ಭಾರತದ ವಿರುದ್ಧ ಸದ್ಯಕ್ಕೆ ಡಿಜಿಟಲ್‌ ತೆರಿಗೆ ಸಂಘರ್ಷ ಇಲ್ಲ - ಅಮೆರಿಕ
ಡಿಜಿಟಲ್‌ ಸೇವಾ ತೆರಿಗೆಯೂ ಸೇರಿದಂತೆ ಅಂತಾರಾಷ್ಟ್ರೀಯ ತೆರಿಗೆ ವಿವಾದಗಳನ್ನು ಮಾತುಕತೆಯ ಮೂಲಕ ಬಗೆಹರಿಸಲು ಅಮೆರಿಕ ಬಯಸಿದೆ ಎಂದು ಅಲ್ಲಿನ ವಾಣಿಜ್ಯ ಇಲಾಖೆಯ ಪ್ರತಿನಿಧಿ ಕ್ಯಾಥರೀನ್‌ ತಿಳಿಸಿದ್ದಾರೆ.
Admin
0
7
ವಾಷಿಂಗ್ಟನ್‌: ಸರಕಾರ ಡಿಜಿಟಲ್‌ ಸೇವಾ ವಿವಾದಕ್ಕೆ ಸಂಬಂಧಿಸಿ , ಬ್ರಿಟನ್‌ ಮತ್ತು ಯುರೋಪ್‌ನ 4 ರಾಷ್ಟ್ರಗಳ ವಿರುದ್ಧ ತೆರಿಗೆ ಸಂಘರ್ಷವನ್ನು 6 ತಿಂಗಳು ಮುಂದೂಡಿದೆ.
ಡಿಜಿಟಲ್‌ ಸೇವಾ ತೆರಿಗೆ ಸೇರಿದಂತೆ ಅಂತಾರಾಷ್ಟ್ರೀಯ ತೆರಿಗೆ ವಿವಾದಗಳನ್ನು ಮಾತುಕತೆಯ ಮೂಲಕ ಬಗೆಹರಿಸಲು ಅಮೆರಿಕ ಬಯಸಿದೆ ಎಂದು ಅಮೆರಿಕ ವಾಣಿಜ್ಯ ಇಲಾಖೆಯ ಪ್ರತಿನಿಧಿ ಕ್ಯಾಥರೀನ್‌ ತಿಳಿಸಿದ್ದಾರೆ.
ಆಸ್ಟ್ರಿಯಾ, ಇಟಲಿ, ಸ್ಪೇನ್‌ ಮತ್ತು ಟರ್ಕಿಗೂ ಇದು ಅನ್ವಯಿಸಲಿದೆ. ಡಿಜಿಟಲ್‌ ಸೇವಾ ತೆರಿಗೆಗೆ ಸಂಬಂದಿಸಿ ಅಮೆರಿಕದ ತಂತ್ರಜ್ಞಾನ ದಿಗ್ಗಜ ಕಂಪನಿಗಳದ ಆ್ಯಪಲ್‌, ಅಮೆಜಾನ್‌, ಫೇಸ್‌ಬುಕ್‌ಗೆ ಅನ್ಯಾಯವಾಗುತ್ತಿದೆ ಎಂದು ಅಮೆರಿಕ ಆರೋಪಿಸಿದೆ.
ಭಾರತವು 2020ರ ಏಪ್ರಿಲ್‌ನಿಂದ ದೇಶದಲ್ಲಿ ಆನ್‌ಲೈನ್‌ ಮೂಲಕ ಗ್ರಾಹಕರಿಗೆ ಸರಕು, ಸೇವೆ ಮಾರುವ, ವಿದೇಶಿ ಮೂಲದ ದಿಗ್ಗಜ ಕಂಪನಿಗಳಿಗೆ ಜಾರಿಗೊಳಿಸಿತ್ತು. ಆದರೆ ಇದನ್ನು ಅಮೆರಿಕ ವಿರೋಧಿಸುತ್ತಿದೆ. ವಾರ್ಷಿಕ 2 ಕೋಟಿ ರೂ.ಗಿಂತ ಹೆಚ್ಚು ಆದಾಯ ಇರುವ ಹಾಗೂ 3 ಲಕ್ಷಕ್ಕಿಂತ ಹೆಚ್ಚು ಗ್ರಾಹಕರನ್ನು ಹೊಂದಿರುವ ವಿದೇಶಿ ಮೂಲದ ತಂತ್ರಜ್ಞಾನ ಕಂಪನಿಗಳಿಗೆ ಇದು ಅನ್ವಯವಾಗುತ್ತದೆ.
