ಪರಾರಿಯಾಗುವ ಭೀತಿ: ಮೆಹುಲ್ ಚೋಕ್ಸಿಗೆ ಜಾಮೀನು ನಿರಾಕರಿಸಿದ ಡೊಮಿನಿಕಾ ಹೈಕೋರ್ಟ್
ಡೊಮಿನಿಕಾ ಜೈಲಿನಲ್ಲಿರುವ ಆಭರಣ ವ್ಯಾಪಾರಿ ಮೆಹುಲ್ ಚೋಕ್ಸಿಗೆ ಅಲ್ಲಿನ ಹೈಕೋರ್ಟ್ ಜಾಮೀನು ನಿರಾಕರಿಸಿದೆ. ಚೋಕ್ಸಿ ದೇಶದಿಂದ ಪರಾರಿಯಾಗುವ ಸಾಧ್ಯತೆ ಇದೆ ಎಂದು ನ್ಯಾಯಾಲಯ ಹೇಳಿದೆ.
Admin
0
9
ಹೊಸದಿಲ್ಲಿ: ಪರಾರಿಯಾಗುವ ಯತ್ನದಲ್ಲಿ ಡೊಮಿನಿಕಾದಲ್ಲಿ ಸಿಕ್ಕಿಬಿದ್ದಿರುವ ದೇಶಭ್ರಷ್ಟ ಆರ್ಥಿಕ ಅಪರಾಧಿ ಮೆಹುಲ್ ಚೋಕ್ಸಿಗೆ ದೊಡ್ಡ ಹಿನ್ನಡೆಯಾಗಿದೆ. ಚೋಕ್ಸಿಗೆ ನೀಡಲು ಅಲ್ಲಿನ ಹೈಕೋರ್ಟ್ ನಿರಾಕರಿಸಿದೆ. ಆತನಿಗೆ ಡೊಮಿನಿಕಾದೊಂದಿಗೆ ಯಾವುದೇ ಒಪ್ಪಂದವಿಲ್ಲ. ಆತ ತಪ್ಪಿಸಿಕೊಳ್ಳುವುದಿಲ್ಲ ಎಂಬ ಭರವಸೆಯನ್ನು ನೀಡುವಂತಹ ಯಾವುದೇ ಷರತ್ತನ್ನು ವಿಧಿಸಲು ಸಾಧ್ಯವಿಲ್ಲ ಎಂದು ಕೋರ್ಟ್ ಹೇಳಿದೆ.
ತನ್ನ ಸಹೋದರನ ಜತೆ ಹೋಟೆಲ್‌ನಲ್ಲಿ ಉಳಿದುಕೊಳ್ಳುವುದಾಗಿ ಪ್ರಸ್ತಾಪಿಸಿದ್ದು, ಇದು ಕಾಯಂ ವಿಳಾಸವಾಗಲಾರದು. ಅಲ್ಲದೆ ವಿಚಾರಣೆಯೂ ಕೂಡ ಆರಂಭವಾಗಿಲ್ಲ ಎಂದು ಕೋರ್ಟ್ ಹೇಳಿತು.
ಎರಡೂ ಕಡೆಯ ವಾದ ಸಲ್ಲಿಕೆಯಾದ ಬಳಿಕ ಚೋಕ್ಸಿಗೆ ಜಾಮೀನು ನೀಡದಿರಲು ಹೈಕೋರ್ಟ್ ನಿರ್ಧರಿಸಿತು. ಚೋಕ್ಸಿ ಜಾಮೀನು ಕೋರುವಾಗ ಕೋರ್ಟ್‌ನ ಮುಂದೆ ಯಾವುದೇ ಪ್ರಬಲ ಶ್ಯೂರಿಟಿ ನೀಡಿಲ್ಲ. ಅಲ್ಲದೆ ಆತ ದೇಶದಿಂದ ಪರಾರಿಯಾಗುವ ಅಪಾಯವೂ ಇದೆ ಎಂದು ಅಭಿಪ್ರಾಯಪಟ್ಟಿತು.
ಪ್ರಸ್ತುತ ಡೊಮಿನಿಕಾದಿಂದ ಭಾರತಕ್ಕೆ ಗಡಿಪಾರು ಮಾಡುವುದರಿಂದ ರಕ್ಷಣೆ ಪಡೆದಿರುವ ಚೋಕ್ಸಿ, ಜೈಲಿನಲ್ಲಿಯೇ ಉಳಿಯುವಂತಾಗಿದೆ. ವೈದ್ಯಕೀಯ ನೆಲೆಯಲ್ಲಿ ಜಾಮೀನು ಕೋರಲಾಗಿದೆ. ಹೀಗಾಗಿ ಪರಾರಿಯಾಗುವ ಅಪಾಯವೇ ಇಲ್ಲ ಎಂದು ಚೋಕ್ಸಿ ಪರ ವಕೀಲರು ವಾದಿಸಿದ್ದಾರೆ.
ಕೆಲವು ದಿನಗಳ ಹಿಂದೆಯಷ್ಟೇ ಡೊಮಿನಿಕಾ ಪ್ರಧಾನಿ ರೂಸ್‌ವೆಲ್ಟ್ ಸ್ಕೆರಿಟ್, ಚೋಕ್ಸಿಯನ್ನು 'ಭಾರತೀಯ ಪ್ರಜೆ' ಎಂದು ಕರೆದಿದ್ದರು. ಚೋಕ್ಸಿಯ ಹಕ್ಕುಗಳನ್ನು ತಮ್ಮ ಸರಕಾರ ರಕ್ಷಿಸಲಿದೆ. ಅವರ ಭವಿಷ್ಯದ ಬಗ್ಗೆ ಕೋರ್ಟ್‌ಗಳು ನಿರ್ಧಾರ ತೆಗೆದುಕೊಳ್ಳಲಿದೆ ಎಂದು ತಿಳಿಸಿದ್ದರು.
