SBI ಗಾತ್ರದ ಕನಿಷ್ಠ 4-5 ಬ್ಯಾಂಕುಗಳು ದೇಶಕ್ಕೆ ಬೇಕು: ನಿರ್ಮಲಾ ಸೀತಾರಾಮನ್

ಮುಂಬಯಿ: ಮುಖ್ಯವಾಗಿ ಹೆಚ್ಚುತ್ತಿರುವ ಸೇರಿದಂತೆ ವೇಗವಾಗಿ ಪರಿವರ್ತನೆ ಹೊಂದುತ್ತಿರುವ ಆರ್ಥಿಕತೆಯ ಅಗತ್ಯಗಳನ್ನು ತಲುಪಲು ದೇಶಕ್ಕೆ ಭಾರತೀಯ ಸ್ಟೇಟ್ () ಗಾತ್ರದ ಕನಿಷ್ಠ ನಾಲ್ಕರಿಂದ ಐದು ಬ್ಯಾಂಕ್‌ಗಳು ಅಗತ್ಯವಾಗಿವೆ ಎಂದು ಹಣಕಾಸು ಸಚಿವೆ ಹೇಳಿದ್ದಾರೆ. ಭಾರತೀಯ ಬ್ಯಾಂಕ್ ಸಂಸ್ಥೆಯ 74ನೇ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಭಾನುವಾರ ಮಾತನಾಡಿದ ನಿರ್ಮಲಾ ಸೀತಾರಾಮನ್, ಕೊರೊನಾ ವೈರಸ್ ನಂತರದ ಜಗತ್ತಿನಲ್ಲಿ, ಭಾರತದ ಬ್ಯಾಂಕುಗಳು ಇತರೆ ಅನೇಕ ದೇಶಗಳಿಗಿಂತಲೂ ಬೇಗನೆ ಡಿಜಿಟಲೀಕರಿಸಿದ ವ್ಯವಸ್ಥೆಯನ್ನು ಅಳವಡಿಸಿಕೊಂಡಿವೆ. ಆದರೂ ಪ್ರಸ್ತುತದ ಹಾಗೂ ಭವಿಷ್ಯದ ಅಗತ್ಯಗಳನ್ನು ಪೂರೈಸಲು ಎಸ್‌ಬಿಐ ಗಾತ್ರದ ಕನಿಷ್ಠ ನಾಲ್ಕು ಬ್ಯಾಂಕುಗಳು ಅವಶ್ಯವಾಗಿವೆ. ಮತ್ತು ಉದ್ಯಮದ ಬದಲಾಗುತ್ತಿರುವ ವಾಸ್ತವಗಳ ಹಿನ್ನೆಲೆಯಲ್ಲಿ ಬದಲಾಗುವ ಅಗತ್ಯಗಳನ್ನು ತಲುಪಲು ಬ್ಯಾಂಕಿಂಗ್ ಅನ್ನು ಚುರುಕುಗೊಳಿಸಬೇಕಿದೆ ಎಂದು ತಿಳಿಸಿದ್ದಾರೆ. ಡಿಜಿಟಲ್ ಮೂಲಸೌಕರ್ಯಕ್ಕೆ ಹೃದಯಪೂರ್ವಕವಾಗಿ ಒಗ್ಗಿಕೊಳ್ಳುವುದು ಮುಖ್ಯವಾಗಿದೆ ಎಂದು ಒತ್ತಿಹೇಳಿದ ಅವರು, ಭಾರತೀಯ ಬ್ಯಾಂಕುಗಳಿಗೆ ಹೊಸ ತಂತ್ರಜ್ಞಾನಗಳು ಬೇಕಿವೆ ಮತ್ತು ಅವುಗಳ ಬಾಹ್ಯ ಚೌಕಟ್ಟು ಭಾರತಕ್ಕಾಗಿಯೇ ಬಹಳ ವಿಶಿಷ್ಟವಾಗಿರಬೇಕು ಎಂದಿದ್ದಾರೆ. ಒತ್ತಡದಾಯಕ ಆರ್ಥಿಕ ಚಟುವಟಿಕೆಗಳನ್ನು ಕಾಣುತ್ತಿದ್ದರೂ, ಕೆಲವು ಗ್ರಾಮೀಣ ಪ್ರದೇಶಗಳು ಬ್ಯಾಂಕಿಂಗ್ ಸವಲತ್ತುಗಳ ಕೊರತೆ ಎದುರಿಸುತ್ತಿವೆ. ಅಂತಹ ಪ್ರದೇಶಗಳಲ್ಲಿ ಬ್ಯಾಂಕುಗಳ ಭೌತಿಕ ಅಸ್ತಿತ್ವವನ್ನು ಖಾತರಿಪಡಿಸುವುದು ಮಾತ್ರವಲ್ಲ, ಎಲ್ಲಿ ಬ್ಯಾಂಕ್ ಶಾಖೆಗಳ ಕಟ್ಟಡಗಳಿಲ್ಲವೋ, ಅಲ್ಲಿ ಡಿಜಿಟಲೀಕರಿಸಿದ ಚೌಕಟ್ಟಿನ ಮೂಲಕ ಹಣಕಾಸು ವ್ಯವಹಾರಗಳು ನಡೆಯುವಂತೆ ನೋಡಿಕೊಳ್ಳಲು ಪ್ರಯತ್ನಗಳು ನಡೆಯಬೇಕಿವೆ ಎಂದು ಹೇಳಿದ್ದಾರೆ. 'ಅಂತಹ ಪ್ರದೇಶಗಳ ಡಿಜಿಟಲ್ ಮ್ಯಾಪಿಂಗ್ ಮೂಲಕ ಬ್ಯಾಂಕುಗಳು ಎಲ್ಲಿ ತಮ್ಮ ಭೌತಿಕ ಹಾಜರಾತಿ ಅಗತ್ಯವಿದೆ ಮತ್ತು ಎಲ್ಲಿ ಗ್ರಾಹಕರಿಗೆ ಡಿಜಿಟಲ್ ವ್ಯವಸ್ಥೆ ಮೂಲಕ ಸೇವೆ ಸಲ್ಲಿಸಬಹುದು ಎಂಬುದನ್ನು ಕಂಡುಕೊಳ್ಳಬೇಕು' ಎಂದು ಸಲಹೆ ನೀಡಿದ್ದಾರೆ. ದೇಶದ ಮೂರನೇ ಎರಡರಷ್ಟು ಪಂಚಾಯತ್‌ಗಳು ಆಪ್ಟಿಕ್ ಫೈಬರ್ ನೆಟ್‌ವರ್ಕ್ ಮೂಲಕ ಸಂಪರ್ಕ ಹೊಂದಿವೆ. ಬ್ಯಾಂಕುಗಳು ಅವುಗಳನ್ನು ಬಳಸಿಕೊಳ್ಳಬೇಕು ಮತ್ತು ತಮ್ಮ ಹಣಕಾಸು ವ್ಯವಹಾರಗಳು ಡಿಜಿಟಲೀಕರಣ ಮೂಲಕ ನಡೆಯುವಂತೆ ನೋಡಿಕೊಳ್ಳಬೇಕು ಎಂದಿದ್ದಾರೆ.