ದೇಶದ ನಗದು ಚಲಾವಣೆ 29 ಲಕ್ಷ ಕೋಟಿ ರೂ.ಗೆ ಏರಿಕೆ
2021ರ ಏಪ್ರಿಲ್‌ 23ರ ವೇಳೆಗೆ ಚಲಾವಣೆಯಲ್ಲಿರುವ ನಗದಿನ ಒಟ್ಟು ಮೌಲ್ಯ 29,07,067 ಕೋಟಿ ರೂ.ಗಳಿಗೆ ವೃದ್ಧಿಸಿದ್ದು, ಇದಕ್ಕೂ ಹಿಂದಿನ ವಾರಕ್ಕೆ ಹೋಲಿಸಿದರೆ 7,352 ಕೋಟಿ ರೂಪಾಯಿನಷ್ಟು ಏರಿಕೆಯಾಗಿದೆ ಎಂದು ಆರ್‌ಬಿಐ ಹೇಳಿದೆ.
Admin
0
6
ಹೊಸದಿಲ್ಲಿ: ದೇಶದಲ್ಲಿ ಚಲಾವಣೆಯಲ್ಲಿರುವ ನಗದಿನ ಮೌಲ್ಯ 29 ಲಕ್ಷ ಕೋಟಿ ರೂ.ಗಳಿಗೆ ಏರಿಕೆಯಾಗಿದೆ ಎಂದು ರಿಸರ್ವ್‌ ಬ್ಯಾಂಕ್‌ ಆಫ್‌ ಇಂಡಿಯಾದ () ವರದಿ ತಿಳಿಸಿದೆ.
ಆರ್‌ಬಿಐ ಪ್ರಕಾರ 2021ರ ಏಪ್ರಿಲ್‌ 23ರ ವೇಳೆಗೆ ಚಲಾವಣೆಯಲ್ಲಿರುವ ನಗದಿನ ಒಟ್ಟು ಮೌಲ್ಯ 29,07,067 ಕೋಟಿ ರೂ.ಗಳಿಗೆ ವೃದ್ಧಿಸಿದೆ. ಇದಕ್ಕೂ ಹಿಂದಿನ ವಾರಕ್ಕೆ ಹೋಲಿಸಿದರೆ 7,352 ಕೋಟಿ ರೂ.ನಷ್ಟು ಏರಿಕೆಯಾಗಿದೆ. ಮಾರ್ಚ್‌ 26ರಂದು ಚಲಾವಣೆ 28,58,547 ಕೋಟಿ ರೂ. ಇತ್ತು.
ಏಪ್ರಿಲ್‌ನ ಮೊದಲ 4 ವಾರಗಳಲ್ಲಿ ಜನತೆ 57,800 ಕೋಟಿ ರೂ. ಹಣವನ್ನು ಹಿಂತೆಗೆದುಕೊಂಡಿದ್ದರು. ಕೋವಿಡ್‌-19 ಬಿಕ್ಕಟ್ಟಿನ ನಂತರ ಜನತೆ ವ್ಯಾಪಕವಾಗಿ ನಗದು ಹಿಂತೆಗೆದುಕೊಳ್ಳುತ್ತಿರುವ ಪ್ರವೃತ್ತಿ ವಿಶ್ವಾದ್ಯಂತ ಕಂಡುಬರುತ್ತಿದೆ. ಎಟಿಎಂ ಆಪರೇಟರ್‌ಗಳ ಪ್ರಕಾರ ಮಾಸಿಕ ಹಣ ಹಿಂತೆಗೆದುಕೊಳ್ಳುವ ಪ್ರಮಾಣ ಗರಿಷ್ಠ ಮಟ್ಟದಲ್ಲಿ ಇಲ್ಲವಾದರೂ, ವಿತ್‌ಡ್ರಾ ಮಾಡಿದ ಹಣವನ್ನು ಯಾರೂ ಮತ್ತೆ ಡೆಪಾಸಿಟ್‌ ಮಾಡುತ್ತಿಲ್ಲ. ಜತೆಗೆ ಹಣ ಹಿಂತೆಗೆದುಕೊಳ್ಳುವ ಪ್ರಮಾಣವೂ ಹೆಚ್ಚಳವಾಗಿದೆ. ಕೊರೊನಾ ಬಿಕ್ಕಟ್ಟಿಗೂ ಮುನ್ನ 4,000 ರೂ. ಇದ್ದ ಸರಾಸರಿ ಹಣ ಹಿಂತಗೆದುಕೊಳ್ಳುವ ಪ್ರಮಾಣ ಈಗ 4,500 ರೂ.ಗೆ ಹೆಚ್ಚಳವಾಗಿದೆ.
ಸ್ವಾರಸ್ಯವೇನೆಂದರೆ, ಡಿಜಿಟಲ್‌ ಅಥವಾ ಆನ್‌ಲೈನ್‌ ಹಣಕಾಸು ವರ್ಗಾವಣೆಗಳೂ ಪ್ರತಿ ತಿಂಗಳು ಏರಿಕೆಯಾಗುತ್ತಿವೆ. ಯುಪಿಐ ಮೂಲಕ 2.3 ಶತಕೋಟಿ ವರ್ಗಾವಣೆಗಳು ನಡೆದಿವೆ. ಇದರ ಮೌಲ್ಯ 5 ಲಕ್ಷ ಕೋಟಿ ರೂ.. ಡೆಬಿಟ್‌ ಕಾರ್ಡ್‌ ಬಳಕೆಯೂ ಹೆಚ್ಚಳವಾಗಿದೆ.
