ಕೇವಲ ಶಾಸ್ತ್ರಕ್ಕಾಗಿ ಕನ್ನಡ ರಾಜ್ಯೋತ್ಸವ ಆಚರಿಸಬಾರದು; ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅರುಣ್ ಕುಮಾರ್
ಉತ್ತರ ಭಾರತ ಮತ್ತು ದಕ್ಷಿಣ ಭಾರತ ಎಂಬ ಬೇರೆ ಬೇರೆ ಡಿಎನ್‍ಎ ಇಲ್ಲ ಎಂದರು. ಸ್ವದೇಶಿ ವಸ್ತುಗಳ ಬಳಕೆ ನಮ್ಮದಾಗಲಿ. ಚೀನಾದ ವಸ್ತುಗಳನ್ನು ದೂರ ಇಡೋಣ ಎಂದು ಅವರು ತಿಳಿಸಿದರು. ಮನೆಯಲ್ಲಿರುವ ಹೆತ್ತ ತಾಯಿಯನ್ನು ಬಿಟ್ಟು ವ್ಯಾನಿಟಿ ಬ್ಯಾಗ್ ಹಾಕಿಕೊಂಡು ಬಾಬ್‍ಕಟ್ ಮಾಡಿಸಿ ವಯ್ಯಾರದಿಂದ ನಡೆಯುವ ಹೆಂಗಸನ್ನು ನಾವು ಅಮ್ಮ ಎನ್ನಲು ಸಾಧ್ಯವೇ ಎಂದು ಅವರು ಪ್ರಶ್ನಿಸಿದರು. ಕನ್ನಡ ನಮ್ಮ ಅಸ್ಮಿತೆ ಆಗಬೇಕು. ಅದಕ್ಕಾಗಿ ನಾವು ಎಲ್ಲ ಪ್ರಯತ್ನ ಮಾಡಬೇಕು. ಇಂಗ್ಲಿಷ್ ಗುಲಾಮ ಆಗದಂತೆ ನಾವಿರಬೇಕು ಎಂದು ಅರುಣ್ ಕುಮಾರ್ ತಿಳಿಸಿದರು.
Admin
0
6
ಬೆಂಗಳೂರು: ಕನ್ನಡದ ಉಳಿವಿಗಾಗಿ ದೊಡ್ಡ ಚಳವಳಿಯೇ ಆಗಬೇಕಿದೆ. ಕನ್ನಡದ ಬರವಣಿಗೆ, ಮಾತು, ಮೊಬೈಲ್ ಸಂದೇಶದ ಮೂಲಕ ನಾವೆಲ್ಲರೂ ಆ ಚಳವಳಿಯ ಭಾಗವಾಗಬೇಕು ಎಂದು ರಾಜ್ಯ ಸಂಘಟನಾ ಪ್ರಧಾನ ಕಾರ್ಯದರ್ಶಿಗಳಾದ ಅಭಿಪ್ರಾಯ ಪಟ್ಟರು.
ಬಿಜೆಪಿ ರಾಜ್ಯ ಕಾರ್ಯಾಲಯ 'ಜಗನ್ನಾಥ ಭವನ'ದಲ್ಲಿ ಸೋಮವಾರ ನಡೆದ 66ನೇ ಕನ್ನಡ ರಾಜ್ಯೋತ್ಸವವನ್ನು ಆಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಕನ್ನಡದ ಶಬ್ದಗಳು ನಾಲಿಗೆ ಮೇಲೆ ಕುಣಿದಾಡಬೇಕು. ಇಂಜಿನಿಯರಿಂಗ್ ಕ್ಷೇತ್ರದಲ್ಲಿ ತಂತ್ರಜ್ಞಾನಕ್ಕೆ ಸಂಬಂಧಿಸಿ ಕನ್ನಡ ಶಬ್ದಗಳಿಲ್ಲ. ಕೇವಲ ಶಾಸ್ತ್ರಕ್ಕಾಗಿ ಆಚರಿಸಬಾರದು. ಕನ್ನಡಾಂಬೆ, ಭಾರತಾಂಬೆ ಕೇವಲ ಒಂದು ಭಾವಚಿತ್ರಕ್ಕೆ ಸೀಮಿತವಲ್ಲ. ಅದು ಜೀವಂತ ಅಸ್ತಿತ್ವ ಆಗಬೇಕು ಎಂದರು. ಹೆಚ್ಚಿನ ಕನ್ನಡ ಶಬ್ದಗಳ ಬಳಕೆ, ಕನ್ನಡದಲ್ಲಿ ಸಹಿ ಮಾಡುವುದು, ಮಕ್ಕಳಿಗೆ ಕನ್ನಡದ ಅಂಕಿ, ಅಕ್ಷರ, ಶಬ್ದಗಳನ್ನು ಕಲಿಸುವುದು, ಬಣ್ಣ, ಸಂಬಂಧಗಳನ್ನು ಎಳೆಯರಿಗೆ ತಿಳಿಸುವುದು ಅನಿವಾರ್ಯ. ಭಾಷೆ ಮರೆಯಾದರೆ ಅದನ್ನು ಮತ್ತೆ ತರುವುದು ಕಷ್ಟ. ಕಳಕೊಳ್ಳುವುದು ಸುಲಭ. ಇಂಗ್ಲಿಷ್ ನಮ್ಮನ್ನು ಮುಗಿಸುತ್ತಿದೆ ಎಂದರು.
ಕನ್ನಡವನ್ನು ಪ್ರೀತಿಸಿ ಬೆಳೆಸಬೇಕು. ಕನ್ನಡ ಪರಂಪರೆ, ಗ್ರಾಮೀಣ ರೀತಿ ನೀತಿಯನ್ನು ಉಳಿಸಬೇಕು. ನಮ್ಮ ಗಾಳಿ, ನೆಲ, ಸಾಹಿತ್ಯ, ಪರಂಪರೆಯನ್ನು ಬೆಳೆಸುವ ರೀತಿಯಲ್ಲಿ ನಾವು ಸಾಗಬೇಕು ಎಂದು ಆಶಿಸಿದರು. ಉತ್ತರ ಭಾರತ ಮತ್ತು ದಕ್ಷಿಣ ಭಾರತ ಎಂಬ ಬೇರೆ ಬೇರೆ ಡಿಎನ್‍ಎ ಇಲ್ಲ ಎಂದರು. ಸ್ವದೇಶಿ ವಸ್ತುಗಳ ಬಳಕೆ ನಮ್ಮದಾಗಲಿ. ಚೀನಾದ ವಸ್ತುಗಳನ್ನು ದೂರ ಇಡೋಣ ಎಂದು ಅವರು ತಿಳಿಸಿದರು. ಮನೆಯಲ್ಲಿರುವ ಹೆತ್ತ ತಾಯಿಯನ್ನು ಬಿಟ್ಟು ವ್ಯಾನಿಟಿ ಬ್ಯಾಗ್ ಹಾಕಿಕೊಂಡು ಬಾಬ್‍ಕಟ್ ಮಾಡಿಸಿ ವಯ್ಯಾರದಿಂದ ನಡೆಯುವ ಹೆಂಗಸನ್ನು ನಾವು ಅಮ್ಮ ಎನ್ನಲು ಸಾಧ್ಯವೇ ಎಂದು ಅವರು ಪ್ರಶ್ನಿಸಿದರು. ಕನ್ನಡ ನಮ್ಮ ಅಸ್ಮಿತೆ ಆಗಬೇಕು. ಅದಕ್ಕಾಗಿ ನಾವು ಎಲ್ಲ ಪ್ರಯತ್ನ ಮಾಡಬೇಕು. ಇಂಗ್ಲಿಷ್ ಗುಲಾಮ ಆಗದಂತೆ ನಾವಿರಬೇಕು ಎಂದು ತಿಳಿಸಿದರು.
ಎಳೆಯ ಮಕ್ಕಳಿಗೆ ಇಂಗ್ಲಿಷ್ ಕಲಿಸಿ ಅಕ್ಷರ ಅತ್ಯಾಚಾರ ಮಾಡಲಾಗುತ್ತಿದೆ ಎಂದು ಸಾಹಿತಿ ಎಸ್.ಎಲ್,ಭೈರಪ್ಪ ಅವರು ಹೇಳಿದ್ದಾರೆ ಎಂದರು. ಸ್ವಚ್ಛ ನೀರು, ಉತ್ತಮ ಪರಿಸರ, ಗ್ರಾಮಗಳ ಉದ್ಧಾರದ ಕನಸು ನನಸಾದರೆ, ಗ್ರಾಮೀಣ ಕೈಗಾರಿಕೆಗಳು ಬೆಳೆದರೆ ಮಾತ್ರ ಕನ್ನಡತನ ಮೆರೆಯಲು ಸಾಧ್ಯವಿದೆ ಎಂದು ತಿಳಿಸಿದರು. ಕನ್ನಡ ಬೆಳೆಯುವ ವಾತಾವರಣವನ್ನು ನಾವು ಬೆಳೆಸಬೇಕಿದೆ. ಕನ್ನಡದ ಉಳಿವಿನ ಕುರಿತು ಗಂಭೀರವಾಗಿ ಚಿಂತಿಸಬೇಕಾಗಿದೆ. ಅಡುಗೆ ಕೊಠಡಿಯಲ್ಲಿ ಉಪ್ಪು, ಸಕ್ಕರೆ, ಅನ್ನದಂಥ ಪದಗಳಿಗೆ ಸಾಲ್ಟ್, ರೈಸ್ ಮತ್ತಿತರ ಪದ ಬಳಸಿ ಕನ್ನಡದ ಶಬ್ದಗಳನ್ನು ನಾವು ಕೊಲ್ಲುತ್ತಿದ್ದೇವೆ ಎಂದು ಕಳವಳ ವ್ಯಕ್ತಪಡಿಸಿದರು.
ನಮಗೆ ಗೊತ್ತಿಲ್ಲದೆ ಕನ್ನಡ ಮಾತೆಯನ್ನು ತಿವಿಯುವ ಮತ್ತು ಆಕೆಗೆ ಹಾನಿ ಮಾಡುವ ಕೆಲಸ ಮಾಡುತ್ತಿದ್ದೇವೆ. ಮೊಬೈಲ್ ಸಂಖ್ಯೆ ಕೇಳಿದರೆ ಅದನ್ನು ಇಂಗ್ಲಿಷ್‍ನಲ್ಲೇ ತಿಳಿಸುತ್ತೇವೆ. ಹೀಗಾದರೆ ಕನ್ನಡ ಉದ್ಧಾರ ಆಗುವುದು ಹೇಗೆ ಎಂದು ಪ್ರಶ್ನಿಸಿದರು. ನಾವಾದರೆ ಕನ್ನಡ ಮಾಧ್ಯಮ ಶಾಲೆಗಳಲ್ಲಿ ಓದಿದ್ದೇವೆ. ಕನ್ನಡದ ಮಗ್ಗಿ, ಅಂಕಿಗಳೂ ನಮಗೆ ಗೊತ್ತಿವೆ. ಆದರೆ ಯುವಜನತೆ ನಮ್ಮ ಭಾಷೆ ಮರೆಯುತ್ತಿದೆ. ಮಾತೃಭಾಷಾಭಿಮಾನ ಅನಿವಾರ್ಯ ಎಂದು ಅವರು ತಿಳಿಸಿದರು. ಇಂದಿನ ಯುವಜನತೆಗೆ ಕನ್ನಡದ ಸಂಬಂಧಗಳು ಮರೆತುಹೋಗಿವೆ. ಕನ್ನಡದ ಶಬ್ದ, ಅಂಕಿಗಳೂ ಮರೆಯಾಗಿವೆ. ಅಕ್ಕ, ತಂಗಿ, ಅಣ್ಣ, ತಂಗಿ, ಚಿಕ್ಕಮ್ಮ, ಅತ್ತೆಯಂಥ ಶಬ್ದಗಳೂ ಮರೆಯಾಗುತ್ತಿವೆ. ಕನ್ನಡದಲ್ಲಿ ಶಬ್ದಗಳ ಬರಗಾಲವಿಲ್ಲ. ಆದರೆ, ಅವುಗಳ ಬಳಕೆ ಇಲ್ಲವಾಗುತ್ತಿದೆ ಎಂದು ಬೇಸರ ವ್ಯಕ್ತಪಡಿಸಿದರು.
ಭೂಮಿ, ನೀರು ಭುವನೇಶ್ವರಿಯ ಭಾಗ. ಭೂಮಿಗೆ ರಾಸಾಯನಿಕ ಹಾಕಿ ಕೊಲೆ ಮಾಡುತ್ತಿದ್ದೇವೆ. ಅಂತರ್ಜಲಕ್ಕೆ ಹಾನಿ ಮಾಡುತ್ತಿದ್ದೇವೆ. ಇನ್ನೊಂದೆಡೆ ಭುವನೇಶ್ವರಿಗೆ ಜೈ ಎನ್ನುತ್ತೇವೆ. ಜೈಕಾರಕ್ಕೂ ನಾವು ಮಾಡುವ ಕೆಲಸಕ್ಕೂ ತಾಳೆ ಆಗುತ್ತಿಲ್ಲ. ನಾಡು ಎಂದರೆ ಜನರು, ಕಾಡು, ಪರಿಸರ, ಪಶು ಪಕ್ಷಿ ಎಲ್ಲವನ್ನೂ ಒಳಗೊಂಡ ಪ್ರದೇಶ ಎಂದು ವಿವರಿಸಿದರು. ಹಿಂದಿ, ಸಂಸ್ಕೃತದ ಬಗ್ಗೆ ಸಿಟ್ಟು ಬರುತ್ತದೆ. ಹೇರಿಕೆ ಎಂಬ ಭಾವ ಮೂಡುತ್ತದೆ. ವಿದೇಶದ, ಇಂಗ್ಲೆಂಡ್‍ನ ಭಾಷೆ ನಮಗೆ ಇಷ್ಟವಾಗುತ್ತದೆ. ಅದನ್ನು ಮೆರೆಸಿ ಗುಲಾಮತನ ಮಾನಸಿಕತೆಯನ್ನು ನಮ್ಮದಾಗಿಸಿಕೊಳ್ಳುತ್ತಿದ್ದೇವೆ. ಕನ್ನಡ ಹಗುರವಾಗಿ ಕಾಣುತ್ತದೆ. ಒಡೆದು ಆಳುವ ನೀತಿಯನ್ನು ನಾವು ಇಂದಿಗೂ ಪಾಲಿಸುತ್ತಿದ್ದೇವೆ ಎಂದು ತಿಳಿಸಿದರು. ಬಳಿಕ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಕಾರ್ಯಾಲಯದ ಸಿಬ್ಬಂದಿಗಳು ಕನ್ನಡ ಹಾಡುಗಳನ್ನು ಹಾಡಿದರು.
