ಬೆಂಗಳೂರು: ವಿದ್ಯಾರ್ಥಿನಿಯಿಂದ 8 ಲಕ್ಷ ಮೌಲ್ಯದ ಚಿನ್ನ ಪಡೆದು ಬ್ಲ್ಯಾಕ್‌ಮೇಲ್‌, ಇನ್‌ಸ್ಟಾಗ್ರಾಂ ಗೆಳೆಯನ ಬಂಧನ
ಇನ್‌ಸ್ಟಾಗ್ರಾಂನಲ್ಲಿ ಯುವತಿಯನ್ನು ಪರಿಚಯ ಮಾಡಿಕೊಂಡು ಪ್ರೀತಿಸಿದ್ದ ಯುವಕ ಆಕೆಯಿಂದ ಚಿನ್ನದ ಸರ ಪಡೆದು ಗಿರವಿ ಇಟ್ಟು ಮೋಜು ಮಾಡಿದ್ದ. ನಂತರ ಹಣಕ್ಕಾಗಿ ಪೀಡಿಸಿದ್ದ. ಸುಮಾರು 8 ಲಕ್ಷ ರೂ. ಮೌಲ್ಯದ 180 ಗ್ರಾಂ ಚಿನ್ನಾಭರಣವನ್ನು ಆಕೆಯಿಂದ ಪಡೆದಿರುವುದು ತಿಳಿದುಬಂದಿದೆ. ಈ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
Admin
0
8
ಬೆಂಗಳೂರು: ಯುವತಿಯನ್ನು ಪ್ರೀತಿಯ ಬಲೆಗೆ ಬೀಳಿಸಿ, ನಂತರ ಬೆದರಿಸಿ ಆಕೆಯಿಂದ ಚಿನ್ನಾಭರಣ ಪಡೆಯುತ್ತಿದ್ದುದಲ್ಲದೆ, ಆಕೆಯ ಮನೆಯಿಂದ ಕಳವು ಮಾಡಿ ಪರಾರಿಯಾಗಿದ್ದ ಆರೋಪಿಯನ್ನು ಗಂಗಮ್ಮನಗುಡಿ ಬಂಧಿಸಿದ್ದಾರೆ. ಆರೋಪಿಯಿಂದ 8 ಲಕ್ಷ ರೂ. ಮೌಲ್ಯದ 180 ಗ್ರಾಂ ಚಿನ್ನಾಭರಣ ವಶಪಡಿಸಿಕೊಳ್ಳುವಲ್ಲಿ ಪೊಲೀಸರು ಯಶಸ್ವಿ ಆಗಿದ್ದಾರೆ.
ಇನ್‌ಸ್ಟಾಗ್ರಾಂನಲ್ಲಿ ಯುವತಿಯನ್ನು ಪರಿಚಯ ಮಾಡಿಕೊಂಡು ಪ್ರೀತಿಸಿದ್ದ ಅವಳಿಂದ ಚಿನ್ನದ ಸರ ಪಡೆದು ಗಿರವಿ ಇಟ್ಟು ಮೋಜು ಮಾಡಿದ್ದ. ನಂತರ ಹಣಕ್ಕಾಗಿ ಪೀಡಿಸಿದ್ದ. ಹೆಚ್ಚಿನ ಆಭರಣ ತಂದು ಕೊಡುವಂತೆ ಬೆದರಿಸಿದ್ದ. ಇಲ್ಲವಾದರೆ ಇಬ್ಬರ ಸಂಬಂಧವನ್ನು ಬಹಿರಂಗಪಡಿಸಿ ಮರ್ಯಾದೆ ತೆಗೆಯುವುದಾಗಿ ಯುವತಿಯನ್ನು ಹೆದರಿಸಿದ್ದ. ಹೀಗೆ ಆಗಾಗ್ಗೆ ಹೆದರಿಸುತ್ತಲೇ ಚಿನ್ನಾಭರಣವನ್ನು ಆಕೆಯಿಂದ ಪಡೆದುಕೊಂಡಿದ್ದಾನೆ.
ಇತ್ತೀಚೆಗೆ ಯುವತಿಯ ಮನೆಯಲ್ಲಿ ಯಾರು ಇಲ್ಲದ ಸಂದರ್ಭದಲ್ಲಿ ಮನೆಗೆ ನುಗ್ಗಿದ್ದ ಆರೋಪಿ ಮನೆಯಲ್ಲಿರುವ ಚಿನ್ನದ ಸರ ಕಳವು ಮಾಡಿದ್ದ . ಈ ಬಗ್ಗೆ ಯುವತಿಯ ತಂದೆ ದೂರು ನೀಡಿದ್ದರು. ಆ.22ರಂದು ಠಾಣೆ ವ್ಯಾಪ್ತಿಯಲ್ಲಿ ರಾತ್ರಿ ಗಸ್ತಿನಲ್ಲಿರುವ ಪೊಲೀಸರು ಅನುಮಾನಾಸ್ಪದ ವ್ಯಕ್ತಿಯೊಬ್ಬನನ್ನು ಹಿಡಿದು ವಿಚಾರಣೆ ನಡೆಸಿದಾಗ ಕಳವು ಪ್ರಕರಣ ಬೆಳಕಿಗೆ ಬಂದಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
