ಕರ್ಣಾಟಕ ಬ್ಯಾಂಕ್‌ ನಿಂದ ಕೆಬಿಎಲ್‌ ಫಾಸ್ಟ್ಯಾಗ್‌ ಲೋಕಾರ್ಪಣೆ
ಕರ್ಣಾಟಕ ಬ್ಯಾಂಕ್‌ ಇಂದು ಕೆಬಿಎಲ್‌ ಫಾಸ್ಟ್ಯಾಗ್‌ ಸೇವೆಯನ್ನು ನ್ಯಾಶನಲ್‌ ಪೇಮೆಂಟ್‌ ಕಾರ್ಪೊರೇಶನ್‌ ಆಫ್‌ ಇಂಡಿಯಾ ಹಾಗೂ ವರ್ಲ್ಡ್ ಲೈನ್‌ ಸಂಸ್ಥೆಯ ಸಹಯೋಗದೊಂದಿಗೆ ಲೋಕಾರ್ಪಣೆ ಮಾಡಿತು.
Admin
0
5
ಮಂಗಳೂರು: ಕರ್ಣಾಟಕ ಬ್ಯಾಂಕ್‌ ಇಂದು ಕೆಬಿಎಲ್‌ ಸೇವೆಯನ್ನು ನ್ಯಾಶನಲ್‌ ಪೇಮೆಂಟ್‌ ಕಾರ್ಪೊರೇಶನ್‌ ಆಫ್‌ ಇಂಡಿಯಾ ಹಾಗೂ ವರ್ಲ್ಡ್ ಲೈನ್‌ ಸಂಸ್ಥೆಯ ಸಹಯೋಗದೊಂದಿಗೆ ಲೋಕಾರ್ಪಣೆ ಮಾಡಿತು.
ಕೆಬಿಎಲ್‌-ಫಾಸ್ಟ್ಯಾಗ್‌ ಅನಾವರಣಗೊಳಿಸಿದ ಕರ್ಣಾಟಕ ಬ್ಯಾಂಕಿನ ಮ್ಯಾನೇಜಿಂಗ್‌ ಡೈರೆಕ್ಟರ್‌ ಹಾಗೂ ಸಿಇಒ ಮಹಾಬಲೇಶ್ವರ ಎಂ.ಎಸ್‌ ಅವರು, ' ಸೌಲಭ್ಯವು ಗ್ರಾಹಕರಿಗೆ ಟೋಲ್‌ ಪ್ಲಾಜಾಗಳಲ್ಲಿ ಅನುಕೂಲವನ್ನು ಮಾಡಿಕೊಡಲಿದೆ. ಟೋಲ್‌ಗಳಲ್ಲಿ ನಗದು ಪಾವತಿಗೆ ನಿಲ್ಲುವ ಕಷ್ಟವನ್ನು ನಿವಾರಿಸುವುದಲ್ಲದೆ ಸಮಯ ಹಾಗೂ ಇಂಧನದ ಹಣವನ್ನು ಉಳಿಸಲು ಕೂಡಾ ಸಹಕಾರಿಯಾಗಿದೆ'' ಎಂದರು.
''ಕೆಬಿಎಲ್‌ ಫಾಸ್ಟ್ಯಾಗನ್ನು ಆನ್‌ಲೈನ್‌ ನಲ್ಲಿ ಬ್ಯಾಂಕಿನ ವೆಬ್‌ಸೈಟ್‌ ಮೂಲಕ ಅಥವಾ ತಮ್ಮ ಸಮೀಪದ ಶಾಖೆಗಳಿಗೆ ಭೇಟಿ ನೀಡಿ ಪಡೆದುಕೊಳ್ಳಬಹುದು. ಹಣವನ್ನು ಸುಲಭವಾಗಿ ಕ್ರೆಡಿಟ್‌ ಕಾರ್ಡ್‌, ಡೆಬಿಟ್‌ ಕಾರ್ಡ್‌,ಇಂಟರ್ನೆಟ್‌ ಬ್ಯಾಂಕಿಂಗ್‌, ಐಎಂಪಿಎಸ್‌ ಮೂಲಕ ರೀಚಾರ್ಜ್‌ ಮಾಡಿಸಿಕೊಳ್ಳಬಹುದು.
ದೇಶದಾದ್ಯಂತ ಯಾವುದೇ ಟೋಲ್‌ ಪ್ಲಾಜಾಗಳಲ್ಲಿ ಬಳಸಬಹುದು ಹಾಗೂ ಮುಂಬರುವ ದಿನಗಳಲ್ಲಿ ಪಾರ್ಕಿಂಗ್‌ ಹಾಗೂ ಪೆಟ್ರೋಲ್‌ ಬಂಕ್‌ಗಳಲ್ಲಿಯೂ ಇದರ ಉಪಯೋಗವನ್ನು ವಿಸ್ತರಿಸಲು ಅವಕಾಶವಿದೆ. ಈ ಉಪಕ್ರಮವು ನಮ್ಮ ಗ್ರಾಹಕರ ಆಶೋತ್ತರಗಳಿಗೆ ಪೂರಕವಾಗಿ ಸ್ಪಂದಿಸಲಿದೆ'' ಎಂದು ನುಡಿದರು.
