ಕೌಶಲ್ಯವು ಜೀವಮಾನದ ಪ್ರಕ್ರಿಯೆ, ಇದಕ್ಕೆ ಡಿಜಿಟಲ್‌ ಫೋಕಸ್‌ ಅಗತ್ಯ - ರಾಜೀವ್‌ ಚಂದ್ರಶೇಖರ್‌

ರಾಜೀವ್ ಚಂದ್ರಶೇಖರ್, ಕೇಂದ್ರ ಸರ್ಕಾರದ ಉದ್ಯಮಶೀಲತೆ, ಕೌಶಲ್ಯ ಅಭಿವೃದ್ಧಿ, ಎಲೆಕ್ಟ್ರಾನಿಕ್ಸ್ ಮತ್ತು ತಂತ್ರಜ್ಞಾನ ಖಾತೆಯ ಸಹಾಯಕ ಸಚಿವರಾಗಿದ್ದು ಈ ಹಿಂದೆ ಅವರು ಸೆಮಿಕಂಡಕ್ಟರ್‌ ಉದ್ಯಮದಲ್ಲಿ ಎಂಜಿನಿಯರ್ ಆಗಿದ್ದರು. ವಿಶೇಷ ಸಂದರ್ಶನದಲ್ಲಿ 'ಟೈಮ್ಸ್‌ ಆಫ್‌ ಇಂಡಿಯಾ'ದ ಸಂಜೀವ್ ಶಂಕರನ್ ಅವರಿಗೆ ಭಾರತ ಸರಕಾರ ಕೌಶಲ್ಯದ ಪ್ರಯತ್ನವನ್ನು ಅವರು ವಿವರಿಸಿದ್ದಾರೆ. 2014 ರಿಂದ, ಕೌಶಲ್ಯ ಅಭಿವೃದ್ಧಿಯ ಒಟ್ಟಾರೆ ಲ್ಯಾಂಡ್‌ಸ್ಕೇಪ್‌ ಗಮನಾರ್ಹವಾಗಿ ಬದಲಾಗಿದೆ. ಈಗ ನಡೆಯುತ್ತಿರುವ ಡಿಜಿಟಲ್ ಪರಿವರ್ತನೆಯು ಅದರ ಮೇಲೆ ಹೇಗೆ ಪರಿಣಾಮ ಬೀರಿದೆ? ಭಾರತವನ್ನು ಪರಿವರ್ತಿಸುವ ಮತ್ತು ಯುವ ರಾಷ್ಟ್ರ ಮತ್ತು ನಮ್ಮ ಯುವ ಜನರ ಜನಸಂಖ್ಯೆಯ ನೈಜ ಸಾಮರ್ಥ್ಯವನ್ನು ಅರಿತುಕೊಳ್ಳುವ ಪ್ರಧಾನಿ ನರೇಂದ್ರ ಮೋದಿಯವರ ದೃಷ್ಟಿಕೋನದಲ್ಲಿ, ಬಹಳ ಮುಖ್ಯ ಭಾಗವಾಗಿದೆ. ಭಾರತವು ವಿಶ್ವದ ಅತಿದೊಡ್ಡ ನುರಿತ ಮಾನವಶಕ್ತಿಯ ಕೂಟವಾಗಬೇಕು ಎಂಬುದು ಇದು ಆರಂಭವಾದ ದಿನದಿಂದ ಪ್ರಧಾನಿ ಅವರ ಗುರಿ ಮತ್ತು ನಿರೀಕ್ಷೆಯಾಗಿದೆ. ಈ ಮೂಲಕ ಭಾರತದ ಆರ್ಥಿಕ ಬೆಳವಣಿಗೆಯ ಮಹತ್ವಾಕಾಂಕ್ಷೆಗೆ ಚಲನ ಶಕ್ತಿಯನ್ನು ಒದಗಿಸುವುದು ಮತ್ತು ನುರಿತ ಮತ್ತು ತರಬೇತಿ ಪಡೆದ ಮಾನವ ಸಂಪನ್ಮೂಲಗಳು ಅಗತ್ಯವಿರುವ ದೇಶಗಳಿಗೆ ಸಹಾಯ ಮಾಡುವುದು ಅವರ ಉದ್ದೇಶವಾಗಿದೆ. 2014 ರಿಂದ ಸರ್ಕಾರದ ಕೌಶಲ್ಯ ಭಾರತ ಮಿಷನ್ ಗಮನಾರ್ಹ ಪ್ರಗತಿಯನ್ನು ಸಾಧಿಸಿದೆ. ಇದರ ಮೂಲಕ 2 ಕೋಟಿಗೂ ಹೆಚ್ಚು ಯುವಜನರಿಗೆ ಕೌಶಲ್ಯವನ್ನು ನೀಡಲಾಗಿದೆ, ಅವರ ಕೌಶಲ್ಯವನ್ನು ಹೆಚ್ಚಿಸಲಾಗಿದೆ ಅಥವಾ ಪುನರ್ ಕೌಶಲ್ಯ ಹೊಂದಲು ನೆರವಾಗಿದೆ. ಇದರ ಮೂಲಕ 14,000 ತರಬೇತಿ ಕೇಂದ್ರಗಳು ಮತ್ತು ಪಾಲುದಾರರ ರಾಷ್ಟ್ರವ್ಯಾಪಿ ಕೌಶಲ್ಯ ಜಾಲವನ್ನು ಮತ್ತು 700 ಪಿಎಂ ಕೌಶಲ್ ಕೇಂದ್ರಗಳು ನಿರ್ಮಿಸಲಾಗಿದೆ. ಮತ್ತು ಐಟಿಐ ಜಾಲವನ್ನು 14,000ಕ್ಕೂ ಹೆಚ್ಚಿನ ಸಂಖ್ಯೆಗೆ ವಿಸ್ತರಿಸಲಾಗಿದೆ. ಈ ಕೌಶಲ್ಯ ಸಚಿವಾಲಯದ ನೆಟ್‌ವರ್ಕ್ ಕೌಶಲ್ಯ ಕಾರ್ಯಕ್ರಮಗಳು ವಿವಿಧ ಸಚಿವಾಲಯಗಳ ಕೇಂದ್ರಗಳಿಂದ ಪೂರಕವಾಗಿದೆ. ಇವೆಲ್ಲವೂ 4000+ ಕೋರ್ಸ್‌ಗಳಿಂದ ಕಾರ್ಯಕ್ರಮಗಳನ್ನು ನೀಡುತ್ತವೆ ಮತ್ತು ವೃತ್ತಿಪರ ಮತ್ತು ಕೌಶಲ್ಯ ನಿಯಂತ್ರಕ ಎನ್‌ಸಿಎಲ್‌ಟಿ (ನ್ಯಾಷನಲ್‌ ಕೌನ್ಸಿಲ್‌ ಫಾರ್‌ ವೊಕೋಶನಲ್‌ ಟ್ರೇನಿಂಗ್‌)ಯಿಂದ ಪ್ರಮಾಣೀಕರಿಸಲ್ಪಟ್ಟಿದೆ ಮತ್ತು ಅನುಮೋದಿಸಲ್ಪಟ್ಟಿದೆ. ಈ ವರ್ಷದ ಜುಲೈ 15 ರಂದು, ಈ ಸಾಧನೆಗಳ ಮೇಲೆ ಕೌಶಲ್ಯದ ಹೊಸ ತರಬೇತಿ ವಿಧಾನವನ್ನು ನಾವು ಹೊಂದಬೇಕು ಎಂದು ಪ್ರಧಾನಿ ನಿರ್ದೇಶಿಸಿದರು. ವಿಶೇಷವಾಗಿ ಕೋವಿಡ್ ನಂತರದ ಡಿಜಿಟಲ್ ಶಿಕ್ಷಣ ಮತ್ತು ಕೌಶಲ್ಯದ ವಾಸ್ತವತೆಯನ್ನು ಗಣನೆಗೆ ತೆಗೆದುಕೊಂಡು ಹಾಗೂ ರಾಷ್ಟ್ರೀಯ ಶಿಕ್ಷಣ ನೀತಿ 2020ರಲ್ಲಿ ಕೌಶಲ್ಯದ ಏಕೀಕರಣವನ್ನು ಸಹ ಗಮನಿಸಿಕೊಂಡು ಈ ವಿಧಾನವನ್ನು ರಚಿಸಲು ಸೂಚಿಸಿದರು. ಶಿಕ್ಷಣ ನೀತಿಯು ಸ್ವಾತಂತ್ರ್ಯಾನಂತರದ ಅತಿದೊಡ್ಡ ಶಿಕ್ಷಣ ಸುಧಾರಣೆಯಾಗಿದೆ ಮತ್ತು ನಮ್ಮ ಯುವ ಪೀಳಿಗೆಗೆ ಕೆಲಸ ಮತ್ತು ಉದ್ಯೋಗಗಳಿಗೆ ಅನೇಕ ಮಾರ್ಗಗಳನ್ನು ನೀಡುತ್ತದೆ. ಇದರಲ್ಲಿ ಉನ್ನತ ಶಿಕ್ಷಣ ಮಾತ್ರವಲ್ಲದೆ ಕೌಶಲ್ಯದ ಮಾರ್ಗವೂ ಸೇರಿದೆ. ಅಪ್ರೆಂಟಿಸ್‌ಶಿಪ್ ಕಾರ್ಯಕ್ರಮವನ್ನು ವಿಸ್ತರಿಸುವ ಸಂಬಂಧ ಉದ್ಯಮದ ಪ್ರತಿಕ್ರಿಯೆ ಏನು? ಯುವಕರಿಗೆ ಉದ್ಯೋಗದ ಖಚಿತತೆಯನ್ನು ಒದಗಿಸುವ ಕೌಶಲ್ಯವನ್ನು ನೀಡುವಲ್ಲಿ ಅವರು ಹೆಚ್ಚು ಆಳವಾದ ಪಾಲುದಾರರಾಗುತ್ತಿದ್ದಾರೆ. ಈ ಮೂಲಕ ನಮ್ಮ ಆರ್ಥಿಕತೆಯ ವಿವಿಧ ಕ್ಷೇತ್ರಗಳಿಗೆ ಮೌಲ್ಯಯುತ ಮತ್ತು ಪರಿಣಾಮಕಾರಿ ಮಾನವ ಬಂಡವಾಳವನ್ನು ಸೃಷ್ಟಿಸುತ್ತಾರೆ. ಅಪ್ರೆಂಟಿಸ್‌ಶಿಪ್ ಎನ್ನುವುದು ನಿಜವಾದ ಕೌಶಲ್ಯದ ಅತ್ಯಂತ ಪರಿಣಾಮಕಾರಿ ಮಾರ್ಗವಾಗಿದೆ ಮತ್ತು ಉದ್ಯೋಗಕ್ಕೆ ಕಾರಣವಾಗುತ್ತದೆ ಮತ್ತು ಎನ್‌ಎಟಿಎಸ್‌ (ನ್ಯಾಷನಲ್‌ ಅಪ್ರೆಂಟಿಸ್‌ಶಿಪ್ ಟ್ರೇಯಿನಿಂಗ್‌ ಸ್ಕೀಂ) ಮತ್ತು ಎನ್‌ಎಪಿ (ನ್ಯಾಷನಲ್‌ ಅಪ್ರೆಂಟಿಸ್‌ಶಿಪ್ ಪ್ರೊಮೋಷನ್‌ ಸ್ಕೀಮ್‌) ಎರಡನ್ನೂ ಪ್ರೋತ್ಸಾಹಿಸಲಾಗುತ್ತದೆ. ಕೆಲವು ಅಧ್ಯಯನಗಳು, ಸಂಭಾವ್ಯ ಉದ್ಯೋಗದಾತರು ಮತ್ತು ಉದ್ಯೋಗಾಕಾಂಕ್ಷಿಗಳ ಅಸ್ತಿತ್ವದಲ್ಲಿರುವ ಕೌಶಲ್ಯಗಳ ನಡುವಿನ ಮಾಹಿತಿಯ ಕೊರತೆಯು ಒಂದು ಅಡಚಣೆಯೆಂದು ಗುರುತಿಸಿವೆ. ಕೌಶಲ್ಯ ಯಾವಾಗಲೂ ಮಹತ್ವಾಕಾಂಕ್ಷೆಯಿರಬೇಕು ಎಂದು ಪಿಎಂ ಯಾವಾಗಲೂ ಹೇಳುತ್ತಿರುತ್ತಾರೆ. ಕೌಶಲ್ಯ ಮತ್ತು ಕೌಶಲ್ಯದ ಬೆಳವಣಿಗೆಯು ಕೇವಲ ಉದ್ಯೋಗಕ್ಕಾಗಿ ಮಾತ್ರವಲ್ಲದೆ, ಬೆಳವಣಿಗೆ ಮತ್ತು ಪ್ರಾಯಶಃ ಉದ್ಯಮಶೀಲತೆಯ ಅವಕಾಶವನ್ನೂ ಒದಗಿಸಬೇಕು. ಉದ್ಯೋಗದ ಬಗ್ಗೆ ಕೌಶಲ್ಯ ಭಾರತವನ್ನು ಮಾಡುವುದು ನಮ್ಮ ಪ್ರಮುಖ ಧ್ಯೇಯವಾಗಿದೆ. ತರಬೇತಿ ಪಡೆದ ಉದ್ಯೋಗಾಕಾಂಕ್ಷಿಗಳು ಮತ್ತು ಉದ್ಯಮಗಳ ನಡುವೆ ಮಧ್ಯಸ್ಥಿಕೆಯಾಗಿ ಡಿಜಿಟಲ್ ದೊಡ್ಡ ಪಾತ್ರವನ್ನು ವಹಿಸುತ್ತದೆ. ಭಾರತದಲ್ಲಿ ಮಹಿಳಾ ಉದ್ಯೋಗಿಗಳ ಭಾಗವಹಿಸುವಿಕೆ ಕಡಿಮೆ. ಮಹಿಳಾ ಉದ್ಯೋಗಾಕಾಂಕ್ಷಿಗಳ ಕೌಶಲ್ಯವು ಒಂದು ಅನನ್ಯ ಸವಾಲನ್ನು ಒದಗಿಸುತ್ತಿದೆಯೇ? ಹೌದು ಇದು ನಿಜ, ಆದರೆ ಕೆಲವು ಭಾಗಗಳಲ್ಲಿ ಮಾತ್ರ. ಅನೇಕ ದಶಕಗಳಿಂದ ಮಹಿಳೆಯರೇ ಇರದ ಕ್ಷೇತ್ರಗಳಲ್ಲಿಯೂ ಮಹಿಳೆಯರು ಉದ್ಯೋಗಗಳನ್ನು ಮತ್ತು ಜವಾಬ್ದಾರಿಗಳನ್ನು ಹೊಂದುತ್ತಿದ್ದಾರೆ. ಮಹಿಳೆಯರಿಗಾಗಿ ಸಾಧ್ಯವಿರುವ ಎಲ್ಲ ಅವಕಾಶಗಳನ್ನು ಸೃಷ್ಟಿಸುವುದು ಪ್ರಧಾನಿ ಮೋದಿ ಸರ್ಕಾರದ ಎಲ್ಲಾ ಸಚಿವಾಲಯಗಳ ಗುರಿಯಾಗಿದೆ. ಉದಾಹರಣೆಗೆ ಐಟಿ ಕೌಶಲ್ಯದಲ್ಲಿ ಉದ್ಯೋಗದಲ್ಲಿರುವವರಲ್ಲಿ 40%ಕ್ಕಿಂತ ಹೆಚ್ಚು ಮಹಿಳೆಯರು. ಪ್ಲಂಬಿಂಗ್‌ನಂತಹ ಸಾಂಪ್ರದಾಯಿಕ ಪುರುಷರೇ ಮುಂಚೂಣಿಯಲ್ಲಿರುವ ವಿಭಾಗಗಳಲ್ಲಿಯೂ ಸಹ, ಕೌಶಲ್ಯ ತರಬೇತಿ ಕೋರ್ಸ್‌ಗಳನ್ನು ಮಹಿಳೆಯರಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಮಹಿಳೆಯರಿಗೆಂದೇ ಇರುವ ಐಟಿಐಗಳನ್ನು ವಿಸ್ತರಿಸಲಾಗುತ್ತಿದೆ. ಈಶಾನ್ಯದ ಬಹುತೇಕ ಎಲ್ಲಾ ಎನ್‌ಐಇಎಲ್‌ಐಟಿ (ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸ್ಕಿಲ್ಲಿಂಗ್‌ ಕೇಂದ್ರಗಳು)ಗಳಲ್ಲಿ ಮಹಿಳಾ ಹಾಸ್ಟೆಲ್‌ಗಳನ್ನು ನಿರ್ಮಿಸಲಾಗುತ್ತಿದೆ. ನಾನು ಅನೇಕ ಸ್ಥಳಗಳಿಗೆ ಮತ್ತು ಅನೇಕ ತರಬೇತಿ ಕೇಂದ್ರಗಳಿಗೆ ಪ್ರಯಾಣಿಸಿದ್ದೇನೆ ಮತ್ತು ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದ್ದೇನೆ. ಅಲ್ಲಿ ನಾನು ಮಹಿಳಾ ವಿದ್ಯಾರ್ಥಿಗಳಲ್ಲಿ ಪುರುಷ ವಿದ್ಯಾರ್ಥಿಗಳಂತೆ ಹೊಸ ಅವಕಾಶಗಳಿಗೆ ಏರುವ ಅದೇ ಉತ್ಸಾಹವನ್ನು ನೋಡಿದ್ದೇನೆ. ಇತ್ತೀಚೆಗೆ ಜಮ್ಮು ಮತ್ತು ಕಾಶ್ಮೀರಕ್ಕೆ ಭೇಟಿ ನೀಡಿದಾಗ ಯುವ ಮಹಿಳಾ ವಿದ್ಯಾರ್ಥಿಗಳ ಗುಂಪು ನನ್ನ ಬಳಿಗೆ ಬಂದು, ಅದೇ ಹಳೆಯ ಕೋರ್ಸ್‌ಗಳಿಗಿಂತ ಹೆಚ್ಚಿನ ಕೋರ್ಸ್‌ಗಳನ್ನು ತಮ್ಮ ಪಾಲಿಟೆಕ್ನಿಕ್‌ನಲ್ಲಿ ಆರಂಭಿಸುವಂತೆ ನನಗೆ ಮನವಿ ಸಲ್ಲಿಸಿತು. ಡಿಜಿಟಲ್ ಕೌಶಲ್ಯವು ಈಗ ಸಾಮಾನ್ಯವಾಗಿದ್ದು, ಹೆಚ್ಚು ಹೆಚ್ಚು ಮಹಿಳೆಯರು ಈ ಕೌಶಲ್ಯ ಚಳುವಳಿಯಲ್ಲಿ ಭಾಗವಹಿಸಬೇಕು ಎಂದು ನಾನು ನಿರೀಕ್ಷಿಸುತ್ತೇನೆ. ತಾಂತ್ರಿಕ ಪ್ರಗತಿಯ ಪರಿಣಾಮ ಇಂದು ಮಧ್ಯವಯಸ್ಕರು ಕೂಡ ಕೆಲಸದಲ್ಲಿ ಉಳಿಯಲು ಹೆಚ್ಚಿನ ಕೌಶಲ್ಯವನ್ನು ಹೊಂದಬೇಕಾಗುತ್ತಿದೆ. ಇದಕ್ಕೆ ತಂತ್ರವೇನು? ಕೌಶಲ್ಯಕ್ಕೆ ನಮ್ಮ ವಿಧಾನವು ಕೇವಲ ಪ್ರವೇಶ ಮಟ್ಟದ ಕೌಶಲ್ಯವಲ್ಲ. ನೈಪುಣ್ಯತೆ ಮತ್ತು ಕಲಿಕೆಯನ್ನು ಜೀವಮಾನದ ಪ್ರಕ್ರಿಯೆಯಾಗಿ ಪ್ರಧಾನಮಂತ್ರಿಗಳು ನೋಡುತ್ತಾರೆ. ಪ್ರತಿಯೊಂದು ಹಂತದಲ್ಲೂ ಕೌಶಲ್ಯವು ವೇಗವನ್ನು ಹೆಚ್ಚಿಸುತ್ತದೆ ಮತ್ತು ನಿಮ್ಮ ವೃತ್ತಿ/ಉದ್ಯಮಶೀಲತೆಗೆ ಹೆಚ್ಚಿನ ಉತ್ತೇಜನ ನೀಡುತ್ತದೆ. ಸ್ಕಿಲ್ ಇಂಡಿಯಾ ಮತ್ತು ಪ್ರತಿ ಸೆಕ್ಟರ್ ಸ್ಕಿಲ್ ಕೌನ್ಸಿಲ್‌ಗಳಿಗೂ ತಮ್ಮನ್ನು ತಾವು ವರ್ಚುವಲ್ ಸ್ಕಿಲ್ ಯೂನಿವರ್ಸಿಟಿಗಳು ಎಂದು ಪರಿಗಣಿಸಲು ನಿರ್ದೇಶಿಸಲಾಗಿದೆ. ಇದು ಎಲ್ಲಾ ಪ್ರಶಿಕ್ಷಣಾರ್ಥಿಗಳ ಪ್ರಗತಿಯನ್ನು ಟ್ರ್ಯಾಕ್ ಮಾಡುತ್ತದೆ. ಇದನ್ನು ಸಾಧಿಸಲು ತಂತ್ರಜ್ಞಾನದ ಗಮನಾರ್ಹ ನಿಯೋಜನೆ ಮತ್ತು ಕೌಶಲ್ಯದ ಡಿಜಿಟಲ್ ಪ್ಲಾಟ್‌ಫಾರ್ಮೈಸೇಶನ್ ಅನ್ನು ನೀವು ನೋಡುತ್ತೀರಿ. ನಮ್ಮ ಧ್ಯೇಯ ಮತ್ತು ಗಮನವು, ತರಬೇತಿ ಪಡೆದವರ ಜೀವನ ಮತ್ತು ವೃತ್ತಿಯಲ್ಲಿ ನಿರಂತರ ಸುಧಾರಣೆಯಾಗಿದೆ. ಕೇವಲ ನುರಿತ ಮಾನವ ಬಂಡವಾಳವನ್ನು ಸೃಷ್ಟಿಸುವುದು ನಮ್ಮ ಗುರಿಯಲ್ಲ.