ವಕ್ತಾರತ್ವದಿಂದ ಮಂತ್ರಿತ್ವಕ್ಕೆ ಜಿಗಿದ ರಾಜೀವ್‌ ಚಂದ್ರಶೇಖರ್‌
ಭಾರತದ ದೂರ ಸಂಪರ್ಕ ಕ್ಷೇತ್ರದಲ್ಲಿ ಹೂಡಿಕೆ ಮಾಡಿದ ಮೊದಲಿಗರೆಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 2006ರಲ್ಲಿ ರಾಜ್ಯದಿಂದ ಮೊದಲ ಬಾರಿಗೆ ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಯಾದರು. 2 ಬಾರಿ ಪಕ್ಷೇತರರಾಗಿ ಆಯ್ಕೆ, ಮೂರನೇ ಬಾರಿ ಬಿಜೆಪಿಯಿಂದ ಸ್ಪರ್ಧಿಸಿ ರಾಜ್ಯಸಭೆ ಪ್ರವೇಶಿಸಿದ್ದಾರೆ.
Admin
0
7
ಬೆಂಗಳೂರು: ಯಶಸ್ವಿ ಉದ್ಯಮಿಯಾಗಿ, ಪ್ರಭಾವಿ ಸಂಸದರಾಗಿ, ಬಿಜೆಪಿ ಪರ ರಾಷ್ಟ್ರದಲ್ಲಿಗಟ್ಟಿ ಧ್ವನಿಯಾಗಿದ್ದ ಅವರಿಗೆ ಕೇಂದ್ರ ಸಂಪುಟದ ಬಾಗಿಲು ತೆರೆದಿದೆ.
ಮೂರನೇ ಬಾರಿಗೆ ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಯಾಗಿರುವ ರಾಜೀವ್‌ ಚಂದ್ರಶೇಖರ್‌ ಮೂಲತಃ ಎಂಜಿನಿಯರಿಂಗ್‌ ಪದವೀಧರರು. ಯಶಸ್ವಿ ಉದ್ಯಮಿ ಜತೆಗೆ ಹೂಡಿಕೆದಾರರು ಹೌದು. ಅವರು 1994 ರಲ್ಲಿ ಬಿಪಿಎಲ್‌ ಮೊಬೈಲ್‌ ಸ್ಥಾಪಿಸುವ ಮೂಲಕ ಭಾರತದ ದೂರ ಸಂಪರ್ಕ ಕ್ಷೇತ್ರದಲ್ಲಿ ಹೂಡಿಕೆ ಮಾಡಿದ ಮೊದಲಿಗರೆಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 2006ರಲ್ಲಿ ರಾಜ್ಯದಿಂದ ಮೊದಲ ಬಾರಿಗೆ ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಯಾದರು. ಮೊದಲ ಎರಡು ಬಾರಿ ಪಕ್ಷೇತರರಾಗಿ ಆಯ್ಕೆಯಾದ ಅವರು ಮೂರನೇ ಬಾರಿ ಬಿಜೆಪಿಯಿಂದ ಸ್ಪರ್ಧಿಸಿ ರಾಜ್ಯಸಭೆ ಪ್ರವೇಶಿಸಿದ್ದಾರೆ.
ಪಕ್ಷದಲ್ಲಿ ನಿರ್ವಹಿಸಿದ ಜವಾಬ್ದಾರಿ
2016ರ ಕೇರಳ ವಿಧಾನಸಭೆ ಚುನಾವಣೆಯಲ್ಲಿ ಎನ್‌ಡಿಎ ಕೇರಳ ಉಪಾಧ್ಯಕ್ಷರಾಗಿ, 2018ರ ರಾಜ್ಯ ವಿಧಾನಸಭೆ ಹಾಗೂ 2019ರಲ್ಲಿಲೋಕಸಭಾ ಚುನಾವಣೆಗೆ ಕರ್ನಾಟಕದಲ್ಲಿಮಾಧ್ಯಮ ಹಾಗೂ ಸಂವಹನ ಉಸ್ತುವಾರಿಯಾಗಿ ಜವಾಬ್ದಾರಿ ನಿರ್ವಹಿಸಿದ್ದರು. 2019ರ ಚುನಾವಣೆಯಲ್ಲಿಪ್ರಣಾಳಿಕೆ ಸಮಿತಿಯಲ್ಲೂಕಾರ್ಯನಿರ್ವಹಿಸಿದ್ದ ಅವರು ಇತ್ತೀಚೆಗೆ ನಡೆದ ಪುದುಚೆರಿ ಚುನಾವಣೆಗೆ ಬಿಜೆಪಿ ಸಹ ಉಸ್ತುವಾರಿಯಾಗಿದ್ದರು.
ಸಂಸದರಾಗಿ ಹೊಣೆಗಾರಿಕೆ
ಸಂಸತ್ತಿನ ಹಣಕಾಸು ಸ್ಥಾಯಿ ಸಮಿತಿ, ಸಾರ್ವಜನಿಕ ಲೆಕ್ಕಪತ್ರ ಸಮಿತಿ, 2019ರ ದತ್ತಾಂಶ ಸಂರಕ್ಷಣಾ ಮಸೂದೆಗಾಗಿ ರಚಿಸಿದ ಜಂಟಿ ಸಮಿತಿ, ಎಲೆಕ್ಟ್ರಾನಿಕ್ಸ್‌ ಮತ್ತು ಐಟಿ ಸಚಿವಾಲಯ ಹಾಗೂ ಸಂವಹನ ಸಚಿವಾಲಯದ ಸಮಾಲೋಚನಾ ಸಮಿತಿ, ಜಾಗತಿಕ ವ್ಯವಹಾರಗಳ ಭಾರತೀಯ ಪರಿಷತ್ತಿನ ಸಮಿತಿ ಸದಸ್ಯರಾಗಿ ಕಾರ್ಯ ನಿರ್ವಹಿಸಿದ ಅನುಭವವಿದೆ.
ಶೈಕ್ಷಣಿಕ ಅರ್ಹತೆ
* ಬಿಇ (ಎಲೆಕ್ಟ್ರಿಕಲ್‌ ಎಂಜಿನಿಯರಿಂಗ್‌), ಎಂಐಟಿ, ಮಣಿಪಾಲ್‌
* ಎಂಎಸ್‌ (ಕಂಪ್ಯೂಟರ್‌ ಸೈನ್ಸ್‌), ಇಲಿನೋಯ್‌್ಸ ಇನ್‌ಸ್ಟಿಟ್ಯೂಟ್‌ ಆಫ್‌ ಟೆಕ್ನಾಲಜಿ, ಶಿಕಾಗೊ
* ಶಾರ್ಟ್‌ ಮ್ಯಾನೇಜ್‌ಮೆಂಟ್‌ ಪ್ರೋಗ್ರಾಮ್ಸ್‌, ಹಾರ್ವರ್ಡ್‌ ವಿವಿ, ಬಾಸ್ಟನ್‌, ಯುಎಸ್‌ಎ
* ಸ್ಟ್ಯಾನ್‌ಫೋರ್ಡ್‌ ವಿವಿ, ಇಂಟೆಲ್‌ ವಿಶ್ವವಿದ್ಯಾಲಯದಲ್ಲಿಇತರೆ ತಂತ್ರಜ್ಞಾನ ಕಲಿಕೆ
* ವಿಶ್ವೇಶ್ವರಯ್ಯ ತಾಂತ್ರಿಕ ವಿವಿಯಲ್ಲಿಡಾಕ್ಟರ್‌ ಆಫ್‌ ಸೈನ್ಸ್‌
ಮಂತ್ರಿ ಪಟ್ಟ ಸಿಗಲು ಕಾರಣ
1. ಉದ್ಯಮ ಲೋಕದಲ್ಲಿಒಳ್ಳೆಯ ಹೆಸರು.
2. ವಕ್ತಾರರಾಗಿ ಬಿಜೆಪಿಗೆ ನೀಡಿದ ಕೊಡುಗೆ
3. ದೇಶ-ವಿದೇಶಗಳಲ್ಲಿಹೊಂದಿದ ಸಂಪರ್ಕ
ಖಾಸಗಿ ವಿವರಗಳು
ಜನನ: 31 ಮೇ, 1964
ಶಿಕ್ಷಣ: ಎಂಜಿನಿಯರಿಂಗ್‌
ಪತ್ನಿ, ಪುತ್ರ, ಪುತ್ರಿ ಇದ್ದಾರೆ
