ಡಿಜಿಟಲ್ ನಿಶ್ಚಿತ ಠೇವಣಿ ಸೇವೆ ಆರಂಭಿಸಿದ ಗೂಗಲ್ ಪೇ, ಡೆಪಾಸಿಟ್‌ ಇಡುವುದು ಹೇಗೆ? ಬಡ್ಡಿ ಎಷ್ಟು?
ಗೂಗಲ್ ಪೇ ಮೂಲಕ ಡಿಜಿಟಲ್ ನಿಶ್ಚಿತ ಠೇವಣಿಗಳನ್ನು ಗ್ರಾಹಕರು ಇಡಬಹುದು ಎಂದು ಈಕ್ವಿಟಾಸ್ ಸ್ಮಾಲ್‌ ಫೈನಾನ್ಸ್‌ ಬ್ಯಾಂಕ್ ಬುಧವಾರ ಪ್ರಕಟಿಸಿದೆ. ಸದ್ಯಕ್ಕೆ ಈ ಸೇವೆ ಆಂಡ್ರಾಯ್ಡ್‌ ಫೋನ್‌ ಮೂಲಕ ಆಪ್ ಬಳಸುತ್ತಿರುವ ಗ್ರಾಹಕರಿಗೆ ಮಾತ್ರ ಸಿಗಲಿದೆ.
Admin
0
7
ಮೂಲಕ ಡಿಜಿಟಲ್ ಆಗಿಯೇ ನಿಶ್ಚಿತ ಠೇವಣಿಗಳನ್ನು ಗ್ರಾಹಕರು ಇಡಬಹುದು ಎಂದು ಈಕ್ವಿಟಾಸ್ ಸ್ಮಾಲ್‌ ಫೈನಾನ್ಸ್‌ ಬ್ಯಾಂಕ್ (ಎಸ್‌ಎಫ್‌ಬಿ) ಬುಧವಾರ ಪ್ರಕಟಿಸಿದೆ. ಸದ್ಯಕ್ಕೆ ಈ ಸೇವೆ ಆಂಡ್ರಾಯ್ಡ್‌ ಫೋನ್‌ ಮೂಲಕ ಆಪ್ ಬಳಸುತ್ತಿರುವ ಗ್ರಾಹಕರಿಗೆ ಮಾತ್ರ ಸಿಗಲಿದೆ.
"ಈಕ್ವಿಟಾಸ್ ಎಸ್‌ಎಫ್‌ಬಿ ಹೊಸ ಉಪಕ್ರಮವನ್ನು ಪ್ರಾರಂಭಿಸಿದೆ. ಗೂಗಲ್ ಪೇ ಬಳಕೆದಾರರಿಗೆ ಬ್ಯಾಂಕ್ ಖಾತೆಯನ್ನು ತೆರೆಯದೆ 2 ನಿಮಿಷಗಳಲ್ಲಿ ಸ್ಥಿರ ಠೇವಣಿಗಳನ್ನು (ಎಫ್‌ಡಿ) ಬುಕ್ ಮಾಡಲು ಅನುವು ಮಾಡಿಕೊಡುತ್ತದೆ," ಎಂದು ಬ್ಯಾಂಕ್ ಹೇಳಿದೆ.
ಈಕ್ವಿಟಾಸ್‌ನಲ್ಲಿ ಡೆಪಾಸಿಟ್‌ ಮಾಡುವವರಿಗೆ 5 ಲಕ್ಷ ರೂಪಾಯಿವರೆಗೆ ವಿಮೆಯೂ ಇದೆ ಎಂದು ಬ್ಯಾಂಕ್ ಹೇಳಿದ್ದು, 1 ವರ್ಷದ ನಿಶ್ಚಿತ ಠೇವಣಿಗೆ ಗ್ರಾಹಕರು ಶೇ. 6.35ರಷ್ಟು ಬಡ್ಡಿದರ ಪಡೆಯಲಿದ್ದಾರೆ ಎಂದು ತಿಳಿಸಿದೆ. ಹಲವು ಬ್ಯಾಂಕ್‌ಗಳಿಗೆ ಹೋಲಿಸಿದರೆ ಈಕ್ವಿಟಾಸ್ ಬಡ್ಡಿದರ ಹೆಚ್ಚಿದೆ.
"ಬ್ಯಾಂಕ್ ಉದ್ಯಮದಲ್ಲೇ ಮೊದಲ ಬಾರಿಗೆ ಗ್ರಾಹಕರಿಗೆ ಗೂಗಲ್ ಪೇ ಆಪ್ ಮೂಲಕ ಹೆಚ್ಚಿನ ಬಡ್ಡಿ ದರದ ಎಫ್‌ಡಿಗಳನ್ನು ಸಂಪೂರ್ಣವಾಗಿ ಡಿಜಿಟಲ್ ಮೂಲಕ ಬುಕ್ ಮಾಡಲು ಅವಕಾಶ ನೀಡಲಾಗಿದೆ. ಗೂಗಲ್ ಪೇ ಪ್ಲಾಟ್‌ಫಾರ್ಮ್‌ನೊಂದಿಗೆ ಸಂಯೋಜಿತವಾದ ಇಕ್ವಿಟಾಸ್ ಬ್ಯಾಂಕ್‌ನಲ್ಲಿ ಉಳಿತಾಯ ಖಾತೆಯನ್ನು ತೆರೆಯುವ ಅಗತ್ಯವಿಲ್ಲ. ಹಾಗಾಗಿ, ಗೂಗಲ್ ಪೇ ಬಳಕೆದಾರರು ತಮ್ಮ ಮನೆಗಳಲ್ಲಿ ಇದ್ದುಕೊಂಡೇ ನೆಮ್ಮದಿಯಿಂದ ಸುಲಭ, ಸುರಕ್ಷಿತ ಮತ್ತು ಯಾವುದೇ ತೊಂದರೆ ರಹಿತ ಅನುಭವವನ್ನು ಖಾತ್ರಿಪಡಿಸಿಕೊಂಡು ಎಫ್‌ಡಿಗಳನ್ನು ಬುಕ್ ಮಾಡಬಹುದು," ಎಂದು ಬ್ಯಾಂಕ್ ತಿಳಿಸಿದೆ.
ಮೆಚುರಿಟಿ ಅವಧಿ ತಲುಪುತ್ತಿದ್ದಂತೆ ಅಸಲು ಮತ್ತು ಬಡ್ಡಿ ಮೊತ್ತ ನೇರವಾಗಿ ಗೂಗಲ್ ಪೇ ಬಳಕೆದಾರರ ಬ್ಯಾಂಕ್ ಖಾತೆಗೆ ಜಮೆಯಾಗಲಿದೆ. ಇದು ಭಾರತದಲ್ಲಿರುವ ಯಾವುದೇ ಬ್ಯಾಂಕ್ ಕೂಡ ಆಗಿರಬಹುದು ಎಂದು ಬ್ಯಾಂಕ್ ಹೇಳಿದೆ.
ಗೂಗಲ್ ಪೇ ಮೂಲಕ ಈಕ್ವಿಟಾಸ್ ಬ್ಯಾಂಕ್‌ನಲ್ಲಿ ಇಡುವುದು ಹೇಗೆ?
- ಮೊದಲಿಗೆ ಗೂಗಲ್ ಪೇ ಆಪ್ ಓಪನ್‌ ಮಾಡಿ, ‘ಬಿಸಿನೆಸ್‌ ಆಂಡ್‌ ಬಿಲ್ಸ್‌’ಗೆ ಹೋಗಿ
- ಈಕ್ವಿಟಾಸ್ ಎಸ್‌ಎಫ್‌ಬಿ ಲೋಗೋ ಮೇಲೆ ಕ್ಲಿಕ್‌ ಮಾಡಿ (ಲೋಗೋ ಕಾಣಿಸದೇ ಇದ್ದಲ್ಲಿ ಈಕ್ವಿಟಾಸ್ ಬ್ಯಾಂಕ್ - Equitas Bank - ಎಂದು ಸರ್ಚ್‌ ಮಾಡಿ)
- ಈಕ್ವಿಟಾಸ್ ಬ್ಯಾಂಕ್‌ನ ಪೇಜ್‌ ತೆರೆದ ನಂತರ ಹಣದ ಮೊತ್ತ ಮತ್ತು ಅವಧಿ ಆಯ್ಕೆ ಮಾಡಿ
- ನಿಮ್ಮ ವೈಯಕ್ತಿಕ ಕೆವೈಸಿ ಮಾಹಿತಿಯನ್ನು (ಪ್ಯಾನ್‌ ಸಂಖ್ಯೆ & ಆಧಾರ್‌ ಸಂಖ್ಯೆ) ಈಕ್ವಿಟಾಸ್ ಬ್ಯಾಂಕ್‌ಗೆ ನೀಡಿ.
- ಗೂಗಲ್ ಪೇ ಮೂಲಕ ಹಣ ಪಾವತಿಸಿ
