ಬ್ಯಾಂಕ್ ಉದ್ಯೋಗಿಗಳ ಪಿಂಚಣಿ ಮೊತ್ತ ₹35,000ಕ್ಕೆ ಹೆಚ್ಚಳ!
ಕೇಂದ್ರ ಸರ್ಕಾರವು ಬುಧವಾರ ಬ್ಯಾಂಕ್ ಉದ್ಯೋಗಿಗಳಿಗೆ ಪಿಂಚಣಿಯನ್ನು ಹೆಚ್ಚಿಸಿರುವುದಾಗಿ ಹಣಕಾಸು ಸೇವೆಗಳ ಇಲಾಖೆಯ ಕಾರ್ಯದರ್ಶಿ ದೇಬಶಿಶ್ ಪಾಂಡಾ ಹೇಳಿದರು. ಬ್ಯಾಂಕ್ ನೌಕರರ ಪಿಂಚಣಿಯನ್ನು ವೇತನದ ಶೇ.30ಕ್ಕೆ ಹೆಚ್ಚಳ ಮಾಡಲಾಗಿದೆ.
Admin
0
6
ಹೊಸದಿಲ್ಲಿ: ಕೇಂದ್ರ ಸರ್ಕಾರವು ಬುಧವಾರ ಬ್ಯಾಂಕ್ ಉದ್ಯೋಗಿಗಳಿಗೆ ಪಿಂಚಣಿಯನ್ನು ಹೆಚ್ಚಿಸಿರುವುದಾಗಿ ಹಣಕಾಸು ಸೇವೆಗಳ ಇಲಾಖೆಯ ಕಾರ್ಯದರ್ಶಿ ದೇಬಶಿಶ್ ಪಾಂಡಾ ಹೇಳಿದರು.
ಉದ್ಯೋಗಳು ನಿವೃತ್ತಿ ಹೊಂದಿದ ಸಮಯದಲ್ಲಿ ಪಡೆದ ವೇತನದ ಶೇ. 30ರಷ್ಟು ಏಕರೂಪದ ಸ್ಲ್ಯಾಬ್‌ಗೆ ಹೆಚ್ಚಿಸಿದೆ. ಇದರಿಂದ ಬ್ಯಾಂಕ್ ಉದ್ಯೋಗಿಗಳಿಗೆ 30,000- 35,000 ರೂ.ಗೆ ಏರಿಕೆಯಾಗಬಹುದು ಎಂದು ಹೇಳಿದರು.
ಪಿಂಚಣಿ ಕಾರ್ಪಸ್‌ನಲ್ಲಿ ಉದ್ಯೋಗದಾತರ ಕೊಡುಗೆಯನ್ನು ಈಗಿರುವ ಶೇ.10 ರಿಂದ ಶೇ. 14ಕ್ಕೆ ಹೆಚ್ಚಿಸುವಂತೆ ಕೇಂದ್ರ ಸರ್ಕಾರ ಬ್ಯಾಂಕುಗಳನ್ನು ಕೇಳಿದೆ ಎಂದು ಪಾಂಡಾ ಹೇಳಿದರು. ಈ ಹಿಂದೆ ಮೇಲಿನ ಕ್ಯಾಪ್‌ ಅನ್ನು 9,284 ರೂ.ಗಳಿಗೆ ನಿಗದಿಪಡಿಸಲಾಗಿತ್ತು.
ಕೇಂದ್ರದ ಸುಧಾರಣಾ ಕಾರ್ಯಸೂಚಿಯಂತೆ ಸಾರ್ವಜನಿಕ ಬ್ಯಾಂಕುಗಳು ಸ್ವಚ್ಛ ಮತ್ತು ಚುರುಕಾದ ಬ್ಯಾಂಕಿಂಗ್ ವ್ಯವಸ್ಥೆ ಸಾಂಸ್ಥೀಕರಿಸುವ ಗುರಿ ಹೊಂದಿವೆ. ಇದಕ್ಕಾಗಿ ಕೇಂದ್ರ ಸರಕಾರ ಈಸ್‌ 4.0 ಪಾಲಿಸಿ (EASE 4.0 policy)ಆರಂಭಿಸಿದೆ.
ವಿತ್ತ ಸಚಿವೆ ಅವರು ಬುಧವಾರ ಸಾರ್ವಜನಿಕ ಬ್ಯಾಂಕುಗಳ ಮುಖ್ಯಸ್ಥರನ್ನು ಭೇಟಿ ಮಾಡಿ ಸಾಲದಾತರ ಆರ್ಥಿಕ ಕಾರ್ಯಕ್ಷಮತೆ ಹಾಗೂ ಆರ್ಥಿಕತೆಯನ್ನು ಬೆಂಬಲಿಸಲು ಬ್ಯಾಂಕುಗಳು ಮಾಡಿದ ಪ್ರಗತಿಯನ್ನು ಪರಿಶೀಲಿಸಿದರು.
ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಸಭೆಯ ಮುಖ್ಯಾಂಶಗಳು
ಬ್ಯಾಂಕ್ ನೌಕರರ ಪಿಂಚಣಿಯನ್ನು, ಅವರು ಕೊನೆಯ ಬಾರಿ ಪಡೆದ ವೇತನದ ಶೇ.30ಕ್ಕೆ ಹೆಚ್ಚಿಸಲಾಗಿದೆ
ಪಿಂಚಣಿ ಕಾರ್ಪಸ್‌ಗೆ ನೌಕರರು ಶೇ. 14ರಷ್ಟು ಕೊಡುಗೆ ನೀಡಬೇಕು
ಈಶಾನ್ಯ ಭಾರತ, ಬಂಗಾಳ ಮತ್ತು ಒಡಿಶಾಗೆ ನಿರ್ದಿಷ್ಟ ಯೋಜನೆ ಮಾಡುವಂತೆ ಬ್ಯಾಂಕುಗಳು ಕೇಳಿಕೊಂಡಿವೆ
ಹಣದುಬ್ಬರುವು ಶೇ.4 ರಿಂದ 6ಕ್ಕೆ ಸ್ಥಿರವಾಗಿರುವುದಾಗಿ ಸರಕಾರ ಅಂದಾಜಿಸಿದೆ
