ಒಂದೇ ಗೂಡಿನಲ್ಲಿ 2 ಜೇನು ಸಂಸಾರ; ವಿನೂತನ ಪದ್ದತಿಯಿಂದ ಪಡೆಯಿರಿ ಹೆಚ್ಚು ಆದಾಯ!
ಜೇನುನೊಣಗಳ ಸಂತಾನೋತ್ಪತಿ ಹೆಚ್ಚಿಸಿ ಜೇನು ಉತ್ಪಾದನೆ ಹೆಚ್ಚಿಸುವ ನಿಟ್ಟಿನಲ್ಲಿ ಅಖಿಲ ಭಾರತ ಸುಸಂಘಟಿತ ಜೇನು ನೊಣ ಮತ್ತು ಪರಾಗಸ್ಪರ್ಶಿ ಪ್ರಯೋಜನ ವತಿಯಿಂದ 2011ರಲ್ಲಿ ಮೊದಲ ಬಾರಿಗೆ ಜೋಡಿ ರಾಣಿ ಪೆಟ್ಟಿಗೆ ವಿನ್ಯಾಸ ಮಾಡಲಾಯಿತು. 2014ರಿಂದ 2021ರವರೆಗೆ ಅನೇಕ ಪ್ರಯೋಗಗಳ ಮೂಲಕ ಐಎಸ್ ಐ-ಎಗಿಂಗ ಜೋಡಿ ರಾಣಿ ಪೆಟ್ಟಿಗೆ ಹೆಚ್ಚಿನ ಜೇನು ಉತ್ಪಾದನೆ ಮಾಡುವುದು ಕಂಡು ಬಂದಿದೆ.
Admin
0
6
ಆದರ್ಶ ಕೋಡಿ ದೊಡ್ಡಬಳ್ಳಾಪುರ
ಸಾಮಾನ್ಯವಾಗಿ ಒಂದು ಜೇನುಗೂಡಿಗೆ ಒಬ್ಬಳೇ ರಾಣಿ! ಇದೀಗ ಒಂದು ಪೆಟ್ಟಿಗೆಯಲ್ಲಿ ಎರಡು ರಾಣಿಯರನ್ನು ಕೂಡಿ ಹಾಕಿ, ಎರಡು ಕುಟುಂಬಗಳ ಮೂಲಕ ಹೆಚ್ಚು ಇಳುವರಿ ಪಡೆಯುವ ಹೊಸ ತಂತ್ರವೊಂದನ್ನು ರೂಪಿಸಲಾಗಿದೆ.
ಬೆಂಗಳೂರಿನ ಕೃಷಿ ವಿಶ್ವವಿದ್ಯಾಲಯ, ಭಾರತ ಸುಸಂಘಟಿತ ಜೇನುಹುಳು ಮತ್ತು ಪರಾಗಸ್ಪರ್ಶಿ ಪ್ರಯೋಜನ ವತಿಯಿಂದ ತುಡುವೆ ಕುಟುಂಬದಲ್ಲಿ ಜೋಡಿ ರಾಣಿ ಪದ್ಧತಿಯನ್ನು ಈ ಬಾರಿಯ ಕೃಷಿಮೇಳದಲ್ಲಿ ನೂತನವಾಗಿ ಪರಿಚಯಿಸಿದೆ. ಬಿಎಸ್‌ಬಿಎ ಪೆಟ್ಟಿಗೆಗಿಂತ ಜೋಡಿರಾಣಿ ಪೆಟ್ಟಿಗೆಯಲ್ಲಿ ಜೇನುತುಪ್ಪ ಇಳುವರಿ ಹೆಚ್ಚಲಿದೆ.
ಎರಡು ತುಡುವೆ ಜೇನು ಕುಟುಂಬಗಳು ಒಂದೇ ಪೆಟ್ಟಿಗೆಯಲ್ಲಿಇರುವುದರಿಂದ ಒಂದೇ ಗೂಡಿನಲ್ಲಿ ಇಬ್ಬರು ರಾಣಿಯರು ಇರುತ್ತಾರೆ. ಅವುಗಳ ಮೊಟ್ಟೆ ಪ್ರಮಾಣ ಹೆಚ್ಚುತ್ತದೆ. ಇದರಿಂದ ಜೇನು ಹುಳುಗಳ ಸಂಖ್ಯೆ ವೃದ್ಧಿಯಾಗಿ ಜೇನು ಉತ್ಪಾದನೆ ಹೆಚ್ಚಲಿದೆ.
ಜೋಡಿ ರಾಣಿಪದ್ಧತಿಯ ಹಿನ್ನೆಲೆ ಏನು? ಜೇನುಹುಳುಗಳಲ್ಲಿ 3 ರೀತಿಯ ನೊಣಗಳಿವೆ. ರಾಣಿ, ಗಂಡು, ಕೆಲಸಗಾರ ಹುಳುಗಳೆಂದು ವಿಂಗಡಿಸಲಾಗುತ್ತದೆ. ರಾಣಿ ಹುಳುಗಳು ಮಾತ್ರ ಸಂತಾನೋತ್ಪತ್ತಿ ಮಾಡುತ್ತವೆ. ಆದರೆ ಸ್ವಾಭಾವಿಕವಾಗಿ ಒಂದು ಜೇನು ಕುಟುಂಬದಲ್ಲಿ ಒಂದು ರಾಣಿ ಜೇನು ಮಾತ್ರ ಕಾಣುತ್ತದೆ. ಎರಡನೆಯದರ ಪ್ರವೇಶವಾದರೆ ದೊಡ್ಡ ಸಂಘರ್ಷ ನಡೆದು ಸಾಯಿಸುವವರೆಗೂ ಬಿಡುವುದಿಲ್ಲ. ಈ ಮೂಲಕ ಸಂಸಾರವೇ ನಾಶವಾಗುವ ಅಪಾಯವಿದೆ.
ಗೂಡಿನ ವಿನ್ಯಾಸ ಹೇಗೆ?
ಹಾಗಿದ್ದರೆ ಒಂದೇ ಗೂಡಿನಲ್ಲಿ ಇಬ್ಬರು ರಾಣಿಯರು ಹೇಗೆ ಎನ್ನುವ ಪ್ರಶ್ನೆಗೆ ಉತ್ತರ ಇಲ್ಲಿದೆ. ಐಎಸ್‌ಐ-ಎ ಜೇನುಪೆಟ್ಟಿಗೆ ಮಾದರಿಯಲ್ಲಿ ಎರಡು ಸಂಸಾರ ಕೋಣೆಗಳುಳ್ಳ ಜೋಡಿ ರಾಣಿ ಪೆಟ್ಟಿಗೆ ವಿನ್ಯಾಸ ಮಾಡಲಾಗಿದೆ. ಹನ್ನೆರಡು ಚೌಕಟ್ಟುಗಳನ್ನು ಪೆಟ್ಟಿಗೆಯಲ್ಲಿ ಅಳವಡಿಸಿ ಕುಟುಂಬಗಳ ನಡುವೆ ರಾಣಿ ನಿರ್ಬಂಧಕ ಹಾಳೆಯಿಂದ ಪೆಟ್ಟಿಗೆಯಲ್ಲಿನ ಎರಡು ಕುಟುಂಬಗಳನ್ನು ಬೇರ್ಪಡಿಸಲಾಗುತ್ತದೆ. ಎರಡು ಕುಟುಂಬಗಳ ಪ್ರವೇಶದ್ವಾರ ವಿರುದ್ಧ ದಿಕ್ಕಿನಲ್ಲಿ ಇಡಲಾಗಿದ್ದು, ಜೇನುತುಪ್ಪ ಹಾಗೂ ಸಂಸಾರ ಕೋಣೆಯ ನಡುವೆ ರಾಣಿ ನಿರ್ಬಂಧಕ ಹಾಳೆಯನ್ನು ಇಡಲಾಗುತ್ತದೆ.
ಸಂಶೋಧನೆ ಬಳಿಕ ಹೊಸ ವಿನ್ಯಾಸ
ಜೇನುನೊಣಗಳ ಸಂತಾನೋತ್ಪತಿ ಹೆಚ್ಚಿಸಿ ಜೇನು ಉತ್ಪಾದನೆ ಹೆಚ್ಚಿಸುವ ನಿಟ್ಟಿನಲ್ಲಿ ಅಖಿಲ ಭಾರತ ಸುಸಂಘಟಿತ ಜೇನು ನೊಣ ಮತ್ತು ಪರಾಗಸ್ಪರ್ಶಿ ಪ್ರಯೋಜನ ವತಿಯಿಂದ 2011ರಲ್ಲಿ ಮೊದಲ ಬಾರಿಗೆ ಜೋಡಿ ರಾಣಿ ಪೆಟ್ಟಿಗೆ ವಿನ್ಯಾಸ ಮಾಡಲಾಯಿತು. 2014ರಿಂದ 2021ರವರೆಗೆ ಅನೇಕ ಪ್ರಯೋಗಗಳ ಮೂಲಕ ಐಎಸ್ ಐ-ಎಗಿಂಗ ಜೋಡಿ ರಾಣಿ ಪೆಟ್ಟಿಗೆ ಹೆಚ್ಚಿನ ಜೇನು ಉತ್ಪಾದನೆ ಮಾಡುವುದು ಕಂಡು ಬಂದಿದೆ. ಈ ಸಂಶೋಧನೆಯನ್ನು ಬೆಂಗಳೂರು, ಬೆಂಗಳೂರು ಗ್ರಾಮಾಂತರ, ರಾಮನಗರ, ಹಾಸನ, ಚಿಂತಾಮಣಿ, ಕೊಡಗು ಜಿಲ್ಲೆಗಳಲ್ಲಿ ಕೈಗೊಳ್ಳಲಾಗಿತ್ತು
