ತಮ್ಮ ರಾಜೀನಾಮೆಗೆ ಅಮರ್ಜಿತ್ ಸಿನ್ಹಾ ಯಾವುದೇ ಕಾರಣ ನೀಡಿಲ್ಲ. ಪ್ರಧಾನಿ ಕಾರ್ಯಾಲಯವೂ ಈ ಕುರಿತು ಹೇಳಿಕೆ ನೀಡಿಲ್ಲ. ಗ್ರಾಮೀಣಾಭಿವೃದ್ಧಿ ಸಚಿವಾಲಯದ ಕಾರ್ಯದರ್ಶಿಯಾಗಿ ನಿವೃತ್ತಿ ಹೊಂದಿದ ಎರಡೇ ತಿಂಗಳಲ್ಲಿ ಅಂದರೆ 2020ರ ಫೆಬ್ರುವರಿಯಲ್ಲಿ ಅಮರ್ಜಿತ್ ಸಿನ್ಹಾ ಅವರನ್ನು ಪ್ರಧಾನಿಯವರ ಸಲಹೆಗಾರರಾಗಿ ನೇಮಕ ಮಾಡಲಾಗಿತ್ತು.
ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಸಲಹೆಗಾರ ಅವರು ಸೋಮವಾರ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. ಇದರಿಂದ ಆರು ತಿಂಗಳ ಅವಧಿಯಲ್ಲಿ ಪ್ರಧಾನಿ ಕಾರ್ಯಾಲಯದ ಇಬ್ಬರು ಅಧಿಕಾರಿಗಳು ರಾಜೀನಾಮೆ ನೀಡಿದಂತಾಗಿದೆ.
ಕಳೆದ ಮಾರ್ಚ್ನಲ್ಲಿ ಪ್ರಧಾನಿ ಮೋದಿಯವರ ಪ್ರಧಾನ ಸಲಹೆಗಾರ ಪಿ.ಕೆ.ಸಿನ್ಹಾ ರಾಜೀನಾಮೆ ಸಲ್ಲಿಸಿದ್ದರು. ತಮ್ಮ ರಾಜೀನಾಮೆಗೆ ಅಮರ್ಜಿತ್ ಸಿನ್ಹಾ ಯಾವುದೇ ಕಾರಣ ನೀಡಿಲ್ಲ. ಪ್ರಧಾನಿ ಕಾರ್ಯಾಲಯವೂ ಈ ಕುರಿತು ಹೇಳಿಕೆ ನೀಡಿಲ್ಲ. ಗ್ರಾಮೀಣಾಭಿವೃದ್ಧಿ ಸಚಿವಾಲಯದ ಕಾರ್ಯದರ್ಶಿಯಾಗಿ ನಿವೃತ್ತಿ ಹೊಂದಿದ ಎರಡೇ ತಿಂಗಳಲ್ಲಿ ಅಂದರೆ 2020ರ ಫೆಬ್ರುವರಿಯಲ್ಲಿ ಅಮರ್ಜಿತ್ ಸಿನ್ಹಾ ಅವರನ್ನು ಪ್ರಧಾನಿಯವರ ಸಲಹೆಗಾರರಾಗಿ ನೇಮಕ ಮಾಡಲಾಗಿತ್ತು. ಅವರ ಎರಡು ವರ್ಷ ಸೇವಾವಧಿ ಪೂರ್ಣಗೊಳ್ಳಲು ಇನ್ನೂ ಏಳು ತಿಂಗಳು ಬಾಕಿ ಇತ್ತು.
ಪ್ರಧಾನ ಮಂತ್ರಿ ಕಾರ್ಯಾಲಯದಲ್ಲಿ ಸಾಮಾಜಿಕ ಸಂಬಂಧ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಿದ್ದ ಅಮರ್ಜಿತ್ ಸಿನ್ಹಾ ಅವರು ಬಿಹಾರ ಕೇಡರ್ನ 1983ರ ತಂಡದ ಐಎಎಸ್ ಅಧಿಕಾರಿ. 2019ರಲ್ಲಿ ಗ್ರಾಮೀಣಾಭಿವೃದ್ಧಿ ಕಾರ್ಯದರ್ಶಿಯಾಗಿ ನಿವೃತ್ತಿಗೊಂಡ ನಂತರ 2020ರ ಫೆಬ್ರವರಿಯಲ್ಲಿ ಎರಡು ವರ್ಷಗಳ ಕಾಲ ಪ್ರಧಾನಿ ಕಾರ್ಯಾಲಯದ ಸಲಹೆಗಾರರಾಗಿ ನೇಮಕಗೊಂಡಿದ್ದರು. ಆದರೆ, ಇನ್ನೂ ಏಳು ತಿಂಗಳು ಅಧಿಕಾರಾವಧಿ ಬಾಕಿ ಇರುವಾಗಲೇ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿರುವುದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.
ಈ ಹಿಂದೆ ಪಿ.ಕೆ.ಸಿನ್ಹಾ ಅವರು ಕಳೆದ ಮಾರ್ಚ್ನಲ್ಲಿ ವೈಯಕ್ತಿಕ ಕಾರಣ ನೀಡಿ ಪ್ರಧಾನ ಸಲಹೆಗಾರ ಹುದ್ದೆ ತೊರೆದಿದ್ದರು.