ಆಭರಣಗಳಿಗೆ ಎಚ್‌ಯುಐಡಿ ಕೈಬಿಡುವಂತೆ ಚಿನ್ನ-ಬೆಳ್ಳಿ ವರ್ತಕರ ಸಾಂಕೇತಿಕ ಪ್ರತಿಭಟನೆ!
ಹಾಲ್‌ಮಾರ್ಕ್ ಜತೆಗೆ ಯುನಿಕ್‌ ಐಡಿಯನ್ನೂ(ಎಚ್‌ಯುಐಡಿ) ಕಡ್ಡಾಯಗೊಳಿಸಿರುವ ನಿಯಮಾವಳಿಯನ್ನು ಕೈಬಿಡಬೇಕು ಎಂದು ಆಭರಣ ಮಾರಾಟಗಾರರು ಒತ್ತಾಯಿಸಿದ್ದಾರೆ. ಸೋಮವಾರ ರಾಜ್ಯಾದ್ಯಂತ ಅರ್ಧ ದಿನ ಮಳಿಗೆಗಳನ್ನು ಸ್ಥಗಿತಗೊಳಿಸಿ ಸಾಂಕೇತಿಕವಾಗಿ ಪ್ರತಿಭಟನೆ ನಡೆಸಿದರು.
Admin
0
6
ಬೆಂಗಳೂರು: ಹಾಲ್‌ಮಾರ್ಕ್ ಜತೆಗೆ ಯುನಿಕ್‌ ಐಡಿಯನ್ನೂ(ಎಚ್‌ಯುಐಡಿ) ಕಡ್ಡಾಯಗೊಳಿಸಿರುವ ನಿಯಮಾವಳಿಯನ್ನು ಕೈಬಿಡಬೇಕು ಎಂದು ಮಾರಾಟಗಾರರು ಒತ್ತಾಯಿಸಿದ್ದಾರೆ. ಸೋಮವಾರ ರಾಜ್ಯಾದ್ಯಂತ ಅರ್ಧ ದಿನ ಮಳಿಗೆಗಳನ್ನು ಸ್ಥಗಿತಗೊಳಿಸಿ ಸಾಂಕೇತಿಕವಾಗಿ ಪ್ರತಿಭಟನೆ ನಡೆಸಿದರು.
''ಕಳೆದ ಒಂದೂವರೆ ದಶಕದಿಂದಧಿಲೂ ಆಭರಣಗಳಿಗೆ ಹಾಲ್‌ಮಾರ್ಕ್ ಅಳವಡಿಸಿಕೊಂಡಿದ್ದೇವೆ. ಇದರ ಬಗ್ಗೆ ನಮಗೆ ಯಾವುದೇ ತಕರಾರು ಇಲ್ಲ. ಚಿನ್ನದ ಶುದ್ಧತೆ ಮತ್ತು ಗುಣಮಟ್ಟ ಖಾತ್ರಿಪಡಿಸಬೇಕಾದ ಬಿಐಎಸ್‌ ತೆರಿಗೆ ಇಲಾಖೆಯ ಕೆಲಸ ಮಾಡುತ್ತಿದೆ. ಎಚ್‌ಯುಐಡಿ ಮೂಲಕ ಆಭರಣ ಖರೀದಿಸುವ ಗ್ರಾಹಕರನ್ನು ಟ್ರ್ಯಾಕ್‌ ಮಾಡಬಹುದು. ಆ ಮೂಲಕ ವ್ಯಾಪಾರ ವಹಿವಾಟಿಗೆ ಧಕ್ಕೆ ತಂದು ಖಾಸಗಿತನಕ್ಕೆ ಅಡ್ಡಿ ತರುವ ಪ್ರಯತ್ನ ಇದಾಗಿದೆ,'' ಎಂದು ಅಸೋಸಿಯೇಷನ್‌ ಹೇಳಿದೆ.
ಕರ್ನಾಟಕ ರಾಜ್ಯ ಜ್ಯುಧಿವೆಧಿಲರಿ ಅಸೋಸಿಯೇಷನ್‌ ಅಧ್ಯಕ್ಷ ಡಾ. ಟಿ.ಎ. ಶರವಣ ನೇತೃತ್ವದಲ್ಲಿಬೆಂಗಳೂರಿನಲ್ಲಿಪ್ರತಿಭಟನೆ ನಡೆಯಿತು. ಆಭರಣ ಮಾರಾಟಗಾರರು ಸಾಂಕೇತಿಕವಾಗಿ ತಮ್ಮ ಅಂಗಡಿ ಮುಂಗಟ್ಟುಗಳನ್ನು ಬಂದ್‌ ಮಾಡಿ ಹೋರಾಟಕ್ಕೆ ಬೆಂಬಲ ಸೂಚಿಸಿದರು.
ಸುದ್ದಿಗೋಷ್ಠಿಯಲ್ಲಿಮಾತನಾಡಿದ ಡಾ. ಟಿ.ಎ. ಶರವಣ, ''ಆಭರಣ ಖರೀದಿದಾರರ ಜಾಡು ಪತ್ತೆ ಮಾಡುವ ತಂತ್ರಜ್ಞಾನದಿಂದ ಸಾಕಷ್ಟು ಸಮಸ್ಯೆಗಳು ಸೃಷ್ಟಿಯಾಗುತ್ತಿವೆ. ಗ್ರಾಹಕರು ಮತ್ತು ಆಭರಣ ಖರೀದಿದಾರರ ನಡುವಣ ಬಾಂಧವ್ಯಕ್ಕೆ ಧಕ್ಕೆಯಾಗುತ್ತಿದೆ. ಎಚ್‌ಯುಐಡಿ ಜಾರಿ ಮಾಡಿ ಪರೋಕ್ಷವಾಗಿ ಮಾನಸಿಕ ಒತ್ತಡ ಹೇರುವ ಜತೆಗೆ ಅಧಿಕಾರಿಗಳು ದುಡ್ಡು ಮಾಡಲು ಸರಕಾರವೇ ಅವಕಾಶ ಮಾಡಿಕೊಟ್ಟಂತಾಗಿದೆ,'' ಎಂದು ಕಳವಳ ವ್ಯಕ್ತಪಡಿಸಿದರು.
''ಆಭರಣಗಳಿಗೆ ಹಾಲ್‌ ಮಾರ್ಕ್ ಅಳವಡಿಸುವ ಸರಕಾರದ ತೀರ್ಮಾನಕ್ಕೆ ನಮ್ಮ ತಕರಾರಿಲ್ಲ. ಈಗಾಗಲೇ ಇದನ್ನು ಸ್ವಾಗತಿಸಿ ಅನುಷ್ಠಾನಕ್ಕೆ ತಂದಿದ್ದೇವೆ. ಆದರೆ ಕೆಲವೊಂದು ತುರ್ತು ಸಂದರ್ಭಗಳಲ್ಲಿಮದುವೆ ಮತ್ತಿತರ ಸಮಾರಂಭಗಳಿಗೆ ಮಾಂಗಲ್ಯ, ಬಳೆ, ಉಂಗುರ ಮತ್ತಿತರ ಆಭರಣಗಳನ್ನು ಖರೀದಿಸಲು ಗ್ರಾಹಕರಿಗೆ ತೊಂದರೆಯಾಗುತ್ತಿದೆ. ತಯಾರಿಸಿದ ನಂತರ ಹಾಲ್‌ಮಾರ್ಕ್ ಹಾಕಲು ವಿಳಂಬವಾಗುತ್ತಿದೆ. ಇದರಿಂದ ಗ್ರಾಹಕರ ವಿಶ್ವಾಸ ಉಳಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ,'' ಎಂದರು.
ಸುದ್ದಿಗೋಷ್ಠಿಯಲ್ಲಿ ಸಂಘದ ಪದಾಧಿಕಾರಿಗಳಾದ ರವಿಕುಮಾರ್‌, ಪ್ರಕಾಶ್‌, ನೇಮಿಚಂದ್‌, ಚೇತನ್‌ ಉಪಸ್ಥಿತರಿದ್ದರು.
ದೇವೇಗೌಡರ ನೇತೃತ್ವದಲ್ಲಿ ದಿಲ್ಲಿಗೆ ನಿಯೋಗ
''ಚಿನ್ನದ ಚೈನ್‌ಗೆ ಬೇರೆ, ಡಾಲರ್‌ಗೆ ಬೇರೆ ಹಾಲ್‌ಮಾರ್ಕ್ ಹಾಕಿಸುವಂತೆ ಒತ್ತಡ ಹೇರಲಾಗುತ್ತಿದೆ. ದುರಂತವೆಂದರೆ ಹಾಲ್‌ಮಾರ್ಕ್ ಕೇಂದ್ರಗಳಲ್ಲಿ ಸೂಕ್ತ ಮೂಲ ಸೌಕರ್ಯ ಇಲ್ಲ. ಸಿಬ್ಬಂದಿ ಸಂಖ್ಯೆ ಹೆಚ್ಚಿಲ್ಲ. ಇದರಿಂದ ಹಬ್ಬದ ಸಂದರ್ಭಗಳಲ್ಲಿ ಗ್ರಾಹಕರು ಹಾಗೂ ಮಾಲೀಕರಿಗೆ ಸಮಸ್ಯೆ ಎದುರಾಗುತ್ತಿದೆ. ಹೀಗಾಗಿ, ನಮ್ಮ ಸಂಘಟನೆಯಿಂದ ದಿಲ್ಲಿಗೆ ತೆರಳಿ ಮಾಜಿ ಪ್ರಧಾನಿ ಎಚ್‌.ಡಿ. ದೇವೇಗೌಡರ ನೇತೃತ್ವದಲ್ಲಿ ಕೇಂದ್ರ ಸರಕಾರಕ್ಕೆ ನಮ್ಮ ಸಮಸ್ಯೆಗಳ ಕುರಿತು ಮನವರಿಕೆ ಮಾಡಿಕೊಡಲಾಗುವುದು,'' ಎಂದು ಶರವಣ ತಿಳಿಸಿದರು.
ಎಚ್‌ಯುಐಡಿ ವಿರೋಧಿಸಿ ದೇಶದ ಎಲ್ಲಾ ಕಡೆಗಳಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಲು ನಿರ್ಧರಿಸಲಾಗಿದೆ. ಆಭರಣ ಕೈಗಾರಿಕೆಯಿಂದ ಕೇಂದ್ರ ಸರಕಾರಕ್ಕೆ ಹೆಚ್ಚಿನ ಆದಾಯ ದೊರೆಯುತ್ತಿದೆ. ಗ್ರಾಹಕರು ಮತ್ತು ಆಭರಣ ಮಾರಾಟಗಾರರ ವಿರುದ್ಧವಾಗಿರುವ ಈ ನಿಯಮವನ್ನು ಕೈಬಿಡದಿದ್ದರೆ ಮುಂಬರುವ ದಿನಗಳಲ್ಲಿ ಹೋರಾಟ ತೀವ್ರಗೊಳಿಸಲಾಗುವುದು.
- ಡಾ. ಟಿ.ಎ. ಶರವಣ, ಕರ್ನಾಟಕ ರಾಜ್ಯ ಜ್ಯುವೆಲರಿ ಅಸೋಸಿಯೇಷನ್‌ ಅಧ್ಯಕ್ಷ
ಏನಿದು ಸಮಸ್ಯೆ?
ಒಂದು ಲಾಟ್‌ನಿಂದ ಒಂದು ಆಭರಣ ಹೊರತೆಗೆದು ಉಜ್ಜಿ, ಕತ್ತರಿಸಿ, ಕರಗಿಸಿ ಲೋಹದ ಶುದ್ಧತೆಯನ್ನು ಮೊದಲು ಪರಿಶೀಲಿಸುತ್ತಿದ್ದರು. ಇದೀಗ ಹೊಸ ನಿಯಮಗಳ ಪ್ರಕಾರ, ಪ್ರತಿ ಆಭರಣಗಳಿಗೂ ಹಾಲ್‌ ಮಾರ್ಕಿಂಗ್‌ನ ವಿಶಿಷ್ಟ ಸಂಖ್ಯೆ ನೀಡಲಾಗುತ್ತದೆ. ಎಲ್ಲ ಪ್ರಕ್ರಿಯೆಗಳೂ ಮೊದಲಿನಂತೆಯೇ ಇವೆ.
ಆದರೆ, ಚಿನ್ನಾಭರಣ ತಯಾರಕರು ವಿಶಿಷ್ಟ ಸಂಖ್ಯೆ ನೀಡುವಾಗ ಆ ಆಭರಣ ಎಲ್ಲಿಂದ ಬಂತು, ಯಾರು ಖರೀದಿಸಿದರು, ಅವರ ವಿವರಗಳು, ಅದರ ತೂಕ, ವಿಶೇಷತೆ. ಯಾವಾಗ ಖರೀದಿಯಾಯಿತು ಎಂಬುದೂ ಸೇರಿದಂತೆ ಸವಿವರವಾಗಿ ಪೋರ್ಟಲ್‌ನಲ್ಲಿಅಪ್‌ಡೇಟ್‌ ಮಾಡಿ ಹಾಲ್‌ಮಾರ್ಕ್ ಕೇಂದ್ರಗಳಿಗೆ ಕಳುಹಿಸಿಕೊಡಬೇಕಾಗುತ್ತದೆ.
ಇದೊಂದು ಸಂಕೀರ್ಣ ಪ್ರಕ್ರಿಯೆ. ಹಾಲ್‌ಮಾರ್ಕಿಂಗ್‌ ಮಾಡಬೇಕು. ಆದರೆ, ಯುಐಡಿ ಹೆಸರಿನಲ್ಲಿ ಗುಮಾಸ್ತರನ್ನಾಗಿಸಿದ್ದಾರೆ. ಈ ಪ್ರಕ್ರಿಯೆಗೆ ಐದಾರು ದಿನಗಳು ಬೇಕಾಗುತ್ತವೆ. ಅಷ್ಟೂ ದಿನಗಳ ಅವಧಿಗೆ ನಮ್ಮ ಉತ್ಪನ್ನಗಳು ಮಾರಾಟವಾಗುವುದಿಲ್ಲ. ಇದು ಇಡೀ ಉದ್ಯಮಕ್ಕೆ ಹೊಡೆತ ನೀಡುತ್ತದೆ ಎಂಬುದು ಆಭರಣ ಮಾಲೀಕರ ಅನಿಸಿಕೆ.
