ಪಿಂಕ್‌ ಸಾಲ್ಟ್‌ ಅರ್ಧ ಕೆ.ಜಿಗೆ 100 ರೂಪಾಯಿ: ಇದು ಹಿಮಾಲಯದ ಉಪ್ಪು!
ಬಿಳಿ ಬಣ್ಣದ ಉಪ್ಪು ಗೊತ್ತು. ಆದರೆ ತಿಳಿ ಗುಲಾಬಿ ಬಣ್ಣದ ಉಪ್ಪು (ಪಿಂಕ್‌ ಸಾಲ್ಟ್‌) ಇದೆ ಗೊತ್ತಾ? ಮಹತ್ವ ಆಗ್ರ್ಯಾನಿಕ್‌ ಸಂಸ್ಥೆಯು ಈ ಸಾವಯವ ಉಪ್ಪನ್ನು ಕೃಷಿ ಮೇಳದಲ್ಲಿ ಪ್ರದರ್ಶಿಸುತ್ತಿದೆ. ಅಫಘಾನಿಸ್ತಾನ ಮತ್ತು ಹಿಮಾಲಯ ಪರ್ವತದಲ್ಲಿ ನೈಸರ್ಗಿಕವಾಗಿ ದೊರೆಯುವ ಉಪ್ಪು ಇದಾಗಿದೆ.
Admin
0
7
ಬೆಂಗಳೂರು: ಬಿಳಿ ಬಣ್ಣದ ಗೊತ್ತು. ಆದರೆ ತಿಳಿ () ಇದೆ ಗೊತ್ತಾ? ಮಹತ್ವ ಆಗ್ರ್ಯಾನಿಕ್‌ ಸಂಸ್ಥೆಯು ಈ ಸಾವಯವ ಉಪ್ಪನ್ನು ಜಿಕೆವಿಕೆಯಲ್ಲಿ ಆಯೋಜಿಸಿರುವ ಕೃಷಿ ಮೇಳದಲ್ಲಿ ಪ್ರದರ್ಶಿಸುತ್ತಿದೆ. ಅಫಘಾನಿಸ್ತಾನ ಮತ್ತು ಹಿಮಾಲಯ ಪರ್ವತದಲ್ಲಿ ನೈಸರ್ಗಿಕವಾಗಿ ದೊರೆಯುವ ಉಪ್ಪು ಇದಾಗಿದೆ.
ಈ ಉಪ್ಪು ಅರ್ಧ ಕೆ.ಜಿ.ಗೆ 100 ರೂ. ದರ ಹೊಂದಿದೆ. ಆರೋಗ್ಯಕ್ಕೆ ಪೂರಕವಾದ ಮಿನರಲ್ಸ್‌ ಮತ್ತು ವಿಟಮಿನ್‌ಗಳು ಇದರಲ್ಲಿವೆ ಎಂಬುದು ಮಾರಾಟಗಾರರ ಹೇಳಿಕೆ. ಇದೇ ಮಳಿಗೆಯಲ್ಲಿ ಸಾವಯವ ಸಕ್ಕರೆ ಪುಡಿಯೂ ಇದೆ.
ಗಡ್ಡೆ ಬದಲಿಗೆ ಆಲೂ ಸಸಿ
ಹಾಸನ, ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು ಸೇರಿ ಮೈಸೂರು ಭಾಗದ ಜಿಲ್ಲೆಗಳ ರೈತರು ಹೆಚ್ಚಾಗಿ ಆಲೂಗಡ್ಡೆ ಬೆಳೆಯುತ್ತಾರೆ. ಸಾಮಾನ್ಯವಾಗಿ ಗಡ್ಡೆಯನ್ನು ನೆಡಲಾಗುತ್ತದೆ. ಆದರೆ, ಸಸಿಯಿಂದಲೂ ಆಲೂಗಡ್ಡೆ ಬೆಳೆಯುವ ಬಗ್ಗೆ ಆವಿಷ್ಕಾರವನ್ನು ಕಂಡು ಹಿಡಿಯಲಾಗಿದೆ. 2020ರಲ್ಲಿ ಹಾಸನದಲ್ಲಿ ಪ್ರಾಯೋಗಿಕವಾಗಿ ಇದು ಸಾಧ್ಯವಾಗಿದೆ. ಕೃಷಿ ಮೇಳದಲ್ಲಿ ಕೆವಿಕೆ ಮಳಿಗೆಯಲ್ಲಿ ಈ ಬಗ್ಗೆ ರೈತರಿಗೆ ಮಾಹಿತಿ ನೀಡಲಾಗುತ್ತಿದೆ. ನರ್ಸರಿಯವರು ಅಥವಾ ರೈತರು ತಮ್ಮ ಜಮೀನಿನಲ್ಲಿ ಆಲೂ ಸಸಿ ಬೆಳೆಯಬಹುದು. ಇದಕ್ಕೆ ಅಂಗಮಾರಿ ಸೇರಿ ಯಾವುದೇ ರೋಗ ಬರುವುದಿಲ್ಲ. ಒಂದು ಎಕರೆಗೆ 30 ಸಾವಿರ ಸಸಿಗಳು ಬೇಕಾಗಲಿವೆ.
ಆನ್‌ಲೈನ್‌ನಲ್ಲೂ ಅನ್ನದಾತನಿಗೆ ಮಾಹಿತಿ
ಗಾಂಧಿ ಕೃಷಿ ವಿಜ್ಞಾನ ಕೇಂದ್ರದಲ್ಲಿ() ನಡೆಯುತ್ತಿರುವ ಕೃಷಿ ಮೇಳದಲ್ಲಿ ರೈತರಿಗಾಗಿ ತೆರೆದಿರುವ ಕೃಷಿ ಸಲಹಾ ಸೇವಾ ಕೇಂದ್ರ ಅನೇಕರ ಗಮನ ಸೆಳೆಯುತ್ತಿದೆ. ಬೇಸಾಯಶಾಸ್ತ್ರ, ಮಣ್ಣು ವಿಜ್ಞಾನ ಮತ್ತು ಕೃಷಿ, ರಾಸಾಯನಶಾಸ್ತ್ರ, ಕೃಷಿ ಸೂಕ್ಷ್ಮಾಣು ಜೀವಶಾಸ್ತ್ರ ವಿಭಾಗ, ಸಸ್ಯರೋಗ ಶಾಸ್ತ್ರ ಮತ್ತು ಕೀಟ, ರೇಷ್ಮೆ, ಜೇನು ಕೃಷಿ, ಕೃಷಿ ಮಾರಾಟ, ಸಹಕಾರ ಮತ್ತು ವ್ಯವಹಾರ ನಿರ್ವಹಣೆ, ಆಹಾರ ವಿಜ್ಞಾನ, ಅರಣ್ಯ ಶಾಸ್ತ್ರ ಸೇರಿ ಇನ್ನಿತರ ಮಾಹಿತಿಗಳನ್ನು ರೈತರಿಗೆ ಒದಗಿಸಲಾಗುತ್ತಿದೆ.
ಶನಿವಾರ ಕೃಷಿ ಸಲಹಾ ಸೇವಾ ಕೇಂದ್ರಕ್ಕೆ 703 ರೈತರು ಭೇಟಿ ನೀಡಿ ನಾನಾ ಮಾಹಿತಿಗಳನ್ನು ಪಡೆದಿದ್ದಾರೆ. ಹೆಚ್ಚಿನ ರೈತರು ಸಸ್ಯ ತಂತ್ರಜ್ಞಾನ, ಪ್ರಾಣಿ ವಿಜ್ಞಾನ, ಬೇಸಾಯಶಾಸ್ತ್ರ, ತೋಟಗಾರಿಕೆ, ಕೃಷಿ ವಿಜ್ಞಾನದ ಬಗ್ಗೆ ಹೆಚ್ಚಿನ ಮಾಹಿತಿಗಳನ್ನು ಪಡೆದುಕೊಂಡಿದ್ದಾರೆ. ಅಲ್ಲದೇ, ಆನ್‌ನೈಲ್‌ ಮೂಲಕವೂ ಸಹಸ್ರಾರು ಮಂದಿ ರೈತರು ಬೆಳೆಗಳ ಬಗ್ಗೆ ಮಾಹಿತಿ ಪಡೆಯುತ್ತಿದ್ದಾರೆ.
