ವಿಶ್ವದಲ್ಲೇ ಅತಿಹೆಚ್ಚು ಹೂಡಿಕೆಯಾದ ಟಾಪ್‌ 10 ಕ್ರಿಪ್ಟೋ ಕರೆನ್ಸಿ ಯಾವುವು? ತಿಳಿಯಲೇಬೇಕಾದ ಮಾಹಿತಿ!
ಹೊಸದಿಲ್ಲಿ: ಕ್ರಿಪ್ಟೋ ಕರೆನ್ಸಿ ಕ್ರೇಜ್‌ ಕಾಡ್ಗಿಚ್ಚಿನಂತೆ ಹಬ್ಬುತ್ತಿರುವ ಈ ದಿನಗಳಲ್ಲಿ ವಿಶ್ವಾದ್ಯಂತ ಬ್ಲಾಕ್ಚೈನ್ ತಂತ್ರಜ್ಞಾನದ ಮೇಲಿನ ಹೂಡಿಕೆ ಹೆಚ್ಚುತ್ತಿದೆ. ಈ ಬೆನ್ನಲ್ಲೇ ಕ್ರಿಪ್ಟೋಕರೆನ್ಸಿ ಜನಪ್ರಿಯತೆ ಹೆಚ್ಚುತ್ತಿದ್ದು, ಭವಿಷ್ಯದಲ್ಲಿ ಹೂಡಿಕೆದಾರರಿಗೆ ನಿರೀಕ್ಷಿತ ಲಾಭ ಒದಗಿಸುವ ಸೂಚಕವಾಗಿದೆ. ಬಿಟ್ಕಾಯಿನ್, ಇಥೆರಿಯಂ, ಕಾರ್ಡೋನೋ ಮೊದಲಾದ ಕ್ರಿಪ್ಟೋ ಕರೆನ್ಸಿಗಳಂತೂ ಭಾರೀ ಬೆಳವಣಿಗೆ ಸಾಧಿಸಿವೆ. ನೀವೂ ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಯೋಚಿಸಿದ್ದೀರಾ? ಅದಕ್ಕೂ ಮೊದಲು ಯಾವ ಕ್ರಿಪ್ಟೋ ನಾಣ್ಯಕ್ಕೆ ಹೆಚ್ಚು ಬೇಡಿಕೆ ಇದೆ ಎಂಬುದನ್ನು ತಿಳಿಯಲೇಬೇಕು. ವಿಶ್ವದಲ್ಲೇ ಅತಿ ಹೆಚ್ಚು ಹೂಡಿಕೆಯಾಗಿರುವ ಟಾಪ್‌ 10 ಕ್ರಿಪ್ಟೋ ನಾಣ್ಯಗಳ ಮಾಹಿತಿ ಇಲ್ಲಿದೆ. ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಯಾವ ಕಾಯಿನ್‌ಗೆ ಎಷ್ಟು ಬೆಲೆ? ವಿಶೇಷತೆ ಏನು? ಎಂಬುದನ್ನು ತಿಳಿಯುವುದು ಉತ್ತಮ. ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಲಾಭ ತಂದುಕೊಡುವ ಟಾಪ್‌ 10 ಕ್ರಿಪ್ಟೋಕರೆನ್ಸಿಗಳ ವಿವರ ಇಲ್ಲಿದೆ.
Admin
ಹೊಸದಿಲ್ಲಿ: ಕ್ರಿಪ್ಟೋ ಕರೆನ್ಸಿ ಕ್ರೇಜ್‌ ಕಾಡ್ಗಿಚ್ಚಿನಂತೆ ಹಬ್ಬುತ್ತಿರುವ ಈ ದಿನಗಳಲ್ಲಿ ವಿಶ್ವಾದ್ಯಂತ ಬ್ಲಾಕ್ಚೈನ್ ತಂತ್ರಜ್ಞಾನದ ಮೇಲಿನ ಹೂಡಿಕೆ ಹೆಚ್ಚುತ್ತಿದೆ. ಈ ಬೆನ್ನಲ್ಲೇ ಕ್ರಿಪ್ಟೋಕರೆನ್ಸಿ ಜನಪ್ರಿಯತೆ ಹೆಚ್ಚುತ್ತಿದ್ದು, ಭವಿಷ್ಯದಲ್ಲಿ ಹೂಡಿಕೆದಾರರಿಗೆ ನಿರೀಕ್ಷಿತ ಲಾಭ ಒದಗಿಸುವ ಸೂಚಕವಾಗಿದೆ. ಬಿಟ್ಕಾಯಿನ್, ಇಥೆರಿಯಂ, ಕಾರ್ಡೋನೋ ಮೊದಲಾದ ಕ್ರಿಪ್ಟೋ ಕರೆನ್ಸಿಗಳಂತೂ ಭಾರೀ ಬೆಳವಣಿಗೆ ಸಾಧಿಸಿವೆ. ನೀವೂ ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಯೋಚಿಸಿದ್ದೀರಾ? ಅದಕ್ಕೂ ಮೊದಲು ಯಾವ ಕ್ರಿಪ್ಟೋ ನಾಣ್ಯಕ್ಕೆ ಹೆಚ್ಚು ಬೇಡಿಕೆ ಇದೆ ಎಂಬುದನ್ನು ತಿಳಿಯಲೇಬೇಕು. ವಿಶ್ವದಲ್ಲೇ ಅತಿ ಹೆಚ್ಚು ಹೂಡಿಕೆಯಾಗಿರುವ ಟಾಪ್‌ 10 ಕ್ರಿಪ್ಟೋ ನಾಣ್ಯಗಳ ಮಾಹಿತಿ ಇಲ್ಲಿದೆ. ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಯಾವ ಕಾಯಿನ್‌ಗೆ ಎಷ್ಟು ಬೆಲೆ? ವಿಶೇಷತೆ ಏನು? ಎಂಬುದನ್ನು ತಿಳಿಯುವುದು ಉತ್ತಮ. ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಲಾಭ ತಂದುಕೊಡುವ ಟಾಪ್‌ 10 ಕ್ರಿಪ್ಟೋಕರೆನ್ಸಿಗಳ ವಿವರ ಇಲ್ಲಿದೆ. ವಿಶ್ವದಲ್ಲೆ ಅತಿ ಹೆಚ್ಚು ಹೂಡಿಕೆಯಾಗಿರುವಕ್ರಿಪ್ಟೋಕರೆನ್ಸಿ ಯಾವುವು? ಯಾವ ಕ್ರಿಪ್ಟೋಕರೆನ್ಸಿಯಲ್ಲಿ ಹೂಡಿಕೆ ಮಾಡಿದರೆ ಹೆಚ್ಚು ಲಾಭ? ಹೆಚ್ಚು ಜನಪ್ರಿಯ ಕ್ರಿಪ್ಟೋ ಕರೆನ್ಸಿ ಯಾವುದು? ಹೀಗೆ ಡಿಜಿಟಲ್‌ ಕರೆನ್ಸಿ ಕುರಿತು ಹೂಡಿಕೆದಾರರಿಗೆ ಉಪಯುಕ್ತ ಮಾಹಿತಿ ಇಲ್ಲಿದೆ
ಹೊಸದಿಲ್ಲಿ:
ಕ್ರಿಪ್ಟೋ ಕರೆನ್ಸಿ ಕ್ರೇಜ್‌ ಕಾಡ್ಗಿಚ್ಚಿನಂತೆ ಹಬ್ಬುತ್ತಿರುವ ಈ ದಿನಗಳಲ್ಲಿ ವಿಶ್ವಾದ್ಯಂತ ಬ್ಲಾಕ್ಚೈನ್ ತಂತ್ರಜ್ಞಾನದ ಮೇಲಿನ ಹೂಡಿಕೆ ಹೆಚ್ಚುತ್ತಿದೆ. ಈ ಬೆನ್ನಲ್ಲೇ ಕ್ರಿಪ್ಟೋಕರೆನ್ಸಿ ಜನಪ್ರಿಯತೆ ಹೆಚ್ಚುತ್ತಿದ್ದು, ಭವಿಷ್ಯದಲ್ಲಿ ಹೂಡಿಕೆದಾರರಿಗೆ ನಿರೀಕ್ಷಿತ ಲಾಭ ಒದಗಿಸುವ ಸೂಚಕವಾಗಿದೆ.
ಬಿಟ್ಕಾಯಿನ್, ಇಥೆರಿಯಂ, ಕಾರ್ಡೋನೋ ಮೊದಲಾದ ಕ್ರಿಪ್ಟೋ ಕರೆನ್ಸಿಗಳಂತೂ ಭಾರೀ ಬೆಳವಣಿಗೆ ಸಾಧಿಸಿವೆ. ನೀವೂ ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಯೋಚಿಸಿದ್ದೀರಾ? ಅದಕ್ಕೂ ಮೊದಲು ಯಾವ ಕ್ರಿಪ್ಟೋ ನಾಣ್ಯಕ್ಕೆ ಹೆಚ್ಚು ಬೇಡಿಕೆ ಇದೆ ಎಂಬುದನ್ನು ತಿಳಿಯಲೇಬೇಕು. ವಿಶ್ವದಲ್ಲೇ ಅತಿ ಹೆಚ್ಚು ಹೂಡಿಕೆಯಾಗಿರುವ ಟಾಪ್‌ 10 ಕ್ರಿಪ್ಟೋ ನಾಣ್ಯಗಳ ಮಾಹಿತಿ ಇಲ್ಲಿದೆ.
ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಯಾವ ಕಾಯಿನ್‌ಗೆ ಎಷ್ಟು ಬೆಲೆ? ವಿಶೇಷತೆ ಏನು? ಎಂಬುದನ್ನು ತಿಳಿಯುವುದು ಉತ್ತಮ. ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚು ಲಾಭ ತಂದುಕೊಡುವ ಟಾಪ್‌ 10 ಕ್ರಿಪ್ಟೋಕರೆನ್ಸಿಗಳ ವಿವರ ಇಲ್ಲಿದೆ.
1. ಬಿಟ್ ಕಾಯಿನ್ (Bitcoin)
ಮಾರ್ಕೆಟ್‌ ಕ್ಯಾಪ್: 1.07 ಟ್ರಿಲಿಯನ್‌ ಡಾಲರ್
ಬಿಟ್ಕಾಯಿನ್ ಕ್ರಿಪ್ಟೋಕರೆನ್ಸಿ ಮಾರುಕಟ್ಟೆಯ ನಾಯಕ ಎಂದೇ ಹೇಳಬಹುದು. ಕ್ರಿಪ್ಟೋ ವಲಯದಲ್ಲೇ ಅತಿ ಹೆಚ್ಚು ಜನಪ್ರಿಯ ನಾಣ್ಯ. ಇದರ ಬೆಲೆ, ಮಾರುಕಟ್ಟೆಯಲ್ಲಿ ಇದು ಹೊಂದಿರುವ ಪಾಲು ಮಾರುಕಟ್ಟೆ ಮಿತಿ ಎಲ್ಲದರಲ್ಲೂ ಬಿಟ್‌ಕಾಯಿನ್‌ಗೆ ಅಗ್ರ ಸ್ಥಾನ. ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಹಲವಾರು ಕ್ರಿಪ್ಟೋ ನಾಣ್ಯಗಳು ಲಭ್ಯವಿದ್ದರೂ, ಇಂದಿಗೂ ಬಿಟ್ಕಾಯಿನ್ ಒಟ್ಟು ಕ್ರಿಪ್ಟೋ ಮಾರುಕಟ್ಟೆಯ ಶೇ.43ರಷ್ಟು ಪಾಲು ಹೊಂದಿದೆ. ಇದೀಗ ಬಿಟ್ಕಾಯಿನ್ ಬೆಲೆ ಮತ್ತೆ ಜಿಗಿದಿದ್ದು 57,000 ಡಾಲರ್ ಆಸುಪಾಸಿನಲ್ಲಿದೆ. ಮತ್ತು ಅದರ ಮಾರುಕಟ್ಟೆ ಕ್ಯಾಪ್ ಕೂಡ ಅತ್ಯಧಿಕವಾಗಿದೆ.
2021 ರ ಮೊದಲ ತ್ರೈಮಾಸಿಕದಲ್ಲಿ, ಬಿಟ್ ಕಾಯಿನ್ ಮೌಲ್ಯದಲ್ಲಿ ಭಾರೀ ಏರಿಳಿತ ಉಂಟಾಗಿತ್ತು. 60,000 ಡಾಲರ್‌ನಿಂದ 30,000 ಡಾಲರ್‌ಗೆ ಕುಸಿಸಿತ್ತು. ಆದರೆ, ನಂತರದಲ್ಲಿ ಚೇತರಿಸಿಕೊಂಡ ಬಿಟ್ಕಾಯಿನ್ ಈಗ ಮಾರುಕಟ್ಟೆಯಲ್ಲಿ ಭರ್ಜರಿ ಓಟದಲ್ಲಿದೆ. ತಜ್ಞರ ಪ್ರಕಾರ, ಈ ವರ್ಷದ ಅಂತ್ಯದ ವೇಳೆಗೆ ಬಿಟ್ ಕಾಯಿನ್ ಮೌಲ್ಯ ತನ್ನ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 60,000 ಡಾಲರ್ ದಾಟಲಿದೆ. ಜಾಗತಿಕ ಕಾರು ಉತ್ಪಾದಕ ಕಂಪನಿ ಟೆಸ್ಲಾ ಬಿಟ್ಕಾಯಿನ್ ಮೇಲೆ 1.5 ಬಿಲಿಯನ್‌ ಡಾಲರ್ ಹೂಡಿಕೆ ಮಾಡುವುದಾಗಿ. ಅಲ್ಲದೆ ತನ್ನ ಕಾರುಗಳ ಖರೀದಿಗೆ ಬಿಟ್ಕಾಯಿನ್ ಮೂಲಕ ಪಾವತಿ ಮಾಡಲು ಅವಕಾಶ ನೀಡಿದೆ.
2. ಇಥೆರಿಯಮ್ (Ethereum)
ಮಾರ್ಕೆಟ್‌ ಕ್ಯಾಪ್: 412.01 ಬಿಲಿಯನ್‌ ಡಾಲರ್
ಇಥೆರಿಯಂ ಬಿಟ್‌ಕಾಯಿನ್‌ಗಿಂತಲೂ ಭಿನ್ನವಾದುದು. ಇದು ಕೇವಲ ಒಂದು ಕ್ರಿಪ್ಟೋ ಕರೆನ್ಸಿ ಮಾತ್ರವಲ್ಲ. ಬದಲಿಗೆ ಸಾಫ್ಟ್‌ವೇರ್‌ ಡೆವಲಪರ್‌ಗಳು ತಮ್ಮದೇ ಕ್ರಿಪ್ಟೋಕರೆನ್ಸಿಗಳು ಮತ್ತು DeFi ಅಪ್ಲಿಕೇಶನ್‌ಗಳನ್ನು ರಚಿಸಲು ಅನುಮತಿಸುವ ನೆಟ್ವರ್ಕ್ ಕೂಡ ಆಗಿದೆ. ಮೌಲ್ಯ ಮತ್ತು ಮಾರುಕಟ್ಟೆ ಕ್ಯಾಪ್ ಪರಿಗಣಿಸಿದರೆ ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಇಥೆರಿಯಂಗೆ ಎರಡನೇ ಸ್ಥಾನವಿದೆ. ಇಥೆರಿಯಮ್ ನೆಟ್ವರ್ಕ್ ಸಾಮರ್ಥ್ಯ ಇದಕ್ಕೊಂದು ಪ್ಲಸ್‌ ಪಾಯಿಂಟ್‌. ಆದ್ದರಿಂದಲೇ ಇದನ್ನು ಹೂಡಿಕೆಗೆ ವಿಶ್ವಾಸಾರ್ಹ ಮತ್ತು ಲಾಭದಾಯಕ ಕ್ರಿಪ್ಟೋಕರೆನ್ಸಿ ಎನ್ನಲಾಗಿದೆ. ಪ್ರಸ್ತುತ (ಅ.10) ಇಥೆರಿಯಮ್ ಮೌಲ್ಯ 3,514 ಡಾಲರ್‌ನಷ್ಟಿದೆ.
3. ಟೆಥರ್ (Tether)
ಮಾರ್ಕೆಟ್‌ ಕ್ಯಾಪ್: 68.74 ಬಿಲಿಯನ್‌ ಡಾಲರ್
ಈ ಮೊದಲು ಟೆಥರ್ ಅನ್ನು ರಿಯಲ್‌ ಕಾಯಿನ್ (Realcoin) ಎಂದು ಕರೆಯಲಾಗುತ್ತಿತ್ತು. ಮಾರುಕಟ್ಟೆಯಲ್ಲಿ ಟೆಥರ್ ಒಂದು ವಿಭಿನ್ನ ಪ್ಲೇಯರ್‌ ಇದ್ದಂತೆ. ಇದು ಮೊದಲಿನಿಂದಲೂ ಸ್ಥಿರತೆ ಕಾಯ್ದುಕೊಂಡಿದೆ. ಟೆಥರ್‌ನ ಮೌಲ್ಯವನ್ನು ಯುಎಸ್ ಡಾಲರ್‌ಗೆ ಹೊಂದಿಸಲಾಗಿದೆ ಮತ್ತು ಪ್ರತಿ ಟೆಥರ್ ಮಾಲೀಕತ್ವಕ್ಕೆ, ಫೆಡರಲ್ ರಿಸರ್ವ್ ಬ್ಯಾಂಕ್‌ನಲ್ಲಿ 1 ಡಾಲರ್ ಇರುತ್ತದೆ. ಹೀಗಾಗಿಯೇ ಈ ನಾಣ್ಯವು ಸ್ಥಿರ ಮೌಲ್ಯದಲ್ಲಿ ವಹಿವಾಟು ನಡೆಸುತ್ತದೆ. ಇದರಿಂದ ಹೂಡಿಕೆದಾರರು ಕಡಿಮೆ-ಅಪಾಯದ ಕ್ರಿಪ್ಟೋಕರೆನ್ಸಿ ಎಂದು ಪರಿಗಣಿಸುತ್ತಾರೆ. ಟೆಥರ್‌ನ ಬೆಲೆ ಯಾವಾಗಲೂ ಒಂದು ಡಾಲರ್‌ನಷ್ಟು ಇರುತ್ತದೆ.
4. ಬಿನಾನ್ಸ್ ಕಾಯಿನ್ (Binance Coin)
ಮಾರ್ಕೆಟ್‌ ಕ್ಯಾಪ್: 6.72 ಬಿಲಿಯನ್‌ ಡಾಲರ್
ಬಿನಾನ್ಸ್ ಕಾಯಿನ್ 2017 ರಲ್ಲಿ ಸಾರ್ವಕಾಲಿಕ ಗರಿಷ್ಠ ಬೆಲೆ ತಲುಪಿತ್ತು. ಅಂದಿನಿಂದಲೂ ಇದು ವಹಿವಾಟಿನಲ್ಲಿ ಸ್ಥಿರತೆ ಕಾಯ್ದುಕೊಂಡಿದೆ. ಬಿನಾನ್ಸ್ ಎಕ್ಸ್‌ಚೇಂಜ್‌ ವಿಶ್ವದ ಅತಿದೊಡ್ಡ ಕ್ರಿಪ್ಟೋಕರೆನ್ಸಿ ವಿನಿಮಯ ಕೇಂದ್ರಗಳಲ್ಲಿ ಒಂದಾಗಿದೆ. ಅಲ್ಲದೆ ಬಿನಾನ್ಸ್ ಪ್ರಬಲ ಬ್ಲಾಕ್ಚೈನ್ ನೆಟ್ವರ್ಕ್ ಅನ್ನು ನಿರ್ವಹಿಸುತ್ತದೆ. ಇದು ವ್ಯಾಪಾರಿಗಳಿಗೆ ಹೆಚ್ಚು ಕ್ರಿಪ್ಟೋಕರೆನ್ಸಿಗಳನ್ನು ಖರೀದಿಸಲು ಅನುಕೂಲ ಮಾಡಿಕೊಡುತ್ತದೆ. ಬಿನಾನ್ಸ್ ಎಕ್ಸ್‌ಚೇಂಜ್‌ ಚಟುವಟಿಕೆಯಿಂದ ಇರುವವರೆಗೂ, ಬಿನಾನ್ಸ್ ಕಾಯಿನ್ ಹೂಡಿಕೆಗೆ ಉತ್ತಮ ಆಯ್ಕೆಯಾಗಿ ಮುಂದುವರಿಯುತ್ತದೆ. ಬಿನಾನ್ಸ್ ಕಾಯಿನ್ ಮೌಲ್ಯ (ಅಕ್ಟೋಬರ್‌ 10ರಂದು) $414.10 ಡಾಲರ್ ಇದೆ.
5. ಕಾರ್ಡಾನೊ (Cardano)
ಮಾರ್ಕೆಟ್‌ ಕ್ಯಾಪ್: 69.58 ಬಿಲಿಯನ್‌ ಡಾಲರ್
ಕಾರ್ಡಾನೊ ಒಂದು ಕಡಿಮೆ ರೇಟೆಡ್‌ ಕ್ರಿಪ್ಟೋ ಕರೆನ್ಸಿ. ಆದರೆ, ಕ್ರಿಪ್ಟೋ ಮಾರುಕಟ್ಟೆಯಲ್ಲಿ ಇದೂ ಕೂಡ ಸಣ್ಣ ಹೆಜ್ಜೆಗುರುತು ಮೂಡಿಸಿದ್ದು, ಹಲವಾರು ಹೂಡಿಕೆದಾರರನ್ನು ಆಕರ್ಷಿಸುತ್ತಿದೆ. ಬಿಟ್‌ಕಾಯಿನ್‌ಗೆ ಹೋಲಿಸಿದರೆ ವಹಿವಾಟನ್ನು ಪೂರ್ಣಗೊಳಿಸುವುದು ಸುಲಭ ಮತ್ತು ಸರಳ. ಕಾರ್ಡಾನೊ ವಹಿವಾಟು ವೇಗ ಮತ್ತು ಅಗ್ಗವಾಗಿರುತ್ತವೆ. ಕಾರ್ಡಾನೊ ಮೌಲ್ಯ ಅ.10ರಂದು 2.24 ಡಾಲರ್‌ನಷ್ಟಿದೆ.
6.ರಿಪ್ಪಲ್‌ನ ಎಕ್ಸ್‌ಆರ್‌ಪಿ (XRP)
ಮಾರ್ಕೆಟ್‌ ಕ್ಯಾಪ್: 51.71 ಬಿಲಿಯನ್‌ ಡಾಲರ್
ರಿಪ್ಪಲ್ ಇದು ವಿಶ್ವದ ಅತಿ ಹಳೆಯ ಕ್ರಿಪ್ಟೋ ಪ್ರಾಜೆಕ್ಟ್‌ಗಳಲ್ಲಿ ಒಂದಾಗಿದೆ. ಇದು ವಿಶಿಷ್ಟವಾದ USP ಹೊಂದಿದೆ. ಜತೆಗೆ ಅಂತಾರಾಷ್ಟ್ರೀಯ ವಹಿವಾಟುಗಳನ್ನು ನೀಡುತ್ತದೆ. ಸಾಮಾನ್ಯವಾಗಿ ಅಂತಾರಾಷ್ಟ್ರೀಯ ವಹಿವಾಟುಗಳು ಬ್ಯಾಂಕಿನ ಮೂಲಕ ಸುಮಾರು 10 ದಿನ ತೆಗೆದುಕೊಳ್ಳುತ್ತದೆ. ಆದರೆ, ರಿಪ್ಪಲ್‌ನೊಂದಿಗೆ ಕೆಲವೇ ಸೆಕೆಂಡುಗಳಲ್ಲಿ ಅಂತಾರಾಷ್ಟ್ರೀಯ ವಹಿವಾಟು ಪೂರ್ಣಗೊಳ್ಳುತ್ತದೆ. ಈ ಯುಟಿಲಿಟಿ ಫ್ಯಾಕ್ಟರ್ ರಿಪ್ಪಲ್ ಅನ್ನು ಪ್ರಪಂಚದ ಹಲವು ಬ್ಯಾಂಕುಗಳಲ್ಲಿ ಜನಪ್ರಿಯಗೊಳಿಸಲಾಗಿದೆ. ಎಕ್ಸ್‌ಆರ್‌ಪಿ (XRP) 1.15 ಡಾಲರ್‌ನಷ್ಟಿದೆ.
7. ಲೈಟ್ಕಾಯಿನ್ (Litecoin)
ಒಂದು ರೀತಿಯಲ್ಲಿ, ಲೈಟ್ಕಾಯಿನ್ ಬಿಟ್‌ಕಾಯಿನ್‌ನ ನಿಜವಾದ ಪ್ರತಿಸ್ಪರ್ಧಿ. ಬಿಟ್ಕಾಯಿನ್ ಮತ್ತು ಲೈಟ್‌ಕಾಯಿನ್‌ಗಳು ಒಂದೇ ವರ್ಷದಲ್ಲಿ ಪ್ರಾರಂಭವಾದವು. ಅಲ್ಲದೆ ಬಿಟ್‌ಕಾಯಿನ್‌ಗಿಂತ ನಾಲ್ಕು ಪಟ್ಟು ವೇಗವಾಗಿ ವಹಿವಾಟುಗಳನ್ನು ಪೂರ್ಣಗೊಳಿಸುವ ಸಾಮರ್ಥ್ಯ ಲೈಟ್‌ಕಾಯಿನ್‌ಗಿದೆ. 2017 ರಲ್ಲಿ, ಲೈಟ್ಕಾಯಿನ್ ಒಂದು ಸೆಕೆಂಡ್‌ಗಿಂತ ಕಡಿಮೆ ಅವಧಿಯಲ್ಲಿ ಲೈಟ್ನಿಂಗ್ ನೆಟ್ವರ್ಕ್ ಟ್ರಾನ್ಸಾಕ್ಷನ್‌ ಪೂರ್ಣಗೊಳಿಸಿದ ಮೊದಲ ಕ್ರಿಪ್ಟೋಕರೆನ್ಸಿ ಎನಿಸಿತು. ಬರೆಯುವ ಸಮಯದಲ್ಲಿ, ಲೈಟ್ಕಾಯಿನ್ (Litecoin)ನ ಮೌಲ್ಯ 188 ಡಾಲರ್‌ನಷ್ಟಿದೆ.
8. ಚೈನ್‌ಲಿಂಕ್ (Chainlink)
ಮಾರುಕಟ್ಟೆ ಮಿತಿ: 11.921 ಬಿಲಿಯನ್‌ ಡಾಲರ್
ಅನೇಕ ಅನುಭವಿ ಹೂಡಿಕೆದಾರರು ಚೈನ್‌ಲಿಂಕ್ ಅನ್ನು ನಂಬುತ್ತಾರೆ. ಏಕೆಂದರೆ ಅದು ಆಕರ್ಷಕ ಬೆಲೆ ಹೊಂದಿದೆ. ಇದು ಕೈಗೆಟುಕುವ ಕ್ರಿಪ್ಟೋಕರೆನ್ಸಿಯಾಗಿದ್ದರೂ, ಅದು ಪೈಸೆ ಪೈಸೆ ಕೂಡಿಹಾಕುವಂತೆ ಆಗುವುದಿಲ್ಲ. ಅಂದರೆ ಇಲ್ಲಿ ಬೆಳವಣಿಗೆಗೆ ಅವಕಾಶವಿದೆ. ಚೈನ್‌ಲಿಂಕ್ ಮೌಲ್ಯ 27.95 ಡಾಲರ್‌ನಷ್ಟಿದೆ.
9. ಪೋಲ್ಕಾಡಾಟ್‌ (Polkadot)
ಮಾರ್ಕೆಟ್‌ ಕ್ಯಾಪ್: 32.89 ಬಿಲಿಯನ್‌ ಡಾಲರ್
ಇಥೆರಿಯಮ್ ನಾಯಕರು ಉತ್ತಮ ನೆಟ್ವರ್ಕ್ ರಚಿಸುವ ಸಲುವಾಗಿ ಪೋಲ್ಕಾಡಾಟ್‌ ಕಾಯಿನ್ ರಚಿಸಿದ್ದಾರೆ. ಹೀಗಾಗಿ ಇದರ ವಹಿವಾಟನ್ನು ಹಲವು ಮಾರ್ಗಗಳಲ್ಲಿ ಮಾಡಬಹುದು ಜತೆಗೆ ವೇಗವಾಗಿ ಮಾಡಬಹುದು. ಪೋಲ್ಕಾಡಾಟ್‌ ಹೂಡಿಕೆದಾರರಿಗೆ ಪ್ರತಿಫಲ ನೀಡುತ್ತದೆ. ಇದು ಬಳಕೆದಾರರಿಗೆ ನೆಟ್ವರ್ಕ್ ಶುಲ್ಕ್‌, ನೆಟ್ವರ್ಕ್ ಅಪ್‌ಗ್ರೇಡ್‌ಗಳು ಮತ್ತು ಪ್ಯಾರಾಚೈನ್‌ಗಳನ್ನು ರಚಿಸಲು ಮತ್ತು ತೆಗೆದುಹಾಕಲು ನಿರ್ಧರಿಸುತ್ತದೆ. ಪೋಲ್ಕಾಡಾಟ್‌ ಮೌಲ್ಯ ಅ. 10ರಂದು 37 ಡಾಲರ್‌ನಷ್ಟಿದೆ.
10. ಸ್ಟೆಲ್ಲಾರ್ (Stellar)
ಸ್ಟೆಲ್ಲಾರ್ ಕ್ರಿಪ್ಟೋಕರೆನ್ಸಿ ನೆಟ್‌ವರ್ಕ್‌ಗಳ ಪೇಪಾಲ್ ಆಗಿದೆ. ಇದು ಬ್ಯಾಂಕುಗಳು ಮತ್ತು ಬ್ಲಾಕ್ಚೈನ್ ನೆಟ್‌ವರ್ಕ್‌ಗಳ ನಡುವಿನ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತದೆ. ಮತ್ತು ಯಾವುದೇ ಕರೆನ್ಸಿಯನ್ನು ಪರಿವರ್ತಿಸಬಹುದು. ವಹಿವಾಟುಗಳು ವೇಗವಾಗಿ ಮತ್ತು ಅಗ್ಗವಾಗಿದ್ದು, ಇದು ಲಾಭದಾಯಕ ವೇದಿಕೆಯಾಗಿದೆ. ಸ್ಟೆಲ್ಲಾರ್ ಮೌಲ್ಯ 0.379 ಡಾಲರ್‌ನಷ್ಟಿದೆ.
