'ಅಯೋಧ್ಯೆ' ಪುಸ್ತಕ ವಿವಾದ ಬೆನ್ನಲ್ಲೇ ಮಾಜಿ ಕೇಂದ್ರ ಸಚಿವ ಸಲ್ಮಾನ್‌ ಖುರ್ಷಿದ್ ಮನೆಗೆ ಬೆಂಕಿ
'ಸನ್‌ರೈಸ್‌ ಓವರ್‌ ಅಯೋಧ್ಯಾ: ನ್ಯಾಷನಲ್‌ಹುಡ್‌ ಇನ್‌ ಅವರ್‌ ಟೈಮ್ಸ್‌' ಎಂಬ ಪುಸ್ತಕವನ್ನು ಇತ್ತೀಚೆಗೆ ಸಲ್ಮಾನ್‌ ಖುರ್ಷಿದ್ ಬಿಡುಗಡೆ ಮಾಡಿದ್ದರು. ಇದು ವಿವಾದ ಹುಟ್ಟುಹಾಕಿತ್ತು.
Admin
0
8
ಹೊಸದಿಲ್ಲಿ: ಮಾಜಿ ಕೇಂದ್ರ ಸಚಿವ ಹಾಗೂ ಕಾಂಗ್ರೆಸ್ ಹಿರಿಯ ನಾಯಕ ಅವರ ನೈನಿತಾಲ್‌ನಲ್ಲಿರುವ ಮನೆಯನ್ನು ಧ್ವಂಸ ಮಾಡಿರುವ ದುಷ್ಕರ್ಮಿಗಳು, ನಿವಾಸಕ್ಕೆ ಬೆಂಕಿ ಹಚ್ಚಿದ್ದಾರೆ.
ಇತ್ತೀಚೆಗೆ ಬಗ್ಗೆ ಬರೆದಿದ್ದ ಸಲ್ಮಾನ್‌ ಖುರ್ಷಿದ್, ಹಿಂದುತ್ವವನ್ನು ತೀವ್ರಗಾಮಿ ಮುಸ್ಲಿ ಮೂಲಭೂತವಾದಿ ಗುಂಪುಗಳೊಂದಿಗೆ ಹೋಲಿಕೆ ಮಾಡಿ ವಿವಾದ ಹುಟ್ಟುಹಾಕಿದ್ದರು.
ಮನೆಗೆ ಬೆಂಕಿ ಹಚ್ಚಿರುವ ವಿಡಿಯೋ, ಫೋಟೋಗಳನ್ನು ಸ್ವತಃ ಸಲ್ಮಾನ್‌ ಖುರ್ಷಿದ್ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದರಲ್ಲಿ ಮನೆಯ ಬಾಗಿಲು ಉರಿಯುತ್ತಿರುವುದು ದೃಶ್ಯಗಳು ಕಾಣಿಸಿದೆ. ಜತೆಗೆ ಸುಟ್ಟು ಕರಕಲಾದ ಬಾಗಿಲಿನ ಚಿತ್ರವೂ ಇದೆ. ಇಬ್ಬರು ವ್ಯಕ್ತಿಗಳು ನೀರು ಹಾಕಿ ಬೆಂಕಿ ಆರಿಸುತ್ತಿರುವ ದೃಶ್ಯಗಳೂ ಸೆರೆಯಾಗಿವೆ.
"ಈ ಘಟನೆಗೆ ಕಾರಣವಾಗಿರುವವರಿಗೆ ಈ ಬಾಗಿಲುಗಳನ್ನು ತೆರೆಯಲು ನಾನು ಆಶಿಸಿದ್ದೇನೆ. ಇದು ಹಿಂದೂ ಧರ್ಮವಾಗಬಾರದು ಎಂದು ನಾನು ಹೇಳುತ್ತಿರುವುದು ಇನ್ನೂ ತಪ್ಪೇ?" ಎಂದು ಅವರು ಪ್ರಶ್ನಿಸಿದ್ದಾರೆ.
ಇತ್ತೀಚೆಗೆ 'ಸನ್‌ರೈಸ್‌ ಓವರ್‌ ಅಯೋಧ್ಯಾ: ನ್ಯಾಷನಲ್‌ಹುಡ್‌ ಇನ್‌ ಅವರ್‌ ಟೈಮ್ಸ್‌' ಎಂಬ ಪುಸ್ತಕವನ್ನು ಬಿಡುಗಡೆ ಮಾಡಿದ ಬಳಿಕ ಸಲ್ಮಾನ್‌ ಖುರ್ಷಿದ್ ವಿವಾದದ ಕೇಂದ್ರವಾಗಿದ್ದರು. "ಋಷಿಗಳು ಮತ್ತು ಸಂತರಿಗೆ ತಿಳಿದಿರುವ ಸನಾತನ ಧರ್ಮ ಮತ್ತು ಶಾಸ್ತ್ರೀಯ ಹಿಂದೂ ಧರ್ಮವನ್ನು ಹಿಂದುತ್ವವಾದಿ ಆವೃತ್ತಿಯಿಂದ ಪಕ್ಕಕ್ಕೆ ತಳ್ಳಲಾಯಿತು; ಇದು ಎಲ್ಲಾ ಮಾನದಂಡಗಳ ಪ್ರಕಾರ ಇತ್ತೀಚಿನ ವರ್ಷಗಳಲ್ಲಿ ಹುಟ್ಟಿಕೊಂಡಿರುವ ಐಸಿಸ್ ಮತ್ತು ಬೊಕೊ ಹರಾಮ್‌ನಂತಹ ಗುಂಪುಗಳ ಜಿಹಾದಿಸ್ಟ್ ಇಸ್ಲಾಂ ಅನ್ನು ಹೋಲುವ ರಾಜಕೀಯ ಆವೃತ್ತಿ," ಎಂಬ ಸಾಲುಗಳು ಈ ಪುಸ್ತಕದಲ್ಲಿದ್ದು, ಇದು ವಿವಾದ ಹುಟ್ಟುಹಾಕಿತ್ತು.
ಇದಕ್ಕೆ ತಿರುಗೇಟು ನೀಡಿದ್ದ ಬಿಜೆಪಿಯು, ಖುರ್ಷಿದ್ ಅವರ ಹೇಳಿಕೆಯು ಹಿಂದೂಗಳ ಭಾವನೆಗಳನ್ನು ಘಾಸಿಗೊಳಿಸಿದೆ ಮತ್ತು ಕಾಂಗ್ರೆಸ್ ಮುಸ್ಲಿಂ ಮತಗಳನ್ನು ಸೆಳೆಯಲು ಕೋಮು ರಾಜಕೀಯವನ್ನು ಆಶ್ರಯಿಸಿದೆ ಎಂದು ದೂರಿತ್ತು.
ತಕ್ಷಣವೇ ಪ್ರತಿಕ್ರಿಯೆ ನೀಡಿದ್ದ, ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ "ಹಿಂದೂ ಧರ್ಮ" ಮತ್ತು "ಹಿಂದುತ್ವ" ಮತ್ತು ಬಿಜೆಪಿ ನಡುವಿನ ವ್ಯತ್ಯಾಸವನ್ನು ತೋರಿಸಲು ಪ್ರಯತ್ನಿಸಿದ್ದರು. ಇದಕ್ಕೆ ಕಟುವಾದ ಟೀಕೆ ಮಾಡಿದ್ದ ಬಿಜೆಪಿ ರಾಹುಲ್ ಗಾಂಧಿ ಮತ್ತು ಅವರ ಪಕ್ಷವು ಹಿಂದೂ ಧರ್ಮದ ಬಗ್ಗೆ "ರೋಗಗ್ರಸ್ಥ ದ್ವೇಷ" ಹೊಂದಿದೆ ಎಂದು ಕಿಡಿಕಾರಿತ್ತು.
ಖುರ್ಷಿದ್ ಹೇಳಿಕೆಗೆ ಹಿರಿಯ ಕಾಂಗ್ರೆಸ್ ನಾಯಕ ಗುಲಾಂ ನಬಿ ಅಜಾದ್‌ ಸೇರಿ ಕಾಂಗ್ರೆಸ್ ಪಕ್ಷದೊಳಗಿನವರಿಂದಲೂ ವಿರೋಧ ವ್ಯಕ್ತವಾಗಿತ್ತು. "ನಾವು ಹಿಂದುತ್ವವನ್ನು ರಾಜಕೀಯ ಸಿದ್ಧಾಂತವಾಗಿ ಒಪ್ಪದಿರಬಹುದು, ಆದರೆ ಅದನ್ನು ಐಸಿಸ್ ಮತ್ತು ಜಿಹಾದಿಸ್ಟ್ ಇಸ್ಲಾಂನೊಂದಿಗೆ ಹೋಲಿಸುವುದು ವಾಸ್ತವಿಕವಾಗಿ ತಪ್ಪು ಮತ್ತು ಉತ್ಪ್ರೇಕ್ಷೆಯಾಗಿದೆ" ಎಂದು ಆಜಾದ್ ಹೇಳಿದ್ದರು.
ಸಲ್ಮಾನ್‌ ಖುರ್ಷಿದ್ ಪುಸ್ತಕದ ವಿರುದ್ಧ ದಿಲ್ಲಿ ಕೇಂದ್ರಿತ ವಕೀಲರೊಬ್ಬರು ದೂರನ್ನೂ ಸಲ್ಲಿಸಿದ್ದಾರೆ.
