'ಮದಗಜ' ಸಿನಿಮಾದ ಮೊದಲ ದಿನದ ಬಾಕ್ಸ್ ಆಫೀಸ್‌ ಕಲೆಕ್ಷನ್ ಎಷ್ಟು? ಶ್ರೀಮುರಳಿ, ಆಶಿಕಾ ರಂಗನಾಥ್ ಚಿತ್ರವಿದು

ನಟ ನಟನೆಯ '' ಸಿನಿಮಾ ಡಿಸೆಂಬರ್ 3ರಂದು ರಿಲೀಸ್ ಆಗಿದೆ. ರಾಜ್ಯಾದಂತ ಈ ಚಿತ್ರ 800 ಪರದೆಗಳಲ್ಲಿ ತೆರೆ ಕಂಡಿದೆ. ಸೂರ್ಯ ಪಾತ್ರದಲ್ಲಿ ಅವರು ಭಾವನಾತ್ಮಕ ಮತ್ತು ಟಫ್‌ ಹೀರೊ ಆಗಿ ನಟಿಸಿದ್ದು, ನಟಿ ಆಶಿಕಾ ರಂಗನಾಥ್‌ ಅವರಿಗೆ ನಾಯಕಿಯಾಗಿದ್ದಾರೆ. ಅದ್ದೂರಿಯಾದ ಈ ಚಿತ್ರ ಹಾಗಾದರೆ ಮೊದಲ ದಿನ ಗಳಿಸಿದ್ದೆಷ್ಟು? ಸಿನಿಮಾ ಮೊದಲ ದಿನದ ಕಲೆಕ್ಷನ್ ಎಷ್ಟು? 'ಮದಗಜ' ಸಿನಿಮಾದ ಮೊದಲ ದಿನದ ಕಲೆಕ್ಷನ್ 7.5 ಕೋಟಿ ರೂಪಾಯಿ ಎಂದು ಹೇಳಲಾಗುತ್ತಿದೆ. ಇಂದು ಹಾಗೂ ನಾಳೆ ವೀಕೆಂಡ್ ಇರೋದರಿಂದ ಇನ್ನಷ್ಟು ಜನರು ಈ ಸಿನಿಮಾ ವೀಕ್ಷಿಸಬಹುದು ಎಂಬ ನಿರೀಕ್ಷೆ ಚಿತ್ರತಂಡಕ್ಕಿದೆ. ಒಟ್ಟಿನಲ್ಲಿ 'ಮದಗಜ' ಸಿನಿಮಾ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ವಿದೇಶಗಳಲ್ಲಿಯೂ 'ಮದಗಜ' ಸಿನಿಮಾ ರಿಲೀಸ್ ಆಗಲಿದೆ ( Sriimurali, ) ಮಾಸ್‌ ಎಂಟರ್‌ರ್ಟೇನ್‌ಮೆಂಟ್‌ ಸಿನಿಮಾ ಇದಾಗಿದ್ದು, ಎಸ್‌. ಮಹೇಶ್‌ ಕುಮಾರ್‌ ನಿರ್ದೇಶನ ಮಾಡಿದ್ದಾರೆ. ಚಿತ್ರವನ್ನು ನಿರ್ಮಾಪಕ ಉಮಾಪತಿ ಅವರು ತಮ್ಮ ಉಮಾಪತಿ ಫಿಲ್ಮ್ಸ್ ಬ್ಯಾನರ್‌ ಮೂಲಕ ನಿರ್ಮಾಣ ಮಾಡಿದ್ದಾರೆ. ಬಿಗ್‌ ಬಜೆಟ್‌ನ ಈ ಚಿತ್ರದ ಮೇಕಿಂಗ್‌ನಲ್ಲಿ ‘ಕೆಜಿಎಫ್‌’ ಸಿನಿಮಾ ಖ್ಯಾತಿಯ ಪ್ರಶಾಂತ್‌ ನೀಲ್‌ ಅವರು ಸಾಥ್‌ ನೀಡಿದ್ದಾರಂತೆ. ಮುಂದಿನ ವಾರ ವಿದೇಶಗಳಲ್ಲಿ ರಿಲೀಸ್‌ ಆಗಲಿದೆ. ದೊಡ್ಡ ಮೊತ್ತಕ್ಕೆ ಮಾರಾಟವಾದ 'ಮದಗಜ' ಸಿನಿಮಾ ರೈಟ್ಸ್ ವಾರಾಣಸಿ, ಹೈದರಾಬಾದ್‌, ಮೈಸೂರು ಭಾಗಗಳಲ್ಲಿ ಈ ಸಿನಿಮಾ ರಿಲೀಸ್ ಆಗಿದೆ. ‘ಮದಗಜ’ ಸಿನಿಮಾ ರೈಟ್ಸ್‌ ದೊಡ್ಡ ಮೊತ್ತಕ್ಕೆ ಸೇಲ್‌ ಆಗಿದೆ ಎಂದು ಚಿತ್ರತಂಡ ಹೇಳಿದೆ. 'ಮದಗಜ' ಸಿನಿಮಾವನ್ನು ತೆಲುಗು, ತಮಿಳು ಡಬ್ಬಿಂಗ್‌ನ್ನು ಮುಂದಿನ ವಾರ ರಿಲೀಸ್‌ ಮಾಡಲಾಗುತ್ತಿದೆ. ದಕ್ಷಿಣ ಭಾರತದ ಭಾಷೆ ಮತ್ತು ಹಿಂದಿ ಭಾಷೆಗಳ ರಿಮೇಕ್‌ ರೈಟ್ಸ್‌ ಕೂಡ ಸೇಲ್‌ ಆಗಿದೆಯಂತೆ. ಪೈರಸಿ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು! 'ಮದಗಜ' ಸಿನಿಮಾ ಪೈರಸಿ ತಡೆಯಲು ಒಂದು ಟೆಕ್ನಿಕಲ್‌ ಟೀಮ್‌ ಇದೆ. ಅವರಿಗೆ ಈ ಜವಾಬ್ದಾರಿ ನೀಡಿದ್ದೇವೆ. ಯಾರೇ ಸಿನಿಮಾ ಪೈರಸಿ ಮಾಡಿದರೂ ಅವರ ಪೇಜ್‌ ಕೂಡಲೇ ಡಿಲಿಟ್‌ ಆಗುತ್ತದೆ. ಪೈರಸಿ ಮಾಡಿದವರ ಮೇಲೂ ಕೇಸ್‌ ಹಾಕುತ್ತೇವೆ’ ಎಂದು ನಿರ್ಮಾಪಕ ಉಮಾಪತಿ ಎಚ್ಚರಿಕೆ ನೀಡಿದ್ದಾರೆ. ನಟ ಜಗಪತಿ ಬಾಬು, ಗರುಡ ರಾಮ್‌, ಚಿಕ್ಕಣ್ಣ, ಶಿವರಾಜ್‌ ಕೆ. ಆರ್‌. ಪೇಟೆ ಮತ್ತಿತರರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಹಿಂದೆ ‘ಉಗ್ರಂ’ ಮತ್ತು ‘ಮಫ್ತಿ’ ಸಿನಿಮಾ ನಟ ಶ್ರೀಮುರಳಿಗೆ ಯಶಸ್ಸು ತಂದುಕೊಟ್ಟಿತ್ತು. 2019ರಲ್ಲಿ 'ಭರಾಟೆ' ರಿಲೀಸ್ ಆದ ನಂತರದಲ್ಲಿ 2 ವರ್ಷಗಳ ಗ್ಯಾಪ್ ನಂತರ 'ಮದಗಜ' ಚಿತ್ರ ರಿಲೀಸ್ ಆಗಿರೋದು ಪ್ರೇಕ್ಷಕರಿಗೆ ಇಷ್ಟ ಆಗಿದೆ. ರವಿ ಬಸ್ರೂರು ಸಂಗೀತ ನಿರ್ದೇಶನ ಮಾಡಿರುವ ಈ ಚಿತ್ರದಲ್ಲಿ ಆರು ಹಾಡುಗಳಿವೆ. ಹಿನ್ನಲೆ ಸಂಗೀತದ ಬಗ್ಗೆ ಒಳ್ಳೆಯ ಮೆಚ್ಚುಗೆ ವ್ಯಕ್ತವಾಗಿದೆ.