತು2017ರಲ್ಲಿ ಕೂಡ ದೇಹದಲ್ಲಿ ಧರಿಸುವ 50 ಕ್ಯಾಮೆರಾಗಳನ್ನು, ಕುಡಿದು ಚಾಲನೆ ಮಾಡುವ ಪ್ರಕರಣಗಳ ತಪಾಸಣೆಗಾಗಿ ಸಂಚಾರ ಪೊಲೀಸರಿಗೆ ನೀಡಲಾಗಿತ್ತು. 2018ರಲ್ಲಿ ಮತ್ತೆ 90 ಕ್ಯಾಮೆರಾಗಳನ್ನು ನೀಡಲಾಗಿತ್ತು. ಆದರೆ ಅವು ಹಳತಾದಂತೆ ಅವುಗಳ ಬಳಕೆಯನ್ನು ನಿಲ್ಲಿಸಲಾಗಿತ್ತು. ಈ ಬಾರಿ ಬಿಟಿಪಿ, ದೇಹ ಅಳವಡಿಕೆಯ ಹೊಸ ಕ್ಯಾಮೆರಾಗಳನ್ನು ಕಾನ್‌ಸ್ಟೆಬಲ್‌ಗಳು, ಹೆಡ್ ಕಾನ್‌ಸ್ಟೆಬಲ್‌ಗಳು, ಸಹಾಯಕ ಸಬ್ ಇನ್‌ಸ್ಪೆಕ್ಟರ್‌ಗಳು ಮತ್ತು ಸಬ್ ಇನ್‌ಸ್ಪೆಕ್ಟರ್‌ಗಳಿಗೆ ನೀಡಲಾಗುತ್ತದೆ. ಅವರು ತಮ್ಮ ಸಮವಸ್ತ್ರದ ಭಾಗವಾಗಿ ಅವುಗಳನ್ನು ಅಳವಡಿಸಿಕೊಳ್ಳುತ್ತಾರೆ. ಅವರು ಕರ್ತವ್ಯದ ವೇಳೆ ರಸ್ತೆ ಬಳಕೆದಾರರು ಹಾಗೂ ಸಾರ್ವಜನಿಕರೊಂದಿಗೆ ಮಾತನಾಡುವಾಗ ಕ್ಯಾಮೆರಾ ಸ್ವಿಚ್ ಆನ್ ಮಾಡಿರಬೇಕು. 'ಸಂಚಾರ ವಿಭಾಗದಲ್ಲಿ 4,500 ಸಿಬ್ಬಂದಿ ಇದ್ದಾರೆ. ಆದರೆ ಕೆಲವು ಸಿಬ್ಬಂದಿ ನಮ್ಮ ಕಚೇರಿಗಳಲ್ಲಿ, ನಿಯಂತ್ರಣ ಕೊಠಡಿ ಮತ್ತು ಪೊಲೀಸ್ ಠಾಣೆಗಳಲ್ಲಿ ಕೆಲಸ ಮಾಡುತ್ತಾರೆ. ಅವರಿಗೆ ಕ್ಯಾಮೆರಾಗಳ ಅಗತ್ಯವಿಲ್ಲ. ಕ್ಯಾಮೆರಾಗಳ ಅಗತ್ಯವಿರುವ ಸುಮಾರು 3,500 ಸಿಬ್ಬಂದಿಯನ್ನು ಗುರುತಿಸಿದ್ದೇವೆ. ಈ ಕ್ಯಾಮೆರಾಗಳನ್ನು ಶೀಘ್ರದಲ್ಲಿಯೇ ವಿತರಿಸಲಾಗುವುದು ಎಂದು ರವಿಕಾಂತೇಗೌಡ ತಿಳಿಸಿದ್ದಾರೆ.