'ಗಂಧದ ಗುಡಿ' ಟೀಸರ್‌ಗೆ ರಾಜಮೌಳಿ ಫಿದಾ; ಪುನೀತ್ ರಾಜ್‌ಕುಮಾರ್ ಪ್ರಯತ್ನಕ್ಕೆ ಮೆಚ್ಚುಗೆ
'ಪವರ್ ಸ್ಟಾರ್' ಪುನೀತ್ ರಾಜ್‌ಕುಮಾರ್ ಅವರ ಕನಸು ‘ಗಂಧದ ಗುಡಿ’ಯ ಟೈಟಲ್ ಟೀಸರ್ ನೋಡಿ ಎಲ್ಲರು ಮೆಚ್ಚಿಕೊಂಡಿದ್ದಾರೆ. ಜೊತೆಗೆ ಇದೀಗ ಬಾಹುಬಲಿ, ಆರ್‌ಆರ್‌ಆರ್ ಸಿನಿಮಾಗಳ ನಿರ್ದೇಶಕ ರಾಜಮೌಳಿ ಕೂಡ ಬಹುಪರಾಕ್ ಹೇಳಿದ್ದಾರೆ.
Admin
0
5
'ಪವರ್ ಸ್ಟಾರ್' ಅವರ ಕನಸಾಗಿದ್ದ ''ಯ ಟೀಸರ್ ರಿಲೀಸ್ ಆಗಿ ಎಲ್ಲರ ಮೆಚ್ಚುಗೆ ಪಡೆಯುತ್ತಿದೆ. ಕರುನಾಡ ಪ್ರಕೃತಿ ವೈಭವವನ್ನು ತೆರೆದಿಡುವ ಅದ್ಭುತ ಪರಿಕಲ್ಪನೆಯುಳ್ಳ ಸಾಕ್ಷ್ಯಚಿತ್ರ ಇದಾಗಿದೆ. ಸ್ವತಃ ಪುನೀತ್ ಇದರಲ್ಲಿ ಕಾಣಿಸಿಕೊಂಡಿದ್ದಾರೆ. 'ಗಂಧದ ಗುಡಿ'ಯ ಟೀಸರ್ ನೋಡಿದವರು ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಈಗ 'ಆರ್‌ಆರ್‌ಆರ್' ಸಿನಿಮಾ ನಿರ್ದೇಶಕ ಎಸ್‌ಎಸ್‌ ರಾಜಮೌಳಿ ಅವರು ಕೂಡ 'ಗಂಧದ ಗುಡಿ' ಟೀಸರ್‌ಗೆ ಮನಸೋತಿದ್ದಾರೆ.
ಟ್ವೀಟ್ ಮೂಲಕ ಹಾರೈಸಿದ ರಾಜಮೌಳಿ'ಗಂಧದ ಗುಡಿ' ಟೀಸರ್ ಶೇರ್ ಮಾಡಿರುವ ರಾಜಮೌಳಿ, 'ಗಂಧದ ಗುಡಿ ಅಸಾಧಾರಣವಾಗಿ ಕಾಣುತ್ತದೆ ಮತ್ತು ಇದು ಖಂಡಿತವಾಗಿಯೂ ಪುನೀತ್ ಅವರಿಗೆ ಪ್ರಾಮಾಣಿಕ ಮತ್ತು ಹೃತ್ಪೂರ್ವಕ ಗೌರವವಾಗಿದೆ. ಕರ್ನಾಟಕದ ಭವ್ಯತೆ ಸಂಭ್ರಮಿಸಲು ಸಾಕ್ಷ್ಯಚಿತ್ರ ನಿರ್ಮಿಸುವ ಅಪ್ಪು ಅವರ ಈ ಉದಾತ್ತ ಕನಸು ಗಮನಾರ್ಹವಾಗಿದೆ. ಇಡೀ ತಂಡಕ್ಕೆ ಶುಭ ಹಾರೈಸುತ್ತೇನೆ' ಎಂದು ಬರೆದುಕೊಂಡಿದ್ದಾರೆ. ಮೊದಲಿನಿಂದಲೂ ಪುನೀತ್ ರಾಜ್‌ಕುಮಾರ್ ಅವರೊಂದಿಗೆ ರಾಜಮೌಳಿಗೆ ಉತ್ತಮ ಒಡನಾಟ ಇತ್ತು. ಪುನೀತ್ ಮನೆಗೆ ರಾಜಮೌಳಿ ಭೇಟಿ ನೀಡಿದ್ದರು. ಈಚೆಗೆ ಪುನೀತ್ ನಿಧನ ಹಿನ್ನೆಲೆಯಲ್ಲಿ ಸದಾಶಿವನಗರದ ಅಪ್ಪು ಮನೆಗೆ ಆಗಮಿಸಿ, ಪುನೀತ್ ಪತ್ನಿ ಅಶ್ವಿನಿ ಅವರನ್ನು ಭೇಟಿ ಮಾಡಿ, ಸಾಂತ್ವನ ಹೇಳಿದ್ದರು.
ಸಿಎಂ ಬೊಮ್ಮಾಯಿ ಅವರಿಂದ ಮೆಚ್ಚುಗೆ'ಗಂಧದ ಗುಡಿ' ಟೀಸರ್ ನೋಡಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು, 'ನಮ್ಮೆಲ್ಲರ ಪ್ರೀತಿಯ ಅಪ್ಪು ನಿರ್ಮಿಸಿರುವ 'ಗಂಧದ ಗುಡಿ' ಸಿನಿಮಾ ಒಂದು ಅದ್ಭುತ ಕಲಾಕೃತಿ. ನಾಡಿನ ಪ್ರಾಕೃತಿಕ ಶ್ರೀಮಂತಿಕೆ, ಜೀವಸಂಕುಲ, ಬುಡಕಟ್ಟು ಜನರ ಸಂಸ್ಕೃತಿಗಳನ್ನು ಪರಿಚಯಿಸುವ ಮೂಲಕ, ವಿಶಿಷ್ಟ ರೀತಿಯಲ್ಲಿ ಕಥೆಯೊಂದನ್ನು ಹೇಳುತ್ತಿದೆ. ಇದರ ಸಂದೇಶ ಎಲ್ಲರಿಗೂ ತಲುಪಬೇಕು. ಪ್ರತಿ ಭಾರತೀಯ, ಅದರಲ್ಲೂ ವಿಶೇಷವಾಗಿ ಪ್ರತಿ ಕನ್ನಡಿಗ ಕರುನಾಡಿನ ಈ ಕಥೆಯನ್ನು ನೋಡುವಂತಾಗಲಿ. ನಮ್ಮ ಅರಣ್ಯ, ಪರಿಸರ, ವೈವಿಧ್ಯಮಯ ಪ್ರಾಕೃತಿಕ ಸಂಪತ್ತನ್ನು ರಕ್ಷಿಸುವ ನಿಟ್ಟಿನಲ್ಲಿಈ ಚಿತ್ರ ಪ್ರೇರಣೆ ನೀಡಲಿ ಎಂದು ಹಾರೈಸುತ್ತೇನೆ' ಎಂದಿದ್ದರು.
ಅಪ್ಪು ಕೆಲಸವನ್ನು ಹೊಗಳಿದ್ದ ಶಿವಣ್ಣ'ಗಂಧದ ಗುಡಿ ಎಂದಕೂಡಲೇ ನಮ್ಮ ನಾಡು ನೆನಪಾಗುತ್ತದೆ. ಗಂಧದ ಗುಡಿಯನ್ನು ಅಂದು ಅಪ್ಪಾಜಿ ಮಾಡಿದ್ರು. ನಾನು ಗಂಧದ ಗುಡಿ ಪಾರ್ಟ್ 2 ಮಾಡಿದ್ದೆ. ಈಗ ಅಪ್ಪು ಅದನ್ನೇ ಫಾಲೋ ಮಾಡಿದ್ದಾನೆ. 'ಗಂಧದ ಗುಡಿ' ಜೊತೆಗೆ ಅದೇನೋ ಸಂಬಂಧ ಇದೆ ನಮಗೆ. ಅಪ್ಪ-ಮಕ್ಕಳು ಅದರ ಜೊತೆಗೆ ಬಂದಿದ್ದೇವೆ. ತುಂಬ ಹೆಮ್ಮೆ ಆಗುತ್ತದೆ. ಪ್ರಕೃತಿ ಜೊತೆಗೆ ಸಂಬಂಧ ಇರುವ ಸಿನಿಮಾಗಳನ್ನು ಮಾಡುವ ಭಾಗ್ಯ ನಮಗೆ ಸಿಕ್ಕಿದೆ. ಈಗಿನ ಪರಿಸ್ಥಿತಿಯಲ್ಲಿ ಗಂಧದ ಗುಡಿ ಎಂಬ ಈ ಪ್ರಾಜೆಕ್ಟ್ ಮಾಡಿರೋದು ಅರ್ಥಪೂರ್ಣ ಎನಿಸುತ್ತದೆ. ಕಾಡಿನ ಸಂರಕ್ಷಣೆ, ಪ್ರಕೃತಿ ಮಹತ್ವವನ್ನು ಹೇಳುವಂತಿದೆ. ಕಾಡಿಗೆ ನಾವು ಎಷ್ಟು ಹಾನಿ ಮಾಡುತ್ತೇವೋ, ಅಷ್ಟೇ ಹಾನಿ ನಮಗೂ ಆಗುತ್ತದೆ. ಅಪ್ಪು ಇಲ್ಲ ಅನ್ನೋದು ನೋವು ನೀಡುತ್ತದೆ' ಎಂದು ಹೇಳಿದ್ದರು.
